Forum Haiti : Des Idées et des Débats sur l'Avenir d'Haiti



Rejoignez le forum, c’est rapide et facile

Forum Haiti : Des Idées et des Débats sur l'Avenir d'Haiti

Forum Haiti : Des Idées et des Débats sur l'Avenir d'Haiti

Vous souhaitez réagir à ce message ? Créez un compte en quelques clics ou connectez-vous pour continuer.
Forum Haiti : Des Idées et des Débats sur l'Avenir d'Haiti

FOROM AYITI : Tèt Ansanm Pou'n Chanje Ayiti.

Le Deal du moment :
Pack Smartphone Samsung Galaxy S22 6.1″ + Galaxy ...
Voir le deal
599 €

4 participants

La dernière bataille de Vertières du Président Aristide

Marc-Henry
Marc-Henry
Administrateur


Masculin
Nombre de messages : 6334
Localisation : Canada
Opinion politique : Démocrate
Loisirs : Lecture et Internet
Date d'inscription : 20/08/2006

Feuille de personnage
Jeu de rôle: Lobbyiste

La dernière bataille de Vertières du Président Aristide Empty La dernière bataille de Vertières du Président Aristide

Message  Marc-Henry Ven 16 Nov 2007 - 22:47

<BLOCKQUOTE>

18 Novembre 1803 - 18 Novembre 2003
Vibrant Message du Président de la République,
S.E. M. Jean-Bertrand ARISTIDE,
à l’occasion de la Célébration du Bicentenaire de
Vertières, Cap-Haïtien, le 18 novembre 2003.


Chers Concitoyens,
Chères Concitoyennes,
Heureux de nous retrouver en votre compagnie pour la Célébration du Bicentenaire de la Victoire de Vertières, La Première Dame et Moi vous saluons patriotiquement.
A vous tous sœurs et frères : Bonjour !
TOUTE LA MARÉE HUMAINE : BONJOUR !)
Lè nou youn salye lòt kè nou vibre, kè nou bat fò. E lè yo bat fò, gen yon leman ki rale youn vin sou lòt. Se fòs sa a ki fè m envite Polisye yo vin pi pre m bò podyòm nan pou lòt moun ki dèyè jwenn plis plas pou nou kapab pi pre zansèt nou yo.
MANIFESTASYON SATISFAKSYON FOUL LA POU DESIZYON SA A)
Avancez vers moi, vous Policiers.
Très bien !
Avancez, calmement, fraternellement, pacifiquement !
An avanse pou n selebre Vètyè !
(AKLAMASYON JWA FOUL LA)
Gwo Jès sa a sanble tètkoupe ak lè zansèt yo te kase chenn esklavaj pou mas esklav yo te avanse, monte sou Teren Libète a.
(AKLAMASYON KONTANTMAN FOUL LA)
Salitasyon pou nou.
Onè, Respè pou zansèt nou yo !
Bravo pou yo !
Ochan pou yo !
Leve Drapo n anlè !
Bravo pou zansèt nou yo.
(JAN PREZIDAN ARISTIDE MANDE SA, DRAPO AP FLOTE, EPI APLODISMAN)[/size]
Souke drapo pou yo!
Bat bravo pou zansèt nou yo !
M kontan plonje kè m nan lespri Ewo Vètyè pou m anbrase tout Pitit Peyi a espesyalman Sè m ak Frè m k ap viv nan Komin Kap Ayisyen, Katye Moren, Limonad, Akil di Nò, Plèn di Nò, Milo, Gran Rivyè di Nò, Bawon, Sen Rafayèl, Dondon, Rankit, Piyon, La Viktwa, Bòy, Pò Mago, Lenbe, Ba Lenbe, Plezans, Pilat.
A la bèl Plas Vètyè a bèl !
A la bèl Plas Vètyè a bèl !
Respè pou zansèt nou yo !
Pou nou menm ki te met ansanm p
Pou reyalizasyon bèl travay sa yo ak Bèl Selebrasyon sa a !
Chapoba !
Konpliman !
Mèsi e bravo !
Bravo pou nou tout.
(GWO BRAVO)
Bravo pou nou tout. Kè m kontan pou bèl travay sa a. Ede m manifeste l avèk men pa nou nan aplodi tout moun ki te met ansanm pou reyalize l.
(APLODISMAN AN)
Si m pat deja pitit adoptif Depatman Nò, m t ap mande viza prese prese pou m vin tounen moun nan Nò.
Erezman m deja moun nan Nò.
(JWA FOUL LA)
Vive le Nord !
Vive les gens du Nord !
Chers Compatriotes,
Que c’est agréable de nous retrouver en famille pour la Célébration du Bicentenaire de la Victoire de Vertières. [/size]
Imprégnés de racisme, le comportement des colons blancs sécrétait la haine de l’homme noir.
Racistes, assoiffés de sang et d’or, les colons livrèrent en 1802 une Guerre d’Extermination à travers la colonie. Leur politique raciste était bien évidemment liée à un substrat économique.
Touye pour piye.
Touye tout pitit peyi a pou piye tout peyi a » Quelle obsession ! Nous avons là, un vrai tableau de pathologie politique.
En s’accrochant à la théorie dite « Hiérarchie des races », ils se laissaient rongés par une névrose obsessionnelle : « Nolens volens ». Il s’agissait de « Touye pou piye ».
Touye tout pitit Peyi a pou piye tout Peyi a. D’où évidemment la manifestation d’une névrose de classe alimentant une guerre de race !

(APPLAUDISSEMENT)
Le 17 septembre 1802, le Général Leclerc affirma : « J’aurai à faire une Guerre d’Extermination. Projet combien cynique de Rochambeau et de son Armée.
Si les colons racistes ne jouissaient pas d’une bonne santé psychologique, il n’en fut pas de même pour les Héros de Vertières et les Esclaves de St. Domingue. En effet, à la Guerre de Race livrée par Leclerc ils ont répondu par une Guerre de Peuple.
Yon Pèp Vanyan ki te byen konprann si l chita tann l ap tounen pwatann nan chodyè lesklavaj. Yon Pèp santimantal e an sante mantal ki vlope Dessalines plop e yo di
« Avè w n ap mache ».
(MANIFESTASYON FOUL LA AK YON APLODISMAN)
Chèf nou, se ou ! Batay Vètyè a, dènye batay sa a, fò n genyen l kanmenm !
Sera seta, sètase!
An An An…
Napoléon Bonaparte te bay yon rekreyasyon libète an 1794. Jodi a, 8 tan aprè, li sonnen klòch pou nou retouen nan lesklavaj. Enben bon, l ap konn Jòj !
(SOU KOZE GEORGE SA A,
FOUL LA PETE YON GWO KOUT RI)
Nou pap tounen ni nan esklavaj, ni nan rekreyasyon libète. Dezòmè, se Libète Total Kapital !
(AKLAMASYON KONTANTMAN FOUL LA)
Se ou byen nou reparèt
Ou byen nou disparèt !
Libète ou lanmò !
Libète ou lanmò !
Libète ou lanmò !
Libète ou lanmò !
(MANIFESTASYON JWA FOUL LA)
Pandan loraj Viktwa a kòmanse gwonde, anpil zèklè refleksyon fè yanyan nan sèvo Jeneral Leclerc, chèf kolon yo. Nèg move ! Blan sispèk !
Yo sispèk esklav yo dekouvri konplo an. Kidonk konplo pou fè nèg retounen nan lanfè esklavaj.
Leclerc move kou kong.
Desalin move kou yon bonm, yon Bonm Libète ki plante la sou tèt mòn Vètyè.
Deja, depi mwa Daou 1791, Lwa Libète ki t ap danse nan Bwa Kayiman, tout Zanj ki t ap danse, zanj Libète ki t ap danse nan tèt moun nan BwaKayiman pat janm pran ni rekreyasyon, ni konje, ni vakans. Se pou sa, lè nan mwa Me 1802, Bonapat fè sòti dekrè pou remete chèn nan kou esklav, se tankou yon gwo bato gaz li vide sou dife Revolisyon an.
Si zonbi ki zonbi lè l goute sèl li pa mande rete ale wè pou yon Pèp save, je kale, Vanyan, yon Pèp santimantal ki an sante mantal.
Mezanmi, jou ale, jou vini, bri kouri, nouvèl gaye, bouch an bouch youn di lòt :
« Si n pa reparèt, n ap disparèt. Libète ou Lanmò ! »
(PREZIDAN ARISTIDE ANSANM AK FOUL LA : LIBÈTE OU, LANMÒ ! LIBÈTE OU LANMÒ !)
Sispenn ! Sispenn !
Tansyon ! Wot tansyon !
Sen Domeng chofe tankou yon poudriyè k ap konte segonn pou eksploze. Leclerc sispèk pi rèd !
Tèt li cho tankou vè lanp. Li chwazi bay piki manti kòm anestezi.
Yon lòt bò, nan peyi Matinik, Jeneral Richepans ki te pi cho pase leve danse, deklare : « Rekreyasyon libète a fini, fòk tout Nèg retounen nan esklavaj ».
La pou la, bò isit, lòlòy Leclerc vire !
Koze a deyò. Ti jwèt kachkach sere liben an fini.
Batay la pral relanse Desalineman.
Manchèt file. Gason kanpe. Fanm doubout, tout ap tann Papa Desalin estènen pou kòmanse pase alimèt, vide gaz.
Nou nan fen mwa Jiyè 1802, malgre tou, Linèt prejije ki te nan je kolon yo anpeche yo wè klè. Danje a la, men, yo pa wè. Prejije !
Prejije ! Prejije ! Prejije !
Prejije ! Prejije ! Prejije ! Prejije !
Moun rasis ak doub 6 se malè pandye !
(FOUL LA GEN MESAJ AK ESLOGAN L AP MANIFESTE)
Moun rasis ak doub 6 se malè pandye !
(FOUL LA KONTINYE AP MANIFESTE)
M tande nou.
M tande nou.
Mesaj la klè ! M tande nou e m ap reponn nou avèk kè m pou montre se anndan kè sa a nou tout n ap benyen kote jodi a nan kè zansèt yo n ap benyen nan lanmou yo, nan kouraj yo pou nou kapab vanse pi devan. Aplodisman pou nou menm ki bay mesaj la.
(APLODISMAN AN)
Alò nou di : « Moun rasis ak doub 6 se malè pandye » Lè moun rasis pa di l fè 2 kabès ak doub 6, li di se ak doub blan ! Donk, kòm pou kolon blan yo, esklav pa moun, kolon yo chita sou do bèf la, yo pale l mal.Yo zeponnen l jis yo deside kòche l tou vivan.
Yon jou swa, toujou nan fen mwa Jiyè 1802, yon bato chaje ak esklav debake sot Gwadloup, bato a te rele « LA COCARDE ». Malgre fè nwa, esklav yo plonje nan lanmè a, yo naje tankou pwason pou y al kouri di toupatou : « Se vre, men nou, operasyon remete chenn nan pye a deja tanmen nan Gwadloup.
Tande ak wè se 2. Nou menm nou tande e n wè ak 2 nawè n ».
Zanmi m yo, chak pawòl sa yo te wonfle nan zòrèy esklav bò isit tankou pyès kanno Libète. Se pou sa, nan yon lèt Jeneral Leclerc ekri jou ki te 9 Daou 1802, li di : « M fè touye tout rebèl ki te leve kanpe nan Gwo Mòn »
En français, li di : « Les rebelles ont été exterminés » Puis, il a dit : »Les rebelles ont été exterminés » Nan menm lèt sa a l ajoute m fè pann 50 prizonye.
Sepandan, nan mitan flanm dife Revolisyon an ki pat sispann ogmante nou sonje ki jan lafimen ezitasyon te ralanti plizyè nan chèf revolisyonè yo.
Se konsa, nan peryòd boulvès sa a, nou pral jwenn Christophe nan yon soupe kay Jeneral Leclerc. Li te ezite anpil anvan l aksepte envitasyon sa a ki te sanble tèt koupe ak yon pèlen tèt.
Pandan soupe a, yon Ofisye Blan tonbe vide diven nan vè Christophe pou eseye fè l sou.
Brip ! Christophe di l : « Hey ! Ti blan mannan, si m te bwè tout diven ou vide nan vè m nan, non sèlman m ta anvi bwè san w, men, m t ap anvi bwè san Jeneral ou a tou wi !
Bon, sa w tande a, soupe a kraze.
Jeneral Leclerc akize Christophe kòm trèt.
Li di Ofisye l yo arete Christophe.
Christophe gade l nan je, li di l : « Djab, si w kapab fè m wè w. Dayè, m mache tou pare, tou limen, tou chofe. Si w oze, bon kounye a se mwen menm menm k ap fè nèg pa m arete w e mare w 2 bra dèyè. Trèt pou trèt, se ou menm Leclerc.
Raisons : Vous avez trahi le Général Toussaint Louverture dont le génie nous a conduit de l’esclavage à la Liberté.
Donk, mwen menm Christophe, mwen di w djab, pe la a.
Tandis que Christophe affirma au Général Ramel qu’ils brûleraient Saint Domingue de fond en comble si l’ont y rétablissait l’esclavage, les masses de la Plaine du Nord attisèrent le feu de l’insurrection.
Le 14 octobre 1802, Christophe rejoint le Camp de Pétion et Clervaux au moment où Lecler l’invita à combattre à ses côtés en lui promettant honneurs et richesses.
Et, Christophe, orgueilleux et fier, lui répondit : « General Leclerc, je me considère suffisamment riche et honoré par la possession de la Liberté et la Lutte pour la Liberté de ma Race. M di w : « Non et non !
C’est fini, F I fi, N I ni, fini !
Et enfin, le cruel Leclerc combattu, battu et abattu, mourut dans la nuit du 2 novembre 1802.
Ak disparisyon Leclerc e aparisyon Rochambeau kòm ranplasan l, se sot nan mal al nan pi mal.
Mezanmi, kadav tonbe, san koule, mikwòb prejije ak mikwòb rasis kangrennen sèvo kolon yo, yo panse yo siperyè, esklav yo enferyè. Vire tounen se krim sou krim.
Touye pou piye. Volonte yo se :
« Touye tout pitit peyi a pou piye tout peyi a ».
Lè Rochambeau te vin kòmande isit Okap, li te kite Laplume ki se yon pitit kay pou ranplase l nan Sid. Laplume mache sou zòd Rochambeau san l pa janm reveye l pou l chanje konpòtman.
Podjab Laplume !
Podjab Laplume !
Konsa, Rochambeau fè Laplume tounen yon rat kay k ap manje pay kay. Yon rat kay k ap manje pay kay !
An bon kreyòl, depi w kite chèn lesklavaj sot nan pye w monte nan sèvo w, ou tounen rat kay k ap manje pay kay !
Depi w kite chèn lesklavaj sot nan pye w monte nan sèvo w, kisa w tounen ?
(PREZIDAN ARISTIDE ANSANM AK FOUL LA : RAT KAY K AP MANJE PAY KAY !)
Soit dit en passant, si solisyon rat se ratyè, bon eleksyon se ratyè demokratik pou kenbe teoris ak poutchis.
(APLODISMAN)
Teoris ki te nan Lame Rochambeau te champyon nan touye pou piye.
Le 14 janvier 1803, Rochambeau demanda l’autorisation de rétablir l’esclavage immédiatement. Et ceci en vue d’actualiser cette Guerre d’Extermination.
Face à la fureur et à la barbarie des colons, les noirs et les mulâtres brandissèrent le drapeau de l’unité condition sine qua non de la Victoire de Vertières.
Akouchman inite, se pat foskouch, se Viktwa, men bon jan prèv Viktwa a.
21 Oktòb 1803, Dessalines sele chwal li, li deside kite la Plèn zòn Taba pou l vin isit la nan Nò. Lè sa a vil Okap te gen anviwon 30.000 moun.
Blokaj ekonomik akoz Gè Endepandans lan te anpeche bato manje debake nan vil la. Donk, soti nan blokaj an 1803, tonbe nan blokaj an 2003, se toujou menm konplo a : Konplo kont ni 1804 ni 2004.
Èske mesaj la klè ?
(WI !)
Èske nou konprann li ?
(WI !)
Èske mesaj la klè ?
(WI !)
Èske nou konprann li ?
(WI)
Nou entèlijan, nou pa ta ka pa konprann li.
Kreyòl pale ?[/size]
(FOUL LA : KREYÒL KONPRANN !)
Kreyòl pale ?
(FOUL LA : KREYÒL KONPRANN !)
Se toujou…
(PREZIDAN ARISTIDE AK FOUL LA : MENM KONPLO A)
Soti nan 1803 tonbe nan 2003, se toujou…
(PREZIDAN ARISTIDE ANSANM AK FOUL LA : MENM KONPLO A)</BLOCKQUOTE>


_________________
Solidarité et Unité pour sauver Haiti
Marc-Henry
Marc-Henry
Administrateur


Masculin
Nombre de messages : 6334
Localisation : Canada
Opinion politique : Démocrate
Loisirs : Lecture et Internet
Date d'inscription : 20/08/2006

Feuille de personnage
Jeu de rôle: Lobbyiste

La dernière bataille de Vertières du Président Aristide Empty Re: La dernière bataille de Vertières du Président Aristide

Message  Marc-Henry Ven 16 Nov 2007 - 23:06

Pandan Desalin sou wout pou vin libere Vil Okap, sèl kote nan peyi a drapo fransè t ap flote toujou se te isit la ak nan Mòl Sen Nikola. Pozisyon Vil la te bay Rochambeau anpil asirans sekirite. Vil Okap te viwonnen ak plizyè Fò tèlke : Fò Chanpen, Fò Pierre Michel, Fò Lopital, Fò Bèlè.

Nan Fò Breda, te gen 8 pyès kanno, 600 grenadye. Isit la, kote n kanpe la a nan Vètyè te gen yon Fò ki antoure ak 12 pyès kanno.

Soti breda pou rive sou tèt ti mòn Vètyè, se pa ni 2, ni 3 bèl pye palmis, bèl pye chèn ki te toujou kanpe byen drèt, byen banda pou kolon kase randevou sou randevou, mare konplo sou konplo.

31 Oktòb 1803, plizyè ganizon sòlda debake sot Ti Rivyè Latibonit rantre Gonayiv nan menm nwit la.

Premye Novanm 1803, Dessalines pase yo an revi, e tousuit yo derape pou Lenbe, e se la randevou te kase ak tout Ofisye Siperyè ki soti nan Sid, Lwès, Latibonit ak Nò.

6 Novanm 1803, lapli tonbe san rete. Lame endijèn nan kanpe. Zòt ta di : « Lavalas la desann pou lavalas viktwa a monte. Lavalas la desann pou lavalas viktwa a monte.

(MANIFESTASYON KONTANTMAN FOUL LA)

18 novanm 1803, te gen 2 kalite lapli. Yon lapli natirèl avèk yon lapli bal.
18 novanm 2003, genyen yon sèl lapli. Lapli natirèl la.


(APLODISMAN)

Se lapli viktwa a k ap desann pou lapli viktwa a remonte e remonte chak jou pi plis.

15 novanm 1803, yo demare, e lè yo rive mòn Wouj, Dessalines tabli katye jeneral li sou bitasyon Le Normand.

Se la tout lame ki ta pral libere vil Okap la te rasanble nan linyon fè lafòs.

Kijan lame a te rasanble ? Nan linyon fè lafòs.

Yon lame 27 mil òm pye atè, do touni, bout kanson, mal abiye, mal manje, men, byen disipline, byen kanpe pou kolon pa kanpe.

17 novanm 1803, lanbi soufle, tanbou frape, fatig voltije, grangou disparèt.
Sou zòd Dessalines, Christophe ak Romain pran Laviji.
A midi pil, Dessalines plonje bò Breda.
Pyèj, penlen, bal tire, bal chante, bal reponn, Dessalines la pi djanm.


17, 18 novanm, Dessalines di Jeneral brave danje a, Capois Lamort, depi siyal la bay, plonje dirèk dirèk Baryè Boutèy.

18 novanm 1803, bonè bonè nan maten, atak la lanse. Grenadye a laso. Grenadye …

TOUT MOUN YO REPONN : A laso

Ann avan ! Akouchman viktwa a pa lwen. Sezaryèn ou pa, Dessalines sèmante lè a rive.

Choz di, choz fèt. Match fini, yo pèdi, nou genyen.

Yo pèdi !

FOUL LA REPONN : Nou genyen !

Nou genyen viktwa sa a pou nou mache sou lòt viktwa.

Eske nou gen fòs ?

FOUL LA REPONN : Wi

Eske nou vanyan ?

FOUL LA : Wi

Eske nou djanm ?

FOUL LA : Wi

Eske jenès Nò a kanpe la ?

FOUL LA : Wi

Eske jenès tout peyi d Ayiti djanm ?

FOUL LA : Wi

Alò, ansanm an nou reprann : Nou genyen viktwa sa a pou nou mache sou lòt viktwa.

Ankò e byen fò.

FOUL LA : Nou genyen viktwa sa a pou nou mache sou lòt viktwa.

Souke drapo Viktwa a !
Drapo Ble e Wouj la.
Drapo Zansèt nou yo.
Drapo Ewo nou yo.
Drapo Viktwa a.
Souke l paske nou genyen viktwa Vètyè a pou nou mache sou lòt viktwa.
1803 se yon viktwa san parèy.
2003 se yon Selebrasyon san parèy pou lonè, respè tout zansèt yo.
Ochan pou yo!
Onè pou yo!
Respè pou yo !
Bravo pou yo!
Leve drapo a pi wo pou yo paske nou genyen viktwa sa a pou nou mache sou lòt viktwa.


Premyèman : Viktwa sou tout konplo pou retounen nou nan mawon.

Moun ki ta renmen al nan mawon ankò leve men alè pou m wè.
Moun ki pa ta renmen al nan mawon ankò leve men pou m wè.
(ANPIL BRI: We e e e e e e e e! )


A a! Men pi bèl kesyon an. Talè a m te di moun ki pa ta renmen al nan mawon ankò leve men, kounye a m chanje l. Moun ki pa vle al nan mawon ankò, leve 2 men anlè pou tout moun wè.

(FOUL LA TRÈ AJITE: W e e e e e e e e e !)

Zansèt nou yo pat vle rete nan mawon, nou se bon pitit yo, nou pa ta kapab chwazi pou nou al nan mawon.
Bravo pou nou, aplodisman pou nou menm ki deside pa janm al nan mawon ankò.


(APLODISMAN)

Dezyèm viktwa pou nou ranpòte, viktwa sou tout poutchis, teworis ki vle retounen nou nan koudeta jan kolon blan yo te vle retounen nou nan esklavaj.

Bay kou bliye, pote mak sonje.
Bay kou bliye, pote mak sonje.
Kounye a koute, koute byen : « Bay kou bliye, men, bay koudeta pa bliyab”.
Eske nou bliye koudeta 1991 lan?
FOUL LA: Non !


Eske nou kapab bliye koudeta 1991 lan?

FOUL LA: Non !

Si Koudeta 1991 lan pat asasinen peyi a e asasinen plis pase 5000 pitit peyi a, èske jodia nou ta nan mizè mizèrere sa a? Eske jodia nou pa ta pi lwen ? Eske jodi a Ayiti pa ta pi bèl ?

Kidonk, èske nou ka retounen nan koudeta ankò ?
Non, non e non a jamè, pèp Ayisyen, tanke nou vivan, afè koudeta a se bliye sa e bliye sa nèt.


(APLODISMAN)

Bay kou bliye, pote mak sonje.

Fè yon ti gade la a pou nou wè, nou wè jan pèp la chofe. Youn sou lòt, youn kole ak lòt, youn kore sou lòt. Dè milye e dè milye, santèn de milye petèt ki sanble anpil avèk plizyè milyon Ayisyen ki toupatou nan peyi a e ki nan dizyèm depatman an k ap kontinye swiv wout tèt ansanm, wout solidarite, wout renmen Ewo Vètyè yo trase pou nou pa janm retounen nan mawon, ni pou nou pa janm retounen nan koudeta ankò.

Nou wè, ke se gouvènman an, ke se reprezantan, envite, ke se reprezantan kominote entènasyonal la, yo kanpe pou yo montre ni yo, ni nou, nou tout sivilize, kesyon retounen ni nan koudeta, ni nan mawon, pa gen sa pyès.

(APLODISMAN)

A la yon bèl fèt. Chapo pou nou tout !
Bay kou bliye, pote mak sonje.
Nou pote mak yon lame kriminèl…


(FOUL KOMANSE ANTONE YON CHANTE AVÈK ANPIL VI)

Chante ! chante !
Fete ! fete !
Eksprime nou !
Libète !
Eksprime nou !


(YON FOUL BYEN MANBRE K AP CHANTE YON REFREN SPONTANE)

M santi gen yon jèm libète k ap monte la a.
M santi gen yon van libète k ap pase la.
Allez-y, kontinye, chante, chante !
Allez-y, eksprime nou libreman !
Bèl, bèl. Lespri libète a pase bèl.


Souke drapo yo anlè. Souke drapo Ble e Wouj yo.
Souke drapo Tè Libète a, souke li.
Mayifik !
Chapo !
Vribrasyon an la
Kouran an pase.
M santi l e nou santi l.
(FOUL LA K0MANSE AP RELE VIV ARISTIDE…)


Quelle merveille !
Quelle vibration patriotique !
Quelle expression de liberté !
C’est ça le peuple Haïtien !


Eske m mèt kontinye ?
Eske nou otorize m kontinye ?


FOUL LA: Wi

Eske nou dakò pou m kontinye?

FOUL LA : Wi

Eske nou louvri wout pou pawòl la kontinye pase ?

FOUL LA : Wi

Bay kou bliye…

FOUL LA : Pote mak sonje !

Bay kou bliye, pote mak sonje.
Nou pote mak yon lame kriminèl
Fòk nou kore Polis la pou nou fè Ayiti pi bèl.


Policiers, Policières, vous auxiliaires de la justice, vous dont la mission est de protéger et servir, soyez toujours fiers et fidèles à la patrie.

Policiers, Policières, avni Ayiti konekte nan avni pa w. Soyons toujours au rendez-vous des victoires.

Jeunesse de mon pays, vous que j’aime patriotiquement, vous tous que j’aime tant, soyons toujours au rendez-vous des victoires haïtiennes.

Nou kapab, m konn sa. Nou konn kote nou soti. Nou konn kote nou prale. Se pou sa menm nou kontan grese memwa nou ak bon lwil patriyotik pou nou mache tèt drèt san konplèks e san pè. Reponn avè m.

FOUL LA : Tèt drèt, san konplèks e san pè.

Lè yon moun gen konplèks enferyorite, èske moun nan alèz ?
Lè yon moun soufri konplèks enferyorite, èske kè l kontan ?
Lè yon moun ap viv san konplèks, èske li santi l lib ?
Se pou sa n ap mache tèt drèt, san konplèks e san pè.


Men yon lòt manman viktwa pou nou ranpòte ! Jouva, jouvyen, n ap monte drapo Restitisyon an kanmenm. N ap monte drapo Restitisyon an kanmenm.

Jodi, demen, manman viktwa Restitisyon an n ap ranpòte l menm jan zansèt nou yo te ranpòte viktwa Vètyè a.

Kòt a kòt ak drapo viktwa Vètyè a, fòk nou ise drapo Jistis, Alfabetizasyon, Refòm Agrè, Eleksyon, Sekirite pou tout moun san distenksyon.

Jan nou konnen l, bay kou bliye, pote mak sonje. Aprè 200 zan vyolans ekonomik, mak esklavaj la toujou la jis jounen jodi a nan ak de nesans mizè a.

Vle pa vle, sote pwope, fòk yon jou nou fè ak de nesans mizè a tounen yon ak de desè, ak de desè mizè a.

Espwa fè viv ! N ap viv ak espwa na rive fè kokenn viktwa sa a. Mizè jodia se pitit pitit esklavaj la.

Mizè jodia se rezilta konplo 200 zan an.
Kit se esklavaj, kit se anbago, se menm konplo a.

Ou se viktim, mwen viktim, nou se 8 000 000 viktim, viktim ki refize mache ni ajenou, ni ak kwi lawont nan men nou.

Eske nou se viktim ?

FOUL LA : WI !

Eske nou gen anpil viktim nan peyi a ?

FOUL LA : WI !

Eske nou gen 8 milyon viktim nan peyi a ?

FOUL LA : WI !

Tout moun ki te viktim men ki pa deside mache ni ajenou, ni avèk kwi lawont nan men nou, souke drapo fyète a pou mwen.

FOUL LA AP SOUKE DRAPO YO

Souke drapo fyète a ankò.

FOUL LA KONTINYE SOUKE DRAPO YO

Se byen sa !
Yon pèp fyè, li viktim, men nan lapè, nan diyite, nan fyète, se konsa l vle mache.
Nou pa gen kòb men nou gen prestij.
Nou pa gen dola, men nou gen diyite.
Nou menm Nèg ak Nègès d Ayiti, viktim isit kòm lòtbò dlo, nou deside mache tèt drèt, san konplèks e san pè.
Gade valè ravaj siklòn anbago a deja fè.


Si gen moun nan mizè, gen moun ki koupab.
Si gen moun nan chomaj, gen moun ki koupab.
Si pi fò pèp la analfabèt, gen moun ki koupab.
Twòp inosan peye pou twòp koupab.


Lè inosan peye pou koupab, èske nou kontan ?

FOUL LA MANIFESTE POU DI : NON !

Jèn yo k ap chante e k ap manifeste kontantman nou, reponn mwen : Lè inosan ap peye pou koupab èske nou kontan ?

JÈN YO : NON !

Eske pèp la se yon pèp inosan ?

Si twòp inosan peye pou twòp koupab, lè inosan kriye grangou l, prezidan an tande.
Lè inosan di l nan chomaj, Prezidan an tande.
Lè viktim ap mande jistis, Prezidan an tande e n ap kontinye tande pou ansanm avè w nou ranpòte plizyè lòt viktwa pou tout kalite fè nwa.


Ce complot, cet embargo est génocidaire. Il nous faut un monde plus humain et plus fraternel. Les fléaux sociaux à l’échelle planétaire sont en pleine recrudescence.

Sèlman 225 moun gen plis kòb pase richès total nom de moun k ap viv nan lemonn antye.

Le néolibéral sécrète une violence endémique.

Chers compatriotes, pour le pays, pour les Héros de Vertières,
déclarons une guerre pacifique contre la pauvreté.
Déclarons une guerre pacifique contre la pauvreté !
Si Vertières se situe au Sommet du sommet des Victoires de Liberté, marchons unis vers des victoires économiques et démocratiques. Se réaliseront alors des Vertières économiques et démocratiques.


Vertières, c’est bien la victoire de l’unité.
Victoire d’un peuple héroïque, digne et fier.
Victoire contre l’exclusion et le racisme.
Victoire de la race noire.
Victoire des valeurs universelles élevant Haïti au rang de l’immortalité.


Chers Sœurs et Frères, la Guerre de Cent Ans a duré de 1338 à 1453, soit 115 années.
La Guerre des Deux Rose a durée 30 ans.
La Guerre du Péloponnèse a durée 27 ans.
La Guerre du Vietnam, 18 ans.


Si pour plus d’un, la Guerre de Vertières n’est pas la plus longue, pour nous, elle est la plus belle.
Vive les Héros de Vertières !
Ochan e bravo pou yo !


Les Héros de Vertières furent des experts en Polomologie ou Science de la Guerre.

Haïtiens, Haïtiennes, soyons tous des experts en Irénologie ou Science de la Paix.

A eux, Honneur et Gloire !
A nous leurs dignes fils et filles : « Respect, Restitution et Réparation pour une civilisation de Paix.


Merci !

(APLODISMAN)


Jean Bertrand Aristide
Vertières, Cap-Haïtien.
18/11/2003


_________________
Solidarité et Unité pour sauver Haiti
avatar
Joel
Super Star
Super Star


Masculin
Nombre de messages : 17750
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

La dernière bataille de Vertières du Président Aristide Empty Re: La dernière bataille de Vertières du Président Aristide

Message  Joel Sam 17 Nov 2007 - 9:24

Sa ki bay tristès ,lè w ap li diskou Aristide lan ,sè ke li te deja wè Kabal ki t ap monte kont li an.

Pou misye ,lènmi li yo ta ka wè rezon;men mesye sa yo pa nan rezon ,yon sèl bagay yo wè se "power".

misye te dwe monte rezistans pèp lan ki te avè l depi nan Diskou sa a e lè li te rive Pòtoprens ,premye bagay pou l te fè se fè madanm li ak timoun li yo pati e deklare yon Eta dijans ;fèmen tout estasyon radyo ak televizyon ki ta p fè pwopagann pou lènmi an e mete Pòtoprens sou pye de gè e arete tout trèt ki t ap konspire ak lènmi pèp Ayisyen yo.

Se sa anpil zanmi etranje ki t ap apiye misye yo ,t ap tann misye fè e genyen ki pa padonne misye sa.
Misye te di pa t ap gen mawon ankò e se ekzakteman sa k te rive ;anpil patizan misye yo te blije mawon ,paske misye te manke "Grenn nan Bounda l"
avatar
piporiko
Super Star
Super Star


Masculin
Nombre de messages : 4753
Age : 52
Localisation : USA
Opinion politique : Homme de gauche,anti-imperialiste....
Loisirs : MUSIC MOVIES BOOKS
Date d'inscription : 21/08/2006

Feuille de personnage
Jeu de rôle: L'impulsif

La dernière bataille de Vertières du Président Aristide Empty Re: La dernière bataille de Vertières du Président Aristide

Message  piporiko Sam 17 Nov 2007 - 11:35

Joel,
gen yon mantalite kay dirijan lakay nou ,depi anbasad ameriken louvri men li sou tet yon moun ou yon gwoup,li entouchab.Prezidan Aristid te pe yon grenn bagay:Tribinal penal entenasyonal la.Gen diplomat ki te pot messaj la bali ou pase pa lot kanal.Yo konnen ki sa titid te ka fe.2 Gwo evenman ki te presipite 29 fevrye se se supor mesye Karikom yo ,Afrik du sud E VENEZUELA KI TA VOYE TWOUP pou supote pouvwa a.
Sasaye
Sasaye
Super Star
Super Star


Masculin
Nombre de messages : 8252
Localisation : Canada
Opinion politique : Indépendance totale
Loisirs : Arts et Musique, Pale Ayisien
Date d'inscription : 02/03/2007

Feuille de personnage
Jeu de rôle: Maestro

La dernière bataille de Vertières du Président Aristide Empty Re: La dernière bataille de Vertières du Président Aristide

Message  Sasaye Sam 17 Nov 2007 - 12:55

Joel,

Sa w di ya, mwen te di mem bagay.
Mwen te voye yon email bay yon zanmi kite an rapò ak prezidan Aristid.

Zanmi an reponn mwen ke li te bay mesaj la.

Pwen ke m te poze yo te:
Lan pwen okenn gouvenman, demokratik ou pa, ki ta pèmet yon opozisyon
-destabilize yon peyi,
-touye fonksyonè
-boule biro piblik
-bonbade izinn elektrik
-kraze antenn radio
-fè propagann manti sou prezidan, gouvènman ak pèp la
-menase pou yo touye prezidan ak gran fonksyonè
-atake palè ak akademi polis
-fè manifestasyon ilegal

Mwen te di l si youn lan bagay sa yo te fèt nenpòt kote e menm Ozetazini.

Lapolis ta p kraze bounda yo.

Ou pake di se pè Aristid te pè, paske pèp lan te avèk li.

Li ta ka bay lod pou yo soti lan lari ya epi sa ta fèt.

Mwen kwè, kounye a, misye te sou presyon anbasad etranje yo, maten, midi e swa epi li kite yo kraponnen li.

Contenu sponsorisé


La dernière bataille de Vertières du Président Aristide Empty Re: La dernière bataille de Vertières du Président Aristide

Message  Contenu sponsorisé


    La date/heure actuelle est Mer 7 Déc 2022 - 14:57