OAS Mandé Preval Pou CEP a Ranvwayé Rezilta Eleksyon yo

!

Lindi 20 Desamb 2010, sete dat pou CEP a bay rezilta premye tou a. Sepandan, Oganizasyon Eta Ameriken (OAS) mandé Preval pou'l ranvwayé rezilta yo paské yo ta renmen jete yon kout je sou billten vot yo e fe yon rekontaj an prezans oganizasyon international yo e mamb pati kandida yo Manigat, Martelly, Celestin kom temwen.

OAS pral chita pale avek 3 kandida sa yo pou jwen yon solisyon a pwoblem rezilta sa yo e sitou e avantou jwen yon solisyon ki pou satisfe majorite pep la ki te al voté yo e pou tout lot yo kité vle voté men men biwo vot yon te femen nan figui yo.

Objektif OAS se pa fe yon 2ziem tou anko paske yo konnen ap toujou gen koken, irregilarite ak frod nan jwen saa.
Objektif yo se jwen:
1) Yon fason pou meté de koté Celestin ke Kongress ameriken pa vle e sanble ke pare pou mete yon ambargo sou Ayiti si'l vinn prezidan.

2) Eliminé Martelly gen yon proplem "d'image" ke internasyonal yo pa renmen. Yap chache ofri'l yon pot de soti ki ka pemet li rambousé'l lajan ke li depansé pandan kanpagn li a e bali yo post nan nouvo gouvenman Manigat a.

OAS konnen ke de tout fason, Manigat toujou devan, e memm si gen yon 2 ziem tou, lap toujou devan!!

Memm si ta gen yon 2ziem tou, ap toujou gen tout dezod sa yo ant patizan Martelly e Celestin!! Pwoblem pep la, e Lavalas yo se ke Preval/Celestin pa jamb fe annyen pou yo! Yo pito pran chans ak Matelly si se possib.

An konklisyon, PEP LA VLE YON CHANJMAN e OAS konnen ke sitiyasyon sa kap vinn pi grav dan le fiti e paralize rekonstriksyon peyi a si solisyon ke yo pral ofri a pa an favé pep la!!!

Ti madan nan ap plede tire kod la e deside plonje peyi a nan vie kriz...

http://radiokiskeya.com/spip.php?article7341

Li menm ak Preval, mwen pa konnen kilès ki pi avadra....

Colocolo di: Ti madan nan ap plede tire kod la e deside plonje peyi a nan vie kriz...

Nou pa dako ak wou Colo!! Madam Manigat di ke: Li devan, Devan net"!

Pwoblem irrigilarite ak frod se pwoblem kandida Martelly ki pou regle zafe sa ak kandida Celestin ke li di ki vole vot li yo! Se pa pwoblem pa li! Li selman solider a prinsip demokratik!

Answit, Colo SVP! Sispand avek "Ti madan" saa! Wou pli edike, sosyab e byen elevé pou pa addresse yon personaj konsa saa!
Manman wou va ralé zorey wou pou sa mon fre!

Ki kote Kongrè an di li pa vle CELESTIN an.
Si w al lan niti griti ;yo pa gen pwoblèm ak madan MANIGA,CELESTIN ou MARTELLY.Pa gen youn lan moun sa yo ki se yon menas a enterè yo.
Sa y ap di an ,se pou la galeri.
Nou sonje tout machwè gonfle ki t ap fèt lè PREVAL te ekate FL lan eleksyon 2009 yo?
Menm de moun tankou senatè LUGAR gwo bwa REPIBLIKEN lan SENA a t ap pwoteste;sa k te pase an,e apre?
Se lè de peyi tankou BREZIL ap gonfle ponyèt li ak mesye sa yo ,n a sove anba yo e a kontrenn yon seri de nèg al fè lòt okipasyon ke politik.

Colo

se pa konsa mwen wè desisyon Madan manigat an.Lè li di li pa vle dexyèm tou a twa ni yon lot elektyon kote tout lot kandida yo ka patisipe li konnen byen ke apre sak pase la ti jude ba yon advèsè de pwa ankò tankou Micky.ki donk si 2 eme tou fet a twa genyen napil chans ke moun ki te vote pou baker, Ceant, ak tout lot ti pwa plim yo ka vote pou Micky ,ki donk li pito al nan dezyem tou ak Jude ke li kwè li ka bat pi fasil.Ou ka pa dakò ak rezonmanl lan men mwen wè lojik nan sa li vle ya paske mwen kwè li ap pi fasil pouli si 2meme tou fet legalman pou li bat Jude ke pou li bat Michel Martelly.

Genyen moun ki di Preval genyen 2 kandida se Jude ak Madan Manigat map mande si se pa la verite.map mande si chwa Jude celestin pou represante inite e pou eliminen JEA se pa yon jan pou li te eliminen tout konkiran ki genyen valè kont madan Manigat.an touka pou mwen si 2eme tou fet san frod Myrlande Manigat ka presidan wi paske Preval nan vle tout fware Jude Celestin.sel bagay ki ka anpeche Myrlande manigat genyen se si pep la rete chita sou blok glass li e se moun ki al vote pou lajan yo selman ki patisipe nan elektyon yan nan ka sa Jude ka presidan.mwen pa konnen ant 2 mal sa yo ki les ki mwens.se pou sa mwen pa genyen kandida.

Rozo di: Ou ka pa dakò ak rezonmanl lan men mwen wè lojik nan sa li vle ya paske mwen kwè li ap pi fasil pouli si 2meme tou fet legalman pou li bat Jude ke pou li bat Michel Martelly.

M'dako ak rezonman sa Rozo! Legalman Jude Celestin chaje ak pwoblem!
Li pap kab fonksyone dan legalite paske se 15% selman ke lite gennyen legalman!

Si gen yon 2ziem tou ant Manigat e Celestin, Celestin ap pedi avan memm ke 2ziem tou a komanse!
Paske se pa avek Manigat selman ke kandida 15% sa pra'l frappe konn li, se avek tout lot popilist yo! Wyclef, Martelly, Baker, Ceant, e tout rest kandida yo ki vle CHANJMAN!

Manigat devan e li devan net!!
Pou kisa depanse lajan anko nan yon 2ziem tou e voye pep la alriske vie yo anko le ke nou deja konnen rezilta final la!

Rev

se dernye paragraf teks w la ki banm pwoblem.ou vle vyole konstitutyon an pou ba madan manigat presidans lan.sa pa ka fet siw ap pale de legalite.

Rozo di: Rev
se dernye paragraf teks w la ki banm pwoblem.ou vle vyole konstitutyon an pou ba madan manigat presidans lan.sa pa ka fet siw ap pale de legalite.

Fok seta yon piscine kankou Hotel Montana aa pou Manigat ta jwen pou fe pep la al "revandike" vot yon ke yo vle volo a.
Preval pat gen tout vot ke konstitisyon a te mande a! Donk viole konstitisyon an pa kanpe sou annyen.

Rozo depi ki le te jamb gen deziemm tou prezidansyel nan peyi dayiti?
Madam nan devan! e li devan net!
Fok nou aksepte sa!

bon menm si Preval pat genyen ase vwa pou l te genyen men se sa gwo deisdè yo te deside ke se li genyen ak plis pase 50%+1.ke yo te fè magouy lè saa se yon bagay ki debatab epi tou diferans ki te genyen ant Preval ak Leslie Manigat se pa menm diferans ki genyen ant Madan Manigat ak jude Celestin. ki donk ou pa ka konstitutyonalis yon moman epi yon lot moman lè li an favè w ou vle pyetinen konstitutyon.sa rele demagoji.moun ki san prensip.An 2006 ou te vle dezyem tou jodya ou di pat janm genyen dezyem tou an ayiti.se bagay patizanery saa ki fè pap janm genyen stabilite politik an ayiti se pa ameriken ki fè sa se mantalite nou ki pou chanje.fok nou aprann respekte lwa lakay nou.