BREZIL AP SIGE POU PI DEVAN!

Semenn sa a mwen t ap tande y ap bay rezilta ,konbyen ti moun ki pase lan RETO.
Mwen tande 29000.29000 sou yon popilasyon 10 milyon.
An FRANS ke nou renmen imite an se plis ke 600000 sou yon popilasyon de 60 milyon .Se anviwon 90% timoun ki konpoze yo,e yo di ke lè yo fin repechaj se ap ant 95 ak 96% timoun yo.
Ou tande y ap bay REZILTA sa yo ann AYITI ,pa gen pèsonn lan PRÈS lan ki leve vwa yo pou mande kouman yon bagay konsa fè ak rive.
Pou kontinye ,anviwon 63 % timoun ki pran ekzamen FILOZOFI yo pase .
Tonnè ,kouman fout timoun yo ka pase ekzamen RETORIK yo e ladan yo se 2/3 ki pase lan FILOZOFI.
Pote kòd pou mare moun ki responsab EDIKASYON yo ann AYITI.

Bon pou BREZIL.Poko janm gen yon gouvènman ki AGRESIF konsa sou bagay EDIKASYON ke gouvènman DILMA ROUSSEF lan.DILMA ROUSSEF detèmine pou l edike POPILASYON NWA a lan tout sans ;paske se sa ki pou fè BREZIL rive kote li vle rive an ,YON PWISANS MONDYAL ki posibman ka fè KONKIRANS ak ETAZINI ak LA CHINE.
Gen plis ke 50% popilasyon BREZIL lan ki di ke yo DORIJIN AFRIKEN.
Se yon gwo pwogrè;paske si w al mande AYISYEN ki orijin yo ;mwen doute ke ap gen 60 ak 70% ki ap di ke yo dorijin AFRIKEN;e nou konnen ke se ant 98 ak 99 %.
Gouvènman BREZILYEN an ap òganize tout kalite KONFERANS paske yo detèmine pou popilasyon BREZILYEN an konnen ke yo a predominans AFRIKEN.
Se yon lòt koze.MEN YON ATIK ENTERESAN:

http://www.nytimes.com/2012/08/31/world/americas/brazil-enacts-affirmative-action-law-for-universities.html?ref=americas