Techniques nucléaires pour le développement d'Haiti?

Sanmalis,

Men sa w te konn ap pale epi moun pa t kwè se posib.
Ebyen ondire ou se yon profèt.

Mwen pa konnen kijan yo pral fè e ak ki konesans, men si AIEA reponn e ap kolabore, li sanble se yon bagay serye.

Ti peyi saa gen anpil sipriz.

Mon chè mwen pa profet men se yon teknoloji ki ka rezoud anpil pwoblem an ayiti.Lotrejou map gade konbyen kamyon ak otomobil ki nan la ri Port-au-Prince. map mande ki efè tout machinn sayo ki ap pwodwi Co2 nan peyi ya ki efè genyen sou anvironman an.Men tou map mande konbyen gasolinn ki ap boule pou transpor e kabiran ki ap boule pou pwodwi elektrisite eske li pa ta fè plis sans pou genyen 2 ou 3 santral elektrik nikleyè nan zilè ya.konsa nou ta genyen tranmway elektrik nan vil nou yo.

map gade ki jan konpayi elektrik florida yo ap ogmante kapasite an previsyon ogmantatyon popilatyon an ;men se isinn elektrik nikleye ke yap bati.si m pa twonpe genyen preske yon douzenn isin elektrik nikleyè ki ap bati a traver eta zuni ,mwen tap tande yon nouvel ki di preske 90 % de elektrisite an frans pwodwi pa enerji nikleyè.Mwen pa janm travay nan yon santral nikleyè men mwen visite yonn lè mwen te lekol e yo eksplike m ki jan elektrisite ya pwodwi mwen pa kwè se yon bagay ke ayisyen pa ka jere.

A swè ya nan nouvel mwen sot tande ke google pral rantre nan pwodwi enerji soley ,enerji eolienn;kote tout teknokrat ki toujou pré pou di lot ayisyen se moun sot ki sa yo pwodwi menm ,se pa plede pale de kantamwa nou se pou nou montre sa nou pwodwi ak diplom yo.Se bagay saa ki fè mwen di nanpren devlopman ki ka fet nan yon peyi si pa genyen lajan nan bidjè ki reserve pou fè recherch.Ki jan nou pral devlope peyi saa poul ba 15 milyon moun manje ak servis yo beswen si nou pa pwodwi anyen.si tout lajan peyi ya pase pou peye Presidan ,Premye Minis, Senatè ,depite , minis sesi minis sela anbasadè pa si ,anbasadè pa la. konsil a dwat a goch.

Si koulyè ya nou pa ka pwodwi ase manje pou nou nouri pep la ki jan nan 20 an nou pral fè pou nou nouri tout moun sayo si depi koulyè ya nou pa chache pou nou pwodwi plis enerji pou abitan bouke koupe pye bwa nan peyi ya.

bagay saa enkyetan anpil,mwen ka pa la ankò pou m wè kalite misè saa ki menase ayisyen.men an verite si ayisyen chita ap fè vye politik radot e byen nap perdi peyi ya paske si bagay yo pa chanje nan 20 lane anko moun pap ka viv nan peyi ya.Fok nou pa bliye se avan yè la jean Claude Duvalier te kite peyi men sa gentan geyen 21 lane 'Alò chita ap ranse ,pale franseuu ;fè diskou lè na gade nan mont nou nap wè li twò ta.

A swè ya se ak la penn ke map li ke Presidan venezuelyen vle ba nou 10 lopital modern epi gouvenman an pa ka pwodwi plan pou projè ya.Men bagay saa ensipotab,indiyan ; si pa genyen moun anko an ayiti ki pou travay nan ministè pou prepare projè sa yo e byen ke gouvènman mete ofre danplwa sou internet la pou nou ka atire moun ki ka fè travay yo,Epi se pou presidan Chavez pale ak Preval serye si li vle ede pep ayisyen si ayiti beswen teknisyen se pou li rekrite yo lot kote.Yon paket birokrat initil paka ap plede touche chak mwa epi yo pa ka fè travay yo.nanpren oken konpayi ki peye moun ki pa ka ranpli fonktyon ke yap touche ;konsansus la pa rive jis ke la pou tolere yon paket enkonpetan nan ministè paske se lot pati ki mete yo la.depi yon minis ou byen yon direktè jeneral pa ka fè travay li se revoke li.

Moun fout bouke ak vye rans politik saa.se yon sel bagay ou tande ki ap regle nan peyi dayiti se zafè elektyon,eske se pa yon wont sa ye pou menm sa yo ba nou nou pa ka resevwa yo paske nou pa ka jere lajan yo.Wi nou vle stabilite politik se vre men nou pa beswen gouvenman mazet non pli ki pa ka fè anyen pou soulaje misè pep la.

se sa ke mwen toujou di ; ed internatyonal la se yon ipokrisi paske nou konnen byen ke yo te met ba yon peyi tout lor ki genyen nan Fort Knox si pa genyen teknisyen ak enjenyè ki pou bati bon jan moyen pwodiktyon e byen se lave men siye a tè ;si yo vle ede peyi sou devlope yo vre se bon jan konesans ki pou permet yo pwodwi sa yo beswen ki pou ede yo.prete lajan pou politisyen volè voye sere lajan a letranje pap janm soulaje misè majorite moun sou la tè ki ap soufri grangou ak tout vye maladi.