Pwodiksyon Piman nan Mònabrile resevwa premye bourad AKASAN

AKASAN se Ayisyen Ki Ap Soutni Ayisyen Nètalkole!



Nan dat 10 Oktòb 2010 la, Konsèy Teknik ki jije pwojè AKASAN resevwa nan kad Konkou Premye Bourad 2010 lan remèt rapò li bay Komite direktè AKASAN an.

Nan dat 13 Oktòb 2010 la, Reprezantan AKASAN ann Ayiti, M. F. Bellefleur siyen yon Kontra Transparans ak M. J B. Blantrisse, responsab pwojè KANARI, ki resevwa nan menm dat sa a: yon kamera foto dijital pou pwodui rapò kat je kontre, 10 mil goud lajan kado, plis 40 mil goud lajan prete.

AKASAN ap rapousuiv travay analiz ak verifikasyon li tanmen sou dosye yon dezyèm pwojè pwodiksyon agrikòl.

Pou plis detay, souple kenbe abitid tyeke sou sit www.akasan.org kote ou ka wè rapò kat je kontre AKASAN ap pibibliye detanzantan osijè aktivite li yo.

AKASAN se Ayisyen Ki Ap Soutni Ayisyen Nètalkole!