Elections au Nicaragua: les incorrigibles Américains veulent encore s'en mêler.

Jiska prezan wi Nikaragweyen kwè lan Ortega. Dakor, sityasyon ekonomik yo pa tró bon men se menm diskou a yo te vle fè moun vale ak zafè mondyalizasyon yo a.. Anyen pa chanje, ti peyi yo pa jwenn anyen, gwo peyi yo plen problèm finansye e si se pa't Chavez Nikaragua te pwal kaba. Apa yo toujou kanpe an croix pou Ayiti pa benefisye nèt de konkou lót peyi.

Se sa k'fè m'konn ap di se koupe tèt bèt la si nou te vle gen moso la paix lè n'ap fè chwa'n. Yo vide bazouka sou Somoza. M'ap konprand jan Ayiti antrave lè n'gade yon ti peyi póv konsa pou Yankee al depanse lan epók sa a 4 milya dola pou l'ka kraze mouvman revolisyonè yo. Antre nou, tout sa se te pretèks pou fè lót nasyon yo pè, paske mezanmi, si yo te vle ede peyi sa a tou d'bon yo tafè on lót bagay ak lajan sa a.

Mon chè se pa't yon lit kontr marxism nèg yo t'ap menen, se jis enperyalism pou kraze ti nasyon ki vle bat zèl yo. Y'ap krye viktwa jodi a an Ayiti. Militè an Ayiti pa moun ki gen karaktè de tout fason.

M'ap li lan atikl la kote yo fè remake ke Ortega ap afiche'l kom gran kretyen. Gen bagay jounalis yo pa konen ou byen yo pa konprand. Dabor, yo vle minimize enpak teori liberasyon paske yo pa ka di ke se kominis. E pi, nèg sa yo ki t'ap goumen ak zam te gen prop konsepsyon yo tankou yon guerillero te di'm ke li pa kwè lan Bon Dye men li kwè lan Jezi-Kri. Byen ke m'te jèn, mwen te pran sang'm konprand ki sa misye vle di. Se menm jan mwen rele nèg kamarad men sa pa vle di ke m'se kominis.

Lè n byen gade, tout nèg nostaljik de lame endijèn la, se paske yo aryere malgre tout respè m'gen pou zanzèt yo ki te goumen. Pa janm gen yon militè apre ki siyale yo (apa Killick petèt), apre endepandans se move administrasyon lame a, move izaj lè se pa echek y'al pran. Pi pre ankor, se represyon ak trayizon yo konn fè. fè. Se bullshit, ap vin di ke nou bezwen lame ki pou asire souverènte peyi a. Ak ki fós? Nou tankou poul san tèt. Nou pa menm ka fè eleksyon lan peyi a.