MYRTHA DESULME AP RELE BARE LAN DENGONN DOMINIKEN YO

Moun lan peyi an ,ann AYITI pa konnen ase de MYRTHA DESULME ki se youn lan FANMI ki pi enfliyan lan KARAYIB ANGLE yo.
Li sòti lan yon fanmi privilèj ;Tou le 2 PATI lan JAMAYIK yo te mete yo dakò pou yo DEKORE papa l THOMAS DESULME pou kontribisyon l lan EKONOMI JAMAYIK lan.
Patikilarite MYRTHA DESULME se DEFANSÈ mas defavorize yo AYISYEN ou dorijin AYISYEN kelkeswa kote yo ye.
TANKOU W GEN DWA DI ""TOUT BOUJWA SE BOUJWA MEN TOUT BOUJWA PA MENM""

MYRTHA DESULME atake DOMINIKEN yo pou sa y ap fè KOUZEN nou yo an DOMINIKANI.A kòz de enfliyans FANMI DESULME yo lan ansye zantiy ANGLE yo ;DOMINIKEN santi ke yo dwe reponn:

www.dominicantoday.com/dr/local/2013/10/29/49451/Haitian-activist-calls-Dominican-Republic-the-A-word-WINN

Lavi saa drôl wi.
Mwen sonje yo te refize depite Toma Dezilme rantre lan sèk Belvi paske li te moun lan pwovens ki pat gen souch lan boujwazi ayisyen.
Sa vle di li te nwa e non Dezilme an se yon non abitan.

Misye ale Jamayik, li fè mèvey lan louvri gwo endistri.
Bagay li ta kapab fè lan peyi l pou ede ekonomi Ayiti.
Men nou pèdi e Jamayik genyen.

Epi yo rekonèt valè grannèg lan e pitit li ap fè mèvey tou.

Kilè ayisyen ap aprann?

SASAYE;

Lè m al sou JOUNAL JAMAYIKEN e m ap li ki jan yo kouvri FANMI sa a ;se bagay ki pou ba w ebayisman.Se pa fasil pou w wè yon bagay negatif sou yo;si genyen mwen poko wè yo.
JAMAYIK fyè de FANMI sa a ki se egzanp ""up by the bootstraps"" tankou AMERIKEN yo renmen di l.

MYRTHA DEZILME menm ki sipè edike ;li etidye lan yon pakèt peyi EWOPEYEN fyè ou gen dwa menm di SIPÈFYÈ de ORIJIN AYISYEN li.
Fyète AYISYEN an ,manmzel pa machande sa.
Sa fè m sonje JOSEPHINE PREMISSE ,pitit LUCAS PREMISSE ki te ann egzil lan NOUYÒK depi sou VINCENT pou pretandi aktivite KOMINIS.
JOSEPHINE PREMISSE se te yon multimilyonè PWODIKTRIS SHOW lan BROADWAY.Tout tan yo t ap fè MANMZÈL ki defen entèvyou lan RADYO ak TELEVIZYON ,men li pa t janm manke pou l di kòman li te FYÈ ke l te dorijin AYISYEN.

JAMAYIKEN yo bannou BRANDT ,noumenm nou bayo TOMA DEZILME ;yo benefisye ANPIL lan ECHANJ lan (lol)

SASAYE

Denye fwa mwen te ale an DOMINIKANI se te an 1983.
Mwen te lwe yon OTO lan AYEWOPÒ an e mwen te kondwi ale lan , OTEL ANBAJADOR ki lan mitan SANTO DOMINGO.
Se moun NWA sèlman mwen te wè.Si gen ANPIL MOUN a TEN KLÈ ,se pa lan SANTO DOMINGO yo ye.
Genyen ;men yo pa majorite.
Se rezon sa a lè y ap pale de pwoblèm RASYAL an DOMINIKANI ;mwen pa konn de ki sa y ap pale.
TRUJILLO fè PÈP DOMINIKEN an ,anpil MAL;yo vin ""RISÉE PUBLIQUE"" rès KARAYIB lan.
Se yomenm sèlman ki panse jan yo panse an lan KARAYIB lan ,an majorite.
Ann AYITI ou jwenn NÈG ki panse toujou ke ""NOS ANCÈTRES,LES GAULOIS"' men yo se yon minorite;byen ke gen anpil travay ki pou fèt toujou ;paske ou konn tande yo lan RADYO!

Jowèl,
Dominiken gen yon gwo pwoblèm rasyal.
Tout moun nwa ke w te wè an 1983 yo ap di w ke yo se Indio.
Menm nèg sou video an ki ap eseye eksplike pwoblèm nan genyen yon konplèks anraje.
Li pa konprann pwoblèm nan malgre bonn fwa li genyen.
 
Manman m te ale lan pelerinaj Higuey lan menm ane saa.
Lan otèl la, li wè yon pôtye nwa ki louvri pôt lan pou li.
Li fè erè mande nèg lan si se ayisyen li ye.
Nonm nan mande anraje tèlman li vekse akôs de kestyon saa.
 
Nèg yo ap vinn pale de (good hair) pou cheve swa.
Istorikman, panyôl yo te ekstèminen ras Tayino an.
Sak te kite yon tras tèlman piti ke yo pa ta kapab gen tout desandan sayo.
Rasyalman Tayino pat gen po nwa, yo te bazanen tankou kouzen yo ki lan Amerik di Sid.

Yon sèl kote mwen te wè yon koloni endyen Karib, se lan La Dominik, kote yo kenbe estil vi yo tankou lontan.
Mwen te rankontre yon sè grann madanm mwen ki te youn ladan yo.  
 
Kidonk, kisa dominiken rele endyen an, sa ki soti lan soukontinan endyen an?
Pa gen anpil an Dominikani.
Wifout.

Men yon lòt bagay mwen pa fouti konprann se zafè ""INDIO"" sa a .Alòs si te rete ENDYEN sou ZILE an ;se lan PATI LÈS lan sèlman yo te ye?
Te gen ENDYEN sou tout ZILE KARAYIB yo ;kelkelanswa JAMAYIK,KIBA PÒTORIKO elt;se sèl DOMINIKEN ki di yo se INDIO.

FIDEL CASTRO ki se dorijin ESPAYÒL di ke KIBA se yon peyi AFRO-ISPANIK.KIBA gen plis moun ""klè"" ke DOMINIKANI.
SASAYE;
Mwen di w se moun NWA preske mwen te wè lan la ri SANTO DOMINGO yo ,men lan OTÈL lan ,mwen sonje byen,tout moun yo te klè;menm "'GASON"" yo.
Se yon peyi ki chaje ak anpil pwoblèm ,sou pwen sa a ,e y ap rekolte sa TRUJILLO ak BALAGUER te plante yo.