Men sa patenarya avèk Lachin ka bay olye na p tetelang ak Tayiwan

SASAYE;

Se pa kounye an mesye yo ap goumen pou yo fini WOUT ki pou ale JEREMI an .Antre an poupalè ak LA CHINE epi mwen pa ba w 3 MWA tout WOUT ak BON PON ap konstwi.
DOMINIKEN yo se ''vyolon"" y ap jwe ak bagay TAIWAN-CHINE lan ;yo pa lage TAIWAN nèt men CHINWA yo ap envesti dè milya de DOLA an DOMINIKANI.
Yo preske patou lan KARAYIB lan ,menm ak peyi ki poko gen relasyon diplomatik ak yo;EKSEPTE AYITI

Wi,koulan....EWOPEYEN yo.
Lè BÈLJ yo te debake lan CONGO an 1885 ;se pa sèlman pran yo te vin pran non ;se te MASAKRE pou yo debarase yo de KONGOLÈ .Ant 1885 ak 1908 yo estime ke BÈLJ yo te ekstèmine ant 10 ak 15 MILYON KONGOLÈ.Epi yo pa t kite absoliman anyen lè yo t ap mare pakèt yo an 1961.
Se yomenm ki la kòz ke CONGO lan tout pwoblèm li ye jounen jodi an.Yomenm ak ALYE AMERIKEN yo ki te vin pran la RELÈV.
CHINWA yo pa kon sa.Y ap chache resous men se pa pran sèlman yo vin pran.

Gade sa CHINWA yo ap fè lan CONGO epi EWOPEYEN yo ap mande pouki sa AFRIKEN yo sòti pou mete pye lan dengonn yo ,pou yo fè ""business"" ak CHINWA yo.

Kounye an se sa CHINWA yo ap fè lan AFRIK de LÈS.
Yo bati yon CHEMEN D FÈ ki relye TANZANIA ak KENYA.
E se pa ak lajan non AFRIKEN yo peye CHINWA yo.Se ak resous natirèl.E sanble nou gen resous NATIRÈL.Chinwa bezwen anpil KWIV pou EKONOMI yo.
Nou gen sa.
Lan BAHAMAS ;jis pou gouvènman BAHAMAS te pèmèt yo bati yon KONPLÈKS TOURISTIK ,yo te bati yon ESTADYÒM MODÈN fè BAHAMAS kado.
CHINWA yo bezwen KONPLÈKS TOURISTIK lan peyi twopikal yo kote gen bèl PLAJ pou klas mwayèn yo an al pase vakans.
y ap envesti plis ke 2 MILYA DOLA pou sa lan BAHAMAS e an DOMINIKANI y ap envesti 1.5 MILYA .

Men tou sanble se lè ke POLITISYEN BANBOCHÈ yo pa la ankò ,n ap ka anvizaje de bagay kon sa!

Se pa franse n ap plede pale pou granmesi! Moun ki konprann jan latè ap vire sètansi deja pran devan pou yo jere relasyon yo ak lot pèp yon mannyè ki pi lojik.

Afriken yo ta sot anpil si yo ta rete nan ti geto ewosantrik la. Konsa tou, si yo pa pare pou lage zàm nan dengonn tout volè ki gen tanta sou resous yo, KESESWA koulè ADN yo, san paspouki....yo ka sezi wè se pa Afriken ki jwi enfrastikti k ap bati a. Se pou mesyedam yo asire yo transfè konesans lan mache lapoula ak enfrastrikti k ap bati a. Gen anpil bon inivèsite k ap feraye sou kontinan an. Se pou yo kontinye miltipliye yo. Alèkile gen anpil fanm Afrikèn ki ap pran domèn tankou jeni sivil, komès entènasyonal.... moun yo pa kofre ko yo nan literati ak filozofi sèlman. E menm sila yo ki nan filozofi yo, de plizanpli yo komanse konprann nesesite pou yo divèsifye fokis yo odela geto ewosantrik la.

Mwen pa konnen si n ap chape men, sa enkyete m dèske sèl peyi Afriken ki te gen zàm nikleyè (Afrikdisid), mesyedam ANC yo fè erè aksepte bandone pwogràm nan pou fè blan yo plezi nan menm moman Apartheid la t ap fè bèk atè. Mwen se yon gwo patizan lapè e mwen rayi tout zàm lagè. Men, nan sikonstans Lafrik ye la a, gen twop zwazo mechan ki gen ladapdap sou richès li pou pitit li yo adopte yon atitid nayif. Se pa pou anyen kriminèl yo sasinen Kadafi. E si ou wè y ap ansanse Rolilahla (Madiba) nan moman an, pa okipe ipokrit yo. Afrikdisid oblije rete vijilan anpil!
Jaf

Se sa menm JAF.Ann AYITI se de LITERATI sèlman yo vle pale.Lè m ap tande RADYO yo e mwen tande y ap vin pale de NÈG ki bon POWÈT ,mwen fèmen konpitè an.
Tout tan y ap fè KONKOU pou bon POWÈT men ou pa janm tande y ap fè KONKOU pou MATEMATIK menm jan lòt peyi yo fè.

Kanta AFRIK DI SID ;se pa yon pwoblèm sou ZAFÈ ZAM NIKLEYÈ an.Yo gen KONESANS pou yo fè l.AFRIK DI SID gen yon REYAKTÈ NIKLEYÈ;yo devan yon peyi tankou IRAN pa egzanp.
Si se sa yo ta vle fè ;yo pa t ap pran yo 6 MWA pou yo ta rekonstwi yon BONB ATOMIK si se sa yo ta vle fè.

Kanta pou INIVÈSITE an ;yon peyi tankou NIJERYA gen bon INIVÈSITE epi gen KOLABORASYON de plizanpli ant AFRIK DI SID ak NIJERYA.
Se yon bagay ki te kòmanse ak THABO M BEKI ;gen transfè TEKNOLOJI ki ap fèt ant 2 PEYI sa yo.BREZIL lan won an tou.


Pou relasyon ant LA CHINE ak LAFRIK lan.Ou wè plis kritik lan peyi EWOSANTRIK yo ;yo antrave ,paske si yo pa chanje y ap de plizanpli pa p lan devan KAMYONÈT lan ankò;e chanjman lan MANTALITE se yon bagay ki difisil.

Peyi tankou LA CHINE ,ENPERYALISM a la EWÒP lan pa lan MANTALITE yo.
Imajine w ,an 1422 CHINWA yo te kapab konstwi BATO ki te ka fè plis 4 FWA KARAVÈL KOLON yo e se yomenm ki te pote SISTÈM NAVIGASYON bay EWOP pa lentèmedyè MIZILMAN ARAB ak AFRIKEN yo.
An 1820;CHINWA yo te gen preske 30% PIB MONDYAL lan.Se ak REVOLISYON ENDISTRIYÈL lan ke LEWÒP ak lòt yo vin depase l.
Tankou m di l ;se yon kesyon de MANTALITE.Si CHINWA yo te vle konkeri le MOND ;yo te gen posibilite pou yo te fè l deja