"ON NE VEUT PLUS D'EUX" again !?, podyab!

"ON NE VEUT PLUS D'EUX" again !?, podyab!

Pwopagandis gouvènman Gang Galil, Miki-Lamothe-Kplim nan ap rele "anmwe adiltè!" paske misiz white ta deside popetwèl sa yo pase dat ekspirasyon . Gen youn nan pwopagandis bandi Hillary yo ki ekri:

"Il n'y a plus d'élections en Haïti. Comme l'avait affirmé le Président Martelly au Journal Lenouvelliste.com, Parmela White & Sandra Honoré ont déjà choisi qui sera le prochain Président d’Haiti : "Le progrès ne peut se matérialiser que dans l’alternance politique" donc un candidat de l'opposition est pré-Sélectionné pour être le prochain président d'Haïti"

.

Ou wè sa hen!

Jou nou aprann respekte prensip, neyokolon yo va sispann pase nou nan rizib. Misiz White pale konsa paske li konnen se yon misiz white ki te falsifye rezilta "eleksyon" 2010 yo pou yo mete Swit Miki fè makak nan figi moun pou 5 an. Kounye a, li di yo vle yon lòt enbesil pou kontinye teyat "minstrel show" a.

Ane sa a fè 100 ane depi debakman Yanki sou tè Dessalines nan. Se noumenm ki konnen si n ap kontinye aji menmjan ak Konze, Dartiguenave, Lescot, Borno, Vincent ak tout lòt kolabo san desen ki trennen peyi a nan sa li ye la a, oudimwens, si n ap reyisi chwazi wout ki pi difisil la, men ki mennen nan bon rezilta a: RESPÈ DWA GRANMOUN PÈP AYISYEN AN

Jou delivrans lan, se jou nou deside envesti nan veritab eleksyon epi respekte chwa majorite n ap meprize depi 1806 lan.

Nou gen 2 chans:

1) Yon lòt popetwèl - apati seleksyon misiz white
2) Yon veritab prezidan - apati eleksyon nèg fè ak lajan nèg, elektè nèg

Chwazi sa nou pi pito. Men, pa vin fè tikriye annapre.

https://youtu.be/6-Xz_F691Ag



Koute Miki nan finisman videyo a k ap ranni "On ne veut plus d'eux" !