Eske zafè Lame kapout, gade komandan Mario Andresol

Mwen te toujou di sa, si nou gade reyalite peyi-a, li t'ap inapropriye pou nou pa genyen, moun ki genyen antrenman, taktik, ak zam defanziv militè.

Yon kesyon pou moun ki politisyen save nou genyen sou fowòm nan. Poukisa se pa lekol de polis ke yo voye polisye nou yo al pran fòmasyon sa-a ? ...Sanble Jeneral Rodriguez ap "prepare yon koudeta" kont Preval (lol)?

Poukisa yon moun ta bezwen tout yon lame, nan tan modènn sa-a, pou ta bay yon koudeta ? ...mwen pa konnen.

Men li pa tande ki moun ki pral bay polisye yo antrenman an se ajan FBI.se pa serjan marinn ko, mon frè.chak situyatyon genyen spesyalite ki ka resoud li."Pwoblem ayisyen se pa yon pwoblem militè":General Meyers

Il a annoncé que des policiers haïtiens seront sous peu en République dominicaine en vue de recevoir des formations à l'Ecole militaire de Formation supérieure.

Sans Malice, mesye sa yo ap pran yon ti antrenman militè kanmenm, si wou vle bay tèt wou manti sa se yon lòt bagay.

Mwen pa di ke peyi-a se yon pwoblèm militè ke li genyen, mwen plis panse se yon pwoblèm de otorite leta ak mantalite. Yon peyi ki genyen "Urban Combat" vire tounen, paka genyen polisye sèlman ak ti bout revolvè ki pa antrene pou jan de sitiyasyon sa yo. Mwen garanti w, pou USA ta genyen menm reyalite Ayiti a, se National Guard wou t'ap wè k'ap fè patrouy nan lari se pa NYPD ni LAPD...

Sans Malice, wou sonje apre Katrina, yon sitiyasyon kawo te vle develope nan Louisianna, se militè yo ki te frennen sa.

Menm jan chak moun bezwen yon zam lakay yo, menm si se yon kalib .22 chak peyi bezwen lame pou defann lapatri kont ènmi entènasyonal ak lokal.

Sa ki reprezante danje pou sitwayen nou yo, n'ap konbat yo ak polisye, men sa ki reprezante danje pou lapatri n'ap konbat yo ak yon lame defansiz.

Frè m mwen aryen a fè se vre men mwen pa diskite poum diskite non .Ajan FBI yo ta ka bay antrènman saa nan akademy Polis la.nan tou lame genyen yon sektyon dentelijans ,nan lame amerikenn genyen ofisye dentelijans ki resevwa antrenman spesyal pou ranpli wol saa , pafwa se yon sivil ki bay antrenman saa nan akademi militè ou byen yon ansyen ofisye dentelijans.

Ke ajan FBI chwasi lekol militè formatyon superyè an dominikani pou li bay polisye yo antrenman ki jan pou yo negosye ak kidnapè pa vle di ke se yon antrenman militè ke yo pral pran.Nou maske vrè enterè nou deyè yon obligatyon pou yon peyi pov genyen yon lame pou nou fè moun ki pa konnen sa yo rele yon lame e ki wol li ranpli pou nou voye FADH monte.

Ki sans sa t'ap fè, si yo ta montre yo "negosye" ak bandi, san ke yo pa montre yo fason pou yo konbat bandi lè "negosyasyon" pa mache ? ...osinon pa ase ?

Nou maske vrè enterè nou deyè yon obligatyon pou yon peyi pov genyen yon lame pou nou fè moun ki pa konnen sa yo rele yon lame e ki wol li ranpli pou nou voye FADH monte.

E jiska prezan wou paka eksplike mwen poukisa pou yon moun bezwen tout yon lame pou bay koudeta ? Pa genyen moun k'ap voye FADH monte la-a, mwen di senpleman ke lame-a reflete eta sosyete-a, nou paka vle ke anyen pap mache, men se sèl FADH ki te dwe pwofesyonèl, sa-a se yon pretèks banal.

Mwen te pran desisyon poum pat pale sou bagay lame saa anko.men se pi fo ke mwen lè mwen ap gade beswen peyi dayiti epi pou moun ki sanse edike ap mande pou gouvenman depanse lajan achte gwo zam ke li pa beswen koulyè ya nan yon peyi kote 1/2 millyon ti moun pa ka ale lekol, e menm sa ki lekol yo pa genyen ban pou yo chita ,liv pou yo aprann menm tablo pa genyen nan lekol , lekol yo pa genyen pot si la pli ap tonbe ti moun yo pa ka rete nan lekol yo.lopital pa genyen aparey pou dyanostike maladi ni kabann ni medikaman pou ba moun ;nou paka netoye la ri ,nou paka menm etenn di fe nan peyi ya San ke mwen pap manke personn dega ;pou mwen se malonet paske tout moun ki ap mande pou ayiti genyen lame yo konnen byen ke nan eta peyi sa ye jodya li paka ame yon lame vre.

Ou di ke nou pa ka ta konprann pou nou te genyen yon lame profesyonel si tout enstitutyon nan peyi an degraba.La ou pa manti men lot enstitutyon pa fè 33 kou deta.ni yo pa koute otan ke yon lame initil.Men nou chita ak dominiken pou nou etabli plan pou nou konbat kidnapè ak drug dilè sak fè ke yon polis mye ekipe pa ka ranpli wol saa?Ki jan fè FADH la te ka ranpli wol yon jandameri e yon fos polis e ke PNH la li menm pa ka genyen yopn sektyon ki spesyalise li nan konbat emeut an ka dezod nan peyi ya.an atandan ke nou genyen ase lajan pou nou kreye yon jandameri ,men nap resoud pwoblem ki urjan yo anvan
?nap rebwase peyi ya ,bati bon jan lekol pwofesyonel nan tout departman nan peyi pou ba jenn gason ak jenn fanm moyen pou yo viv. nap bati sant de sante tou kote pou ba popilatyon swen , nap bati ti vil,pou nou ba pep la servis tankou dlo, elektrisite, lojman , edikkatyon,travay, sekirite. swen sante etc.Se inkoyab ke w pa ka konprann pwoblem peyi dayiti.