Lachin pi gran peyi sou la tè.

Sasaye Jeu 26 Mai 2016 - 1:34

Mwen fèk rantre Vankouve apre yon vizit lan Beijing, kapital Lachin.
Se etonan ke peyi oksidantal yo te reyisi fè peyi saa pase pou yon peyi aryere.

Melanj antikite ak modènite lan peyi saa se yon mirak.
Lan mitan vil lan ki genyen yon popilasyon ki depase 23 milyon, achitekti depase nenpòt anbisyon Ewòp ta kapab reve.

Otèl ak restoran chic ki ekziste depi 80 zan montre ke menm lan sistèm kominis genyen yon klas ki kapab viv lan yon nivo richès.

Mwen al wè Tiananmen square kote te gen gwo lobey ant etidyan ak lame wouj lan. Li dominen ak yon gran pòtre Mao.

Mwn vizite mozole Mao an ki lan menm plas lan.
Li pi gran ke Palè Elize a Pari.

Lavil entèdi (Forbidden city), se kote enperè chinwa yo te rete pendan 6 dinasti.
Gen yon vintèn palè ki pa rete ak palè ki lan bon kondisyon toujou malgre ke pi resan yo bati an 1420 anvan Kristòf Kolon te fèt. Si yon moin wè kalite detay atistik ak skilti jeyan mastèpis wa p mande kijan yo te fè.

Kanta Gwo Miray lan (The Great Wall) se yon miray ak eskalie ki konbyen santèn kilomèt an longè. Anperèvyo te bati l pou pwotejé kont atak pirat Mongòl ki te konn vin touye, vyole , volè. A peprè men lide ak Anri Kristòf.
Se sèl konstriksyon ke astwonòt kapab wè lè yon lan espas.
Bagay sayo kapab parèt lan wikipedya men gade ak zye pa gen parèy.