Tande Konpa modèn !!!!

Chantè saa gen yon vwa ekstraôdinè.
Swatil, ou konnen kilès misye ye?
Se estil saa ke chantè konpa te dwe adopte.
Misye gen pwojeksyon ke chantè nou yo manke.

Ok. Yon kontak fenk dim ke Chantè saa se ARLY LARIVIERE.
Se li ki Chèf dôkès NULOOK.
Mwen di l mèsi e bôn chans pou kontinye lan menm direksyon an.

Sasaye chantè sa se yon pwodwi No peyi a ki nan menm liy atistik ak mizikal  kapwa.
Se saki fè la diferans ak zot. Ali leve ak papa li  Daniel Larivière  ansyen konpozitè, aranjè Tropicana nan tradisyon  mizikal Okap.

Mèsi Riko pou ransèyman sayo.
Malerèzman mwen pa t okouran aktivite misye.
Alô m konprann kisa ki fè Arly Larivyè ouvè e konfyan konsa.

Li gen bon antesedan ak fômasyon lan tradisyon misikal fanmi l ak anbyans Nô an.
Mwen te toujou admire Septan kôm yon ôkès avangad lan misik ayisyèn.
Mwen te rankontre Mayestro PyèLwi lè m te ann Ayiti.

Maestro, mwen byen kontan w jwenn repons a kestyon sou chanteur la. Mwen t'ap pran yon poz la. Forum la te on ti jan akapare'm trop. Echanj yo konn vin epuizan le se antagonism ki de l'avan.

A vre di, sa fe deja kelk jou misye ak group li te okipe senn konpa a. Fo di w itou ke li te gen yon patne ki t'ap chante Gazman ki raple duo Zouzoul/Cubano. Nu-Look pratikman pa ekziste ankor. Gazman al fe jazz pa'l. Se nomal, le fos a w kont w pa ka kontinye lan jazz ki rekoni kom biznis yon lot.

Konpa Lariviere la ase mellow, plis pou koute les apremidi ou dimanch swa lan radyo k'ap pase chasonet fransez.

Se jis yon blag. Lan mizik Ayisyen la mwen renmen jazz ki presante tet yo tankou yon orkes sinon w dwe yon jazz lou tankou yo di.

En pasan ,Ane sa a se 50yèm ANIVÈSÈ òkès FRÈ DEJEAN an.Yo te inogire KOMEMORASYON an lan MATINIK.
Yo di ke PREZIDAN KONPA a te fè yon gran FÈT pou yo ,lan youn lan òtèl PETYONVIL yo a gichè fèmen semenn pase an:

www.martinique.franceantilles.fr/actualite/culture/konpa-tonbe-epi-le-freres-dejean-234050.php

Les Frères Déjean en concert :



https://www.youtube.com/watch?v=bOv1bEZEfrI

Mwen pa kwè lan Lapriyè, men nèg sayo elve nanm mwen.
Tonnè!! Mwen sonje peyi'm.

Koute..Koute...

Nèg sa yo merite pou yo nonmen yon lekòl MIZIK ou byen yon LISE apre yo.Paske yo ""akonpli"" ou byen ""hors du commun"" tankou yo di.
Se sa AMERIKEN renmen fè pou fè sonje GRAN MIZISYEN li yo.
Ane sa a ,kiryezman se 50yèm ANIVÈSÈ GRAN COMBO tou.Nou gen dwa mande sa GRAN COMBO gen pou l wè ak FRÈ DEJEAN.Yo te jwe yon KONSÈ ak FRÈ DEJAN ,se k ap lan CARNEGIE HALL ou byen BROOKLYN ACADEMY OF MUSIC ,mwen pa sonje.
Se te lè GRAN COMBO te lan SOMÈ POPILARITE l.
DEJAN ki jwe twonpèt lan ,te tèlman emèveye mesye GRAN COMBO yo ke yo te ofri misye yon KONTRA pou l SOLOYIS;men misye t ap blije kite jazz FRÈ DEJEAN an ,pou l fè TOUNEN ak yo.Misye te refize.
Se te epòk GRAN COMBO te konn ap vann ""GOLD RECORD""

Sa fe kelk jou m'ap seye enterese'n al koute Dejean sou YOUTUBE men nou pa t'ap suiv byen. Jiska prezan nou ka al gade lan rubrik le messager a group GFD ki pase tout ane kisot pase an tourne lan tout zon' la. GFD stands for Generation Freres Dejean. Diver mizisyen te met proje sa a sou pye pou okazyon ke w raple a, J... Sa montre w ke neg sa yo fin devanse'n net e plis ankor lan montre apresyasyon pou gwo neg jazz sa yo. Neg sa yo se moniman. Sa anpil Ayisyen ap fini pa admet se Antiye yo k'ap bay konpa bourad depi kelk jou. M'ap tande Ayisyen k'ap chante se nou ki konpa, sa konn fe'm souri paske se an reyaksyon ke tout konfre nou yo e men latino panyol anbrase mizik konpa san konpleks.

Sa fe lontan itou ke Congolais ap voye bit soukous monte ki ofon se sou Tabou Combo mwen sispek ke yo pran beat sa a. Se pa grav si m'ta tronpe'm paske an fen d' komt, se mizik neg yo parey menm si gen de santen' d'ane, de milye de kilometr ki separe'n.

Anpil mizisyen Ayisyen kon disparet de la sikilasyon e se lan zile yo yo konn al fe mizik paske yo plis apresye yo la.

Antiye yo gen yon bel longueur d'avans sou neg Ayiti yo lan selebre demi-syekl Dejean. Monumental! Nou konen mwen pa'p manke neg nou yo; malerezman mizisyen nou yo pa tankou bor isit kote atis konn leve al denonse yon administrasyon. Se zye wont zye ki fe nou tande pale de sware spesyal gouvenman bay pou neg yo. Sa pa menm yon bon rekiperasyon, Sweet Mickey tou profite peye tet li yon denye sware banboch pou 2013 la.

Swatil,
Mwen te wè pôs ou ann sou GFD e mwen tal gade sou Youtube.
Mwen te gen entansyon voye yon tinôt sou sa, men mwne trè zokipe lan anpil pwojè Hong Kong. Lè Frè Dejan atire atansyon m lan ane 80 yo lè m tande Marina pou premye fwa.
Se yon môso fômidab ki make yon pion lan mizik ayisyen avèk estil Andre Dejan sou twonpèt lan.

Jowèl,
Mwen konprann ke mesye El Gran Combo yo ta emèveye paske estil twonpetis saa totalman orijinal.
Li se yon fizyon Jazz-Laten-Klasik ak yon aksan ayisyen.
Misye kapab pèse ak estil saa lan kelkeswa genre ki ap jwe.

Si yon moun gen zorèy edike, ou kapab wè sa lan aranjman ôkès saa jiskounyea.
Seksyon kwiv yo an depase tout aranjman lan Karayib lan.
Tande môso La Prière lan e swiv kisa enstriman a van yo ap fè.

Andre li-menm se yon virtyoz. W konen misye se yon milti-enstrimantist itou. Se yon bon ekzanpl solidarite ak peseverans pou Ayisyen.

Mwen t'ap di ala li ta bon si yo te ka retni gwoup mizisyen sa yo pou yon bon moman. Klavye ak dezyem gita a sanble fre jimo. Li ta bon si nou al cheche konen si plizye lan mizisyen sa yo pa Antiye.

Neg yo jwe kle, avek sobryete. Nou konen ke an tan ke amateur JAZZ mwen pa t'ap janm pase sou Dejean. Mwen pa ka tand pou m'tande rezilta reyinyon Douby ak Dejean. Antiye yo plis serye sou kestyon dokimante konpa a. Mwen t'ap gade jenn Matinikez ak Matinike k'ap chante danse mizik Tabou ki te kreye le yo pant ko menm lan vantr manman yo. Te gen yon epok konpa direk te an bes serye e se gras a prodikte Antiye yo si neg nou yo ka viv miyor ak mizik la.

Ayiti s'eprend de leadership lan moman li lan eta ki pi deplorable a jame. Nou pale de Akademi kreyol; osi enteresan ke sa sanble m'ap mande'm si li pa ta bon pou enstitye yon lwa pou proteje dwa auteurs compisiteurs yo.

Ah papa, gen mizisyen lan laChambr ak lan tet peyi a, pito se de bagay konsa yo t'ap okipe yo olye se pouvwa kofr yo yo vin promouvwa. Hum!

Youn pa anpeche lòt.Mwen pa wè ki jan AKADEMI KREYÒL ta ka al ranflouwe KÒF pèsonn.Zafè AKADEMI KREYÒL lan dapre mwen se yon ""done deal"" paske si se pa MATELI k ap siyen l ;se NÈG ou byen NÈGÈS ki ap vin apre l lan;paske tou senpman bagay sa a gen anpil APWI lan INIVÈSITE DETA a ,nan pli wo NIVO;se yon NOUVO DEVLOPMAN.
Nou pa bezwen pale de sa ankò ;paske li lan KONSTITISYON an.
Pa p gen AKADEMI KREYÒL sòf si yo amande KONSTITISYON an.Se revè MEDAY pou NÈG ki di ke LAME an lan KONSTITISYON donk ke yo pa ka aboli l e yomenm yo pa pou yon AKADEMI KREYÒL ki lan KONSTITISYON an tou.

Kanta Isnard DOUBY ;misye te chante ak FRÈ DEJAN ,lan dènye BAL yo te fè swa le 22 ou 23 DESANM lan.
DOUBY gen yon djòb tou ke MATELI ba li;se mete FANFA lan tout LISE LETA yo.
Mwen pa konn si se VOLONTARYA l ap fè!

Konstitisyon an KLÈ:
ARTICLE 213
Une Académie haitienne est instituée en vue de fixer LA LANGUE CRÉOLE et de permettre son développement scientifique et harmonieux

E pou MOUN ki ta konprann pou yo entegre AKADEMI an pou yo fè lajan.;men sa KONSTITISYON an kontinye pou l di:

ARTICLE 214:

Le titre de MEMBRE DE L'ACADÉMIE est PUREMENT honorifique

www.haiti-reference.com/histoire/constitutions/const_1987.php

Rest a savwa si se pa menm volim gran van Mateli a. Di mwen non, kote Douby jwenn kantite profese mizik ki kalifye e mezanmi sa pron yon bidje pou chak jenn yo ka jwenn enstriman pou yo pratike. Se pa enposibl men mwen bouke ak politik brikolaj neg sa yo.

Dapre mwen, genyen yon seri de evolisyon ki ap fèt ann Ayiti, menmsi yo pa planifye ni pa leta, gouvènman, ni pa individi ki enplike.

Mwen elve lan mizik depi m piti. Mwen te patisipe lan mouvman konpa e pwomouvwa yon kalite a lankont de sa Nemou tap pouse.
Si nou gade trajè ke mizik ayisyen fè depi ane 60 yo. Na konprann ke bagay chanje lan sivilizasyon pa nou an, malgre dram ak mizè, ak move gouvènman ke nou pase.

Ayisyen libere tèt yo avèk mizik menm lè represyon te anraje sou Divalye.
Menm tonton makout yo sanble te adopte mizik pou aleje konsyans yo.
Anmenmtan, represyon an chase anpil bon mizisyen ki al pratike mizik yo lan Antiy yo e yo enfliyanse domèn nan lan Karayib. Konpa detrone Bigine e li pran esô lan La Dominik ki vini avèk Konpalypso.
Se mizisyen nou yo ki fè ke Kasav ekziste e ki parenn Zouk.

Alô yon mal pou yon byen. Konpa vin entènasyonalize.
Koupe Kloure te popillè lan peyi afriken yo.
Mwen te sezi lè Olandè ta p pale m de Shleu Shleu.

Jodya, malgre li, Mateli se yon bon fôs pou ankouraje mizik akôz de enterè pèsonèl li kôm mizisyen.
Se yon bon piblisite pou mizik ayisyèn lè Prezidan yon peyi desann sou fotèy li pou la l chante ak yon Okès peyi an.

Mwen resevwa email de Karib Konvensyon Centè sou tout evenman yo.
Se yon gwo pwogrè pou yon enstitisyon konsa prezante yon gwo ôkès ayisyen chak semèn.
Li fè gwo ôkès diaspora yo antre vinn fè espektak.

Si nou gade lontan se atis etranje ke enstitisyon ki te kapab yo te konn prezante.

Alô si yo mete yon fanfa lan tout Lise, se ta yon bon bagay nèt. Men edikasyon.
Mizik ayisyèn se yon bon veyikil pou lang Kreyôl ayisyen an, sitou avèk de chantè liryk ki ap eksprime bon emosyon jodya. Se yon evolisyon ke nou pat janm wè nonplis.

Mizik saa se yon Omaj ke bèl afrikèn sayo bay Ti Manno.
Si Ti Manno te vivan jodya ki kote li ta p ye. Misye te yon orijinal ki te pi lwen pase tan l.
 
 

Sasaye a écrit:Mizik saa se yon Omaj ke bèl afrikèn sayo bay Ti Manno.
Si Ti Manno te vivan jodya ki kote li ta p ye. Misye te yon orijinal ki te pi lwen pase tan l.
 
 

Maestro, w kwe nou pa propoze medam sa yo lan ribrik Le Messager deja kote n'ap mande pou yon gwoup konpa fanm an Ayiti. Se lan menm ribrik la nou te envite al koute group GFD Antiye an omaj a Freres Dejean.

Ti Manno te bon anpil wi. Auteur, interprete, leader...

Sasaye a écrit:Mizik saa se yon Omaj ke bèl afrikèn sayo bay Ti Manno.
Si Ti Manno te vivan jodya ki kote li ta p ye. Misye te yon orijinal ki te pi lwen pase tan l.
 
 

Maestro, w kwe nou pa propoze medam sa yo lan ribrik Le Messager deja kote n'ap mande pou yon gwoup konpa fanm an Ayiti. Se lan menm ribrik la nou te envite al koute group GFD Antiye an omaj a Freres Dejean.

Ti Manno te bon anpil wi. Auteur-compositeur, interprete, leader... Li se premye chanteur angaje ak yon konsyans sosyal. Fok nou di ke Ansy Derose te gen kalite sa a itou, li te konn chante reyalite ak kondisyon de vi Ayisyen lakay kom a l'etranje.

Swatil, Mwen regrèt mwen te manke pasaj saa. Sepandan, mwen pa konnen si fanm ayisyèn pare pou yo retire ase konplèks pou yo fôme yon gwoup fanm konsa.

Ansy Dèrôz gen merit li, men li pa janm touche m. Yon jan, mwen pa t renmen randisyon misye yo.

Veuillez cliquer sur le lien, SVP.

https://www.youtube.com/watch?v=wnpIL4WWi4A

Bonne écoute !

cest super amof ,onreconais bien le style haitien
bravos  

Avec plaisir, Cher Travers !

Amoph