Kile na p lage kabrit lan?

Mesye, lilè pou n chanje kap.

Pandan peyi an kraze epi tèlman gen refleksyion ki pou fèt, pou nou eseye ede oudimwen senpatize avèk frè ak sè nou ki lan yon sitiyasyon malouk.

Pandan gen yon milyon sanzabri ki bezwen remèd, swen ak soutyen.

Pandan move repitasyon Ayisyen ap mete baryè pou nou tout keseswa lan peyi nou oubyen a letranje.

Pandan pitit nou ap sibi movez resepsyon tout kote paske demeplè blan bouke ak nou.

Ondire nou bliye tout bagay sayo pou nou chita lan diskisyon ki pap mennen oken kote.

Nou komanse we projè ranvesman gouvènman an ap ralanti.
Si nou te kwè ladann toutbon, nou ta eseye ranfòse mouvman an pou nou reyisi jete gouvènman an.

Kounyea nou pa revolisyonè anko. Nou lan chasse aux sorcieres.

Yon patisipan chwazi yon psedo ki gen yon non fanm.
Lan avata a, senbol sèks lan se yon senbol maskilen.

Yon patisipan ki deklare li se gason galan lage de gidon deyè yon moun li konprann ki te yon fanm.
Mwen pantan, paske mwen mande m kijan Riko fè pa wè ke li fè ere.
Se pa ti ri mwen ri, paske se te yon bagay ki komik anpil.

Mwen te rekonèt lan estil ekriti, gramè ak ekspresyon ke nouvo patisipan saa se te yon ansyen patisipan ki retounen avek yon lòt psedo.
Pa gen anyen ki dròl lan sa, mwen deja wè nèg ki prezante tèt yo kom endyen.
Matine pa t janm lan fè jwèt avèk moun epi aji an fanm.
Li pa janm reponn lan pawòl dous nèg ta p voye monte.

Sa ki te komik lan se ke Riko ta p fè jako pye vèt pou yon nèg ke li te deja twoke konn li avè l.

Mwen di le bagay saa sot deyò, etensèl pral gaye.

Lè Thunde rantre lan won, mwen avèti l an plizye fwa: pa rantre laa!
Misye fè bon blag avè m, konprenan ke mwen ta p fè jalouzi e li di ke nèg Kanada vle tout pou yo.

Mesye, erè fèt.
Mwen konpran veksasyon lè nou wè verite a.
Men se pa yon katastròf menmjan ak seyis 12 janvye a.

Annou bliye sa non.
Lanpwen moun ki kapab di ke se ekspre nou fè al dèyè yon nèg.
Se yon erè de jijman.

Kidonk, ann tounen sou sitiyasyon Ayiti pou n pale sou kisa ki pral rive peyi a.
Pa agrave yon sitiyasyon ki grav lan al chèche ansyen fowòm pou kontinye zen an.

Sa kapab deranje fowòm nan anpil e mwen konnen se pa sa nou vle.

Mwen pa ni lavalasyen, ni Prevalyen, ma p pale avèk nou an Ayisyen.

Riko,
Lè m di ke mwen pa ni sesi, ni sela, se ayisyen mwen ye. Se pa yon ekskiz ke ma p bay.
Mwen sèlman enterese lan sa ki pral ede Ayiti, pa ekstansyon, Ayisyen pou soti lan gagòt la.

Tout moun gen dwa chwazi kan yo vle lan yon demokrasi san pèsonn pa joure yo pou sa.

Ou di m ke opozisyon soti pou dechouke gouvènman paske Preval pa vle chita avèk yo.
Sipozan ke se ta vre, se panko yon kòz pou dechoukaj.

Lè yon gouvenman an plas,li lan yon pozision lidèship e li pa oblije chita avèk opozisyon pou li mande yo ki desizion pou l pran.
Li kapab chita avèk yo si l vle, pou eklesi desizyon l, konsilte; men viretounen, desizyon yo, bon ou move, se job gouvènman an.

Si yo mal dirije, gaspiye resous leta, detounen trezò piblik, komèt enjistis, represyon. asasina..... lè tèm yo fini, se pou yo reponn de move zak yo.

Opozisyon, lan okenn peyi e ou konnen lan Kanada tou, pa janm patisipe dirèkteman lan priz desizyon yon gouvènman.

Oplis, opozisyon kapab pwoteste kont yon aksyon gouvènman ke li pa dakò. Gouvènman an pa oblije chanje anyen pou sa, paske manda l ba l opsyon pou l fòmile politik li jan l wè ki ta bon pou peyi a ak popilasyon an.

Sa ma p di laa, se pou tout gouvènman ki anplas, kelkeswa sektè ki vote l.

Sa ki rete opozisyon an pou l fè, se prepare kanpay avèk ajanda pa yo, pou fè chanjman yo vle lè yo pran pouvwa a.

Sasaye,

Mwen pa kwè ke genyen moun ki pran plezi nan pèdi tan ak makoklen konsa. Men kòm se atansyon ke ti yason bezwen, se atansyon ke l ap jwenn.

Misye pot ko menm poste anyen mwen te gen tan konnen ke se Lanslo alyas Pierre, Webmestre, Frankie-Talkie, Marianne elatriye... Paralèl lan te senp: "Benoit Latendresse / Martine Latourmente" sedo yo similè.

Mwen pa janm panse ke misye se te yon fanm:

http://www.forumhaiti.com/haiti-politique-f3/bravo-rony-timote-t8525.htm#69165

Menmsi ke misye se senbòl fanm nan ke li te pran, se lè mwen rele l "Lanslo" ke li kouri chanje senbòl lan pou pa gason an.

Se pa yon kesyon de politik k ap regle la, paske malad mantal sa a atake tout moun tout kote ak tout tandans. Se lè ke li vle jwenn sipò moun tankou Joel ak Marc ke li foure yon zafè "politik".

Bondye ke w wè opinyon moun tout tandans, tout seks sou kesyon malpouwont sa a.