Forum Haiti : Des Idées et des Débats sur l'Avenir d'Haiti


Rejoignez le forum, c’est rapide et facile

Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Vous souhaitez réagir à ce message ? Créez un compte en quelques clics ou connectez-vous pour continuer.
-17%
Le deal à ne pas rater :
Casque de réalité virtuelle Meta Quest 2 128 Go Blanc (+29,99€ ...
249.99 € 299.99 €
Voir le deal

pWEZI KREYÒL: DIFE, MÈT, KONSYANS KOURAY FÒS

Aller en bas

pWEZI KREYÒL:  DIFE,    MÈT,    KONSYANS KOURAY FÒS Empty pWEZI KREYÒL: DIFE, MÈT, KONSYANS KOURAY FÒS

Message  Edpoete Sam 18 Juil 2009 - 13:50

DIFE

Rèv, ideyal, fen, bi, objektif, destinasyon

Se alimèt gaz pou limen dife



Renome, selebrite, popilarite, onè

Se lafimen dife



Pase, istoua, memwa, souvni, tradisyon, kilti

Se sann dife



Lavi, aksyon, travay, manje, transfòmasyon, zèv sosyal

Se dife

Reyalizasyon, aktyalizasyon, akonplisman, konkretizasyon

Se dife

Aktualite, manifestasyon, egzistans, ak

Se dife

Mwayen, estrateji, plandaksyon

Se foye dife, se twapye dife, se kare dife



Dife bwapen, dife balèn, dife bouji

Se limen dife, dife se lavi

Dife bwa, dife chabon, dife recho

Se limen dife, dife se lavi

Dife fou gaz, dife fou elektrik

Se limen dife, dife se lavi

Ti lanp tètgridap, gwo lanp vè

Se limen dife, dife se lavi

Ti lanp tètbòbèch gwo lanp fanal

Se limen dife, dife se lavi



Toutan tèt pa koupe, genyen rèv

Se limen dife, dife se lavi

Lafimen dife monte anro pote mesay bay Bondye

Se limen dife, dife se lavi

Bondye Ri kè Bondye kontan li nan lajwa

Se limen dife, dife se lavi



Lè dife limen, gen sann gen temwayaj souvni

Se limen dife, dife se lavi

Temwayaj lavi, temwayaj aksyon travay

Se limen dife, dife se lavi



Sann dife se gwo remèd, se bon remèd

Se limen dife, dife se lavi

Remèd kont konfleman timoun, kont ilsè granmoun

Se limen dife, dife se lavi



Sann dife se kalmonson ki kite tras

Se limen dife, dife se lavi

Tenyen dife, jete sann dife, pase alimèt

Se limen dife, dife se lavi



Si dife pa limen, pa gen lafimen, pa gen sann

Se limen dife, dife se lavi

Lafimen pote nouvèl, sann pote temwayaj

Se limen dife, dife se lavi



Si pa gen rèv, pa gen alimèt

Ale chèche alimèt nan kat pwe kadino

Si pa gen alimèt mande vwazen prete alimèt

Se limen dife, dife se lavi

Moun fèt pou gen dife, dife dwe limen

Se limen dife, dife se lavi



Pa pase alimèt limen pou anyen, pa limen dife pou anyen

Pa kite bwa limen boule fè sann pou granmèsi

Moun dwe fè resèv, demen wap genyen bezwen

Moun ki sere se li ki chofe, fè resèv se sekirite

Manman poul ki kouve ze, se li ki kale tipoul

Je gade kote men sere, kote men kache plase

Gaspiyay pa bay, mound we aprann fè jeretyen



Pa limen lanp pouf è maji

Sa mennen nan chemen lanmò

Pa limen lanp chandèl bouji dèyè moun

Sa mennen nan chemen lanmò

Pa limen lanp nan lespri pou voye move sò

Sa mennen nan chemen lanmò

Pa limen dife pou lanmò, limen dife pou lavi

Pa limen lanp bouji nan kalfou, se nan kizin yo limen dife

Limen dife pou lanmò voye moves ò maji

Se gaspiye lajan, pèdi tan koze kredi



Se nan dife byen pye lavi boujonnen

Se limen dife, dife se lavi

Maten midi swa lakay nan jaden

Se limen dife, dife se lavi

18 juillet 2009







MÈT

Primum vivere deinde philosophare

Pwovèb laten ki vle di : viv dabò, ansuit filozofe

An kreyòl yo di : sak vid pa kanpe

Olye ou travay ou chita wap wanse pale



Depi yon ti bebe fèt avan li pale li koumanse manje

Viv manje vini avan ni rale ni mache ni pale

Yon moun avan wou tonbe valè fè gwo diskou

Dwe chèche mèt pwòp mwayen egzistans pou atou



Sinon wap tonbe nan mande tanpri souple mèsi bokou

Se konpè chen ka va tranpe moso kasav pou wou

Lè wou mèt mwayen egzistans ou genyen libète otonomi

Wou chita dèyè volan wap kondui machin egzistans lavi



Menm jan moun pa kapab viv san manje

San ekonomi yon peyi pa ka fonksyone

Lap tonbe nan fayit grangou tout decheyans

Olye enpandans otonomi, nasyon tonbe nan depandans



Avan touchoz nasyon an dwe chwazi yon model ekonomi

Genyen anpil mak machin, ou dwe konnen ki mak, apre ouf è pri

Lè wou fin konsevwa pou peyi yon rejim model ekonomi

Apre sa se anvizaje mwayen nesesè pou li mache nan direksyon reyisit



Ekonomi yon peyi se tankou motè nan yon machin

Motè kif è mchin mache, san motè pa gen machin

Volan machin se lwa konstitisyon lwa nan yon peyi

Se volan ki dirije machin, si pa gen volan, lap lage w nan trou

Pa gen mwayen kontwòl volan kontwòl anyen wap fè aksidan nan kalfou

Moun ki fè machin mache san volan se yon moun fou



Anplis si genyen machin fè genyen rout

Si genyen rout fè genyen pou chofè yon kòd rout

Ki reglemante sikilasyon chofè yo sou rout la

Si konsiy kòd rout la pa respekte se aksidan dega

18 juillet 2009





Konsyans kouray fòs

Nan pwosesis reyalizazyon yon bagay

Premye kondisyon nesesè se lafòs

Si tach la depase fòs aktyel la

Tipoul mouri nan ze, anyen pa ka fèt



Men lè fòs moun nan reponn pou tach la

Tout bagay kapab derape an mach

Nan chemen pwosesis pou reyalize dèchoz

Paske fòs ki nesesè ya vin disponib



Fòs pou kont li sèl pa sifizan

Fè travay san lespri pa patisipe

Ap distrè moun kap tonbe fè erè

Ki kapab Mennen menm nan malè



Kan lespri prezan, konsatrasyon prezan

Moun nan gen konsyans sa li ap fè

Konsa li fè travay li san komèt fot ni erè

Nan akonplisman tach li dapre lè ki fikse



Si moun pa attaché nan sa li ap fè

Fatig ap anvayi li nèt bout ra planche

Jouktan li tonbe nan enkapasite total

Pou kontinye, li abandone, travay pa fini



Kouray se fòs andedan kè osinon nanm

Ki pèmèt nou egzekite tach jiskobou

Kouray ki fè noua tache nan sa nap fè

Nan reyalizasyon bagay yo rive nan pòt siksè



Konsyans lespri se bousòl osinon eklerè

Kouray se istimilan fèman chalè

Fòs fisik sikolojik ou sosyal se motè

Se tout sa ki fè reyalizasyon ki fè moun aktè

Se sa mwen vle di tou lè mwen vle di tous itou

Lè mwen pale de konsyans nan yon kè debou

16 juillet 2009

Edpoete
Star
Star

Nombre de messages : 209
Date d'inscription : 24/10/2006

Revenir en haut Aller en bas

Revenir en haut

- Sujets similaires

 
Permission de ce forum:
Vous ne pouvez pas répondre aux sujets dans ce forum