aspirin ak te jenjanb se bon remed kont grip.

Le gros roseau Ven 7 Oct 2011 - 23:03

Lèm te ti moun grann mwen te kon fè mwen manje jenjanb boukane ak yon gren sel lè mwen gripe mwen te kon ap di kote gran moun saa bare ak remed saa. e byen se koulyè ya mwen vinn konen enpotans jinjanb ak aspirin.Mwen pral genyen 7 lane depi mwen pa genyen grip ak bronchit.Mwen se moun depim te konn mouye nan la pli ou byen kanpe nan nej lontan mwen pran grip.mwen ka remersye bon dye depi mwen pran flu shot mwen chak ane epi depi mwen pran 2 aspirin ak yon te jenjanb lèm santi yon grip vle rantre sou mwen epi li koupe tou swit.

mwen kwè li rekomandab pou nou mete jenjanb nan manje tankou trinidadyen yo fè e bwè te jenjanb anpil.Fok nou pa bliye pran flu shot nou tou chak ane ;pou aspirin lan menm fok nou toujou gen yon boutey lakay nou.mwen pran 2 baby aspirin chak swa.

Invité Ven 7 Oct 2011 - 23:36

mwen te toujou hezitan a bagay flu shot saa byen ke nan epok hiver mwen ka pran 2 grip konsa. Men tou fok nou defini sak grip la. Pou mwen grip = rume menm si se pa vre definisyon an

ainsi ne soit-il Ven 7 Oct 2011 - 23:49

Ah bon, mwen pa raple'm depi ki lè m'pa gripe. Kanta jenjanb la, mwen renmen sa anpil. Aspirin menm, si gen moun ki trouve li bon pou pou lót bagay ke analjezik, tan mye pou yo men m'pa for lan produi sa yo.

Se lan kuizin chinwaz mwen dekouvri sa. Trinidadyen yo aprand sèvi ak jenjanb lan kuizin ak etni Endyen lakay yo. Endou yo gen yon tranpèt yo prepare ak jenjanb ou ak mango, ak tout plizyè lót frui legim ou kondiman. Yo rele'l chutney. Se sa ki bon anpil lan rejim Oryantal yo: manje yo se prevansyon kontr anpil maladi. Medsin oksidantal for anpil lan repare manbr kase, lan swen ekstèn, lan bistouri itou men pou pran swen an dedan pa gen tankou moun ki soti an Oryan. Soti lan zón Oryan, Mwayen-Oryan rive menm jiska Itali rejim alimantè moun sa yo se youn lan rezon yo viv an sante e souvan jiska santenè.

Kanta melon (melon d'eau) menm, pou sa k'pa konen, sa se yon koken frui itou ki gen anpil vèti.

Amerendyen yo te gen bon rejim itou men maladi kolonizatè yo te vin debalanse anvironman yo e yo te atrap tout vye maladi yo te pote ki te pou anpil lan ekstèminasyon yo.

Se pou nou wè jan Chinwa ap enpóte fèy zoranj ki trè rechèche lan preparasyon sós spaghetti entre autres. Donk nou ka ranplase fèy lorye ak fèy zoranj pou pafimen sós nou mezanmi. Lè m'gade y'ap vand zanmórèt byen chè m'te aprand ke yo mete'l lan soup. Lè n'byen sonje zanmorèt pa fouti pa menm fanmi ak berejèn.

Pa blye ke lay se yon fós nèt pou sistèm iminitè'n. An rezime, sa bon kontr tout dyabl yo. (lol)

Invité Sam 8 Oct 2011 - 9:07

Pandan wap di sa la, msonje ane pase, te gen moun ke gouvernman te mandate pou fè zondaj nan telefonn, mande ki sa nou manje e ki orijin nou. Leu mwen finn reponn kestyon an madanm lan di ke gouvernman an remake ke gen de maladi ou jwen yo mwens kay moun ki dorijin ayisyenn, lot ou ka jwen yo mwen nan moun ki soti an asie. Ak done sa yo yap eseye wè kijan pou moun ka manje pi byen.

ainsi ne soit-il Sam 8 Oct 2011 - 12:57

Antouka, zafè obesite se isit mwen konn sa. Nómalman nou te gen gwo madanm yo ki pa't for lan ekzèsis men zafè jèn moun obès la p'at ekziste. Sof sa paran yo t'ap plede bay bwè lèt. Depi yon ti moun parèt gwo, ti zanmi tonbe takinen yo patat. E pi sa p'at gen anyen pou wè ak ti kal manje si moun pa't pran pwa ekzajere, se rejim alimantè'n, abitid deplasman'n, abitid konsomasyon'n. An Ayiti, tout moun te toujou an mouvman, p'at gen chita fèmen kor an d'dan kay.

M'ap sonje tou piti m'te pran yon 2-gouden (blesi grafiyen ki won e ki fè mal an pil) bor kuis mwen. Yon fanmi te pire fèy zèbaklou sou blesi a. Sa boule mil fwa pase alkól men an 2 jou maleng la te geri, sikatrize.

An Ayiti nou te gen anpil bon bagay men se domaj se yon peyi aryere kote yo pa valorize avantaj ki lan tradisyon'n. Se pa pou anyen klas mwayèn an Ayiti pa kanpe sou anyen. Yo pa dinamik, yo plis konn vant yo, plis ap chèche privilèj gratis olye ke yo ta ranfóse patrimwan peyi a.

Se 2 klas moun ki plis atache valè a remèd fèy, an Ayiti: peyizanri ak boujwazi eklere a. Se ak patikilarite'n, ak finès kuizin, ak kapasite proteje ak anrichi eritaj nou ke n'ka epate etranje. Tout sa fè pati de patrimwan nou. Men sanble ke se sèl politik, konpa ak foutbol ki enterese Ayisyen. E lè n'byen gade nou pa bon lan youn apa konpa dirèk dayè ki bay trop move dyaz sèjousi.

Le gros roseau Sam 8 Oct 2011 - 14:00

Men bagay sa yo ap chanje o Zeta zuni ak edikatyon ki ap fet nan televisyon.jodya tou moun konnen ke sante w depann de sa w manje e ki jan w viv.yo aprann moun ke byen manje pa vle di manje anpil.nou vin konnen non selman byenfè legum ak fwi men tou genyen yon paket lot legim ki eksiste sou la tè ke nou pat janm konnen.maten yan konpay mwen prepare yon bagay ki rele quinoa men se pa yon bagay mwen te konen.nap fè yon detox pou week-end lan.nou pap manje vyann e nap kontinye fè sa chak week-end.An ayiti ti moun yo pat ka gras paske non selman nou te fè eksersis o mwen 2 fwa pa jou men tou nou te mache anpil pou nou te ale lekol.ti moun isit se Bus yo pran pou yo ale lekol.mwen te kon mache o mwen 4 fwa pou jounen lem te ti moun.epi kote mwen te ka jwen anpil vyann poum te manje.zafè nutrityon se yon bagay ki merite yo ba li plis enpotans lekol.tankou o lye nap plede ba ti moun pen lè maten yon bo moso yanm ,ou byen yon bo moso patat ka pi bon.Latorti te di fok ayisyen chanje diet yo pou nou bouke enpote manje se vre.se pa nesesè pou nou blije enpote di ri pou nou manje l chak jou.map kontinye bwè te jenjnanm tou tan.Kanta pou aspirin lan mwen kwè ladann vre.

ainsi ne soit-il Sam 8 Oct 2011 - 16:48

Le gros roseau a écrit:tankou o lye nap plede ba ti moun pen lè maten yon bo moso yanm ,ou byen yon bo moso patat ka pi bon.Latorti te di fok ayisyen chanje diet yo pou nou bouke enpote manje se vre.se pa nesesè pou nou blije enpote di ri pou nou manje l chak jou.

Antouka, LGR, manje sinistre fè pay an Ayiti. Moun PAP manje tèlman mal ke se pri mamit diri y'ap veye...

Nèg k'ap pale ak w la se rar li te janm bezwen peye preske tout frui sa yo pami seriz, gwayav, siwèl, zoranj, zoranj komenn, zoranj surèt, mandarin, sitron, zanmann, mango, abriko, aki, korozol, kachiman, kokoye, kayimit, pomgrenad, pom-kajou, kalbasi (passion fruit), grenadin, kenèp, tamaren, kann, fig mi, rezen, rezen lanmè, bè sovaj, elatrèy. Se petèt 2 fwa m'janm achte mango aletranje paske lan katye vil mwen soti, nou te gen omwen 20 mak mango. Jodi a, mwen sonje gou tout mango m'te konn manje: mango yil, mango kanèl, mango kón, mango bèf, mango sarafin, mango sarafin po rèd, mango blan, mango labich, mango ódinè, mango soup, mango fransis, mango monben, mango sann (plizyè varyant), mango kakón, mando muska, mango terebantin, elatrèy.

W'ap pale de yanm, mezenmi wo, gen omwen dis kalite yanm nou te konn manje: yanm jón, yanm ginen, yanm dlo, yanm sèl..., san blye patat dous, tayo, mazonbèl. Anmwey! banann ak aransó le maten, diri peyi, des tazars bien frits, tankou Emile Roumer t'ap di sans oublier les nichons de nos Choucounes. Nou pa blye tip epina nou te konn manje, lalo, boujon tronpèt, lyann a koulèv, anmwey! banm kalalou'm.

Sa se pa kakakok non. (lol) M'ap rand nou nostaljik pou sa k'te profite de dousè peyi. Dlo ap koule lan bouch nou. Antouka, m'pa ka plenyen trop. Se domaj pou sa ki pa konn jan peyi sila dous.

Le gros roseau Sam 8 Oct 2011 - 21:51

se bagay saa ki fè mwen di fok nou chanje edikatyon an ayiti.Lè yon moun konnen valè yon bon nutrityon nan sante e devlopman yon ti moun mwen kwè fisyoloji ak nutrityon se 2 matyè ke pou yo te komanse anseye depi nan elemantè 1.gade wi genyen yon paket fwi ou site la mwen pa konnen yo.ayisyen pa menm konnen flore et faune ki lakay yo.nou pase plisye lane ap repete teks botanik ak zoologie san ke nou pa janm al nan laboratwa pou nou wè yo.e se pa an ayiti selman genyen deifsyans saa nan edikatyon.Lotrejou genyen yon chef anglè ki te genyen yon pwogram nan televisyon li rantre nan yon lekol ak yon paket legum epi li mande ti moun yo ki non legim sa yo yo pa konnen.Ki jan nou ka di yon moun edike si menm organn nan kor li li pa konnen sa yo fè menm manje ki bon pou kol li pa konen.ki sa poul manje.Sa mwen aprann an show Dr Oz la nan televisyon mwen pat janm aprann li pandan tou tan mwen fè lekol an ayiti ya.

ainsi ne soit-il Sam 8 Oct 2011 - 22:22

Se la wi m'pa ka sipóte moun ki pran kilti pou yon bagay statik. Se problèm mwen ak gran teorisyen Ayisyen ki detache de baz edikasyon. Jan w tabli problèm la, sa fè pati de devlopman imen, kiltirèl, entèlektyèl yon popilasyon.

Show Dr Oz la se yon fós. Sa k'ta di sa, jodi a se gras a yon Afro-Amerikèn ke pèsepsyon sosyete Etazini chanje konsa. La fée Oprah! Tout sa l'touche chanje an or. M'ap sonje yon fanm Nwa li te met anba zèl li ki te demake'l pou al bay yon sèten establishment maltrete'l. Nèg sa a ki kanpe lan Biwo Oval la dwe manmzèl yon fière chandelle apre Michou.

Le gros roseau Sam 8 Oct 2011 - 22:57

Martine zafè kilti pa statik la se sa net. nanpren anyen ki statik nan linivers.lotrejou map li ke gwo syantis yo dekouvri ke liniver ap ekspann chak jou.emenm edikatyon pa statik se chakk jou nap tande sa nou te kwè ki te verite absolu yo yo pa vre.ki donk yon moun ki rete ak menm vye konseptyon lontan yo ou vinn yon iyoran .

mon chè fanm saa se pa 2 mirak li fè O Zeta Zuni non.Mwen pa kwè sosyete meriken ap janm ba li rekonpans li merite.e ap rekonet valè li men pou mwen se yon nan fanm amerikenn ki pi infliyanse sosyete saa pandan 25 lane ki sot pase ya.Fanm lan al o texas li rankontre ak Dr phil li dil non fok ou vinn nan Show m lan jodya Dr Phil se yonn nan pi gwo edikatè e psykolog nan peyi ya.Pou dr Oz la menm se pa pale.se award sou award lap pran.e edikatyon pep la ap pran nan show saa mwen pa konnen konbyen tan li ta pran nan lekol pou edike pep saa sou nutrityon , fisyology ak maladi ki ap touye nou .

ainsi ne soit-il Sam 8 Oct 2011 - 23:38

Tchenbe la, Baron Vendredi. Bonne nuit.

Contenu sponsorisé

aspirin ak te jenjanb se bon remed kont grip.

aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.

Re: aspirin ak te jenjanb se bon remed kont grip.