akisatyon initil kont gouvenman yo pap regle kose peyi ya

Anpil fwa genyen moun pou yo regle koze yo ak gouvenman ke yo pa renmen pwofite de krim ke sanzave fè pou yo akise gouvenman de konplisite ou byen denkonpetans san ke yo pa pran tan pou yo kite la polis fè travay li .Yon Presidan,yon Premye Minis pa yon komisè gouvenman ni li pa yon jij.Si nou vle genyen separatyon pouvwa vre an ayiti fok se pa tou tan pou nou ap mande Presidan yo ou byen Premye Minis yo pou yo foure bouch yo nan sa ki pa regade yo.Se nou pafwa ki fè yo kwè ke yo se supervisè jeneral nan peyi ya komsi peyi ya se te yon faktori li ye.

mwen sot ap li komantè yon enternot sou lan mo jij Saint pierre ki mouri nan yon aksidan doto.Mwen pa di ke se yon aksidan senp li ye ni mwen pa ka di non pli se touye yo touye li paske mwen pa la polis. ni Presidan ni Premye Minis la pa la polis.Se pou nou tann ke la Polis fè anket pou konnen de ki prevyen men nou pa ka gen tan ap akise minis la jistis kom si moun pa konn mouri nan aksidan machinn vre.Se pa pase yon depite te nan prison sanli pa janm kondane pandan 2 zan ki fè se li ki touye ou fè touye jij la. Mwen sonje ke lè Presidan Bush te fek monte o pouvwa genyen yon Senatè ki kanpe nan kongrè ya se avili li avili Presidan bush nan yon diskou menm semenn lan li mouri nan yon aksidan davyon men nanpren moun ki te di se presidan bush ki fè touye l.La polis te envestige aksidan avyon an e yo di ki sak fè aksidan rive.

Fok aysyen sispann mete tout krim ki fet nan peyi sou do yon presidan ou byen Premye Minis ke yo pa renmen paske yo pa nan bel job ou byen yo pa genyen chek ki ap vinn jwen yo chak mwa.Zafè patripoch la fok li manyè sispann.