koute epi kore Randevou Ayisyen - dimanch 7 pm

Marc,

Souple, si ou konsidere anons sa a akseptab, mwen ta vle pataje li pou yon bout tan ak konpatriyot ki sou fowom nan. Mèsi davans!

----------------

Aswè a, Randevou Ayisyen ap fokis sou sitiyasyon moun ap viv sou zile Ayiti depi 521 ane. Apre 3 ti bato ki te debake sou zile Gwanahani (Bahamas) jou 12 oktob 1492 la te rapousuiv jouk yo rive Ayiti, kay defen Tayino yo, 5 desanm menm ane madichon sa a.


Aswè a tou, se patisipasyon nou nan lansman kanpay finansman CKCU fm. Yon radyo ki estannsbay sou kanpis Carleton University nan vil Otawa, Kanada. Se gras ak lajan ki ranmase pandan kanpay sa yo, ak lajan yo pran nan men etidyan yo, estasyon sa yo fonksyone. Se yon seri radyo ki itil anpil pou ede kwape manti ak pwopagann sistèm kapitalis sovaj la, ki okipe prèske tout espas medyatik la. Kidonk, kanmarad ki gen ti mwayen ekonomik ki pèmèt yo fè sa, mwen ankouraje nou fè yon jès ak radyo a. Lè nou rele, presize se fanatik Randevou Ayisyen nou ye.

Nou pa oblije gen kob la sou nou tousuit. Nou ka voye chèk, itilize kat kredi, osnon Paypal (lajan Kanadyen osnon U.S.).

Pou ou fè yon pwomès don: $10, $25, $50, $100 (ak resi pou taks depi li omwens$25), ou ka rele (613) 520-2898 - oubyen pran 2 minit, kounye a menm, pou ou fè sa lapoula sou entènèt la: https://www.ckcufm.com/secure/pledge/

Pou ou koute emisyon ki pase depi janvye ane sa a, ale la a:
http://cod.ckcufm.com/programs/36/index.html?filter=all