Forum Haiti : Des Idées et des Débats sur l'Avenir d'Haiti


Rejoignez le forum, c’est rapide et facile

Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Vous souhaitez réagir à ce message ? Créez un compte en quelques clics ou connectez-vous pour continuer.
Le deal à ne pas rater :
Coffret dresseur d’élite ETB Pokémon EV06 Mascarade Crépusculaire
56.90 €
Voir le deal

La place d'Haïti dans le monde

4 participants

Aller en bas

La place d'Haïti dans le monde Empty La place d'Haïti dans le monde

Message  VizyonPouAyiti Mar 13 Oct 2009 - 16:54

D'après l'état du monde de 2003, 226 pays se partagent les territoires de la Terre. L'émergence des nouvelles technologies et la multiplication des organisations supranationales nous a entre autres propulsé dans une nouvelle ère marquée par la mondialisation et l'interconnexion des peuples. Le monde est devenu désormais un monde d'échanges que ce soit dans les domaines économique, artistique, scientifique, technologique et idéologique.
Cependant, les sphères d'influence des pays sont très loin d'être sur un pied d'égalité. Ainsi, certains pays influencent et plusieurs autres se font influencer. Certains pays sont de grands acteurs et beaucoup d'autres, des spectateurs dans ce monde.

Aujourd'hui, force est de constater qu'Haïti offre très peu au monde. Et si aujourd'hui, l'on devait nous demander ce que perdrait le monde si Haïti devait disparaître, notre réponse serait malheureusement très mitigée : nous pourrions parler de l'héritage que nous avons légué au monde par notre victoire contre la société esclavagiste du 17è siècle, nous pourrions mettre de l'avant la richesse de notre littérature d'antan que certains continuent de faire rayonner etc... Mais nous devons nous rendre à l'évidence que ceci est trop peu pour que nous en soyons satisfaits : trop peu parce que chacun d'entre nous, nous sentons le potentiel extraordinaire qui existe en l'homme haïtien, nous connaissons l'énorme contribution qu'Haïti pourrait offrir au monde dans tant de domaines.

Dans le présent débat, j'invite tous les participants à se prononcer sur ce potentiel qu'ils croient exister en l'Haïtien, à expliquer leur vision pour Haïti dans l'optique mondial, à dire ce qui selon eux devrait être vu comme la force d'Haïti dans tous les pays du monde. Nous ne sommes pas là pour débattre des moyens de les mettre en oeuvre mais uniquement pour expliquer nos rêves pour Haïti.

Tout un chacun, vous êtes invité à dépasser vos différends et de mettre de l'avant votre idéal pour cette Haïti que nous partageons tous et à laquelle nous appartenons tous.



N.B. : Je viendrai bientôt avec mes idées.


Dernière édition par VizyonPouAyiti le Mer 14 Oct 2009 - 12:26, édité 1 fois

VizyonPouAyiti
Junior

Masculin
Nombre de messages : 24
Localisation : Haiti
Loisirs : Discussions constructives
Date d'inscription : 26/09/2009

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  Marc H Mar 13 Oct 2009 - 23:08

Visyonpou ayiti a écrit :
Dans le présent débat, j'invite tous les participants à se prononcer sur ce potentiel qu'ils croient exister en l'Haïtien, à expliquer leur vision pour Haïti dans l'optique mondial, à dire ce qui selon eux devrait être vu comme la force d'Haïti dans tous les pays du monde. Nous ne sommes pas là pour débattre des moyens de les mettre en oeuvre mais uniquement pour expliquer nos rêves pour Haïti.


Je vous remercie pour votre intervention et je crois que vous posez la une question complexe. Peut-on parler du potentiel haitien quand on a un pays qui ne marche pas? Peut-on parler du potentiel haitien quand depuis l'indépendance et plus près de nous depuis 1986, l'analphabetisme est pratiquement entretenu, la corruption et l'intimidation sont érigées quasiment en système? Peut-on parler du potentiel haitien? Malgré le sombre tableau que je viens de décrire, il ne fait aucun doute que l'haitien a du potentiel . Mais comment faire sortir ce potentiel haitien!

Enfin bref, le potentiel haitien serait-il individuel que collectif ?

A suivre!
Marc H
Marc H
Super Star
Super Star

Masculin
Nombre de messages : 10031
Localisation : Quebec
Opinion politique : Démocrate
Loisirs : soccer
Date d'inscription : 28/08/2006

Feuille de personnage
Jeu de rôle: Le voyeur

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  VizyonPouAyiti Mer 14 Oct 2009 - 12:19

Marc, nous sommes tous là à opiner à travers le forum sur les actes posés par les décideurs politiques, sociaux et économiques d'Haïti. Mais, il faut cesser avec cette pratique de mettre la charrue avant les boeufs. Avant de savoir quoi faire, il est important de savoir où nous voulons aller. Quelle Haïti désirons-nous? C'est de cette vision que nous pouvons déduire les actes que nous devons poser en tant que société.

En ce qui me concerne, je sais que l'Haïtien a énormément de créativité et d'ingéniosité. Et je crois en une Haïti qui met de l'avant cette grande force.
Par là, je veux dire une Haïti qui est un véritable bouillon culturel d'où surgissent continuellement de nouvelles oeuvres et de nouveaux styles que ce soit en littérature, en cinéma, en musique, en arts visuels, en design vestimentaire et architectural etc...
Par là, je veux aussi dire une Haïti où des gens ingénieux utilisent leur capacité d'innovation et leur audace pour inventer des procédés, des machines, des outils, des objets les uns plus utiles que les autres.
Par là, je veux enfin dire une Haïti où des penseurs et des scientifiques développent des idéologies et des philosophies permettant une meilleure cohabitation des hommes dans la société, des théories scientifiques permettant de mieux expliquer les phénomènes naturels observés etc...
Je vois en Haïti justement ce laboratoire d'arts, de génie, de sciences et de philosophie rayonnant dans le monde de par une capacité inouïe d'invention et de réinvention.

Ceci est ma vision pour Haïti et elle reflète ce que je sais que les Haïtiens ont à offrir à ce monde. J'ai tant de fois vu des gens faire tant avec si peu dans mon pays que je suis convaincu de l'existence de ce potentiel.

Qu'en pensez-vous? Oui, ceci peut paraïtre utopique, oui ceci peut paraïtre rêveur, mais n'est-il pas préférable de choisir une destination puis de chercher le meilleur chemin y menant que de prendre un chemin aveuglément pour découvrir au fur et à mesure où il nous mène. Alors discutons!

VizyonPouAyiti
Junior

Masculin
Nombre de messages : 24
Localisation : Haiti
Loisirs : Discussions constructives
Date d'inscription : 26/09/2009

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  dilibon Jeu 15 Oct 2009 - 9:38

Mond nan se youn anvironman ki chaje ak plas men se pa plas ki garanti paske ou achte tike w epi ou genyen youn nimewo epi plas ou ap rete tann ou. Gende peyi ki ta renmen layite ko yo pwna menm 500 plas pou yo selman, pendan genyen ki ap plede goumen devna pa pot la pou yo ka rantre, genyen ki rantre ki pa jwenn plas ki kanpe nan tout koulwa, men genyen lot ki pa deside goumen pou plas, refize pwan lign, ki senti ek yo ap genyenh kouraj ak okenn chans rantre sou senn mondyal ki jis chita sou kote ap bay blag, ranse, jwe poker, pendan yap tann lot peyi ki andedan pou yo voye kek chewing gum yo finn souse nan fenet la pou yo ranmase pou sove lavi yo. Ayiti pa selman pa andedan mond nan, li ap nan lign, li pa kwe ke li genyen plas nan mond nan. Mwen pense si yo ta sote lign nan, fe kek gro peyi avanse ba li youn plas, lap soti deyo a kan menm kote li gentan konfotab nan manje res moun ki andedan kap fe konpetisyon antre yo. Jwet konpetisyon fe li pe, Ayiti gentan konplesan, alez tankou Met Blez, konfotab nan pozisyon kote li ye deyo kom peyi ki pi pov nan emisfe'a. Okontre lap cheche pou yo ta di ki pi pov nan mond nan le sa lajan asistans nan pa plis!

Le dominiken yo te signen kontra ak konpayi Ford la ktope yo te dako pou yo pase 25 kan kote se otomobil Ford selman pou yo te achte an kontrepati yo te rive jwenn konstriksyon anpil gran wout lakay yo. Dominiken yo jiska prezan konnen ke te lakay yo pa ka deplase, pesonn ni okenn konapyi pa ka vinn vole te yo nan men yo. Men yo konprnan kom ti peyi pou yo deplase, pou rive sou senn mondyal la ofk yo dako fe sakrifis, fok yo dako ouve peyi a pou bay avantaj epi we koman yo ka tire avantaj pou pep yo. Menm le kontra ak FOrd la fini, yo arannje yo pou kontinye non selman mentni sa yo genyen men ameliore strikti a plsi toujou.

Dominiken an konprann ke mond nan tap chanje, yo konprann ke neg ki laji janm yo pou pa kite ti peyi chita ou rantre nan mond nan beswen moun ki kanpe yo ou ki deyo a, se strateji ki pral fe diferans nan. Yo mize sou kilti lakay yo, yo bay konsesyon devan deye pendan yo ap veye sou koman pou yo tire avantaj nan jwet la. Yop ka bay youn gwo konpayi 30 karo te ak avantaj fiskal pou vinn kanpe youn resort touristik nan youn zonn elwaye men anpil dominiken jwenn travay nan zonn nan, rout ak fasilite pou atire touris yo ap tou chanje zonn nan net, moun yo ap peye taks e touris ki ap rantre pa resort la ap genyen pou peye taks ak anpil tips.

Jodya se opri de gran sakrifis ke dominiken yo bati metro, wout tren anba te, anle, gwo pon ak paket tunnel. Gendele se wout andeyo yo neglije, se anvlop sosyal la yo koupe men yo konnen ki pri sakrifis la e kisa sa ap pote pou jenerasyon kap vini. RD pa le syel li chaje pwoblem men li gentan ap pouse kek lot gro potantan nan mond pou yo ta kite menm pwan seso nan kamyonet mond nan. Ayiti ap jwe mab, mayi anba, poker, ale nan bouzen epi lap rete tann manje ki pwal tonbe nan bouch meriken, res rad tout moun ki nan mond nan e nenpot kile dominiken di li pa nan rans konsa se pou Ayiti travay menm jan ak tout moun, yo rele yo rasis. Se dominiken ki pou ede yo voye pitit yo lekol, se dominiken ki pou voye res manje ba yo. Alo si pep la fe sakrifis, travay di pou li gneyen sal genyen yo, kijan pou yo ta dako ap ede youn pep kap ranse, kap domi tout lajounen, ki jis refize lite anko pou ameliore lavi li.

Ameriken pase lwa Hope la depi 2zan. SI sete RD yo tap genten aranje ki kote gro biznis swa aysien e etranje tap ka rantre vinn tabli, yo tap fe rout nan zonn sa yo, mete kouran ak tout sa ke zonn prorite sa yo beswen. Ayiti pa pre pou akeyi okenn konpayi okenn kote. Ayiti pa ap checeh okenn envestise vre. Bon le yo anmegde yo yo di wi nap cheche wi men an reyalite yo pap cheche anyen. Ayiti konfotab nan mize, nan povrete, li rezigne li e li selman ap fe strateji pou fe figi li blanch, lage san sou li, fe magouy pou tout pep ka pran pitye pouy li e voye la grabday pou li! Ayiti satisfe de sistem wellfare mondyal la, lap fe konpetisyon ke li pi pov pase tout moun e ta dwe resevwa plsi ed ke tout lot peyi.....

Konpetitsyon kap fet nan mond pap fet sou arts, literati, zev kap reve. Peyi ki andedan mond sevi ak bagay yo kom youn taktik pou pwomote konpetisyon ekonomik yap fe nan mond nan. Vre match la se ekonomik li ye, se cheche avantaj konparatif pou ameliore lavi pep ou ekonomikman. Ayiti kom mendyan ak bol ble met genyen tout fom arts ak kilti, tout literati ak tout lo trans konsa yo pap ba yo enpotans, lot peyi ki nan lign ka pran yo pou eksplwate yo paske ou pa ka eksplwate yo kote ou chita'a. Sel solisyon se pou Ayiti ta leve bay deye 3 tap, rantre nan lign, pase anba pye, fe sal konnen pou li rive nan sal kote tout peyi ap fe konpetisyon kote li ka aprann reg jwet la jsikaske li ka monte sou senn nan menm jan ak tout moun. Andedan yo pa aksepte okenn moun ki abiye ak pepe, san soulye ou byen ki sanble kwachiokor....Ayiti nan ka poum pa di li nan traka e double ka.

dilibon
Super Star
Super Star

Masculin
Nombre de messages : 2205
Localisation : Haiti
Opinion politique : Entrepreneur
Loisirs : Plages
Date d'inscription : 17/05/2009

Feuille de personnage
Jeu de rôle: Contributeur

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  VizyonPouAyiti Jeu 15 Oct 2009 - 18:53

Monchè,mwen fin li sa ou ekri a e mwen byen kontan patisipasyon w' nan deba a.

Mwen wè ou pa fin dakò ak mwen ditou men kounye a, kite m'ba ou bon jan eksplikasyon pou apiye sa m'te ekri a e pou m'kontredi w'.

Menm si ou itilize tout premye pati tèks ou a, pou w'kritike epi denigre Ayisyen, mwen remake ou panse, se devlòpman ekonomik ki fè peyi vanse! Mwen remake rèv pa ou pou Ayiti, se pou bon jan biznis sou tretans debake nan peyi a epi ak kòb k'ap rantre a, pou nou konstwi bon jan enfrastrikti e latriye... Konsa lè ap gen biznis sou tretans yo, anpil anpil moun ap jwenn jòb k'ap pèmèt yo rantre kòb k'ap pèmèt yo jwi lavi yo. Mwen konprann konsepsyon w'lan trè byen men m'si mwen twouve li twò materyalis e mwen panse ou pa wè lwen ase.

Mwen dakò nou ka pase pa la pou nou rive pi lwen men si sa se ta objektif final la, enben m'panse nou toujou chita dèyè kamyonèt monn lan. Se vre kounye a, se kouri n'ap eseye kouri pou n'monte ladann men si m'suiv tout sa ou di a, sèl kote n'ap ka rive se jwenn yon ti plas dèyè kamyonèt la epi kite zòt kondui nou.

Mwen menm mwen vreman panse, menm si se pa pou demen, men nou ka menm rive ede lòt gran peyi yo kondui kamyonèt monn lan. Men gen yon bagay pou w'konprann, se pa travay, pwodiksyon materyèl la ki rann yon peyi yon gran peyi. Yon gran peyi avan tou se yon peyi ki ap kreye. Epi lè yo fin kreye, yo mete an aplikasyon sa yo kreye a pou nouvo teknoloji parèt, nouvo medikamanm e latriye. Yon gran peyi pa toujou rete chita tann lòt peyi di sa pou l'fè, kijan yo fè tèl bagay pou li ka fè l' tou! NON! Yon gran peyi patisipe nan rechèch fè dekouvèt yo, yon gran peyi patisipe nan kreye zèv atistik. Epi si se pou kòb w'ap pale, ou pa panse kanaval Rio, fim Hollywood, mizik ou konn wè nan televizyon, ou pa panse bagay sa yo rapòte anpil anpil tou. Lè nou rete, nou wè agrikiltè ap itilize traktè, nou wè gwo machin nan izin yo, nou wè metwo k'ap woule, nou panse se Tonton Nwèl ki voye kado sa yo pou nou.

Se vre, fòk nou devlope peyi nou pou li rive o mwen gen bon jan metwo modèn, gwo imèb, bagay konsa. Men sa se yon etap! Fòk nou konsyan ke sa se pa finalite a! Poukisa depi yon maladi pete an Ayiti oswa nenpòt ki kote nan monn nan, se tann pou nou tann Lamerik ak Lewòp devlope medikaman pou nou? Poukisa lè nou bezwen pwodui enèji, se tann pou nou tann lòt peyi dekouvri mwayen pou nou menm nou aplike yo sèlman? Poukisa lè etranje ap chèche bèl kilti pou l'al dekouvri, bèl manifestasyon atistik pou l'al gade, bèl touris pou l'al devlope, se lòt peyi yo wè se pa Ayiti? Poukisa lè ou tande bèl film ki soti ou byen bèl mizik ou pa tande non Ayiti pou jan bagay sa yo rapòte? Poukisa ou pa ka tande Ayiti devlope bèl teyori ekonomik ak lòt syans yo pou fè monn nan avanse?

Mwen wè yon Ayiti kote chaje atis k'ap pwodui diferan stil penti, mizik, skilti, literati epi tout monn nan bèbè si tèlman yo bèl epi pou w'tande stil sa yo ap konkeri kèk kote nan le monn. Mwen vle wè yon Ayiti kote de tanzantan ou tande yon nouvo medikaman parèt, yon nouvo tip machin, yon nouvo stil kay ki pi efikas etc... Mwen vlè wè yon Ayiti kote tout moun vle vini pou yo ka wè bèl kanaval orijinal, bèl spektak sèvolan ki pou fè yo bèbè e latriye. Mwen vle pou yon jou monn nan wè nan Ayiti yon kokenn laboratwa k'ap emèveye monn nan ak bèl dekouvèt, bèl envansyon, bèl kreyasyon ki itil. Mwen vle wè yon Ayiti kote chaje biznis epi chak biznis gen depatman rechèk ak devlòpman pa yo kelkelanswa biznis la temèt se biznis agrikòl, endistriyèl, touristik, atizanal, atistik e latriyel!!!

Mwen konnen potansyèl Ayisyen e mwen konnen jou sa a pral rive kan mèm! Pa kite grangou ak mizè fè nou bliye tout sa nou ka fè! Mwen konn sa m'ap pale a e se pa pawòl anlè! Men anvan nou rive gen sosyete sa a, gen anpil bagay pou nou fè vre wi men an nou toujou kenbe vizyon sa a andedan kè nou paske wè pa wè l'ap reyalize!

VizyonPouAyiti
Junior

Masculin
Nombre de messages : 24
Localisation : Haiti
Loisirs : Discussions constructives
Date d'inscription : 26/09/2009

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  Maximo Jeu 15 Oct 2009 - 20:06

Mwen vle wè, mwen vle wè, mwen vle wè, mwen vle wè, mwen vle wè, san'w pa travay pou yo, se nan syel la yap soti papa bon Dye'm. Dilibon ta byen renmen wè tou, men li konen se pa wout travay la pou pase, lè wap bati on kay se fondasyon'l ou fè an 1er, monte poto ak poutre avan ou koule dal, men sanble ou ta vle koule dal la san pa gen anyen pou kenbe'l. Paske pou rive kote'w vle fok ou pase pa wout Dilibon an, pa gen anyen ki konstwi nan on jou, nou vle chanje Ayiti mare senti nou pou nou travay di pou nou fè'l sinon tout sa'w ta vle yo se nan rèv ou selman lap rete.
Maximo
Maximo
Super Star
Super Star

Masculin
Nombre de messages : 3182
Localisation : Haiti
Loisirs : football - Gagè
Date d'inscription : 01/08/2007

Feuille de personnage
Jeu de rôle:

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  VizyonPouAyiti Jeu 15 Oct 2009 - 20:29

Maximo, pa gen okenn kote mwen di nou pa dwe travay men lè w'ap bati kay se pa fondasyon ou mete anvan mwen dezole. Premye bagay pou w'fè a se konsepsyon kay ou bezwen an. Si ou pa gen okenn lide kijan ou vle kay ou a, ou pa menm bezwen kòmanse konstwui li!! Nou pa ka tankou yon bann avèg k'ap konstwui nan fè nwa!! Se pou nou konnen kisa nou vle anvan? Si ou pa konn kisa ou vle, ou deja ap fè fot : ou ka rive yon kote wi men ou pa gen kontwòl tèt ou ankò! Premye etap la, nou pa janm fè li, premye etap la se vizyon ki gen pou l'gide w'! Si ou pa gen vizyon, ou dòmi deyò! Ki vizyon nou pou sosyete a? Gwo peyi tankou Lèzetazini, Lafrans, Larisi, Lachin, Japon, ou genlè panse se nan fè nwa yo konstwui! Gwo sosyete sa yo toujou konnen ki objektif yo anvan y'ap travay wi zanmi m'!

Se sa menm wi, se mwen vle wè a ki premye fraz pou w'poze tèt ou anvan ou kòmanse tout pwojè wi kit se pwojè kay, kit se pwojè peyi!! Se lè ou fin fikse objektif ou ke ou kapab kòmanse konstwui kòrèkteman!

VizyonPouAyiti
Junior

Masculin
Nombre de messages : 24
Localisation : Haiti
Loisirs : Discussions constructives
Date d'inscription : 26/09/2009

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  Maximo Jeu 15 Oct 2009 - 20:48

Monn chè mwen wè ou vle diskite pou diskite, pa gen ankenn kote mwen di fo plan kay la pa fèt, tandis ke ou di Dilibon ou pa dako avè'l. Afè de planifikasyon dabo nou pa menm bezwen diskite de sa, pa gen anyen ki ka fèt san planifikasyon, pandan vwazen nou yo gen plan pou peyi yo sou 25 an, mande gouvenman pa nou si li gen plan pou demen maten? An tou ka mwen kite sa la, pase mwen wè ke nou panse menm jan men se pale anvi fè'm pale. An tou ka tout vizyon ou genyen yo ni Dilibon ni mwen genyen yo tou e nou konen se pa le travay pou nou rive la, e dan le travay gen planifikasyonn tou e anpil lot bagay. Bonne soirée
Maximo
Maximo
Super Star
Super Star

Masculin
Nombre de messages : 3182
Localisation : Haiti
Loisirs : football - Gagè
Date d'inscription : 01/08/2007

Feuille de personnage
Jeu de rôle:

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  VizyonPouAyiti Jeu 15 Oct 2009 - 22:49

Maximo, mwen pa gen enpresyon ou pran tan pou w'konprann mesaj pa m'nan menm jan mwen menm mwen pran tan pou m'li pa w'yo!

Pou mwen klè avè w', mwen pral ekplike w'yon lòt jan ki sa m'vle di paske m'pa gen enpresyon n'ap janm konprann sa m'vle di a.
Mwen pale de yon peyi ki mize sou kreyativite nan 3 domèn men m'ap pale de yon premye toujou.

M'ap kòmanse pa kreyativite atistik : Objektif la se fè Ayiti tounen yon tè ki konsidere tankou yon paradi atistik nan monn nan pou chak ane ou wè se milyon moun k'ap vin vizite l'pou wè bèl bagay.
Pour nou rive la, se pou nou :
1) Mete sou pye gwo lekòl teyat, sinema, fotografi, mizik, dans, penti ak skilti nan peyi a (se pa ti lekòl k'ap pouse medyokrite non) ;
2) Ankadre finansyèman twoup dans ak teyat yo, atelye penti ak skilti yo, gwoup mizikal yo, ekriven tout tandans konfondi pou ankouraje yo nan travay kreyatif yo ;
3) Devlope mize ak bibliyotèk ki gen standing entènasyonal nan peyi a ;
4) Ogmante kalite kanaval Jakmel ak Pòtoprens lan pou fè yo tounen lareferans nan monn nan ;
5) Ankadre pi byen tout fèt chanpèt ak tout lòt manifestasyon mizikal ak kiltirèl nan peyi a ;
6) Fè travay renovasyon pou kòmanse remete sou pye tout gwo moniman atistik nou yo ;
7) Fè yon pwomosyon aktiv nan monn nan sou vi atistik ki gen an Ayiti e latriye ;
Cool Plen lòt bagay toujou : mete sou pye yon gwo festival sèvolan nan epòk karèm epi festival/konkou fanal nan epòk nwèl la.

Mesye, gade potansyèl k'ap gaspiye. Mwen garanti nou sektè atistik la pa ta dwe neglije paske si yo byen kanalize l'ap rapòte Ayiti anpil anpil kit se pou lajan kit se pou prestij.

VizyonPouAyiti
Junior

Masculin
Nombre de messages : 24
Localisation : Haiti
Loisirs : Discussions constructives
Date d'inscription : 26/09/2009

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  VizyonPouAyiti Jeu 15 Oct 2009 - 23:05

Dezyèm domèn nan se domèn kreyativite atizanal. Trè souvan an Ayiti, nou wè bagay sa yo tankou ti metye e se vreman, vreman domaj paske ta sipoze genyen anpil avni. Nan gro vil toupatou, moun sa yo viv byen anpil paske pwodui yo konn fè yo trè rechèche.

Lè m'di kreyativite atizanal la, li kouvri anpil anpil bagay kit se nan fè rad, fè soulye, fè bijou, fè bagay dekoratif, fè asyèt, fè pafin (m'envite nou al enfòme nou sou sa k'ap fèt nan "Artisanat en fête" la k'ap kòmanse demen). Nou ta sipoze devlope epi miltipliye lekòl atizana yo tankou lekòl Paradis des indiens nan vil Jeremi, devlope boutik vant tankou Kay Atizan ou byen IRPAH. Nou ta sipoze fè bon pwomosyon pou etranje ap fè liy pou kòmande pwodui nan men atizan nou yo.

Domèn sa a tou gen anpil bon bagay li rezève pou nou kit se nan drennen lajan vini, kit se nan anbeli imaj nou. An plis nou gen anpil potansyèl ladann.

VizyonPouAyiti
Junior

Masculin
Nombre de messages : 24
Localisation : Haiti
Loisirs : Discussions constructives
Date d'inscription : 26/09/2009

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  Maximo Ven 16 Oct 2009 - 10:13

VizyonPouAyiti a écrit:Maximo, mwen pa gen enpresyon ou pran tan pou w'konprann mesaj pa m'nan menm jan mwen menm mwen pran tan pou m'li pa w'yo!

Pou mwen klè avè w', mwen pral ekplike w'yon lòt jan ki sa m'vle di paske m'pa gen enpresyon n'ap janm konprann sa m'vle di a.
Mwen pale de yon peyi ki mize sou kreyativite nan 3 domèn men m'ap pale de yon premye toujou.

M'ap kòmanse pa kreyativite atistik : Objektif la se fè Ayiti tounen yon tè ki konsidere tankou yon paradi atistik nan monn nan pou chak ane ou wè se milyon moun k'ap vin vizite l'pou wè bèl bagay.
Pour nou rive la, se pou nou :
1) Mete sou pye gwo lekòl teyat, sinema, fotografi, mizik, dans, penti ak skilti nan peyi a (se pa ti lekòl k'ap pouse medyokrite non) ;
2) Ankadre finansyèman twoup dans ak teyat yo, atelye penti ak skilti yo, gwoup mizikal yo, ekriven tout tandans konfondi pou ankouraje yo nan travay kreyatif yo ;
3) Devlope mize ak bibliyotèk ki gen standing entènasyonal nan peyi a ;
4) Ogmante kalite kanaval Jakmel ak Pòtoprens lan pou fè yo tounen lareferans nan monn nan ;
5) Ankadre pi byen tout fèt chanpèt ak tout lòt manifestasyon mizikal ak kiltirèl nan peyi a ;
6) Fè travay renovasyon pou kòmanse remete sou pye tout gwo moniman atistik nou yo ;
7) Fè yon pwomosyon aktiv nan monn nan sou vi atistik ki gen an Ayiti e latriye ;
La place d'Haïti dans le monde Icon_cool Plen lòt bagay toujou : mete sou pye yon gwo festival sèvolan nan epòk karèm epi festival/konkou fanal nan epòk nwèl la.

Mesye, gade potansyèl k'ap gaspiye. Mwen garanti nou sektè atistik la pa ta dwe neglije paske si yo byen kanalize l'ap rapòte Ayiti anpil anpil kit se pou lajan kit se pou prestij.

Mwen gen inpresyon ke sou ki pa fini konpwan sa ke nou di deja, men sa mwen te poste deja nan on lot post:


Sujet: Re: Mwen se on Ayisyen pa ban mwen lot non Lun 12 Oct - 20:09

men lè se kontra telefonn ke chef yo fè kote kob la se nan poch li sel, li rantre e pa regle anyen pou peyi ya sa rele akt patriotik.(Maximo)

Ki sa on konpayi telefòn tankou Digicel, Voila,Haitel, Comcel pote pou peyi ya? Anyen, nèg sa ap vann kominikasyon, bagay ke Teleco te ka fè e te konn fè, yo anplwaye in pe moun ke yo ap peye anko a kob pèp la e pi tout benefis yo ale pou konpayi tel lan e ale lot bo dlo. Yap vann selilè ak minit bay on pèp ki nan gwangou e voye lajan pou pèp la ta manje nan kof yo. Men kom gwo chef yo ap fè anpil kob nan biznis sa, anpil lajan bay pou kontra siyen e answit yo gen pousantaj pa yo pa an ba zafè pèp. Ki mele dada yo a pèp la.

Men si se pou ta bay investisè ki vle bati Otel ak rezot, kote anpil moun pwal travay e se kob etwanje ki pwal rantre nan peyi ya e on pati ladan li pwal rete nan peyi ya, ou tande rel kay Makorel, yo pap vann peyi ya paske twop pitit pèp la pwal benefisye de investisman sa. 1er benifisyè pwal anplwaye direk konpayi sa yo, answit se pwal peyizan nou yo ki pwal founi Otel sa yo an legim, fwi, tout sa nou ka pwodwi lokalman, non selman sa pwal interese peyizan nou pwodwi plis paske yap gen on mache pou pwodiksyon yo men se tout on chenn moun ki pwal viv de Otel sa yo direkteman ou indirekteman, atizan nou yo, skiltè, pint, ect era.... Deviz pwal antre nan peyi ya e sikile nan peyi ya e on pousantaj ladan li ap rete pou pèp Ayisyen yan. Se sa ki fè ke investi nan agrikilti e ankadre plantè nou yo se on bagay inpotan pou akonpaye devlopman peyi ya.

On lot investisman ki ap fè deviz antre e non soti, se indistri dasanblaj yo, paske investisè sa yo se mendèv Ayisyen yan li vini achte, lap vini ak matyè premyè li e lap transfome li an Ayiti e peye ouvriye nou yo pou travay yo, se on antre de deviz ki ap rete nan peyi ya tou e ki pwal sikile nan komès peyi ya e anpil lot moun pwal viv de li tou indirekteman.

On lot investisman anko ki ap menen kob nan peyi ya se indistri kote ak pwodwi lokal ou inpote nou fabrike on seri de pwodwi fini e vann li sou mache intènasyonal la, men la anko fok anpil lwa chanje pou antreprenè nou yo ka konpetitif, tèl ke transpo pa bato an Ayiti ki se on ekzajerasyon e ki ap fè anpil investisè kouri, e fok ke yo ta bay antreprenè nou yo franchiz sou matyè premyè inpote ke yo itilize nan pwodwi fini ke yo ekspote.

Fok dirijan nou yo ka analize ki investiman ki bon pou nou e peyi ya e pa pou poch yo selman e fasilite investisman sa yo.

Donk pou sa ou ta renmen wè yo rive fok kondisyon yo la, fok atizan lè li fabrike on zèv li ka vann li sinon li pap gen debouche pou li e lap sispann fabrike'l komm sa fèt deja, e sa mwen di la ale pou tout sa ta renmen wè yo ke se nan indistri, nan komès, ect era, fok ou ka konpetitif e bay kalite. Se de sa selman Dilibon avè'm nap pale, ki sa ki pou fèt, ki chanjman ki pou fèt nan lwa nou yo, ki sa pou on gouvènman serye ki vle byen pèp la dwe fè, pou ka wè sa'w anvi wè ya, e fè ke rèv ou a vini on reyalite. Mwen fini a kesyon sa, ou pa pwal fè'm pale jis pou'm pale, tout sa wap di la nou pale de yo tout tan, men an dizan ki sa ki pou fèt pou rive la.











Maximo
Maximo
Super Star
Super Star

Masculin
Nombre de messages : 3182
Localisation : Haiti
Loisirs : football - Gagè
Date d'inscription : 01/08/2007

Feuille de personnage
Jeu de rôle:

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  dilibon Sam 17 Oct 2009 - 13:15

Bon mwen we Maximo ke ou pwan tanw pou bay VizyonPouAyiyi oyun 3 kredi gratris ti cheri sou kek paj nan fondamental makro ekonomi men kwem siw vle se ka byen tna pedi paske anpil entelektyel aysien ap janm kite youn lespas nan lespri yo pou yo konprann youn lot pwend vi. Nomalman mwen pa genyen ase eksperyans ak VizyonPOuAyiti poum fe youn deklarasyon konsa de li, men sa sanble ke se vre. VizyonPouAyiti nan jimnastik anpil moun ap fe pou di kisa ki dwe priorite nan travay devlopman. Msie mete pwen ke sa dwe pase pa art, mizik, atizana, etc... Men sa Vizyon pa genle konstate anpil peyi sevi ak bagay sa yo men yo komanse fe sa sitou apre ke yo genyen strikti endistriyel, youn strikti agrikol, touristik, enfrastrikti etc... ki komanse an plas ou byen ki deja an plas epi se nan youn koteks de espoze peyi yo deyo, inflyanse deyo ak kilti yo pou ranpli plaj yo, atire envestise, etc.... epi endistri atistik la tou marye la. Vini ak youn pwogram kiltirel e atistik pendan ou genyen youn leta demisyone, youn peyi chaje ak frata ak move sant. Atis yo kisa yo dwe dekri sa yo imajinen ou byen bote ki eksiste vreman? Youn moun ki grangou kap viv nan moyenaj ki jan de zev atistik lap ka pwodwi? Mwne fek soti nan Park Canne a Sucre al kote genyen youn jounen entenasyonal sou Atizana, mwen te ale se pooum te ka checeh youn bagay poum pote pou kek zanmi aysien ak etranje men aklite yo telman nan ba nivo, ska ta sanbel youn bagay yo telman surevalue, yo ap vo paket lajan yo mande pou yo, e dapre mwen manke inovasyon se toujou menm mimik yo ki sou tablo ak nan lot zev yo! Sak fe mwen ka fe konparezon paske mwen fek soti St DOmeng ktoe mwen te patisipe nan oyun ekspozisyon atizana ak zev atistik lokal kite fet nan otel mwen te ye'a.

E jodya apre mwen finn tande Ranmasse sou Radio Caraibes map mande si nou ap ka genyen youn lot kategori moun ki monte nan tet peyi a, ak lapenn nan ke mwen, nan jounen lanmo Desalinn nan, si se pa youn okipasoyn total kapital ki pou retire bandi nan pouvwa peyi a.

dilibon
Super Star
Super Star

Masculin
Nombre de messages : 2205
Localisation : Haiti
Opinion politique : Entrepreneur
Loisirs : Plages
Date d'inscription : 17/05/2009

Feuille de personnage
Jeu de rôle: Contributeur

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  dilibon Lun 19 Oct 2009 - 6:56

VizyonpouAyiti,

Mwen kwe sak fe youn nonm se le li fe youn ere epi li ale fe rechech ak lide endependant epi si li dekouvri ke li te pat genyen rezon totalman pou li tounen vinn di sak pase.

Ou te invite mwen pou ale nan "Artisanat en fete" ki tap fet pendan week end nan andedan Parc Canne a Sucre, mwen rankontre anpil moun, mwen we kantite touris, met otel ak lto kalite moun ki te la e ki tap admire zev atizanal aysien, mwen te temwen kantite kontra ou posibilite de kontra anpil vende yo te ap rekolte, mwen te etone e espantan de genie atistik aysien an. Mwen te genyen opotinite pale ak youn atis aysien (ma gentan baw nom li) kite soti chanpyon ou byen gagnan nan koukou zev atizanal orijinal kite oganize pou la 6ieme fwa nan peyi Liban, malgre le mond tap admire zev atis ayisien sa'a an Ayiti pa genyen anpil moun kite konn sa. Mwen te aprann tou ke Ayiti se ra peyi nan mond nan ki konsakre selman 1% de bidje nasyonal pou lakilti ak art aysien. Se pou w ta we koman youn atis ayisien sevi ak vye kaoutchouk pou fe chez, dodinn ki ka ale nan lakou, ak dekorasyon lakou an ete; mwen achte anpil bel bagay, skilti, rad ak pwodwi pou lasante. Tout pawol sa yo se pou mande w kontinye devlope tez oua ke nou ka sevi ak zev atistik, la kilti kom moyen ou byen zouti pou devlopman peyi'a.

Mwen rete kw eke arts ak la kilti dwe jwenn plis ankourajman, plis finans, plis pwoteksyon ak pwomosyon. Mwen rete kwe se youn zouti ki ka enpotan nan youn pwoje de devlopman, men mwen ap kwe ke sa ta dwe odepa top priorite nou, men se youn sekte enpotan e ki genyen anpil pwomes. Ayisen genyen genie ak savwa fe.

dilibon
Super Star
Super Star

Masculin
Nombre de messages : 2205
Localisation : Haiti
Opinion politique : Entrepreneur
Loisirs : Plages
Date d'inscription : 17/05/2009

Feuille de personnage
Jeu de rôle: Contributeur

Revenir en haut Aller en bas

La place d'Haïti dans le monde Empty Re: La place d'Haïti dans le monde

Message  Contenu sponsorisé


Contenu sponsorisé


Revenir en haut Aller en bas

Revenir en haut

- Sujets similaires

 
Permission de ce forum:
Vous ne pouvez pas répondre aux sujets dans ce forum