Kounyea, li minwi mwen l ka

Lan mitan tout analiz, tout sipozisyon, tout sispisyon, tout kondanasyon;
lòlòj lan ap kontinye tiktak tiktak lan direksyon minwi.

Lè nou kite bagay yo ap grandi anvan nou bloke yo, nou pa menm wè lè yo vinn mi.

Tankou mango ak zaboka sou pyebwa.
E si nou pa fè anyen, ya p gentan pouri.

Yon premye tan nou te di:
Sa paka rive.
Yon dezyèm tan, lè sa al pi lwen, nou di:
Avèk tout kalite moun konpetan, entelektyèl lan peyi an, kijan sa ta ka rive.
Pi lwen nou di entènasyonal lan pa ta kapab kite sa rive.

Pandan na p analize, gen yon lòt goudougoudou politik ki ta p mangonmen pa anba.
Pèp ke nou di ki sòt e pa konnen kisa la p fè ta p lage yon pil po mango sou beton an.
Sa k pa konnen ap glise, kase bèk, kase kou.

Entènasyonal fout nou yon panzou.
Pandan nou kontinye ap fè le kantamwa:
Yon nèg konsa pa prepare, li pa gen chans pou li ta prezidan yon peyi.

Blan an gen yon lot kalite prejije: Tout nèg se nèg.
Li pa lan tout ti sibtilite nèg kreyòl, nèg bosal, kongo etc...
Li gade li wè yon bann nèg ke li kenbe ak yon bwa long.

Men li jwen youn lan yo ki kapab fè travay li:
Amadwe, karese pèp lan, men kenbe l lan plas li.
Yo te deja wè kisa gad la te bay an 1991.

Kounyea, li two ta pou evalye eta finansye Mateli, yo te dwe gade sa depi anvan.
Li gentan finn pran nanm pèp lan.
Lanpwen anyen ki pou fè yo chanje lide.
Yo deja montre sa pa mele yo kisa moun ap di de nèg tètkale yo a.

Sa pa deranje yo ke li desann kanson l pou devwale grenn li.
Sa yo wè sè ke li gen grenn.

Kounyea, se nou ki pou ranje kò n pou nou kapab konfwonte sa k sanble inevitab.

Se depi kounyea pou nou prepare seryèman pou nou prezante yon altènatif valab lan senk an

ki donk ou di se lè volè finn kase kay la se lè sa nap rele bare volè.Ki donk nou fè jis nou pran yon presidan konpa direk tout bon vre.Se bon pou lwa.

--------------------------------------------------------------------------------

ki donk ou di se lè volè finn kase kay la se lè sa nap rele bare volè.Ki donk nou fè jis nou pran yon presidan konpa direk tout bon vre.

Se sa menm.
W konprann konpa a.

Chante an di: ala mizè pou mwen, mondye manman m.................

se sa wi vye frè tout mezon divise ap detwi.yo tout vle presidan e byen mimi ap bwè let la sou yo la pandan ke yap goumen.sa fè la penn pou pep saa.