Jowèl, gade sa k ap pase Petyonvil nou an. Ayibobo Jeri Tadye

Ki kote ekzakteman OTÈL sa a ye?
Byen ke ,dènye fwa mwen te PETYONVIL se te pou m al antere PAPA m ;an 1996;PETYONVIL te deja chanje.
Antouka ,antreprenè yo sou la bòn vwa,paske tourism se youn lan premye jan pou fè antre lajan.Depi w gen touris ,lòt bagay ap vini!

Jowèl, mwen pa konnen ki kote otèl la ye. Dapre sa m konprann konstriksyon an ap fèt toujou. Yo di li lan yon nouvo katye lan Petyonvil, petèt ViVi Mitchell.

Sa mwen pi renmen sè ke se yon otèl a 90 pousan ayisyen. Pa gen okenn pwojè konsa lan Karayib lan.
Mwen pito sa pase yon Holiday Inn oubyen Best Western.

Sa demontre ke mantalite ayisyen ap chanje. Gade yon lôt videyo sou pwojè an.
Nou pa bezwen se gouvènman oubyen prezidan ki pou fè pwojè lan peyi an.

Nouvèl jennerasyon antreprenè soti lan dyaspora a, pa lan boujwazi tradisyonèl ak boujwazi arab lan.
Se sa k fè yo gen plis vizyon, gade pi lwen.

Mwen ta renmen wè kômantè Gwowozo sou bagay saa tou.

Mwen on tijan dezapwente pou m wè, gen anpil pôs ki montre yon pwogrè lan avansman pèp nou an, men manm fowom nan pa reyaji paske sijè yo pa politik.

Si nou ap defann enterè Ayiti, se pou nou rekônèt lè gen pwogrè, menmjan nou dwe kritike sa k pa bon tou.

Mwen tande youn lan vwa yo di ke se lan ""AVENUE PANAMÉRICAINE"".Si memwa m pa fè m defo;avni sa a ;se li ki pwolonjman ROUT BOUDON,ki pase ANBA TI SEN PYÈ e vin abouti bò kote MACHE an te ye an.
OTÈL lan ,se posib lan zòn kote MONTANA ak VILLA CRÉOLE ye ,ou te ye an.