KI JAN BAGAY SA AP FINI?

Mwen sot tande reprezantan MINISTA a di ke mesye ak zam lan LAMENTEN yo reprezante yon danje;yo pre pou yo mete SIRO sou AKASAN mesye sa yo.
Se pou mesye sa yo mete zam yo atè wi;ou byen se yon lòt zafè RAVIX RAMISSAITHE ak GRENN SONNEN ki pral fèt la a ankò wi

se yon dezod ki dwe jwen yon solutyon.pèsonn pa konnen ki moun ki chef neg sa yo.ki moun ki peye yo .

Mon chè depi lontan neg sa yo se mercenaire.Yo anfouye anpil moun nan peyi ya deja.se pousa mwen di peyi dayiti se yon peyi danjere.pou nenpot ti mil dola ou ka pèdi la vi w nan move kondityon ak neg sa yo.se piousa mwen te kon di ke MINUSTAH se yon mal nesesè paske depi bagay jandam saa pankor jwen yon solutyon definitiv e byen stabilite politik se yon rev ki pap janm reyalise an ayiti.jandam ayisyen pa respekte otorite sivil se pa fot yo se konsa yo fome yo.pou yo mo sivil la se yon jouman.nou pa tande ki jan Acedius Saint louis te trete Cedras lè li te cadet:" lè yo fome w pou rayi sivil ki jan pou fè respekte ;yo pwoteje yo." Fo se djake ou vle djake yo tou tan.Kalote, fè presidan fè kk nan pantlaon yo se lè w saa yo santi yo chef.Nou pat tande sa ansyen jandam okton Chavannes te di otorite sivil ki te ale nan imigratyon ;Li di kiles ki Senatè ak depite yap vinn palel la.Pou li se Roland Chavannes selman li rekonet kom otorite nan peyi ya.

mwen pa konnen si yon jou ka genyen yon lot fos nan peyi ya kanta neg FADH sa yo se peye yo pansyon yo sak genyen dwa a pansyon epi di yo mete yon ti dlo nan kleren yo.pou yo fè pep la bliye yo.Yo te fè peyi ya twop mal.

Se sa k fè mwenmenm tou mwen pa janm rele ABA MINISTA.
Mwen konnen se te yon kou ranje bagay sa a te ye ;men tou si se pa lòt moun ki devan bann politik lan tankou w di an ,se yon MAL NESESÈ.
Imajine w konbyen koudeta ki t ap deja fèt si mesye sa yo pa t la.Mwen si ke t ap deja gen yon gwoup nèg ki t ap mete PREVAL anba kòd ak yon sèl bi;pou yo fè yon kou tou.
Mwen tande gen nèg ki ap di ke y ap kanpe si MINISTA mete zam sou militè demobilize yo;si sa rive se MATELI ki ap responsab se pa p lòt moun.
Sa m t a konseye mesye LAVALAS yo ;angiz pou yo manifeste kont MINISTA ;li ta pi bon pou yo si yo ta mobilize pou fòse MINISTA dezame mesye sa yo pito;SI YO KA FÈ SA!

Mwen sot li ke Anacacis di li enkyete sou zafè militè sa yo ki ap okipe biro leta ak kan laminten san ke pèsonn pa konnen ki moun ki chef yo.Serjan ki di se li ki an chef neg lamanten yo di li pat bay lod pou neg Nord yo okipe biro leta.ki donk se pa yon sel lame ki genyen an ayiti se plisyè lame.chak genyen chef pa yo.Ayisyen te genyen rezonn chante :gade yon peyi mwen fè sam pito pou yo te ironise Francois duvalier.Genyen yon zanmim ki te ale nan yon lanterman an ayiti ki dim ayiti tounen yon jeng li pat manti.