Woodley Ethéard (aka Sonson Lafamilia) - AKIZE LAURENT LAMOTHE !!!

MAFYA KONT MAFYOZO

Pami zouti nou te pataje epi analize ak oditè yo dimanch 18 me 2014 la...chita pale Woodley Etheard (alyas Sonson Lafamilia) te bay Radyo Zenith, nan komansman mwa me 2014 la, anvan li te ale rann tèt li bay lapolis.

Koute gwo koze:

4:30 - Arestasyon madanm Sonson
5:34 - Sonson di li viktim batay ant "2 grantoryan"
7:36 - Èske se vre yo te jwenn kadav nan kof machin Sonson?
8:40 - Ki lès ki "2 grantoryan" yo - Miki ak Lamothe?
10:55 - Eske se Lamothe ki atake w? Pou ki rezon?
11:29 - Yo vle fè Sonson sèvi "kleenex"! (gen yon lot zanmi ki di se Kotex!)
12:40 - Osijè liberasyon Msye Aziz
14:49 - Renel Le Recif ak Kiko St-Rémy sanble gen pi gwo bwa dèyè bannann yo
15:10 - Baz Galil
15:45 - Sonson, kisa zanmi ou "Prezidan" Martelly konseye ou fè?
17:27 - "Mwen deja kondane!"
17:58 - "Mwen pare pou m rann tèt mwen!"
20:00 - Sonson, ou pa nan dwog?
20:37 - Sonson, Lamothe pa nan dwog?
20:58 - Sonson, ou pa konnen Evinx Daniel?
22:56 - "M pa gen 1 goud"

KIDNAPPING "Gangs de famille" - Brandt-Martelly-Lamothe-Etheard

Kisa Woodley Etheard te konnen ki fè li te rete nan prizon Kwadèboukè a, pandan Clifford Brandt te pran lari pou li?

Èske koneksyon arab la, se yon senp koensidans?
Lapolis Miki-Lamothe la akize Etheard kòm kidnapè - Aziz
Lapolis Miki-Lamothe la akize Brandt kòm kidnapè - Moscosso

Etheard site non bòfrè Martelly, Kiko St-Rémy, nan koze a....Li montre ki jan gen moun ki jwenn pwoteksyon espesyal, tandiske limenm, li deja kondane....

Gen anpil limyè ki merite fèt sou dosye sa yo....pandan Miki ak Lamothe ap eseye detounen atansyon tout moun...ak teyat.

Jaf lwa mafya vle kote gwo pwa lou ap byen mennen , ti restavèk tankou Sonson la Familya toujou viktim. 

Se lè sa pou ta konnen s akap pase , men Sonson la Familya, se rago vye parol daki o wi se gran toriyan. Sa pap abouti a ryen.

Se preske menm  bagay ak denonsiyasyon ti moun nan fanmy selavi, ki pa jwenn anyen kap denonse Aristide.

Sa k ap diskite la a, se pa akizasyon ipotetik osijè abi zòt ta fè sa gen plizyè deseni pase. Woodley Ethéard, se bon zanmi Michel Martelly, ki aktyèlman pote tit PREZIDAN Ayiti. E, akizasyon ki sou do Éthéard ki te gen rantre soti nan palè a, ap pwofite kontra vann manje nan palè, se akizasyon KIDNAPÈ....e se pa akizasyon anlè anlè. Gen viktim ki idantifye, gen ka kidnaping reyèl ki enplike viktim ki soti nan fanmi rich epi enfliyan. E se sa menm ki fè koze ki te abitye toufe vin pran lari. Ni Ethéard, ni Brandt ta gen dwa gen plizyè fanm ak gason nan klas mwayèn dyaspora a ki viktim yo....epi sa pa janm fè bri. Men, Moscosso ak Aziz se moun ki "pi moun" pase yon seri moun, nan lespri kèk moun. Kidonk, lòbèy pete!

Kanta pou dosye Evinx Daniel lan menm se yon eskandal ekstraòdinè. Yon sitwayen disparèt epi se silans total onivo otorite yo. Poutan, se yon sitwayen ki te resevwa Prezidan lakay li kèk jou anvan li disparèt. Lapolis te idantifye li kòm ewo ki merite dekore akoz konkou yo di li te bay Lapolis nan zafè dwòg....Dwòg li ta "jwenn" sou lanmè apre li te soti nan rankont ak PREZIDAN an!

Mesye, nou pa nan sipozisyon ak akizasyon sipèstisyon ki pa kanpe sou anyen la a. Se yon veritab gagòt anpil moun ap eseye nwaye ak divèsyon pasi pala paske krim yo reyèl, yo grav epi yo konekte dirèk dirèk ak Prezidan an epi manm fanmi li, Premyeminis lan ak bon zanmi yo.

KOTE EVINX DANIEL?  Moun pa konn disparèt vre! KOTE EVINX DANIEL!?