Décès du propriétaire de Haitiwebs forum

[Marc-Henry]

Mes amis

On vient de m'apprendre la mort du webmestre Haitiwebs Forum.   Lionel Martelly  était  l'administrateur de ce forum . C'était un ami virtuel avec lequel j'avais développé de bonne relation . J'ai collaboré avec lui pendant près de 10 ans   et il m'a beaucoup aidé à cheminer sur le Web .  Haitiwebs -Forum  m'avait ouvert grandement les portes.  D'ailleurs c'est  grâce à cette fenêtre ouverte sur le monde  que les internautes m'ont connu sur le Web. Lionel était un homme  ouvert à tous .  J'ai eu la chance de lui  parler au téléphone à plusieurs reprises   mais je  regrette de ne l'avoir jamais rencontré. Je ne le verrai plus .   Lionel Martelly est  parti . Il est décédé le mardi 13 janvier 2015 à l'âge de 59 ans.Je garde en mémoire de précieux souvenirs de mes échanges téléphoniques et interactifs ( virtuels) avec Lionel de 1999 à 2008 . C'était un homme bon. Il était toujours prêt à rendre service . C'était un passionné du net .  La communauté virtuelle haïtienne perd un grand homme, un artiste , un grand webmestre .  

Je  présente mes sympathies  à sa collaboratrice Ti Cam  qui a été aussi une collaboratrice du ForumHaiti.com. Je présente également  mes condoléances à sa famille  et aux membres actifs et passifs du Forum haitiwebs .

Paix à son âme.

Marc Henry

[Joel]

Mwen dezole MAK.
Se youn lan premye FOROM AYISYEN ,mwen te konn entevni.Wi petet si m sonje an 1999 tou.

Misye pa t tolere MOUN ki ap joure MOUN menm jan ak NEG ap fe l sou FOWOM isi t lan.
Misye se te yon PYONYE menm jan ak GUY ANTOINE de WINDOWS ON HAITI

[jafrikayiti]

Mwenmenm tou mwen te abitye patisipe sou Haitiwebs e mwen te oujou apresye kalite travay administratè yo, menmsi mwen pa te konnen kilès yo te ye. Mwen voye kondeleyans pou tout fanmi ak zanmi Lionel Martelly epi mwen swete bèl tras li kite sèvi sila yo ki dèyè.

Respè!

Jaf

[Bon Paulo]

J’en garde un bon souvenir. Paix à son âme.

[Le gros roseau]

Mwen pa sonje si m te konn patisipe sou hatiweb men tou depi se moun ki te kreye yon forum kote ayisyen ka diskite pwoblem peyi yo se moun mwen apresye. Avek internet la edikatyon sivik e politik anpil nan nou fet e se gras a pyone sa yo ki fè nou kapab di jodya oligarchi ayisyen pa gen monopoly information ankor. Ke Ogou feray ak Danbala ak tout lwa yo resevwa l ak 2 bra ouvri l.li pran bus la anvan nou ,mwen pa kriye ankor pou moun ki mouri men sa pa vle di mwen pa regret yo kite nou.Li fini ak tout traka ,tout tribulation, tout deseptyon. tou wont.

[Joel]

Moun kon sa pa mouri;paske l kite TRAS.

Ke BARON SANMDI louvri barye pou li ,pou l al jwenn lot ZANSET yo!

[Mawon Rcfranc]

Mwen prezante kondoleans mwen bay fanmi Lyonel Marteli ak Haitiwebs. Se premye forum Ayisyen mwen te konn swiv, ki te vini fe'm intere swiv aktyalite an Ayiti e se sou forum li an mwen te aprann li ap ekri kreyol.

[Rico]

Moun kon sa pa mouri;paske l kite TRAS.

Ke BARON SANMDI louvri barye pou li ,pou l al jwenn lot ZANSET yo!

Mezanmi nap eskize m pou entèvansyon m lan ki pa gen anyen ak  omaj pou lanmo yon konpatriyot. Mwen pa konnen moun la an pent ou an nati, men lanmo pa gen envitasyon, map di defen an lapè etènèl.

Men kote m vle vini se pou di Joel Bawon Samdi se tou senpleman yon lwa ki pran nesans ak ti nèg dAyiti ki denatire vodou ak tout lwa rada dorijinn afrikenn , ki se lwa byenveyan.

Tandis ke Baron Samdi wap evoke pa yon lwa ki soti nan tradisyon veritab vodou dorijinn afrikenn ki pran nesans li an Ayiti ak lwa petro tankou Baron Samdi. Avèk kèlke rejyon an Afrik ki pratike an minorite yon vodou melanje ak sosèlri.

Bawon Samdi soti nan rit petro ak seremoni djab, move ekspedisyon, malveyans, touye moun, sakrifis imen e latriye. Alos si yon fanmy defen sa se yon inisye li pap apresye evokasyon bawon samdi yon lwa dorijinn ayisyenn vyolan, touyado ke selman 5% inisye ap swiv selon estastik milye sa, mwen pa finn telman kwè, genyen plis deriv.

[Joel]

BARON SANMDI mwen kwe se lan SIMITYE li rete sa se youn.
DEZYEMAN ;w ap pale de SOSELRI ;mwen pa menm konnen sa sa vle di.
Mwen pa kwe gen LESPRI!
Mwen te di sa pa SENBOLISM;se menm souwe ke gran EKRIVEN MATINIKE ki rele RAPHAEL CONFIANT te fe pou VERNET le misye te mouri lan GOUDOUGOUDOU an.

Mwen we tou w ap pale de VODOU kom sipestisyon.VODOU pa pi SIPESTIYON ke relijyon ki soti lan MWAYENNORYAN yo .
Si mwen te di pou SEN PYE te kite misye pase ;ou pa t ap gen objeksyon ,pa sa?

Tankou yo di l "PYE BEF POU PYE BEF M AP PRAN L KAY PRATIK"

[Sasaye]

Riko,
Apa w te inisye lan Vodou!
Ki grad w?
Se vre wou se nèg lan Nò! Yo di moun Lafosèt se lougawou. Eske se vre?
Oubyen eske se moun Twoudinò?

[Joel]

Mwen pa t dwe di BARON SANMDI ;mwen te dwe di LEGBA.
Se LEGBA ki louvri BARYE!

Se konsa RAPHAEL CONFIANT te fini TEMWAYAJ li pou ZANMI l PIERRE VERNET ki te disparet lan GOUDOUGOUDOU an.
Tankou zanmi LOUVETI kapab temwaye ;RAPHAEL CONFIANT se youn lan pi GRAN ENTELEKTYEL MATINIKE vivan yo.
Gouvenman franse an ;mwen kwe sa enpotan pou kek NEG sou SIT lan;rekonet li kom tel.
PIERRE VERNET ,RAPHAEL CONFIANT ak yon  LENGWIS GWADLOUPEYEN ki rele HECTOR POULLET ,t ap travay sou yon AMONIZASYON diferan KREYOL yo.

PIERRE VERNET se te youn lan pi gwo PET peyi DAYITI lan GOUDOUGOUDOU an.

Gade denye FRAZ TEMWAYAJ RAPAHAEL CONFIANT an;sa pa vle di ke misye se VODOUYIZAN pou sa:

http://www.potomitan.info/confiant/vernet.php

[Rico]

Joel, mwen pa di vodou se sipètisyon, sispann mete mo nan bouch mwen. Mwen di w zafè Bawon Samdi wou nan sosèlri, maji nwa. Tankou rit petro ayisyen zansèt nou yo travesti vodou rit rada ki te soti an Afrik. Olye remesye m pou limyè mwen pote sou sa, anko yon lot fwa se patinaj, jwe koken.

Sasaye mwen pa yon inisye, se yon pati etid mwen an syans sosyal mwen te chwazi yon konsantrasyon sou PATIKILARITE NAN VODOU AYISYEN.

Se vre mwen te kirye ti moun, men manman m se se yon pannkotis ki mete m nan kanpe lwen ak fanmy mwen Plato Santral, nan rejyon Okap nan zafè seremoni vodouyizan rit rada.

[Joel]

Ou se yon ORIJINAL vre.
Mwen gen LIV ALFRED METRAUX an ,la a .Liv ki rele VOODOO in HAITI .Se liv definitif sou VODOU ke misye te ekri ak KONKOU JACQUES ROUMAIN ak yon lot ANTROPOLOG ki rele EDITH MENESSON RIGAUD (madan MILO RIGAUD);misye pale de tout LWA yo ak tout RIT yo.
Liv lan gen plis ke 400 PAJ.
Mwen te dwe prete ATANSYON ak kiles BARON SANMDI ye ,kiles LEGBA ki lan tout relijyon AFRIKEN lan AMERIK lan.
KIBEN ak BREZILYEN yo rele l ak "bon" NON l ;non YORUBA a ,ki se ELEGBA.
Tout kote sa yo LESPRI sa a se limenm ki LOUVRI BARYE pou w ale lan lot monn lan.

Bagay MAJI NWA,SOSELRI an ;mwen pa konn sa yo ye;MOUN ki konprann gen sa ,se RANS ,se tan yo y ap pedi.

E anpil bagay sa yo tou ,se pa lan ERITAJ AFRIKEN yo soti ,se lan ERITAJ FRANSE ,tankou ALFRED METRAUX (ki se BELJ) fe remake!

[Rico]

Moun kon sa pa mouri;paske l kite TRAS.

Ke BARON SANMDI louvri barye pou li ,pou l al jwenn lot ZANSET yo!

JOEL SE DE SA MWEN TAP PALE, POUKI TOUTBRI SAYO, WAP EVOKE PAPA DYAB BAWON SANMDI NAN TRADISYON RIT PETRO KE MENM INISYE NON SAVAN NAN VODOU RIT RADA DI YO PA REKONÈT.

BOUKE TOUNEN AMWON , AP PALE LIV 400 PAJ, ANTOUKA KONTINYE LI TOUJOU.

JOUK LAGE ZAFÈ VODOU SOU BLAN FRANSE. NON JOJO BLAN FRANSE AK SITOU BLAN MERIKEN SE ROMAN, SINEMA, LAJAN BLAN YO FÈ AK BAWON SANMDI.

[Joel]

Se bagay sa a yo bouke ak ou.
Pa gen anyen pou w pa chache KONT

.
Mwen te mansyone BARON SANMDI "GUARDIAN OF THE CROSSROADS" "MET KALFOU".
Kite m mete l anko ;se pito LEGBA ,ELEGBA.

Kite m di w si w pa konnen ,men petet mwen pa p pale ak ou ;paske se KONT selman w ap chache.
Relijyon dabitid entegre KILTI kote l vin layite.KRISYANISM ki soti lan MWAYENNORYAN an pran yon lot KARAKTERISTIK le li rive ann EWOP.
Tankou NWEL ,PAK elt..Se fet "PAYEN" yo te ye ke KRISYANISM adapte.

Epitou se pou w vini ak bagay SENPLISTIK ke AMERIKEN ak FRANSE ;mwen pa konn sa AMERIKEN ap fe la a.
ALFRED METRAUX di ke anpil KWAYANS ke nou asosye ak VODOU ;tankou "PWEN PA PRAN BAL","PWEN DISPARET" CHAM,BAG RANJE ak anpil lot anko ,se pa Pratik AFRIKEN.

METRAUX di ke lan mitan LANNE 1850s yo AYISYEN ki te ale an FRANS te kontinye ap retounen ak de LIV tankou "LE PETIT ALBERT","LE GRAND ALBERT" e ak de LIV ki te gen bagay TERIB ;tankou SAKRIFIS MOUN;de LIV tankou "LES GRIMOIRES" ,"LE PAPILLON VERT". elt..

METRAUX di ke le gen NEG ann AYITI ki gen AKSE ak LIV sa yo komanse pratike yo ;kom dabitid yo vin asosye yo ak VODOU.
Ki MOUN pou m kwe ,oumenm ou byen ALFRED METRAUX ki fe plis ke 40 an ap etidye VODOU ak lot relijyon AFRIKEN lan AMERIK lan?.
METRAUX di ke diferans ki genyen ant VODOU AYISYEN an ak CANDOMBLE ak MACUMBA lan BREZIL,ak SANTERIA kote yo pale PANYOL yo tankou KIBA ,POTORIKO ,VENEZWELA elt,,;tankou OBIAH lan TRINIDADSE APO FRANSE an.

BAGAY LOUGAROU ,KI AP VOLE LANNWIT ,AP MANJE TIMOUN SE KWAYANS FRANSE ,SE PA KWAYANS AFRIKEN
Chaje ak istwa ke MOUN chanje tounen chwal ;ke MOUN FE LOT TOUNEN CHWAL e SELE yo ;ke gen MOUN al lan MACHE e achte yon TET BEF e jwenn yon DAN LO ,lan BOUCH BEF lan.
Se istwa ki lan FOLKLO kote FRANSE yo te ye ;ou jwenn ISTWA sa yo toujou lan INDIANA OZETAZINI ,lan LWIZYAN OZETAZINI kote genyen anpil DESANDAN BLAN FRANSE!

Si w konnen plis ;vini ak yo ;SE YON FOWOM DISKISYON;mwen pa konn tout bagay tankou w (lol);mwen kontinye ap aprann!

[Rico]

joel mwen prefere kite sa se pa posib, se fout malonèt, vagabondaj, granmoun manterrrrrr pou denatire, totiye sayo di w.

[Joel]

Sa pa etone m pou w vin di sa w vin di an ;ou ta fe yon lot kalite entevansyon sof si ta gen yon OPERASYON SENTESPRI.
Pa gen yon SEL echanj pou w fe pou l pa fini lan joure!

PA YON SEL!
Se rezon sa a mwen te louvri yon lot POS!

Epitou si m te di NENPOT BAGAY ki te denatire sa w te di ;di mwen ;si pou m korije l m ap korije l.
Byen ke mwen doute sa ap ase pou wou ;konsideran se OKAZYON w ap chache pou w JOURE MOUN!

[Thunder]

Repoze an pè Lionel. Wou te komanse trase chemen an deja, n ap kontinye ak rès travay lan.

[Contenu sponsorisé]