Rezilta seleksyon yo pa etonan.

Tout endikasyon te montre ke li pat posib pou eleksyon onèt ta òganize avèk gouvènman mateli ak kplim.
Se rezon mwen te konn ap mande kisa nap fè.

Li lè pou fowòm nan pran yon direksyon revolisyonè pou konbat magouy ak entèferans etranje lan zafè Ayiti.

Mwen pa espere mete pye m lan peyi m. Men se pou nou fè kanpay toutbon pou bagay chanje pou jenerasyon ki ap vini yo.

Sa konsène n paske menm pitit nou ki pa janm konnen Ayiti, viktim move repitasyon nèg yo fè pou peyi an.

Pou mwen se pwen fè pa.
Nou pa bezwen ap pèdi tan joure kritike nèg ki pral monte opouvwa yo, paske sa pat chanje anyen.
Se pou nou fè refleksyon sou tou sa ki kenbe nou lan soudevlopman.

Edikasyon
Sipèstisyon
Domestisite
Enpinite
Enjistis sosyal
Koripsyon

Lè pwen sayo a finn klase, nou kapab espere ke sitiyasyon peyi dAyiti va amelyore, paske ap gen mwens plas pou eksplwatasyon ak move gouvènans.

Epi. Mete grenn lan bounda nou.
Sispann tolere nèg ki pa gen anyen pou kontribye apa ensilte chwa ideyolojik ak entelijans patisipan sou FowomAyiti.
Si nap defann yon ideyoliji. Neg ki pa kapab diskite ideyoloji an te mèt bay talon yo.
Gen lòt sit ki pataje ideyoloji payo.

Se dwa forom ayiti genyen, defann ideyoloji TI PÈ ARISTIDE.

Se dwa zot keli MOPOD, OPL, FIZYON e latriye defannn kinan yo.

Si yon moun pa vle diskite, defann, mache nan kèlke swa ideyoloji

se dwa demokratik yo.

Antouja Rico te di nou nou annafè ak koken menm plim menm plimaj

ak ti koken tankou lavalas ak ti Rene.

Se pran tout pou yo nan sèvi ak pouvwa, lajan leta.

Mouvman GNBis lan bay rezilta li. Kounye a, se MOUN ki MOUN toutbon ki pou fòse salopri yo peye konsekans krim yo komèt kont nasyon an.

Les violents sont impitoyables. On nous fait la guerre.

Alò Riko, se dwa w pou pouse ideyoloji gnbis, men poukisa ou vini sou yon sit ki pa gnbis pou w voye monte kont Lavalas ke yo senpatize.
Mwen ta deplase si m tal sou yon sit gnbis pou m joure yo paske yo pa Lavalas.
Yo tap kalonnen, boule kawoutchou, rale zam fannfwa pou yo kouri dèyè m.
Petèt nyans saa twòp pou wou.

Antouka nèg banann nan se kinan w moun Otwou.
Ou te mèt deklare w bananye.
Ou pa fouti vini ak zam sou Fowom Ayiti.

Vive la democratie en Haiti. Malgre les difficultes, jusqu'a present le peuple a dit son mot.

Mesye e dam lasosyete mwen salye nou. Pèmèt mwen antre nan mitan nou ankò pou m ka bay opinyon m sou zafè peyi an.

Sasaye,

Mwen pa janm ka dakò avèk sa ke w reponn Rico an. Lè nou t ap enskri tèt nou sou Forumhaiti pa t genyen okenn kondisyon ki te di ke si yon moun pa Titidis li pa ka patisipe sou sa k ap di laa. Si se yon club-fan Aristide ke nou vle, mwen panse ke non "Forum-Haiti" an pa apopriye, nou dwe chanje l ankò pou "lavalas.org". Konsa, lè yon moun enskri laa, l ap tou konnen kote l gad.

Bonjou Tundè, onè ak respè pou wou.
Mwen konprann reyaksyon w laa.
Sepandan, malgre divèjans politik ant oumenm ak mwen, nou toujou diskite avèk respë e koutwazi. Kidonk repons saa pap janm aplike ak ou.
Okontrè, mwen kontan wè entèvansyon w sou fowòm nan apre yon bouchbe ki dire lontan. Ou toujou vini avèk pwen ki diferan san w pa ensilte ni entelijans, ni pèsonalite yon patisipan.

San ke se pa yon klib titidis ou lavalas, ou konnen ki senpati sit lan oubyen majorite patisipan yo. Ou konnen tou ke tout moun otorize pou yo patisipe, men avèk respè pou lòt manm. Sa enskri lan kòd de kondwit FowòmAyiti.
Ou respekte opinyon lòt moun menmjan yo respekte opinyon pa w.
Kidonk, patisipasyon w toujou byenvini.

Bonjou Sasaye, chapo ba pou wou, e mwen remèsye w pou akèy lan. Se kòd lan ki long.

Mwen ka konprann ke chak moun kapab eksprime yo de fason diferan. Mwen genyen kèk tan ke mwen pa li forum nan, donk mwen pa konnen vrèman kòman chak moun konpòte yo. Men, si se pou insilt, nan kèlke mesaj mwen li laa yo, genyen moun ki merite reprimandasyon ke Rico lontan, se pa lòt moun, se Moreau. Mwen konnen ke nou pa neutre, men an nou eseye rete objektif.

Thunder se lontan rico pa yon regilye sou forom sa

Ayayayyyyy move ensilt bazetaj nou resevwa ak fanatik lavalas

Elèksyon yo oblije nou vinn bay opinion nou

Dayè se yon anmwe pou prezans nou

Ak deklarasyon ki fè konnen se yon forom patizan

Wi Rico, Sasaye di ke yo patizan. Nou pa p genyen pwoblèm ak sa. Sèl bagay, kòm se yo ki ap anfòse regilasyon sou fowòm nan, nou ta renmen ke yo objektif sou pwen saa, tankou Moreau ki kòmanse bade tout kò l, yo ta sipoze kòmanse rale fèy zòrèy misye deja.