TANTATIV KOLONIZASYON IL-AVACH PA AFRIKEN AMERIKEN (150 AN)

Depi 2010 ;NYTIMES ap pibliye yon seri ATIK sou GÈ SIVIL AMERIKEN an.
Depi lan JOU AVAN LI KÒMANSE AN AK ATAK FÒ SUMTER an ak sa k te pase pandan peryòd sa a.
Yo pibliye yon ATIK CHAK SEMÈN.
Lan mwa AVRIL lan ;yo te pibliye yon atik sou TANTATIV KOLONIZASYON ILAVACH pa AFRIKEN AMERIKEN ak pèmisyon prezidan JEFRA.

Gen moun ki ka di ki enpòtans pou nou konnen sa k te pase pandan GÈ SIVIL AMERIKEN an ;mwen ap di moun sa yo OTAN paske si SID lan te separe ;youn lan premye bagay yo t ap fè ;se kolonize KIBA ak AYITI.
AYITI an premye ,paske te gen ESKLAVAY KIBA ;pa t gen ESKLAVAY ann AYITI.Yo t ap konsidere AYITI tankou ETAZINI te konsidere KIBA pandan GÈ FRÈT lan ;e sitou SID lan te a anviwon 600 KM de KÒT AYITI yo ;ak yon LAME MODÈN pou EPÒK lan.
Yo te deja fè PLAN pou sa
Se yon lòt diskisyon!
Tankou AMERIKEN yo di :""ENJOY"" paj listwa sa a:

http://opinionator.blogs.nytimes.com/2013/04/12/the-le-vache-from-hope-to-disaster?hp

Mèsi anpil Joel, se yon dokiman enteresan. Jisteman, m ap fouye nan peryod sa a pou rechèch jeneyalojik mwen an.

Kèk ane apre dezas kolonizasyon Ilavach la, se Evèk James Theodore Holly ki ta pral debake ak 110 pitit Lafrik ki te fèt sou teritwa Etazini. Ak tout bon volonte ki te konekte ak inisyativ sa a, limenm tou li ta pral sibi tribilasyon. Maladi manke touye tout frè ak sè nou yo, nan menm ane yo debake a. Evèk Holly pou kont li pèdi yon dividal manm nan fanmi li. Kouraj ak pèsistans Holly se kichoy ki merite admirasyon. Konsa tou, nou kapab etone wè kontradiksyon ki t ap boloze nan lespri ak konpotman lidè tankou evèk Holly, prezidan Geffrard, W.E.B. Dubois nan menm peryod sa a.

N ap fè yon chita pale sou sa nan Chèche pa peche 1 me 2013 la. Tyeke www.radiokajou.com


Sous foto a: The Spirit of Missions 1895 p 278