LAME ZEGE: Pa!

Lame Zege, pa! Zanj Lavi, wi!

Depi kèk semenn koze a nan lari. Prezidan Ayisyen an, Michel Martelly, deside, wè pa wè, fòk lame (Forces armées d’Haiti – FadH) remanbre.

Sa gen lontan depi anpil moun rann yo kont Ayiti bezwen yon lame jenn fanm ak jenn gason byen antrene, byen ekipe, pou pwoteje nasyon an kont tout kalite danje ki menase li. Ojis, depi mwa novanm 2008, lontan anvan Goudougoudou te fè dega nou konnen yo, te genyen yon Komisyon Prezidansyèl [2]ki te prezante yon rapò sou ki jan yon fòs sekirite ta dwe kanpe sou teritwa nasyonal la pou li pwoteje lavi ak byen pitit peyi a. Konsèp ki te devlope nan rapò komisyon saa, se sa yo rele «Sekirite total» osnon «pwoteksyon alawonnbadè ». Sa vle di se yon plan sekirite ki tabli sou analiz tout menas ki pandye tout bon vre anwo tèt nasyon an. Prezidan Komisyon sa a, M. Patrick Elie, te rezime vizyon yo genyen sou kesyon sekirite a konsa :

Tèmomèt sekirite nan yon peyi, se manman pitit. Lè kè manman pitit poze, lè yo p ap mande si se yo k ap oblije antere pitit yo, poutèt zenglendo touye yo, oubyen kamyon san fren pase sou tèt yo, osnon dlo desann pase pran yo, lekòl soti tonbe sou yo, move dlo bay yo dyare mizerere ki voye yo nan simityè, grangou klowòks voye yo nan peyi san chapo, eksetera. Lè kè manman pitit poze, yon peyi ka di li genyen sekirite

Li pa difisil pou yon moun rezonab pataje vizyon sa a. Lè nou sonje, nan ane 2008 la sèlman te genyen 4 siklòn/ tanpèt ki te brase trip nasyon an, li klè se pa jodi jou vilnerabilite popilasyon Ayisyen an ekspoze devan je limanite. Nivo vilnerabilite sa a pa brennen malgre genyen plizyè milye sòlda nasyonzini ki ap boloze nan peyi a, depi mwa jen 2004. Okontrè, se atò Ayisyen ap viv nan ensekirite total kapital. Kidonk, ni gwo zàm fannfwa, ni tank MINUSTAH yo pa pwoteje lavi Ayisyen puiske se pa zouti lavi yo ye. Kidonk, moun ki gen bon konprann te gen tan dakò, depi lontan, pou Ayisyen mete kanpe yon lòt kalite fòs ki va pwoteje fanm ak gason, grandèt ak tilezanj kont menas ki ap frape nou tout tan.

Nan kad refleksyon ki t ap fèt sou sijè sekirite epi pase men nan Konstitisyon peyi a, jou ki te 30 mas 2008 la, otè tèks sa a te pwopoze kreyasyon yon Lame espesyal ki poko janm ekziste nan listwa peyi a. Yon lame 55500 Zanj Lavi. Alewè : Pou Yon Konstitisyon ki osèvis lanasyon[3]

« ZANJ-LAVI se 55500 Zouti Ayisyen pou Nasyon an Jwenn LAVI. Senbolikman, chak kilomèt kare peyi a, t ap gen yon fanm ak yon gason ki dedye lavi yo, an tou tan, pou garanti sekirite li kont tout menas posib. Kit se fòs lanati ki mande anraje, kit se fòs bandi ki mande bwè san malere. Misyon ZANJ yo se pou yo ede lavi pote laviktwa sou lanmò sou chak kilomèt kare ki rele nasyon an chèmèt chèmètrès ».

Wi! Nou bezwen fanm ak gason byen antrene pou kwape danje ki menase nasyon an. Men, fòk fanm ak gason sa yo genyen zouti ki apwopriye nan tèt yo epi nan men yo. Se pa ni 3500, alevwa 500, bouwo ki ap mache ak Uzi, AK47 ak lòt zàm fannfwa ki pral ede Ayiti pwoteje fwontyè peyi a kont okenn dipopo. Listwa bannou leson sa a aklè, plizyè fwa deja.

Jodi a, mwen ekri mesaj sa a pou mwen mande moun ki ka enfliyanse Michel Martelly pou yo ede prezidan an pran yon ti tan pou li koute lòt son, anwetan senfoni koutizan ki antoure li nan moman an, epi ki ap ankouraje li fonse de je fèmen, tout boulin, nan yon operasyon “Resisite FAdH” ki riske bay laplipa Ayisyen gwo kristè ak toudisman. Prezidan an pa oblije gaspiye kokennchenn opòtinite sa a pou li ta aji an lidè responsab, eklere, tout bon vre. Li pa oblije kite se testostewòn ki gide desizyon enpòtan li genyen pou li pran nan kalfou danjere sa a.

Lide reyaksyonè ki fè kwè “Ayisyen se bèt, se ak baton pou yo mache” a, se yon refleksyon GWO SOULYE, ki pa koresponn ak reyalite tan modèn n ap viv la. Ayisyen pa bèt!

Jisteman, anpil moun koumanse pase pwojè « Resisite FAdH » la nan rizib paske li pa kadre ak ni reyalite istorik /jeyopolitik peyi a, ni ak bezwen fondamantal pèp la. Sa ki fè defen FAdH gen move repitasyon se move wòl « kòmandè bitasyon » elit peyi a ak pisans etranje yo te toujou konfye fòs sa a[4]. Ayisyen pa bezwen yon lame « kòmandè » ki pou fòse yo sispann koupe pye bwa, alevwa fòse yo plante pye bwa. Alèkile, rechèch fouyadò yo pwouve aklè, se nèg lib ki te bati piramid Lejip yo. Kidonk, si nou vle bati yon « Ayiti vèt », se pa ak kout frèt ni bayonèt pou sa fèt. Sa nou bezwen se yon lame fanm ak gason ki gen konesans, motivasyon pozitif ak zouti apwopriye pou ede nou plante, sove lavi moun ak bèt nan move sezon, bay vaksen, medikaman, laswenyay, pote grandèt ki pa kapab mache pou kont yo lè dlo desann elatriye… Nou pa bezwen ni Kò Leyopa, ni Lame Zege[5] pou nou fè sa.

Pou dayè, tankou Komisyon Prezidansyèl la te lonji dwèt sou reyalite saa, Konstitisyon peyi a deja prevwa sèvis sivik obligatwa pou chak sitwayen. Si ou kwè m manti, alewè atik 52-3 ak atik 268 Manman Lwa peyi a[6].

Gen moun ki koumanse bat bravo lakontantman paske plizyè etranje deklare yo pa dakò ak lide remanbre lame a. Mwenmenm mwen di se pa opinyon zòt ki enpòtan nan dosye nasyonal sa a. Kit Washington dakò, kit li pa dakò, nan kèk mwa, sezon siklòn nan pral debake sou nou. Kit Paris dakò, kit li pa dakò, grangou klowòks kase randevou ak anpil nan nou. Kidonk, nou bezwen yon lame. Men, se yon lame sekouris, yon lame kiltivatè latè, yon lame pwodiktè manje, yon lame doktè, yon lame enjenyè, yon lame inovatè, yon lame antreprenè k ap kreye travay pwodiktif.

Prezidan Martelly te parèt tankou li te byen pati ak pwogram 4E (Education, Environnement, Énergie, Emploi) li te prezante kòm priyorite gouvènman li a. Malerezman, semenn sa a, prezidan an deside koute yon ti vwa k ap konseye li fè soustraksyon nan bidjè edikasyon, anviwonman, enèji, kreyasyon travay… pou li ka achte zouti lanmò lage nan men yon bann sòlda mal ekipe, mal antrene, ki pral fè dlo koule nan je plis Ayisyen olye yo ede peyi a remanbre.

18 novanm 1803, zansèt nou yo te itilize sèvo yo pou yo te dekonstonbre pi gwo lame sanginè ki te ekziste sou latè nan moman an. Se tout yon nasyon ki te leve kanpe paske yo te byen motive pou yon misyon ki te klè kon dlo kòk. Zouti yo te itilize yo te adapte ak reyalite moman an. 18 novanm se yon dat sakre pou tout moun ki gen bon konprann epi ki damou pou libète ak jistis. Se yon "jou pinga bliye" pou tout Ayisyen. Yon jou pou nou selebre pouvwa entèlijans, lasyans ak konsyans ki pote laviktwa sou fòs vyolans san konsyans. Mwen swete selebrasyon 18 novanm 2011 lan va rive enspire nan lespri dirijan Ayisyen yo, menm entèlijans siperyè sa a, menm lasyans ak konsyans sa a.

Èske nou va reyisi konvenk prezidan an, pou li evite nou yon espektak lèd epi danjere nan kafou Vètyè 2011? Se sa menm nou espere. Paske FAdH te konn garanti lapèrèz, li pa ka garanti lapè.

Jafrikayiti
"Depi nan Ginen, bon Nèg ap ede Nèg!"
www.godisnotwhite.com

---

Referans :
1. Zege http://ht.wikipedia.org/wiki/Zege
2. Commission Présidentielle de Réflexion pour le Renforcement de la Sécurité – Rapport Final, 28 novembre 2008. http://commissionspresidentielles.ht/gouvht/index.php?option=com_content&view=article&id=76&Itemid=84&lang=fr
3. Pou yon Konstitisyon ki osèvis lanasyon, Jafrikayiti, 28 mas 2008 http://winterludes.net/phpbb/viewtopic.php?t=21447&sid=5f954d25d2078ee9a8efa63c01a0e168
4. Who Wants to Resurrect the Haitian Armyand Why? http://www.forumhaiti.com/t13076-who-wants-to-resurrect-the-haitian-army-and-why
5. Lame Zege – Interesting facts http://www.animalsicons.com/interesting-facts-about-dung-beetles/
6. Konstitisyon Ayiti (1987) http://www.ayitireyalite.com/konstitisyonayisyen.php

---

KONSTITISYON AYITI
Nimewo 52-3: Fi ak gason oblije pase nan yon pwogram « sèvis peyi a ». Lalwa regle nan ki kondisyon pwograM sa a mache.

Nimewo 268: Lame dwe bay konkou l, pou l ede òganize pwogram sèvis peyi, ni fi, ni gason oblije suiv la, jan sa ekri nan nimewo 52-3. Konstitisyon an.
Tout Ayisyen ki deja gen dizuit (18) ane, oblije fè sèvis militè.
Lalwa deside ki jan enskripsyon dwe fèt pou pwogram sa yo, kouben tan yo dire, kouman pou yo mache.

Mwen renmen tande lè ti neg ap pale de lame bout koko makak.Mwen te ri yon jou lèm tande Kelly te di ki jan yon peyi fè pa genyen yon fire Department.se ak dlo nan je mwen tap gade Diane Sawyer ki tap mande men kote lanbilans kote ponpye lè li tap gade yon ti fi ki kofre anba yon dal beton ki tonbe sou li e ki ap mande kondisip li yo sekou lè goudougoudou a te pase..mwen pa janm te wè yon anbilans ou byen yon machine pompye ki vinn pou wè si yo ta retire ti malerez la anba kay la.men lè moun ki pa konnen ap pale w de lame.mwen pase nan vil jeremie, nan vil jakmel, nan vil Hinche , nan vil o Cap mwen pa janm wè yon kor ponpye nan vil sa yo.O cap sou magloire te genyen yon ti pomp men pat genyen machine nan pos pompye ya non.mwen sonje yon fwa pandanm te nan snem epi li te fè yon ti fredi epi kotem tap domi ya madanm lan mete yon boukan di fe nan mitan kay ki kouvri ak pay.mwen blije kouri soti deyor mal domi nan la kou a la bel etwal sou yon nat.madanm li di ou pa beswen pè ,mwen dil non mwen OK.Ayisyen ki swa disan al lekol yo pi bet pase sa ki pa ale lekol.

Ou gen rezon Martine, PNH la deja transfome jan blan an te bezwen an depi sou Gwo Jera. Tout alatèt Lapolis la te gen tan militarize lontan. Gwo zàm fannfwa ou remake nan men mesye kagoule k ap tire so moun yo, se sentom pwoblèm fondamantal peyi a:

Ni elit souflantyou a, nou zangi etranje yo konsidere epi trete pèp Ayisyen an kom yon MENAS - non pa kom yon atou.

Kidonk, envestisman yo se nan sentre baz popilasyon an, veye li, anpeche li deranje biznis gwo mouche.... Kidonk, retire lajan nan edikasyon, sante, agrikilti....mete nan fos represyon... se yon pozisyon nomal pou yo.

An reyalite pa gen gwo kontradiksyon ant Miki ak mèt ke etranje li yo. Si Miki pi entèlijan pase Ravix Remissainthe yo ap two kontan ba li Lame Zege li a.

Se ekspre mwen fè mwen itilize mo "lame" a menm paske se li ki sonnen byen nan zorèy yo. Ki moun ki byen nan tèt ki pa remake nou bezwen ponpye.....pa yon bann nèg ki kanpe devan yon estasyon pentire an wouj ak 2 machin kawoutchou plat ki pa gen dlo nan tank yo non! Mwen di PONPYE ki kapab e ki konn sove LAVI! Men, fok ponpye sa yo ta jwenn wout pou yo sikile nan vil Okap, Jeremi, Leyogan.......Sepa nan Dikoptè Premyeminis ta ablike vwayaje anndan peyi a....Pou sa fèt, fok gen yon "lame" moun k ap bati wout....

Nan lespri moun malad sa yo se ak AK47 yo bati wout. Tankou mwen di sa nan tèks la: si nou vle bati yon « Ayiti vèt », se pa ak kout frèt ni bayonèt pou sa fèt!

Batay la fenk komanse!
jaf

Refleksyon sa a ka pa vle di anyen;men li merite pou nou fè remak lan kanmenm.

Kouman fè ke se ansyen mesye FADH yo ki lan kòmand lan SENA a.
Prezidan SENA a se yon ansyen KAPTENN FADH ki rele RODÒLF JWAZIL.
Sa ki pi etranj lan gen anpil lan nèg yo ki di ke yo lan yon pati ki rele INITE ;KI SANSE AN MAJORITE;lè yo t ap asiyen kontwòl KOMITE yo ,kilès yo bay kontwòl KOMITE JISTIS ,youn lan komite ki pi enpòtan yo se yon ansye LYETNAN FADH ,reyaksyonè jis lan mwèl, ki rele YOURI LATÒTI.
Pou di ,eske se abitid mwen ,lan òbsève SENA AMERIKEN an ,pou m wè ke bagay sa yo pa fè okenn sans?

[i]Jaf, je rappelle que seul toi et moi avions osé mettre notre photo à disposition sur le site. Cela est une victoire pour le peuple noir-nègre d'Haiti de Guinée, de la Cote d'ivoire, du Nigéria, et de la haute Egypte ect ect.

Ils ont tellement honte de leur gueule qu'ils se cachent pour insulter; je ne parle pas de Roseau qui est un beau nègre au sens esthétik pas au sens du nèg fondamental de Césaire.

Césaire n'est pas un capitaliste de la gauche kassoulet, pas plus un strauss kahnien kasav haitian-american refoulé !

That's one small step for Karl X, one giant leap for forumhaiti... Personne n'est indispensable.. I don' have to call no name.. It's an error to spell fascisme f-a-s-c-h.. joel aigri agree...

Joel is one the most prolific person of a haitian mulato descent .. what ever some negriste think.. Though Joel is a ti brun.. he is like Jacques Roumain or carl Brouard.. (Thanks mate S.M)

I have learnt one thing from talking to haitians people in OPL and forumhaiti. Haiti is not as simple as we think "she" is.

Néo X

Et c'est cet homme courageux que des esclaves de maison du Burkina fasso ont assassiné.Comme d'autres ont assasssiné Lumumba,Nasser et beaucoup d'autres leaders africains.Je m'etonne qu'ils n'ont pas aussi assassiné Mandela.

Peut-etre deux ou trois.Ils ont ete reformés ,emprisonnés et tués avant meme de pouvoir deboulonner le dictateur.J'invite les lecteurs a lire cet article du Nouvelliste:"Deficience des services d'urgence dans les hopitaux."N'ai-je pas raison quand j'ecris :haiti n'a pas les moyens pour avoir une armée en ce moment.Il faut etre vraiment idiot pour reclamer l'etablissment d'un autre force en haiti au moment ou il n'y a pas d'ambulance pour transporter les malades et les accidentés dans les hopitaux."Une petite fille meurt d'une crise d'asthma parce qu'on n'avait pas pu la transporter a temps dans un centre hospitalier".Quelle horreur.

Mesye pandan n ap diskite yon bagay ke malveyan,mal-entansyone vle fè;depanse lajan ki ta ka itil peyi an pou fè lòt bagay ;mwen vin tonbe sou yon atik ki di ke NASYONZINI mete BARBADOS sou lis peyi devlope.
Se pa jwèt non ,paske lan AMERIK LAN ,MWEN kwè ke de peyi menm tankou MEKSIK ou byen BREZIL pa sou lis sa a.
Se yon bagay ekstrawòdinè ;dapre CIA WORLD FACT BOOK,99,7% BABADYEN konn li ak ekri.
Sa vle di tout moun.

Pou tan ki pase lekòl menm .Yon gason lan BABAD pase 13 zan lekòl;yon fi pase 14 zan ;sa ki vle di preske tout moun FINI LEKÒL SEGONDÈ ;89 % popilasyon an.

E pou nèg ki ap pale de zafè nwa,blan .
Dapre CIA WORLD FACT BOOK ;
93% POPILASYON an NWA
3% POPILASYON an blan.
Rès lan se endyen ak lòt miks.

Kididonk ,zafè moun nwa paka dirije tèt yo BARBADOS demanti bagay sa a.
Yo te esklav menm jan ak nou ;sòti menm kote ak zansèt yo ;alòs de ki prevyen?

http://www.coha.org/barbados-ahead-of-the-pack-as-the-most-competitive-country-in-the-caribbean/

Tande population Barbados 280.000 moun,nou menm nou preske genyen 10 milyon 90% nan yo ap viv ak mwens ke 2 dola pa jou. Si te genyen moun kap panse vre an ayiti mwen kwè pi gwo priyorite nan peyi ya se ta kontwole kwasans demografik la.Men yo di :ban nou lame nou.menm si nap bwè dlo kk manje biskwit labou.domi anba tant.menm si pa genyen anbilans ni kamyon servis dijyenn pou ranmasse fatra ki ap rantre nan nen yo.Pou fè pwogrè fok ou renmen pwoprete.bel bagay.bon jan kalite vi.men si w se ko-chon ki renmen mache sou fatra,fè kanaval nan la ri sal ou pa ka fè pwogrè;fè Charles Oscar fè makak sou chan de mars pou di ou genyen yon lame wap toujou rete mandyan; ki moun ki beswen visite yon kote ki sal tou tan?kk preske pou rantre nan bouch moun Gonayiv ki se 3 eme vil nan peyi ya nan 21 eme syek.

Si w ta pran AYISYEN yo ,mete yo lan BARBADOS,ak menm sikonstans yo;popilasyon an t ap 2,3 milyon moun.
Lè medam yo rete lekòl ,yo otomatikman fè mwens timoun.
Dapre estatistik ,si yon fanm fè 6 zan lekòl an mwayèn li pa p fè plis ke 3 timoun ;lan BARBADOS medam yo pase 14 zan an mwayèn lekòl.

Yo di tou se 10% popilasyon an ki ap viv de AGRIKILTI ;rès popilasyon se lan endistri ak sèvis l ap viv .
Tankou m te di l anvan ,gen lè ,lè nèg sòti lan SORBONNE ,MONTPELIER elt..yo tounen lan peyi yo pi sòt ;konpare ak nèg ki sòti lan OXFORD,CAMBRIDGE ak LONDON SCHOOL OF ECONOMICS.

Mon chè mwen dakor ak kestyon tou tan yon fanm rete lekol plis li fè mwens pitit.ki donk pwoblem surpopulatyon ayiti ya genyen yon rapor direk ak mank edikatyon ayisyen.men boyer ki te soti an frans te di moun pa beswen konn li pou yo travay tè.lesly pean menm di li te fèmen iniversite Santo Domingo.Ki donk lè Aristide te di si nou grangou si nap manje biskwit labou voye je nou an wo li pat bay manti paske sa nou rele elit an ayiti responsab eta peyi ya.Ki jan fè yon ti zile tankou barbados ki pa menm gwosè la Gonave ka genyen standard de vi saa epi ayiti pa menm konsidere pami peyi mwen devlope yo.2 syek apre endepandans.Kom ou di ya se pa moun nwa ki pa ka dirije tet yo.se ayisyen ki pa ka dirije peyi yo.Mwen sonje te genyen yon syklonn ki te pral pase nan karayib yo te prevwa ke li te pral frape Bahamas le yo tap interviewe yon bahameyen li dei si siklonn lan pase li krase nap rebati e nou pap mande charite.Sa se moun ki genyen diyite. se pa moun kap pwenti bek yo pou yo pale franseuuu selman.Je swi zentelektyel komokyel.ah ah ah ah

Joel a écrit:Si w ta pran AYISYEN yo ,mete yo lan BARBADOS,ak menm sikonstans yo;popilasyon an t ap 2,3 milyon moun.
Lè medam yo rete lekòl ,yo otomatikman fè mwens timoun.
Dapre estatistik ,si yon fanm fè 6 zan lekòl an mwayèn li pa p fè plis ke 3 timoun ;lan BARBADOS medam yo pase 14 zan an mwayèn lekòl.

Yo di tou se 10% popilasyon an ki ap viv de AGRIKILTI ;rès popilasyon se lan endistri ak sèvis l ap viv .
Tankou m te di l anvan ,gen lè ,lè nèg sòti lan SORBONNE ,MONTPELIER elt..yo tounen lan peyi yo pi sòt ;konpare ak nèg ki sòti lan OXFORD,CAMBRIDGE ak LONDON SCHOOL OF ECONOMICS.

se vreman pathetik pou wè La Barbade ki fèt tou lotrejou ka kap vanse konsa epi Ayiti se degrade lap degrade franchman sa pap etonem onlè ayisyen pralpran kantè al la.

Mesydam,

mwen gen bon zanmi m ki soti nan peyi Babad. Se vre sa estatistik yo rapote yo, e gen anpil moun Barbade k ap demele yo pou yo byen viv nan bèl ti zile yo a. Mèzalo fok nou pa chita ak fè jalouzi sou sa zot reyalize sèlman. Gen pwoblèm enpotan yo genyen pou yo rezoud tou. Paraekzanp, anpil nan tè yo se blan ki pwopriyetè yo. Barbade gen yon gwo kominote nan dyaspora - yo te vwayaje pou etid, pou ale nan pi gran espas elatriye....men, ti ile a tou piti. pa gen anpil plas, e li tou plat. Nenpot lè siklon ka anglouti li.

Si noumenm Ayisyen nou pran tèt nou oserye, 27750 kilomèt kare nou genyen nan men nou an - laplipa pa gen okenn fom devlopman sou yo....nou ta ka yon jeyan nan karayib la......men se SI ! SI! nou te sispann gwouye tout lasentjounen, ap fè espektak Prezidan k ap joure depite.....elatriye. Fè yon kout je sou google detanzantan pou nou wè jan ti peyi nou an gen potansyèl. Pa fè jalouzi pou bèl otowout Dominiken ap bati - si nou mete tèt nou anplas, trap de nou ka genyen bèl otowout tou..... men se si nou pa gaspiye sa nou genyen an nan fome LAME ZEGE !

Jaf

Jaf

Barbade pi piti pase La gonave wi.e al gade sou google pib per capita yo.Fok ou rekonet ke PIB per kapita yo gwo paske yo pa divise PIB pa 10 milyon men pa 280.000 moun ki donk se tankou yon fanmi ki tap touche 100 dola pa mwa ou genyen 2 ti moun wap toujou pi byen pase yon moun ki ap touche menm lajan saa men ki geyen 10 ti moun.Lè wap pale de 27750 km2 ou bliye di ke 3/4 nan tè sa yo se morn yo ye.Ki donk menm si barbade genyen yon santyem de superfisi ayiti li pa surpeple a koz de devlopman li.se sa mwen toujou ap di ya surpopilatyon pa sleman yon fonktyon de dansite men li genyen rapor ak devlopman tou.

ou di si nou mete tet nou ansanb nan 2 tan twa mouvman nap genyen bel otowout tankou dominiken ;pwoblem la pa osi senp nou genyen yon gwo reta nan edikatyon.devlopman pa fet san edikatyon.Nou genyen blan lakay nou tou poukisa nou mal konsa?pwoblem pa selman politik ,li kiltirel tou.elit ayisyen tankou yon moun te ekri deja li pa ni elitis ni ayisyenn.Pou mwen se yon revolutyon selman ki pou chanje kondityon ayisyen ki pou bati yon lot peyi.Lè wap li jounal epi wap tande sa ki ap pase an ayiti epi ou tande ke o lye politisyen ayisyen ta diminye birokrat nan administratyon piblik la pou yo ta jwen lajan pou yo regle bagay ki pi irjan yo se ogmante yo ogmante nonb Minis ak Sekretè deta.epi se mande yap mande pou yo boukle bidjè fonktyonman peyi ya e byen mon chè dim sa w vle genyen yon bagay ke kolonisatyon an kite an ayiti fok se yon revolutyon kiltirel sleman ki pou korije chenn saa yo kite nan tet ayisyen ki fè yo ap aji tankou makak.Mwen kopye yon pati nan yon teks kote yo di ke kolera ap anvayi peyi ya epi sant ki bay swen yo ap femen pot yo pa mank de finansman epi w tande martelyy se lame li vle mete sou pye.yon moun met dim sa w vle ayisyen se pa moun ki byen nan tet yo.

Se sa menm ;devlopman pa fèt san edikasyon e tankou yon edikatè ameriken te di l noumenm AYISYEN ,nou kont edikasyon.
Gen de ti kesyon ki pa fin twò konplike pou nou mande tèt nou.
Lan dènye ekzamen fen detid yo;gen anviwon 30 % timoun ki reyisi;mwen te tande radyo yo ki t ap pale de rezilta sa yo ,san emosyon,tankou se yon bagay ki natirèl.
Lan BABAD ,preske tout timoun yo fini lekòl segondè;si yon lanne ta gen 70% timoun ki reyisi sèlman popilasyon an t ap mande anraje.
Noumenm 30 % timoun reyisi se yon bagay nòmal.

Men yon lòt kesyon.Nou kopye sistèm franse an ;pa nou an menm jan ak jan sistèm franse an te ye ;sa petèt gen 50 an de sa.
FRANSE yo te gen BAKALOREYA premye ak dezyèm PATI menm jan pa nou an toujou ye jis jounen jodi an.
Ou konn poukisa yo siprime 2ZYÈM PATI AN ?
Yo di se yon gaspiyay LAJAN e yo siprime l ;men petèt noumenm ,nou chaje ak lajan se sa k fè nou toujou genyen 2 BAKALOREYA.
Yon lòt bagay ;nèg yo di yo bezwen edike timoun ;ki kote de milye de pwofesè sa yo ap sòti,si se ti kras timoun sa yo nou kite ;wi mwen byen di nou kite,fini lekòl segondè?
Richès yon peyi se lan moun ki edike ;JAPON,peyi ESKANDINAV e wi e menm BABAD pwouve sa.
DOMINIKANI a kote an,gradye preske 10 fwa timoun pase nou lan lekòl segondè ;kilè n ap fann lan dengonn mesye nou yo pou yo edike timoun yo.
Si se pa sa nou fenk kòmanse ap pale.

Joel a écrit:Se sa menm ;devlopman pa fèt san edikasyon e tankou yon edikatè ameriken te di l noumenm AYISYEN ,nou kont edikasyon.
Gen de ti kesyon ki pa fin twò konplike pou nou mande tèt nou.
Lan dènye ekzamen fen detid yo;gen anviwon 30 % timoun ki reyisi;mwen te tande radyo yo ki t ap pale de rezilta sa yo ,san emosyon,tankou se yon bagay ki natirèl.
Lan BABAD ,preske tout timoun yo fini lekòl segondè;si yon lanne ta gen 70% timoun ki reyisi sèlman popilasyon an t ap mande anraje.
Noumenm 30 % timoun reyisi se yon bagay nòmal.

Men yon lòt kesyon.Nou kopye sistèm franse an ;pa nou an menm jan ak jan sistèm franse an te ye ;sa petèt gen 50 an de sa.
FRANSE yo te gen BAKALOREYA premye ak dezyèm PATI menm jan pa nou an toujou ye jis jounen jodi an.
Ou konn poukisa yo siprime 2ZYÈM PATI AN ?
Yo di se yon gaspiyay LAJAN e yo siprime l ;men petèt noumenm ,nou chaje ak lajan se sa k fè nou toujou genyen 2 BAKALOREYA.
Yon lòt bagay ;nèg yo di yo bezwen edike timoun ;ki kote de milye de pwofesè sa yo ap sòti,si se ti kras timoun sa yo nou kite ;wi mwen byen di nou kite,fini lekòl segondè?
Richès yon peyi se lan moun ki edike ;JAPON,peyi ESKANDINAV e wi e menm BABAD pwouve sa.
DOMINIKANI a kote an,gradye preske 10 fwa timoun pase nou lan lekòl segondè ;kilè n ap fann lan dengonn mesye nou yo pou yo edike timoun yo.
Si se pa sa nou fenk kòmanse ap pale.

saw di la bon men fok nou pa bliye tou toutt moun paka doktè, tout moun paka avocat.. nou bezwen ponpye, nou bezwen elektrisyen nou bezwen abitan.

La Coordination nationale des militaires démobilisés (Forces armées... (Photo: Swoan Parker, Archives Reuters)

Agrandir

La Coordination nationale des militaires démobilisés (Forces armées d'Haïti) affirme ecadrer la formation sans armes de près de 2500 volontaires à Port-au-Prince et en province. Ci-dessus, un entraînement militaire se déroulant dans la capitale, en octobre dernier.

Photo: Swoan Parker, Archives Reuters


Étienne Côté-Paluck, collaboration spéciale
La Presse

(Port-au-Prince) Après plusieurs semaines de conjectures et d'annonces avortées, le président d'Haïti Michel Martelly devrait dévoiler vendredi son plan pour le retour des forces armées d'Haïti. Une promesse électorale très populaire malgré une histoire marquée de plusieurs coups d'État, explique notre collaborateur.

«Je n'ai pas entendu vos pieds!», hurle un chef de peloton aux volontaires, tous vêtus de pantalons cargos, casquettes et t-shirts kakis marqués des lettres jaunes: CONAMID - Forces armées d'Haïti.

Les quelque 400 jeunes volontaires s'appliquent à leur tâche avec zèle. L'événement se veut historique. Dix-sept ans après le démantèlement de l'armée haïtienne, ils s'apprêtent à défiler sur l'artère principale de Port-au-Prince.

Par son enthousiasme, la population présente lors de cette parade, le mois dernier, traduisait le désir d'une majorité d'Haïtiens de nouvelles forces armées dans le pays. Les volontaires, précédés par une fanfare, ont parcouru la ville sous les cris de joie et les regards amusés.

Ces 400 hommes et femmes reçoivent encore aujourd'hui jusqu'à trois fois par semaine un entraînement axé principalement sur la marche en peloton.

La Coordination nationale des militaires démobilisés (CONAMID) affirme encadrer la formation sans armes de près de 2500 volontaires à Port-au-Prince et en région. Les «inscrits» n'ont toutefois aucune garantie qu'ils feront partie de la nouvelle armée d'Haïti promise en campagne électorale par Michel Martelly.

Certains détracteurs qualifient ce regroupement de «milice rose», couleur associée au président. Mais pour la plupart des Haïtiens, la résurrection de l'armée va de soi.

Remplacer la MNUSTAH

«Il faut que la MINUSTAH (la force de l'ONU en Haïti, accusée d'avoir introduit le choléra) quitte le pays, s'indigne comme plusieurs de ses compatriotes le sergent Lafalaise, un des dirigeants de la CONAMID.

En entrevue avec La Presse, l'ancien militaire rappelle que Michel Martelly a visité l'une de ses bases d'entraînement durant sa campagne électorale et salué son initiative pacifique.

La mission de la future force militaire, la rapidité avec laquelle le président tente de la mettre en place, tout comme le peu de consultation qui l'aura précédée, alimentent néanmoins les débats et raniment certains souvenirs de l'ancienne armée responsable de plusieurs coups d'État.

Celle-ci faisait par exemple un travail très proche de la population, ce qui rendait plus faciles les abus de pouvoir. La candidate défaite à la présidence Mirlande Manigat réclame en ce sens que cette future force ne fasse aucun travail «de police».

Le sergent Lafalaise reconnaît qu'il y a eu des abus de pouvoir commis par des membres de l'armée avant son démantèlement. Il salue à ce propos le professionnalisme de l'état-major uruguayen face aux cinq soldats de la MINUSTAH qui ont été accusés d'agression sexuelle sur la côte sud du pays. Les militaires des forces armées d'Haïti «qui ont ordonné des crimes par le passé devraient eux aussi être jugés devant une cour martiale», soutient-il.

Une ébauche du projet de Martelly a beaucoup circulé par courriel et dans certains médias. En plus de la mise sur pied d'une force de 3500 personnes, celle-ci prévoyait la présentation des premiers effectifs des nouvelles forces armées ce vendredi, comme l'ont d'ailleurs rappelé plusieurs discours de Martelly.

Le chanteur devenu politicien a finalement reculé la semaine dernière, annonçant le report du lancement de quelques semaines et un renforcement des effectifs de la police nationale d'ici là. Ce n'est donc que le plan pour la nouvelle force militaire qui devrait être dévoilé officiellement vendredi.

La date sera symbolique. Le 18 novembre est la journée où l'on commémore la capitulation militaire française qui a mené à l'indépendance d'Haïti et la libération des esclaves.
http://www.cyberpresse.ca/international/amerique-latine/201111/17/01-4468773-haiti-ressuscite-son-armee.php