Martelly profite de l'accalmie pour charmer un ''jeune'' journaliste canadien.

Eske karapas Micky ase dur pou afronte sa k'ap tand li pi devan. (lol)

Tou dabor, lan dènye eleksyon lan payi Iran, mezanmi wo, m'ap sonje jan Obama te prese kanpe ak prop bouch li pou denonse pouvwa an plas la ou pou respekte chwa elektè, volonte popilasyon, n'importe quoi... Si m'tronpe'm di'm, men mwen misye fè silans nèt sou sa k'ap pase an Ayiti.

Sanble Barack lage koze a lan men responsabl ki te la anvan yo. Paske li fin pran abitid mete Bill Clinton devan lan tout sa l'ap fè menm lakay li. Alor se strateji demokrat yo pou regenyen popilarite pandan ke Sarah Palin sot profite al pyetine kadav anba a.

M'ap tande Sweet Micky jodi a lan entèview. Alor m'ap sonje si misye pat remèt vye jès devègonde li yo, sa pa ta fè'l mal jodi a. Misye ase poze men nou konprand ke li gen gwo firm sid-amerikèn k'ap gere kanpay li. Men kote Micky pran tout lajan sa yo, e ki ès k'ap back up misye konsa. Mwen gen anpil dout sou bonne foi misye.

Se pa posibl ke Radyo Kanada kontinye ap manke Ayisyen respè konsa. Bon, apa mwen tande apre-midi ayon jounalis k'ap pale de Sweet Micky comme un chanteur de charme. E pi Martelly ase odasye pou l'ap seye entèprete sou klavye ''L'encre de tes yeux'' de Francis Cabrel pou blan a:

Puisqu'on ne vivra jamais tous les deux
Puisqu'on est fous puisqu'on est seuls
Puisqu'ils sont si nombreux,
Même la morale parle pour eux
J'aimerais quand même te dire
Tout ce que j'ai pu écrire
Je l'ai puisé à l'encre de tes yeux.

Ha! ha! ha! si yon nèg te ka eklere'm sou ki sa misye ap chante bay cheri zye vèt la... Lan ki sa nou pran la a.

Al verifye si nou vle sou sit Radio Canada (televizyon). Sa vrèman al tro lwen. (LOL)

Misye merite yon contre-manifestation kote tout moun mete yon jip an twèl ou an pay sou yo. Rete, moun Ayiti yo ap domi.

Men non, misye pa ka prezidan. Sof ke li sanble ke'l l'ap jwe le tout pour le tout.

Pa gen satiristes lan peyi a. Tout sa yo ka fè, se voye al babouye postè kandida, ak vyolans.