Fanmi Lavalas prezante kandida pou eleksyon 2015 lan .

FANMI LAVALAS RANKONT AK KANDIDA 15 Avril 2015 Komite Ekzekitif Oganizasyon Politik Fanmi Lavalas ansanm ak konseye yo ap salye fratènèlman manm Oganizasyon an ak senpatizan l, espesyalman kandida Oganizasyon an ak nou tout ki prezan Jodi a nan Fondasyon Dr. Aristide pou Demokrasi. Nap salye laprès jan nou toujou di l, byenvini nan Fondasyon Doktè Aristide pou Demokrasi. • Rezon konferans pou laprès sa a se pou prezante kandida oganizasyon an nan pwochen eleksyon ki pwal fèt pou depite ak senatè. Chwa kandida yo fèt nan lespri tet ansanm nan 10 depatman . Depi 2013, Fanmi Lavalas te di li vle patisipe nan eleksyon lib, onèt, demokratik ak enklizif nan peyi a. Fanmi Lavalas toujou kanpe sou menm pozisyon an. Jodi a chwa kandida sou tout peyi a se toujou manifestasyon volonte Oganizasyon an pou li patisipe nan eleksyon lib, onèt, demokratik a travè tout peyi a soti nan seksyon kominal yo pase nan komin yo pou rive nan depatman yo. Se okasyon pou mwen rapele n, nou menm kandida Fanmi Lavalasobligasyonnou genyen pou nou reprezante komsadwa tout sitwayen ak sitwayèn depi nan mon rive lavil, nan sikonkrpsyon oswa depatman nou yo. Se moman tou pou mwen kontinye envite nou fe yon sèl ekip. Se nan tèt ansanm nap ranpote la viktwa. Nou fè 11 zan deyo pouvwa : tout ekip ki te fè konplo pou mete n deyo, nou pwal kale yo demokratikman. • Imaj Fanmi Lavalas pa limite a kandida, jan nou ka wèl nou reprezante diferan sektè nan sosyete a ki pwal travay ak nouvo eli yo pou byenèt kominote a Fanmi Lavalas rete konsekan ak tèt li. Nou pap janm sispann repete : Nou bezwen tout konpetans peyi a genyen a isit tankou lot bo dlo. Nou louvri pot pou akeyi tout ayisyen ki vle mete men ansanm pou n fè demen pi bèl. Nou lanse yon apèl espesyal pou tout jèn yo : jèn jan, jèn fi, ki nan Potoprens nan Provens, ki nan baz popilè, ki nan inivèsite, NOU bezwen nou tout pou leve drapo diyite peyi DAYITI. • Anvan n fini nou pa ka pa denonse arestasyon san manda Doktè Claude Joazard, kandida Fanmi Lavalas nan depatman Nodès aloske li tap kite depatman pou li vin Potoprens nan yon reyinion ak Oganizasyon an. Tout moun ki konn lalwa rekonet ke akizasyon yo mete sou do li a pa kanpe. Mannèv arestasyon sa a ke komisè polis nan sepatman an Charles Nazaire fè sou Doktè Joazard mete anko plis dout sou pwosesis electoral la pou nou ta rive genyen bon jan eleksyon lib, onèt, demokratik fèt nan peyi a. KOUDETA ELEKTORAL PAP PASE. Pou n pa pran koudeta electoral, fok nou mache sou 2 pye: Eleksyon ! Mobilizasyon ! Eleksyon ! Mobilizasyon ! Eleksyon ! Mobilizsyon ! YON SEL NOU FEB ! ANSANM NOU FO ! ANSANM, ANSANM NOU SE LAVALAS a écrit: