C SPAN 2

Pou moun ki ap viv Ozetazini yo e ki gen C-SPAN 2 (Book-TV) sou rezo Cable yo,mwen envite nou TIVO (si nou genyen l) yon cho ,ki se yon entèvyou yon otè yo rele CHALMERS JOHNSON.
Y ap repete cho an ,a minwi jodi an . Misye se yon ansyen pwofesè ki a la retrèt,misye tou se yon ansyen estratejis pou CIA pandan gè fwad lan .
Se tande pou nou tande ak wè entèvyou sa a.Si m ta eksplike nou ,nou taka di m m ap ekzajere.
Mesye ap diskite de(2) liv ke li fèt ekri:
Youn se "SORROWS OF EMPIRE"
Lòt lan se "NEMESIS :THE LAST DAYS OF THE AMERICAN REPUBLIC"

SI nenpòt nan nou ta wè cho sa a ,di m sa nou panse,se yon bagay ekstrawodinè

Mon shè yè swa mwen shashe show a nan tou le 3 C_Span yo mwen pa jwen li.

Joel

fé yon ti résimé pou nou. nap aprecié sa anpil. mesi

San malis,

Se a minwi ,yo te repete cho an,se sa k fè mwen te di ke moun ki gen TIVO,ka TIVO l.

Ou gen dwa veye lè y ap "rerun" li.
Pou m di l ankò ,misye di anpil bagay enteresan ,nan yon langay aksesib.
Johnson se yon ansyen estratejis pou CIA nan zòn azyatik lan,misye tou se ansyen pwofesè ala retrèt nan Inivèsite Kalifòni ak tou nan Berkeley.

Agiman misye ,e misye eksplike trè byen sa l vle di ,se ke zafè enperyalism lan,pa nan avantay Etazini ankò.
misye di ,ke bidjè Lame ak Sèvis entelijans yo preske 500 milya dola li ye,se lajan ke Etazini pa gen ankò pou l depanse.
Misye monte sou do Bush ak konpayèl li yo,misye di ke si peyi an pa debarase l de moun tankou Bush ak konpayèl li yo ,Repiblik lan ap efondre.
Misye menm remonte nan listwa pou l di ke depi koumansman Repiblik lan,de moun tankou Jefferson te konn bay peyi an avètisman, pou peyi pa gen Lame ki ap souse resous peyi an.
Nou sonje avètisman ke Eisenowher te bay lè li t ap kite pouvwa sou danje military-industrial complex lan.

Lòt sa misye di tou ,seke lèw genyen yon Lame ki gwosè Lame Ameriken an,se pou w chache lagè pou ba yo fè,se pou w fè yon jan pou w jistifye bidjè malouk sa a ,ki anpeche w regle bagay pou pèp lan.
Misye pale tou de "polisi endistriyèl".Misye di ke gen moun ki ap toujou pale de mache lib,de mondyalizasyon (ou tande marc henry),misye mande ki sa ki fè ke Japon vin dezyèm pwisans ekonomik ke li ye an ,se industrial policy,misye fè moun sonje ke premye konpayi fabrikan oto sou planèt lan ,se pa GENERAL MOTORS ankò,men se Toyota.
Bon mwen pa vle long ,paske misye di anpil lòt bagay nan 75 minit ke l ta p pale e pran kesyon nan men moun ,nan tout Etazini an.

Kòm mwen di l veye kilè y ap repete emisyon an ,se nan C SPAN 2,ou p ap regrèt.

Bon kel koinsidans ; yè swa mwen pa konnen si w tap gade sixty minutes.Andy Rooney te di youn bagay menm jan ak sa profesè ya di ya.Andy di ke nan 1milyon plis militè ki genyen nan lame amerikenn plis pase 350 mil an deyo Eta-Zuni ;li di si yo te retounnen tout militè sa yo nan peyi yo ,Eta Zuni ta ekonomize plis pase 200 bilyon dola pa ane.

Men tou apre ke mwen pat ka jwen pwogramm profesè mwen tap gade youn "town meeting" ke Senatè Mac Cain tap bay youn kote.Pou li Eta Zuni pa genyen shwa fok li ogmante e lame de tè e KO Marinn lan.pase li di si genyen youn lot konfli ki eklate an Kore pap genyen ase militè pou reponn a menas saa. li di ke iran vle monopolise tout petrol ki genyen nan moyen Orient an e si Eta Zuni ta retire twoup yo nan IraK ,Iran ap pran kontwol tout zonn lan.

mwen byen kontan ou raple avertisman Genral Dwight david Eishenower la. Men genyen youn ansyen ajan CIA ki ekri youn liv tou "In search of the ennemy"beyen ke mwen pa li liv la men nan interview ke li te bay" Night Line"ou byen "This week" li te konkli menm bagay ke w di ya :"pou jistifye depans militè yo ke endistri zam la vle mentni fok yo twouve youn jistifikatyon pou kraponnen pep ameriken.".Konpleks sa telman pwisan e li genyen anpil lajan map mande si youn presidan ameriken ap janm kapab demantle bagay sa yo.Mwen sonje genyen youn etidyan ki te pose Al Gore youn kestyon kote li te di ke depans militè Eta Zuni depase total depans tout lot peyi Eropeyen konbine ;poukisa nou blije depanse tout lajan sayo, Al gore pat fouti reponn etidyan an.Map mande si Mac Cain ou byen Giulianni genyen elektyon presidantye kli ap vini an si moun ap genyen youn kanpo ak politik belijeran yo.Men menm Mac Cain rekonet pou ki sa genyen tan de teworis nan peyi arab yo. li di lè ou genyen you bann jenn gason ak youn bann jenn fanm ki san espwa ,ki nan shomaj yo genyen tandans rantre nan move bagay ;li di ke genyen teworis a Londres. an Espay, an frans,an Indonesie tout patou , li rekonet se youn pwoblem konpleks ki mande anpil refleksyon et anpil tan anvan nap resi resoud li.Fok pep ameriken yan genyen patyans.Se ki siyifi si Mac Cain presidan zafè retire twoup yo an Irak se bliye sa.

Joel a écrit:Misye pale tou de "polisi endistriyèl".Misye di ke gen moun ki ap toujou pale de mache lib,de mondyalizasyon (ou tande marc henry),misye mande ki sa ki fè ke Japon vin dezyèm pwisans ekonomik ke li ye an ,se industrial policy,misye fè moun sonje ke premye konpayi fabrikan oto sou planèt lan ,se pa GENERAL MOTORS ankò,men se Toyota.

Est-ce que ce monsieur a parlé de l'emergence de la Chine, de L'inde , du Brésil et les pays d'asiatiques autres que le Japon sans compter le Mexique qui a profité du Libre échange nord américain pour se tailler une place au soleil chaud entre le sud et le nord avec le chili notamment.

En Ben,se sa Johnson t ap eseye fè konprann.Misye di zòt ap aji jan yo ap aji an,se paske pèp Ameriken an pa ase enfòme.

Se pousa yon ansyen "cold warrior",yon ansyen "gè fwadis " tankou li ,gen tout enpòtans ke li genyen.
Misye di ,li pase tout jenès li ,ak yon sèl bi ,se te demanbre,dekonstonbre anpi Sovyetik lan.
Misye di limenm ak jenerasyon l yo reyisi nan tach sa a.Misye bay yon avètisman ,ke si jenerasyon sa a pa di yon ola,sa k pase Inyon Sovyetik lan ka pase Etazini tou.
Gen yon moun ki te rele ,li di misye ke misye ap ekzajere;misye reponn ke lan ane 1980s yo,kilès ki ta di ke Anpi Sovyetik t ap kraze jan l kraze an?
Misye di ,ke menm yon moun tankou l ,kite yon ansyen analis pou CIA pa t ka predi sa ki te rive Inyon Sovyetik lan.
Misye retounen nan listwa ,pou l di kouman de anpi tankou ROME,ak langletè te kolapse,te kraze.
misye di ,se toujou menm resèt lan ,Anpi yo ap pran ekspansyon,y ap pran de pliz an pliz twop responsabilite ,de responsabilite yo pa gen resous ase pou yo kenbe.
Wi,si de moun tankou MC CAIN ou byen GULIANI eli,pa gen dout y ap chache yon ekspansyon Lame an.
Men se sa Johnson t ap avèti,lè l ap pale de BUSH ak konpayèl li yo,se de tout moun sa yo li t ap pale.

Misye te pale tou de premye liv li an ( se yon triloji) ki rele BLOWBACK.
Se prese yon seri de moun ki gen "tunnelvision"
Se tankou Ho chi Minh ki te yon nasyonalis anvan li te nenpòt ki lòt is ,te mande Etazini ride l pou l inifye peyi l an 1954,epi yon seri de moun wè l kòm kominis epi yo fann lan degonn li.
Gè Vyetnam kote Etazini pèdi 53000 moun,ak depanse de santèn de milya dola ,pa t nesesè e sa k pirèd lan yo pèdi.
Epi tou misye raple koudeta kont rejim demokratik IRAN an 1953 .Se te yon rejim nasyonalis ,li pa t ankenn is ankò.
Johnson di se sa ameriken ap peye jounen jodi ak peyi IRAN .
Pa bliye koudeta kont JACOBO ARBENZ GUZMAN an 1954 lan,mennen tou dwat a revolisyon kibèn lan.

Kòm mwen di vwa moun kou JOHNSON enpòtan anpil,se tankou m ta di w yon moun tankou HUBERT DE RONCERAY ta wè peyi Dayiti sou movèz vwa ,epi l ta di si elit lan pa resesi l ,si l pa bay mas yo pouvwa pou l chwazi moun pou dirije l lib e libè,y ap kouri nan yon katastròf.
Men po dyab nou,nou pa gen entelektyèl kou JOHNSON,de vre patriyòt!