Ki sa Ayisyen an Ayiti ap tand pou leve tou d'bon dèyè MINUSTAH?

Le gros roseau a écrit:Mwen sonje lem te jenn mwen te wè yon film nan stad la kote te genyen yon solda meriken ki te vyole yon ti fi nan yon peyi asiatik yo. e byen yon bann jen gason te sernen soldat saa sou yon wout epi yo te chatre misye kareman.

Tou d'abor, Nancy Roc te mèt al pand tèt li. Se li-menm ki te vin mande moun bor isit pou al vide zam sou Ayisyen lan katye yo. Se li ki te ensiste pou blan al fè frappes chirurgicales pou debiske mèsenè an Ayiti. Mantèz, visyèz.

Ayisyen la y'ap tande fason lót moun ap regle koze lame okipasyon ou whatever yo vle rele tèt yo. Se grav e sa tris anpil, men sa pa etone'm si y'ap trete ti moun an Ayiti tankou kabrit ou chyen ki dezame. Zafè entèlokitè ki kwè ke se yon bon bagay pou popilasyon a rete pasif paske sa fè bèl imaj aletranje. Depi tout tan sa a y'ap fè abi, byen anvan kolera, kantite ti-moun yo grennen lan peyi a, kantite jèn moun yo vyole.

Se menm bagay la yo fè an Irak, y'ap maltrete w e pi yo pran plezi ap filme w. Si Irakyen kontinye t'ap batay kontr Ameriken se pa't pou Sadam Hussein ankor, se jis rezistans kontre viol, piyaj, elatrye yo t'ap fè lan peyi sila yo tou volè an pasan.

Lè solda Kanadyen te tchenbe yon jèn filou Somalyen e pi yo te tótire'l, pran foto pandan ke yo t'ap roti'l tankou yon mouton, Somalyen yo te mache pran yo. Gen k'te chape men yo te met men sou omwen youn ke yo te ekatele jiskas ke yo te rache tout manbr li bay chyen manje.

Se drol men nèg k'ap travay pou ransèyman lan Kanada si yo se yon zafè pase sa yo ka konfime ke Kanada te kouri fèsilans e blye sa e yo te louvri valv la bay Somalyen antre pou kalme les esprits. Gen yon bagay yo pa di, jès roti'l tankou mouton an se yon fason pou yo ensilte mizilman yo ki gen koutim sa a.

Kan popilasyon an Ayiti a kómanse manje kèlk lan yo, na wè si yo pa'p jwenn yon fason pou retire MINUSTAH yo an. Konbyen tan n'ap mande pou MINUSTAH rache manyók li men yo p'ap koute. Okontrè, a kèlk eksepsyon pre, se plis arogans e LONI e OEA kontinye montre.

Mwen p'ap ankouraje vyolans men depi se lejitim defans yon popilasyon gen tout dwa pou l'proteje tèt li ak pitit li kontr repri de jistis yo menen vin sal peyi a.

Nèg yo tèlman mal ke y'ap repete ke yo pwal fè fos okipasyon tounen yon ógan' pou devlopman. Se te toujou konsa e sa pa etonan ke Ameriken te fè main basse sou tout Ministè a karaktè ekonomik an Ayiti pou l'te ka mete egou ak kèlk lót ti enfrastrikti ke ti gwoup malprop yo pa't janm anvizaje. Gade lè yo retounen nou pa fè anyen ki miyó, okontrè se plis ruin, fatra, imondis ak anbouteyaj yo jwenn.

Lót la fin deklare ke li vin met fren a manda MINUSTAH e pi 2 jou apre li pwal fè yo toune yon fós de devlopman. Mwen ta fout sa yon patat. Pa enkyete'n, li se jis yon lót ki ap fonksyone ak 4 grenn.

Lè m'ap tande nouvèl sa yo mwen pa lan blame etranje sèlman, se pou m'di verite ke dirijan Ayisyen yo, se yon band aryere pou tèt yo. Yon ras moun ki fout sót ap di ke yo briyan, entèlijan men depi se pou zafè peyi a yo pa menm ka regle yon mèd, se jis ap anvizaje kouman pou yo al ranmase moso lajan pa yo. Se pa pou anyen etranje fin pran peyi a lan main'n. Si lajan an ap sot lakay yo, yo pa pwal kite w pran'l ankor. Se sa k'fè nèg sousou yo mande anraje konsa.

M'tap gad televizyon yon dam Kanadyen k'ap di ses enfants an palan de ti-moun, ti ófelen l'ap okipe an Ayiti men m'panko tande yon Ayisyen k'ap pale konsa. Sa pa vle di ke pa gen Ayisyen k'ap pran swen ti sang yo an Ayiti enkondisyonèlman men yo gen lè pa konn pale ou byen yo pè eksprime santiman yo. La vi an Ayiti rand menm sa ki bon yo frèt.

Ki lè moun yo ap reveye? Ale tout moun vouzan ak pretèks ensekirite y'ap di ki anpeche etranje vin envesti. Yo gen lè pa'p suiv nouvèl.

Mwen rekonèt yon nèg ki gen tèlman min lan fron'l w ta di ou ka vise yon chapo lan tèt li. Se yon fason depi lontan pou ke se sèl li ak mouch ki gen dwa touche pitit li. Li te fè tout direktè, tout profesè lekól konen ke yo pa gen dwa korije pitit li. Pa pale pou zanzave Ayisten ou etranje ta menm oze fè rans konsa. Li t'ap mache pran yo.

Podyab ti-Ayisyen, yo menm blye kalonen roch jodi a.