Vwayaj lan Plato Santral pa yon misyonè. Bon bagay malgretou

Videyo saa genyen anpil bèl bagay:
Li montre kijan peyizaj Ayiti ye jodya, avèk bèl peyizan, avèk travay ke moun lan zônn nan ap fè.
Li montre progrè an menm tan li montre ke pwovens lan peyi an toujou agreyab tankou lontan.
Li montre endistri ke moun yo ôganize pou fè komès ak espri entreprenè.

Mwen remèsye frè Joèl pou fim saa, ondire li fè lôt tou.
Mwen paka blame l paske ayisyen te dwe fè travay saa yomenm.
Sepandan malgre li fè yon bèl travay pou montre vizaj peyi a, se job li lap fè.
Mwen pa dakô ak preche li fè an lan zafè si w pa gen Jezi ou pa gen anyen.
Si l di sa lan legliz li se ok, men li sanble li tou pwofite mete mo pa l pandan la p montre mèvèy peyi an.
Sa n panse?

Epitou, poukisa jounalis ayisyen pa fè pŵogram konsa pou montre tout provens lan peyi an?
Sa ta chanje imaj ke moun genyen de Ayiti ki baze sou lavi lan Potoprens.
Imaj provens yo pi byen pase sa nou wè lan kapital la.

bonjour sasaye

je suis heureux de voire ca c est le vrai haiti,ca donne envie
qu ils ne se fassent pas pourrirs par le monde exterieur car ils sont beau et simples
ca manque un peu d arbres s ils pouvaient planter des vergers cela augmenterait leur bien etre et leurs revenus
ce pretre la est un visionaire,il est tres heureux de visiter un tel endroit plein de prommesses
avec des gens qui participent a la communaute
c est une chouete video merci

Mèsi Travè,
Mwen kontan w apresye videyo saa.
Li fè m sonje Ayiti ke m te konnen lè m ta p grandi lan peyi m.
Sosyete ayisyènn entak paske yo pa enfliyanse anpil pa enterè etranje.

Sepandan yo menase pa misyonè tout relijyon ki sitou pwotestan meriken ki anvayi yo pou montre yo kijan pou yo viv.

Wozo,

Tanpri banm yon opinyon sou lavi an provens ke nou wè sou videyo saa.
Mwen konnen ou te pase lann zônn na lan ane 60 yo.
Eske sa pa ba w nostalji.

An pasan, mwen kontan wè gen bèl wout lan tout rejyon an.
Sa fè m anvi wè peyi m.

Zanmi Sasaye,

Mèsi anpil pou video a !

Se vre, Rodrigue byen plase pou konpare "Hinche" epOk li te jèn (nan ane 60 yo), li tap travay nan SNEM apre li te kite LETA (Lame) ak "Hinche" jodia.

Rico gen manman li ki moun "Hinche" e papa li ki moun o Kap, ki gen dwa banou anpil detay tou sou zOn nan tou.

Père Joël pa nou an pa konn zOn sa a ditou !!!

Mèsi ankO,

Amoph

Kisa!? Amoph ki ekri mesaj sa a, nan respè total pou Otograf ofisyèl lang nou an!? Ayibobo! Felisitasyon konpatriyot!


Nou te deja tanmen yon diskisyon sou seri Videyo Pastè Joel yo ki pote bon enfomasyon, ki montre travay Ayisyen kite zot ap fè, ak tout konsekans ki mache ak neglijans sa a. M pa sonje kote diskisyon sa a ye nan achiv yo.

Te gen yon estasyon tele ann Ayiti ki te koumanse fè travay repotaj anndan fon kè peyi a. M kwè se te Tele Eclair....men m pa sèten si se bon non an, ni si yo kontinye feraye.

Amôf frè m,
Mèsi. Mwen pa wè Wozo souvan ankô, mwen swete li byen.
Li konnen pwovens yo byen, se sa k fè mwen mande l yon konparezon avèk jodya.

M kontan wè efô lengwistik w.
Kenbe la sitwayen.
Ayiti gen espwa toujou.