Daly Valet direktè Kanpay Moise Jean Charles

Par Yvener Millien
Facebook

Chwa Daly Valet kòm direktè kanpay Pitit Desalin nan koze anpil bouch louvri andedan Plafòm nan. Daprè yon sous pwòch Platfòm nan, Daly Valet pa janm chita planifye anyen ak komisyon politik Platfòm nan. Dayè, msye Valet pa t janm prezan pou òganize eleksyon Lejislativ yo, se toujou menm sous la k ap pale. Sous la ki pa vle yo site non li fè nou konnen, Daly Valet se chwa Moise Jean Charles li ye, se pa chwa Platfòm Pitit Dessalines nan.
Sou dosye eleksyon yo, sous pwòch Platfòm nan avwe ban nou, 90% kandida Platfòm nan dakò ak lide yon tranzisyon nan peyi a ak depa pouvwa Tèt Kale a. Daprè sous la, se Moïse poukont li ki vle ale tèt dwat nan eleksyon zobop yo.
N ap fè tout moun konnen, avan nou te pibliye tèks sila a, nou te chèche jwenn vèsyon pa senatè a. Malerèzman, nou pa t rive jwenn li. Antouka, pòt la toujou louvri, yon fason pou li pòte eklèsisman pa li yo.
N ap siyale pou ou, gen anpil pitit Dessalin ki ta deja kòmanse mare pakèt yo pou kite Platfòm nan. Yon dosye n ap suiv!........
Yvener Millien