sa nou panse de fondasyon Papa Doc?

Haïti-Duvalier-Centenaire

Mobilisation des duvaliéristes pour le centenaire de l’ancien tyran

La Fondation François Duvalier est officiellement créée avec parmi ses membres le fils de Jean-Claude Duvalier, Nicolas ; retour en force des barons de l’ancien régime

Radio Kiskeya, dimanche 15 avril 2007

Le centième anniversaire de la naissance de François Duvalier a été marqué samedi par le lancement officiel de la fondation éponyme qui a permis le retour sous les feux de la rampe des collaborateurs, disciples et héritiers naturels de l’ancien dictateur.

Ils étaient nombreux et visiblement réunifiés dans les locaux de la Fondation François Duvalier à Pacot (centre-est de Port-au-Prince) où un hommage appuyé a été rendu à leur "père spirituel et référence suprême". Véronique Roy, l’actuelle compagne de nationalité française de Jean-Claude Duvalier, a porté la nouvelle institution sur les fonts baptismaux en compagnie du doyen des duvaliéristes, Lamartinière Honorat, 97 ans et du Dr Rony Gilot, leader d’une famille politique en quête de renouvellement.

On reconnaissait également dans l’assistance l’ancien ministre de l’intérieur, Edouard Berrouet, 95 ans, venu en fauteuil roulant, l’ex-colonel Franck Romain, qui fut chef de la police puis maire de Port-au-Prince, l’ancien préfet de la capitale, le Dr Bernardin Rosarion, l’ex-secrétaire particulier de François et Jean-Claude Duvalier, Gérard Prophète, l’ancien chef macoute Milice Midi, l’ancien colonel et commandant de la garde présidentielle, Christophe Dardonpré, l’ex-major Léonce Qualo, l’ancien ambassadeur Max Cavé, l’ex-consul d’Haïti à New York et à Montréal et ancien directeur de l’office national du tourisme, Fritz Day, l’ancien Député de Marigot, St-Voyis Pascal et ses fils Joubert et Georges Pascal et Jean-Marc Saint-Albin de la famille de l’ancien lieutenant-général Saint-Albin.

Parmi les invités d’honneur se trouvaient le sociologue Daniel Supplice du Parti Libéral Haïtien (PLH) et Secrétaire d’Etat à la jeunesse et aux sports sous Jean-Claude Duvalier ainsi que le Dr Turneb Delpé du Parti Nationaliste Démocratique Progressiste Haïtien (PNDPH), résolument engagé sur la voie de la réconciliation nationale dans le cadre de son projet de conférence nationale.

Dans son allocution de circonstance, Lamartinière Honorat dit "Mama Honorat", ancien ministre des Travaux publics sous "Papa Doc", a justifié la création de la fondation en revisitant l’ascension et le parcours politiques du Dr Duvalier. Revendiquant fièrement ses origines duvaliéristes, M. Honorat a rappelé l’appartenance de feu le Président à vie à "l’Ecole des Griots" aux côtés de Lorimer Denis et de Louis Diaquois et l’a placé dans la même lignée que les penseurs Jean-Price Mars et Philippe Thoby Marcelin.

Pour sa part, Edouard "Dadou" Berrouet, interrogé en marge de la cérémonie, a qualifié François Duvalier "d’homme exceptionnel", même s’il est diabolisé par beaucoup. Celui qui se présente comme un "éternel VSN" (Volontaire de la Sécurité Nationale), souligne l’importance historique de la "révolution duvaliériste" qui a permis, dit-il, l’émergence des "classes moyennes".

Véronique Roy a annoncé que la Fondation François Duvalier compte déjà une cinquantaine de membres dont François Nicolas Jean-Claude Duvalier, le fils aîné de l’ancien dictateur "déchouké" en 1986 qui pourrait faire bientôt son retour en Haïti. Le 22 avril, date fétiche des Duvalier, l’on rendra public le chronogramme d’activités de la fondation incluant notamment la création prochaine d’une bibliothèque à Carrefour.

Face aux manifestations de l’amnésie collective et à la démobilisation des forces d’avant-garde de la société civile, les fidèles de l’ancien régime ont pu donner libre cours samedi à leurs efforts de pérennisation de la mémoire d’un homme même s’il est loin le temps où ils avaient monopolisé le pouvoir d’Etat.

Le Dr Rony Gilot, ancien ministre et Député, a signé le même jour son livre "Au gré de la mémoire, François Duvalier le mal-aimé". Des écrits apologétiques et même révisionnistes pour tenter de réhabiliter moralement et politiquement Duvalier.

Né le 14 avril 1907 dans le voisinage du Palais National (siège de la Présidence), François Duvalier devait faire du lieu du pouvoir le symbole de l’une des dictatures les plus sanguinaires de l’histoire d’Haïti. Ce médecin et ethnologue ombrageux a régné sans partage sur le pays de 1957 jusqu’à sa mort en 1971, ne cédant la place qu’à l’héritier du trône, son fils Jean-Claude Duvalier, devenu à 19 ans Président à vie. spp/RK

Men sa mwen panse si Duvalier te mete yon palto Estime sou do l poul te rale estimist yo nan kanl li pa kite yon eritaj diy de rekonesans pou Rony Gilot.Genyen moun ki an tan ke trapeziste an chomaj ki ap toujou vle twouve ekskiz pou Duvalier an pansan ke genyen yon avini anko pou presidans a vi nan peyi ya sou direktyon yon diktatè sovaj san visyon ki tap fè ekilib pou yon pouvwa personel.Se dwa yo pou yo admire byenfetè yo men mwen pa kwè ke duvalierist yo ,menm revisyonist yo genyen yon avni politik an ayiti nan 21 eme syek la.Lavni dira si yo genyen rezon ou si se mwen ki egaré.

Duvalier ta ka kite yon eritaj pou Rony Gilot vre si li pat two renmen pouvwa ;eske yo pa di ke li di anvan li mouri :ki sa mwen fè ak tout pouvwa saa?"E li genyen rezon te pose kestyon saa.Eske li te kite peyi nan yon pi bon eta ke li te jwen li?Eske li te alfabetise pep la vre kom li te vle fè o komansman?Kote emerjans klass moyenn sa pase?ki byen yo fè pou peyi ya ,jodya se medsen kiben ki ap bay pep la swen?se charite nap mande pou nou fè menm elektyon nan peyi ya ,moun aveg nan yon peyi paske yo pa genyen dlo pwop pou yo servi.pitit pep la ap manje biskwit tè;menm manje se enpote nou blije enpote manje.peyi ya tounen yon deser tan nou koupe bwa pou nou fè chabon kote politik enerjetik li te mete sou pye pou te anpeche desert saa ke nou genyen nan men nou jodya?Se pou yo di moun byen ki sa emerjans yon ti gwoup duvalieryst servi peyi ya. Oui Rony Gilot se medsen e anpil lot pitit so yet tou men sa yo itil peyi ya?kote tout milyonè duvalyerist yo pase ,ki sa lajan to te volè yo servi peyi ya?Eske de twa ki te frekante ekol de medsinn jistifye eta lopital jeneral ye jodya apre ke yon medsen okipe pouvwa pandan 30 lane li ak pitit li?

Fok moun sayo konprann yo pa ka blofe moun eternelman: ayisyen ki te egare lè yon moun te ka kole de mo franse se pa menm ayisyen sa yo ki la jodya .Montre nou resilta yo?Se pa vinn di le sesi li sela montre sal te bay nan gad la.

Sans Malice, se nan yon sèl pasaj ke sondaj montre ke wou gen dwa genyen tò, lè wou ekri :

men mwen pa kwè ke duvalierist yo ,menm revisyonist yo genyen yon avni politik an ayiti nan 21 eme syek la.

Wou ta sezi tande ke menm entitisyon ki te fè sondaj nan dènye eleksyon ki te mete presidan Preval ak plis pwen-an, ebyen menm enstitisyon sa-a te fè yon lòt sondaj nan menm epok sa-a. Yo trouve ke se "Jn. Claude Duvalier qui est l'ancient Président le plus regretté durant les 20 dernières années".

Men tankou jan wou di-an, se sèl lavni ki ka tranche verite-ya.

Attention Thunder,

Dans tout sondage, il y a ce qu'on appele les criteres et les modalites du sondage ou on parle de l'echantillon questionne, la ou les question(s) posee(s), la date du sondage, etc.

Le sondage fait sur les anciens presidents n'avait aucun de ses renseignements et a plutot eu l'air d'une tentative de manipulation de l'electorat a la veille des elections de 2006.

Voici d'ailleurs ce qu'en disait Haiti en Marche dans l'article LE MYTHE DUVALIER ET LA RÉALITÉ DICTATORIALE ! en septembre 2005:

[...]Un sondage attribué à la firme Gallup décerne à l'ex-dictateur Jean-Claude Duvalier le titre de « meilleur président d'Haïti » de ces dernières décennies. Celui-ci a exercé un pouvoir sans partage de 1971 à février 1986.

Paraissant en période électorale, nous ne doutons pas qu'il s'agisse d'une quelconque tentative de manipulation de l'électorat. D'autant que le soi-disant sondage, comme tous ceux-là qui paraissaient régulièrement dans des journaux de la capitale pendant la lutte contre le régime Aristide, ne précise pas les critères selon lesquels se sont prononcés les sondés (on peut être le « meilleur gouvernement » dans tel domaine et non dans tel autre, car les besoins d'une société sont multiples, et la société elle-même pour commencer est multiple, ce que ces sondages semblent toujours volontairement ignorer, et pour cause).[...]

Personnellement, je crois que pour des raisons evidentes, les sondages en Haiti ne sont pas possibles sur la meme base scientifique impartiale que dans les pays occidentaux.

E poutan yo te genyen rezon nan rezilta sondaj sou dènye eleksyon yo. Epi ak eksperyans pa'm, mwen twouve ke la plipa de moun nan lari-an toujou genyen yon ti plas nan kè yo pou Jn Claude Duvalier, mwen pa konnen si se akòz kout ba ke yo kontinye ap pran nan men demagòg ak teknokrat oubyen si se bon misye te bon pou yo, men sa mwen di'w lan se yon konstatasyon.

Yeah Right!

menm jan an Almay ,nan ane 46 ,47 te gen moun ki te gen nostalji pou Hitlè.

Lè grangou nan kò yo,yo di ke sou Nazi yo ,yo pa t grangou ;byen ke se nazi yo ki te la kòz peyi an te nan eta li ye nan peryòd sa a.

Moun ki ap pale di ke se pou JCD ,pèp lan gen plis nostalji .

Si ta gen yon eleksyon kounye an,e Aristide ta opoze JCD,kilè ki t AP GENYEN?

THUNDER KOFONN TET LI AK PEYI A .A LA TRAKA PAPA.OU SE NOSTALJIK JCD,AVWEL....PA FE LACH.

mwen pa etone si genyen yon seri de moun mwen de 45 an ki genyen yon ti kote nan kè yo pou Jean Claude ,la plipa nan yo pat konnen sa ki te pase anvan jean Claude Duvalier e yo pa konnen ou byen yo fè komsi yo pa konnen konbyen moun ki te mouri nan prison pase la plipa nan yo ke ayisyen tap mouri Fort Dimanche depi sa pa yo opu byen fanmi pwoch to se bagay ki gade lot moun.Epi tou ke yon moun vle l ke w pa vle l peyi ya vinn pi mal vre.Byen ke se te yon pè nan simityè ki te genyen m,en o mwen kidnaping lan pat jeneralise konsa.wi makout te kon kidnape moun pou rezon politik a swè laka yo ,men ayisyen pa renmen frè ak sè yo ni peyi yo ase pou sa se yon pwoblem pou yo depi yo tap souse yon ti zo.Se sak fè yo toujou di w:" pito nou led nou la."

Anpil nan yo pa konprann ke degradatyon environman ,anpil moun ki ankonbre nan bidonvil Port-au-prince se pa yon fenomenn ki komanse an 1986.Pat genyen preske 9 milyon moun an 71 lè Papa jean Claude te ba li pouvwa.kom eritaj li pase ayiti se te byen Duvalier yo te soti ak li martinique ki donk se yo ki vinn ranplase rwa franse yo.Genyen moun pito yo bouche nen yo men yo bwè dlo menm si li santi nan nen yo.moun sa yo napren anyen pou di yo pase se trip yo beswen ki plen selman.Lè yo blije vinn travay pou yo genyen yon chek pou yap manje ak swe fron yo tandi ke se nan kaban yo bonn te kon pote manke pou yo san yo pap fè anyen ou ka di moun saa Jean Claude pat Pè eternel vre.

Thunder,

Comme je l'ai dit, je ne crois pas au sondage en Haiti, car pour des raisons evidentes, le risque d'une bonne partie de la population soit ignoree existe fortement - le monde rural,60% de la population nationale ainsi que les pauvres des bidonvilles dans les grandes villes (donc l'echantillonage de base risque d'etre biaise) et avec l'histoire de la repression dans le pays, peu de gens sont enclins a donner leur opinion sur des sujets politiques a n'importe qui.

Ceci dit, ce sondage avait un but tres precis dans ce qui se tramait.

1) on essayait toujours de soulever la candidature de Simeus pour lui "creer" de toutes pieces une popularite (ce qui explique aussi que son nom etait de tous les sondages), pour essayer de concurrencer Preval.

2) on essayait de preparer l'opinion publique nationale et internationale a une possibilite de second tour ( pour la fameuse coalition des 9 partis contre Preval et la marche louverturienne de Manigat vers la presidence). Surtout l'international car Haiti n'a pas l'habitude des sondages.

On connait tous la suite!

Piporiko,

Se ta tout dwa'm si mwen ta vle rele : DUVALIER BON PAPA MWEN RENMEN'M, VIV DUVALIER AVI, VIV SIMONE, VIV NICOLAS e latriye...Bon wou menm apa sèl kansik ke wou fredone se Aristide, se pa dwa'w ? Karaktè'm pa pèmèt mwen fè lach, mwen te ka nostaljik vre wi... men malerezman lè JCD pran koudeta, mwen te fèk genyen 7 lane sou tèt mwen.

Ah wi...malerezman, mwen pa't gen tan konnen Ayiti san zenglendo-a, san kinapping-nan, san bisantnè depotwa sa-a, san perèz generalize sa-a chak jou.

Kote tout papilyon Ayiti yo fè ?...tout libelil ke nou te konn mare ak fil yo, la wouze, rivyè fwad ? Ahhhh! mwen pa't genten jwi Ayiti sa-a.

Mwen pa di w li pat konnen lè yo tap kidnape kadav Clement Jumelle nan yon palwa fineb. li pat konen lè Clement barbot tap fizye frè Jumelle yo.li pat konnen lè Duvalier te di ke pep la bali yon lot mandat san ke personn pat vote pou li men non li te nan tout bilten ke moun te vote pou yon depite. nan yon elektyon lejislatif.li pat konnen lè Duvalier te voye militè gad presidantyel al arete rameau estime nan la chanb , li pat konnen sa ki te pase senatè Seraphin ke malgre li te senatè Duvalier fout li nan prizon epi li fizie l.li pat la lè yo te ekspose kadav Yvon laraque kite deja komanse santi nan nen moun nan ang Boulevard jean jacques dessalines ak Delmas.Li pat konnen le gwo francois tap kriye ak vwa nan enen li ya. "Si nou pa disipline mwen ak jacques gracia ap fè bouda nou tounnen passwa.:li pat konnen lè li te kanpe sou chan de mars li tap rele non yon paket jenn ofisye ke li te finn fè fisye yo di anvan li mouri li menm di li fisye neg sa yo pou gremesi.li pat konnen lè yo te pral mennne ti moun leko, primè ki genyen 10 zan al asiste ki jan yap fisye kamoken yo te rele Drouin ak Numa.Yo pat wè ti moun ki tap mouri ak malnutrityon nan morn ayiti. yo pat wè ke se gouvenman menm ki tap fè koupe pye bwa nan epyi ya. yo pat genyen zanmi yo ke yote arete ke yo fisye san rezon.Ki jan ou vle yon moun ki pa konn istwa peyi li genyen yon opinyon jis de sa ki te konn pase.Si se vant li selman ki enmpotan pou li se dwa li poul adore jean claude duvalier personn pa ka kont li .Ou pa ka mande yon house slave poul pa renmen met li.Li ap djakéw fout ou bon jan kout makak gayak si w pale met li mal.li ap koupe zorey ou tankou yo te fè ti brisson anvan yo fizye li.li tap fè pep lapide w tankou yo te fè moun yo lapide jacques Stephen Alexis.li ta koupe tet tou epi li ap mache ak li tankou yo te koupe tet ti Villedrouin epi li kite yon jounalis pran foto ak tet lan menm l poul montre ki jan li mechan.Wi lè yon moun vinn pou ranverse yon gouvenman se na la gè ou vini men menm na la gè genyen konvantyon ki di ou pa fet popu maltrete prisonye de gè yo.Li pat la lè Andre Simon ak Jose borges te ap fisye yon paket gran moun ak ti moun fanm tankou gason nan plenn mapou bo Thiotte.(lol)

genyen de moun ki pran poz se paske te genyen de twa piti so yet ki te rantre nan ekol de medsinn ak akademi militè ki fè yo renmen Duvalier menm si yo o kouran de tou sa li fè ki pa bon .se manti yo konnen depi tou ttan te toujou genyen moun nan klas moyenn lan kite kon ale ekol de medsinn ki jan fè duvalier te fè medsen.ki ajn fè pitit jan dam ansyen jandam tankou Koupet Deslandes Duperval, ak anpil lot anko te ale akademi militè.Genyen yon moun ki di ke si se pa Duvalier anrole pa tap janm depase grad Adjudant nan lame alo ke premye chef Lame tankou Demosthenes calixte ,Jules Andre se ansyen anrole.se pou montre w ke genyen yon seri de moun se iyorans istwa peyi ya ki fè yo pa konnen sa yap di

Fok nou sispann adore met ki tap voye yon ti zo chech ba nou ki ran nou aveg e soud la.Fok depi anp amnje nou ap chante Duvalier papa peyi ya se pou wou gaye bonda w jan w vle menm si li ttap manje kretyen vivan a dwat a gosh.Mwen napren moun ki ap fè m bouche nen m mete yon linet nwa nan je m pou m pa wè sa ke li ap fe ki pa bon. pam fout kritike ke Duvlaier ke asristide ,ke preval ,ke bush tout nwet al, kole fok yo manye respekte dwa tout moun se pa pase yo presidan ki fè yo genyen dwa de vi e de mo sou tout moun nan peyi ya.

genyen yon moun ki te bay yon balg sou floriville hyppolite. yo di lè Florville tap masakre moun nan Port-au-prince te genyen yon krok mo nan simityè kite moun Florvill chak fwa bouret yo vini ak moun yo sot ranmasse nan la ri krok mo di travayè nan simityè lage yo tout nan menm trou ;depise moun ki pa vle wè presidan an yo pa merite viv.;genyen yon bouret ki fek rive ak yon paket jenn ti moun ,genyen yon travyè ki di krok mo :patron fok ou vinn gade kada v sayo. li reponn travayè mwen pa fout di w depi se moun ki ap pale gouvenman mal se lage yo nan yon tou epi lage tè sou yo. travaye ya ensiste li di patron vinn gade ti zanj sayo non ,bon finalman li ale al bo trou lè li gade li wè se yon pitit gason li an brouyet la li rele Anmwe nanpren yon moun ki ka mete yon fren nan masak sa ke Florvill ap fè sou piti moun.(lol).Ayisyen depi se pa san yo ki ap koule ki te mele yo sa depi vant yo plen.

Oubyen petèt rezon-an kapab se :

_ yo panse menm jan ak Sans Malice, se pa fòt Duvalier si li te vinn sadik konsa se te fòt evenman 28 jiyè 1958 yo.
Wou voup pou bourik-lan, wou voup pou sak pay-lan.

_ Lè yo te nan men yon mèt ki te konn maltrete yo, men o mwen ki te konn nouri yo epi y'al tonbe anba yon lòt ki non sèlman pa chanje kondisyon malsite ke y'ap viv, men li mete yo pi mal, menm mayi moulen blanch-lan ke yo te konn jwenn nan men premye tòsyonè-a, yo pa jwenn ankò. (lol)

Sa sèlman ka fè eslkav-lan genyen nostalji premye tòsyonè-a, pye bèf pou pye bèf y'ap pran'l kay pwatik.(lol)

Thunder,
Dabo kite m remèsye e konplimante w pou gwo kalite kreyol ou ekri.

Mwen pa tout tan dako ak sa w ekri. Se nomal.
Men sa w sot di laa lan kestyon sa w pat konnen an Ayiti: Papiyon. madmwazel, bisantnè, etc...

Sa fè m sonje sa mwen te konnen e te konn jwi lè m tap viv lan peyi m.

Se sa ki yon gwo pati de nostalji mwen genyen de peyi m: Rivyè fwad, kenscoff, fusy, laboul.
Lè mon lopital pat ko chov.
Lè moun te konn mache ninpot ki lè san pwoblem.
Lè acachon te prop.

Mwen pat imajine ke gen ayisyen ki pat konn bagay sa yo.

En mem tan mwen reyalize tou ke lan epok pam pat gen tout bagay ou mansyone yo: Zenglendo, kidnaping, fatra, machann tout kote, moun mouri tout tan, tout kote.

Sa vle di ke ayisyen gen plisyè kilti ak pwend vi.
Paske si eksperyans nou tèlman opoze, nou pakapab wè lavi a mem jan.

Se pou sa ke nou dwe kominike e ekplike sa n panse pou nou ka konprann tout moun. Konsa nou ka met ansanm pou fa Ayiti vanse.

kinbe la frè m.

Yon dènye mo sou sijè Divalye a.

Franzwa Divalye dwe se non pi modi ki pou ekri lan istwa Dayiti.

Se nèg saa ki lakoz destriksyon peyi a.

Destriksyon fisyk, sosyal et imen.

Ayisyen anvan divalye pa mem moun ak ayisyen apre divalye.

Milion ayisyen ki pati a koz de divalye ta ka gen yon lot avni, yon lot vi, byen mennen ou mal mennen.

Se pa souvan okenn peyi wè pitit li pati konsa jis yo finn tounen jwif eran.

Si ekzod saa pat fèt, Ayiti pa tap jan l ye a.

thunder

si m swiv rezonman w lan byen pito nou retounen nan esklavaj anko..pase pa genyen diferans ant yon blan ki te konn ap bat nou ak yon martiniken ki kanpe nan palè ya li di mwen ak jacques gracia ap fè bouda nou tounnen paswa.(lol).si te genyen mayi moulen blanch lè te genyen 6 milyon moun se normal koulyè genyen 8 milyon epi nou pa pwodwi anyen anko pase li te ba tout peyisan ki pa te ale bahamas ou byen florida nan kantè ak an dominikani pou yo te sove poul yo an ba li ,yon kostim ble ak yon koko makak pou yo bat pwop frè ak sè yo de fason pou tout moun te pè li.ki sa li te fè pou amelyore agrikilti nan peyi ya; ki sa li te fè pou kontwole nesans nan peyi ya. ki sa li te fè pou twouve lot sous denerji pou moun te bouke koupe bwa pou fè chabon an ayiti ki fè jodya ayiti tounnen yon deser ki pa ka pwodwi mayi moulen anko pou ba 9 milyon ayisyen manje ki fè jodya se biskwit tè kwit ke ayisyen ap manje.Yo di :La fin justifie les moyens "men fen peyi dayiti pa jistifye mal ke Duvalier fè yo se la pwoblem mwen ak li.li te kontante l kenbe yon pouvwa poul enrichi tet li ak akolyli yo kite konn di pito yo led yo la Duvalier gaye bonda w jan w vle peyi ya se pou wou.Yo telman ba li peyi ya poul gaye bonda l jan vle lè li ap mouri li ba pitit li peyi ya ke papa l te soti martinik ak li kom eritaj fanmi yan.(lol)

Wi mwen voup pou bourik la e mwen voup pou sak pay la tou pase yo tou de responsab. Wi mwen kritike militè endisipline ki te o pouvwa sou magloire kite genyen dwa al nan depatman edikatyon natyonal al fè ekri let revokatyon yon Prefet disiplinn nan lyse Petion ki te mete pitit yo an retni epi ki pat respekte manda yon Presidan menm si elektyon an te genyen iregilarite la dann.Jiskaske Duvalier triche nan yon elektyon lejislatif poul te di ke pep la ba li yon lot manda mwen te vle ke li te fini manda li pou peyi ya te genyen stabilite.Diferans mwen menm ak anpil moun mwen se peyi ya ke mwen wè ki pou fè yon pa an anvan pou yo pap plede di se nou ki pov ;se pa pase jodya map souse yon ti zo epi pou m mete yon gwo linet nwa na je m nan fè nwa.ou byen pou m bouche nen m pou m bwè yo dlo santi.

Yon moun met kritike Francois Duvalier jan w vle men fok ou rann li omaj pou entelijans li.Duvalier se yonn nan moun ki te konn peyi ya byen.Li eksplwate iyorans ayisyen poul te soiti nan dech nwa ke yon moun di li te ye anvan li te Presidan.

Duvalier konnen ayisyen pa pale ni konprann franse; lè li te vle pran yon lot manda li fè ekri en franse sou tout bilten ke moun ta pral lage pou eli depite nan yon elektyon legislatif non li an ba biletin ak yon fraz an franse ki di ke pep la ba li yon lot manda.li te konnen ke majorite ayisyen pa konn li ni ekri franse.Se konsa ke w te vote pou X ou byen Y ou vote pou ba ti doctè ya yon lot manda.Se konsa li eksplwate iyorans pep la.

Se bagay sa yo ki fè ou tande manb oligarchi ya pa vle tande pou yo aprann moun pale kreyol ni pou teks lwa peyi ya ekri nan lang ke pep la pale paske sa a koz de franse ke se yo sel ki pale li se sa ki fè yo ka eksplwate iyorans pep la pi byen.E se sa ki eksplike tou aprè 2 syek dendepandans majorite ayisyen toujou pa ka konprann yon senp let ou byen yon senp deklaratyon ofisyel ki paret nan Monitè e ou met tande yap fè demagoji kanta bon lekol ki pou ba pep la bon fomatyon poul ka itil tet li san li pa beswen al fè yo eksplwate l ou pap janm wè sa fet vre paske tou tan yo mentni pep la nan iyorans se tou tan privilej yo asire.Yo pap ka mande yon moun ki enstwi poul li travay epi li pa ka manje.Yo pa ka dil ke yon konstitutyon ki fè tout lajan leta pase nan peye birokrat san ke pa genyen anyen ki rete pou ba pep la servis pa ka yon bon konstitutyon.Yo ap toujou ba li manti di ke treso piblik an bonn sante tandis ke se mande yap mande pou yo fè elektyyon ,se komsi ou ta dim yon moun ki te tiberkile epi li vinn genyen yon pnemoni ou di li en bonn sante.

Se bagay sa ki fè ou tande genyen yon paket moun ap rann omaj a Doktè Duvalier pase se vre li te entelijan ,men entelijans li ya pat servi peyi ya, paske li te kitel pi mal pase jan li te twouve l.Li servi ak entelijans li pou l te vinn Milyonè ak tout fanmi li e ak tout akolyt li yo ,men eske sa te chanje kondityon ti moun ki te ap mouri ak malnitrityon yo, eske to analfabet la te desann. eske peyi ya te devlope?eske dwa moun te respekte ,eske press la te lib . Si yon moun ki ap defann Duvalier ka reponn kestyon sa yo ak onèteté e entelijans e byen mwen ka konprann rezon ki fè yonn nan yo te di ke Duvalier se yon geant nan istwa peyi dayiti.Se pa pase lite konn kraponnen ayisyen di li ak jacques Gracia ap fè bouda nou tounnen paswa ki fè tout ayisyen te leve kouri ki fè li se yon geant ,montre sa li te fè pou amelyiore la vi majorite nationale la, Lè saa ma dako ak nou.Pa vinn di moun ki pa konnen kese Duvalier kite bati Peligre ,se pa Duvalier ki te bati Peligre se li ke te fini mete generatè yo paske Paul magloire pat gen tan fini li. men se Paul magloire ki te bati peligre.

Lè DUVALIER te la peyi-a te a pe prè oganize, LETA te respekte.

Avèk demokrasi pèpè-a ke gouvènman no ameriken pote ban nou an, peyi ya dezoganize, leta pa respekte.

De 1957 à 1971 rejim Duvalier a te fè pizyè santèn de viktim direk, ak endirèk.

De 1986 a jodiya, demokrasi pèpè gouvènman no ameriken pote ban nou an fè plizyè santèn de milye viktim direèk ak endirèk.


Rejim sadam nan an irak te fè plizyè milye de viktim dirèk ak endirèk.

Demokrasi pèpè gouvènman no ameriken pote an 2003 -a, fè plizyè satèn de milye de viktim dirèk ak endirèk.

Se menm demokrasi sa yo gouvènman no ameriken vle pote au venezwela, iran, kiba, patou, patou kote yo ka rive.

Pwovèb la di pitom lèd m-la.

Julien,

Pa vin fè sòt ak moun ki te wè sa k te gen anvan Divalye e sa k te vin genyen apre l te pran pouvwa a.

Te gen la pè sou Divalye ,men se la pè simityè.
Gen moun ki di sou Divalyè ,ou pa ta janm gen sa ki gen nan katyè popilè yo.
Se vre wi,Divalye ta p voye makout li yo nan site an e touye tout moun ki pa konfòme yo.
E pa vin di ke administrasyon lavalas yo touye moun,se noumenm GNBis yo,ki kòz ke tout moun sa yo mouri anvan e apre gouvènman Aristide lan tonbe.

90% sa k rive se noumenm ki responsab yo.
Destabilizasyon ,se yon pant li ye.Lè w kòmanse pouse machin sa a sou pant la,fò k ou rive yon lè ke li trè trè difisil pou rete l.

Julien,pale ,de sa w konnen!

Joél, mwen pa GNBIS, ou pa konnenm ou di sa ou vle, mwen deja diskite plizyè fwa ak ou deja nan plizyè lot forom.

Avan 2004 mwen menm avè w' san malis ak plizyè lot entènot nou te gen menm pozisyon, nou tout nou te kont GNBIS, alepok te gen Jean erick René ki te gwo GNBIS ak lot anko.

Mwen fè sèlamn yon konstatasyon e se sa majorite ayisyen konsatate, depi 1986 leta pa ekziste nan peti sa-a, se debandad total. mwen pa di sa pou reabilite Divalye, okontrè.

Nou konstate gen plizyè peyi ki gen yon seri de rejim ki pa janti ak pèp yo, men peyi sa yo mache, peyi sa yo sou chemen devlopman. Rejim an Arabisaodit la se pa yon rejim ki janti, men lavi pa anmè kou fyèl an arabisaodit, se parèy pou lejip, se parèy pou la libi, marok, tinizi.

Lè demorasi no ameriken an rive nan peyi sa yo se pral tèt chaje, se pral vant kode, se ap pi ke lirak.

Demokrasi pa konjenital, se yon lekol lavi, se aprann yo aprann sa. se vre gen moun ki aprann pi vit, gen lot ki pran plis tan pou aprann, men tou, sa depan de metod nou anplwaye pou fè lekol demokrasi ya, lekol lavi, pou lavi.

bric-à-brac fevriye 1986 yo, pa pote anyen pou ayiti. Nou di souvan wi gen libète, moun di sa yo vle an ayiti depi 1986, mwen di se manti, si gen yon libete pawol an ayiti se libète pou fè touye w'. Lide kontrè pa ekziste an ayiti, si wap diskite ak yon nèg gwo lajounen li fè sanblan respekte lide kontrè w' la, aswè li vin cheche konn ki kote ou ye poul touye w'.

Mwen pou ke nou rekomanse a zewo, remete tou apla. 20% demokrasi, 80% diktati; envestisman total nan edikasyon, chak ane nou fè evalyasyon, si oke nou lache enpe demokrasi, tikal pa tikal, jskaske nou rive nan 70; 80% demokrasi peyi devlope yo.

Joel detronpe w' mwen pa sa ou panse ya. lavi two kout, pou ke depi 86 , sa fè 21 ane preske yon ka syèk, se yon generasyon ki preske pèdi, si sa rete janl ye ya, 21 zan anko nap pi mal ke jan nou ye la.

Rekonèt nou pa ko prè pou demokrasi yap pale ya, si pa gen lekol pa ka gen demokrasi, si lekol pa obligatwa e gratis pa ka gen demokrasi.

donk si nou vle vre rive nan demokrasi, komanse pa edike moun yo, kreye lekol mete edikatè nan chak katye, nan tout kat kwen peyi ya pou aprann moun yo demokrasi, respè, dwa ak devwa, libète gen limit, renmen peyi, wap wè na rive.

Julien

Sepou fè koze mache ki fè wap ekri radot sa yo nan mache se radot. Sa w rele peyi organize ya.Yon peyi kote yap boule jounal oposityon.kote yon paket delenkan ap touye moun lè yo vle jan yo vle san ke yo pa genyen oken kont pou yo rann devan la jistis,kote ti moun ap mouri ak malnitrityoon epi yon presidan ap voye sere lajan li lan bank etranje ,kote makout al prete lajan la bank epi yo pa janm remet li nanpren moun ki ka mande yo de ki prevyen . kote Presidan li menm ap voye domestik li al di Antonio Andre nan bank santral peyi pou l bali lajan peyi ya pou revolution an ;kote la press pa lib. depi w pa di Duvalier papa peyi ya se pou wou gaye bonda w jan vle se an ba tè ou anbake se sa w rele yon peyi organize ya?

konparezon ou fè ant sa ki ap pase an irak ak sa ki ap pase an ayiti pa kanpe sou anyen.Wi si se vre ke se patisan ko elit suni ak patisan Sadham yo ki ap touye shite yo pou sa ke yo kwè ki yon trayison ak lajan lwil la.,an ayiti se nou menm ki ap destabilise peyi ya sou preteks nap konbat diktatè nan yon epok nou pale nan radio alez ,nou fè Marche vertières san ke yon ti branch cheve nan tet nou pa rache.Mwen ta di Rhebu al fè yon bagay konsa ni sou papa ni sou rey pitit li li ta mande m si m fou.

Te genyen kidnaping sou Duvalier tou ,men lè saa se gouvenman an ki te konn fè l.Lè yo touye Riobe nan leogane pou yo te ka pran byen li se te yon kidnaping tou. lè Lemoine tal mete drapo ble e rouj nan O kap poul te ka touye moun ki genyen ti lajan pou l te pran byen yo ki la koz ki fè Duvalier fizye l ni li ni Madiou ni remy se te yon fom de kidnaping tou. Lè yo te arrete Joe gaetjens pou yo te ka pran fanm li se te yon kidnaping tou.Lè yo te kidnape kadav Clement Jumelle se te yon kidnaping tou;e mwen te ka site w milye ka konsa.

Le Frè baptiste yo te ap fè geriya nan zonn Thiotte la yo pase ka kek abitan ki te konn al vann kafe lakay yo. yo peye pou yo achte kek poul pou yo manje epi apre sa Jose Borges ak Simon mete tout abitan sa yo ak tout fanm yo manman yo papa yo pitit yo nan yon kamion epi li fisye yo,Menm yon yo te menen nan kasern Saltrou ak de pitit fi li lè yap kestyon e li yon makout te vle foure yon ponya nan dèyè li se yon ofisye kouzen yon ansyen zanmi mwen ki te kanpe bo kote m ki di pa fè sa . anvan yo touye nonm lan,lè menm Jose Borges te di an nou lage 2 ti fi yo ,ti moun yo te gen tan pran wout pou yo tounnen lakay yo epi Simon di:" nou pa konn Duvalier se mwen ki konnen li" li voye al arete 2 ti moun epi yo fisye yo ansanb ak papa yo se sa ou rele yon peyi organize ya.Lè detrousè kadav yo te siggere Duvalier pou yo fè pep la kraze kay e touye milat jeremie se sa ou rele peyi organize.Ti ason fout bouda w nan yon kwen sou yon ti chez ba pou kite moun ki te la di w sa ki te pase tande.

Pase nou pa nan job anko , pase se pa nou ki o pouvwa epi nap fè konplo ak oligashi mal pou wont pou nou destabilize peyi ya se sak fè ou prefere ke peyi ya te rete ak menm diktatè retrograd yo.Kom mwen te di w deja lè esklavaj koloni st Domeng lan te genyen yon stabilite tou , li te prospè tou eske se pou Toussaint ak dessalines te mete ko yo nan yon kwen kite blan ap bat ,vyole fanm nwa yo; pann neg ki pa vle rete esklav anko.Mwen kont tout diktatè ki pran poz se pou yon klass moun yap fè exaktyon epi se pou yo ka rich ,ke l rele Aristide ou byen Duvalier.Fok nou bouke bouche nen nou pou nou bwè yo dlo santi.

San malis, mwen site yon pakèt peyi ke se diktatè kap dirije yo, an arabisaodit, yo koupe menw' si w' volè yon ze, yo lapide fanm adiltè. kadafi se pa yon nonm ki janti, malgre se diktat,i peyi sa yo mache 1 milyon fwa ke ayiti. rejim kastwo a se pa yon rejim ki dous non plus, men sa pa anpeche se kiba kap fè nou zèv ak medsen li yo.

Sou divalye se vre bagay yo pat dous, men li te pi anmè pou moun ki te opozan, pou moun ki te vle pran pouvwa-a nan menl. yo te vle pran pouvwa se pat pou yo te al fè mye, men yo te vle jis plas la.

Depi 11 sektanm 2001 Etazini tou se pa yon demokrasi, adres e-mail siveye, tout moun sou ekout telefonik, tout moun ap viv nan kè sote, mwa pase ya mwen aple yon zanmi lontan mwen etazini, mwen komanse pale, mwen sèlman nonmen non Mr JOJ BOUCH, li di souple papa pa vin fè yo pranm la non.

Arete dyabolize divalye, ki te gen anfas li yon seri de opozan ki pa diferan ak opozan 2003 yo. Yon opozan ki sabote pelig, kisa limerite?
yon opozan ki boule biwo leta kisa yo merite?

Enben sanmalis, 90% opozan divalye yo se te menm opozan nou te genyen an 2003 yo. se pa sen yo ye, vladimi janty se te yon opozan divalye, Ibè deronsere se te yon opozan divalye, Liliane Pierre paul te pran prizon sou divalye, radio metropole te fèmen sou divalye, ki jan ou wè moun sa yo mwen site la? repons lan nan men w'

di sa ou vle pitom lèd mwen la.

Joel ekri :

E pa vin di ke administrasyon lavalas yo touye moun,se noumenm GNBis yo,ki kòz ke tout moun sa yo mouri anvan e apre gouvènman Aristide lan tonbe.

Mezanmi, mwen konnen ke Mouvman GNB-an fè anpil nèg pèdi bout bannann yo ak pouvwa yo. Men, deklare ke se viktim diktati sanginè lavalas yo ankò ki lakòz ke yo mouri...sa-a mwen paka jwenn kalifikatif pou li.

Lè Lavalas te komanse manje moun depi an 1991, kote GNB te ye ? Se pa sou GNB ke lavalas mete men yo nan san. si'w vle m'ap rafrechi memwa'w ak kèk fè.

_ Sylvio Claude
_ Jacques Florival, Antoine Leroy, Max Mayard.
_ Nan dat 6 mas 1996 nan Site Solèy 15 moun mouri nan lagè ant chimè lavalas ak lapolis. Nan mwa Avril nan menm ane sa-a, chimè lavalas ekzekite plis pase 22 moun "yo di" ki te twò pwoch kèk polisye.
_ nan lane 1998 Chimè lavalas ekzekite enspektè polis Berthony Bazil paske yo akize kòm moun k'ap travay kont enterè lavalas, polisyè Marie Christine Jeune.
_ Jean Dominique, Louissaint, Brignol Lindor, e latriye...

Yon lòt bagay, Joel, si mwen byen konprann lojik ou wa, wou ta dwe padone tout makout ak militè ki te konn tòtire ak manje moun, paske depi yon moun p'at enmètde pouvwa Duvalier wou p'at genyen pwoblèm non.

Kòman fè wou toujou ap denonse zak makout fè kont opozan Duvalier, men wou toujou rann opozan lavalas yo responsab pwòp malè yo

Thunder,

Ki prèv ou genyen pou w' di ke se lavals ki touye Silvyo klod?
Ki prèv ou genyen pou w' se lavals ki touye lis moun sa yo ou bay la?

Voye wap voye monte, ou te fè yon ankèt? si ou gen rezilta ankèt la pibliyel ', prèv materyè wi papa, pa vin ak yo di non.

Lè madan mirèy diwoche bèten te mouri, yo di se te lavals wi ki te touye l' se FBI ki te al ankete ki sa yo te jwenn? anyen arete voye monte, arete di yo di, kite ankèt yo ale kote yo dwe ale.

Sèl bagay mwen swete ke yo mete nan lalwa an an ayiti, se pou pa gen preskripsyon pou krim. 20 tan 50 tan pou ke yon jou gen limyè ki fèt sou tout krim ki fèt an ayiti.

Un savant et humaniste senegalais Cheikh Anta Diop a dit " Les intellectuels doivent etudier le passe non pour s'y complain mais pour y puiser des lecons ou s'en ecarter en connaissance de cause". C'est vrai que Francois Duvalier craignais tant pour sa vie qu'il n'hesita pas a recourir a la force et une repression terrifiante pour garder son pouvoir mais il avait un ideal social, une ideologie dont l'essence visait la promotion de la classe negligee. Le bon medcin de jadis qui prit fait et cause pour son peuple, il ne laissa rien au hasard pour etouffer toute resistance et semer la terreur chez l'opposition certes mais il prit soin de ses partisans, les besoins primaires de la population etait satisfaits tel n'est pas le cas 21 ans plus tard. Qu'on le veuille ou non on ne peut parler de l'histoire D'haiti sans les Duvaliers.