Regards de femmes sur Haïti.

Fabienne Colas est la photo du centre.

Le raccourci est dans la page pour écouter toute la conversation. Que pensez-vous de la performance de vos soeurettes?

http://www.radio-canada.ca/emissions/du_cote_de_chez_catherine/2010-2011/chronique.asp?idChronique=130465

Bon ti seurèt yo boule trèbyen.
Yo tout entelijan e ka sèvi ekzanp pou lot ki an Ayiti yo reflechi e diskite avni peyi a lan menm kontèks lan san yo pa voye monte okenn politisyen.

Mwen apresye Fabièn pase lot yo paske li gen plis matirite ak ekspêryans.
Dominik se pitit moun ke m konnen byen. Mononk li se te zanmi pèsonèl mwen.
Li gen ide pwogresis e li konnen Ayiti pibyen akoz de papa l ki se te pi gwo jeyolog Ayiti.

Judit menm dapre mwen pa dan l ben ayisyen.
Li de bon fwa. men pèspektiv yo manke.

Wi, de diskisyon kons pami lajenès sitou pami jenn fanm te dwe fèt lan tout kominn ann Ayiti. Anpil bon lide ta kapab soti ladan yo. Vwa fanm ayisyèn kamoufle twop.

An paln de Fonkoze, se yon gwo oganizasyon ayisyen kim pwogresis e pèfoman.
Oganizasyon konsa pibon pase Ong yo.

Mwen dakò ak nou, kalite chita pale sa yo enpòtan anpil. Nou bezwen tande vwa medam yo pi souvan, e nou bezwen tande vwa yo,nan tout divèsite yo reprezante.Kit seonivo laj, onivo konviksyon politik, eksperyans pwofesyonèl, jenerasyon ki fèt Ayiti, jenerasyon dyaspora elatriye.

Mwen te gen opòtinte patisipe nan aktivite nan vil Montreal, ni ak Fabienne Colas, ni ak Dominique Anglade. Lòt dam nan, mwen kwè se premye fwa mwen wè li. Menmsi mwen pa pataje menm vizyon ak medam yo, mwen kwè travay yo ap fè nan domèn pa yo enpòtan epi pozitif. Mwen sonje nan kad aktivite mwen te patisipe pandan ete a kote Dominique Anglade t ap prezante KANPE, li te espantan epi estomake lè mwen te esplike ki jan noumenm nan AKASAN nou pa aksepte pou blan jwe okenn wòl desizyonèl nan sa n ap fè paske objektif santral nou se ede Ayisyen reprann konfyans nan pwòp tèt li epi kraze mit tontonnwèl la. Malerezman, mwen sispèk li mal konprann pozisyon mwen t ap prezante a. Paske, se pa poutèt nou chwazi yon chimen, ki vle di nou kont lòt moun ki chwazi mennen konba a ak yon lòt estrateji. Ojis, mwen te byen apresye travay ekip li an ap fè ak KANPE.

Konsa tou, nan chita pale sa a, opinyon pa mwen sè ke medam yo, malerezman, bay Radio-Canada yon lòt okazyon pou li klewonnen levanjil "mise sous tutelle" yo pa janm bouke klewonnen depi 10 lane a. Onivo politik klas entèlektyèl Kebekwa a, kit li di li agòch, kit li di li adwat, li soufri maladi ti kolon an ki fè yo wè nan Ayiti, yon opòtinite pou yo afime tèt yo kòm "nasyon" enperyalis si posib. Jwèt sa a ap jwe lontan e se pa ak Ayiti sèlman yo fè li. Se yon politik ki aplike atravè klib neyokolonyal yo batize "frankofoni" an. Sonje Denis Paradis ki te konvoke reyinyon konplotay koudeta a nan Lak Meech, se ansyen Minis Frankofonili te ye.

Mwen regrèt youn nan medam yo pa solid ase onivo politik pou yo te evite pyèj sa a.

Nan Montreyal, gen yon fanm solid ki rele Ghislaine Charlier. Radio-Canda toujou evite ba li mikro paske yo konnen sa li peze. Ak tout 8 deseni ekèk li genyen an, manmzèl se yon kanno solid. Li ta bon pou moun ki branche ak ekip Radio-Canada yo eseye pyeje yo pou fè yo lage yon mikro devan Ghislaine Charlier.

Detanzantan, li bon pou loray gwonde.

Kenbe fèm!

Jaf

Jaf, nou sou menm paj avèk atitid Radyo Kanada a.
Se pozisyon yo, men ayisyen alawonnbadè dwe rekonèt sa e bloke yo.
Se sak fè mwen te twouve Jidit te kite yo rale l lan direksyon saa.

Kanmenm, yo va reyalize sa.

Kanta Gislèn Chalye, se yon Marijann. Mwen pa t konnen mamzèl lan aktivite toujou.
Mwen kwè li gen katrevendi zan pase. Sa montre li se yon mapou vre.

Mwen pèdi kontak lan Kebèk depi kèk tan.
Ma p mande so Mikayèl pa ta fè presyon sou Radyo Kanada, pou manmzèl.

Finalman, Jaf, èske w gen relasyon avèk Fonkoze?

Onè Sasaye,

Mwen mize anvan mwen reponn kesyon ou poze osijè Fonkoze a paske nèg te antotye nan aktivite. Lè nou te oganize Inisyativ Ottawa pou Ayiti 2009, kanmarad Fonzoke yo te vini patisipe ladan li. Se konsa nou te rankontre Kathleen Felix. Si ou gade byen modèl yo itilize pou pwojè ZAFEN nan se yon modèl AKASAN te devlope depi kèk ane. AKASAN itilize sèvis labank Fonkoze ann Ayiti men nou pa gen pwojè ansanm. Kidonk, youn ka enspire lot men pou kounye a, se tout.

Jaf