Li lè pou nou eliminen esklavaj ann Ayiti

Depi digdantan ma p soulve kestyon sou sistèm Restavèk la, men pèsonn sou Fowòmayiti pa janm ni kòmante ni montre yon soutyen. 
Kòmsi se nòmal pou klas mwayèn e menm klas dezerite pran timoun peyizan fè yo tounen esklav alòske okenn lòt peyi lan Lamerik pa fè  bagay konsa.
Lè nap pale de libète epi ke Ayiti aboli esklavaj pou tout nèg, nou kenbe esklavaj lakay nou swadizan ke se ede na p ede ti restavèk. Nou konnen se fout manti.

Lawont lan sè ke se blan ak etranje ki ap vin defann timoun lan peyi.
Wi, Nou lèd anpil.

W ap rezoud PWOBLEM sa a le w komanse pa devlope PWOVENS REKILE yo;mete LEKOL pou TIMOUN yo e bayo mwayen pou yo VIV.
Nou gen dwa pase LWA pou MOUN yo respekte DWA TIMOUN.
Toutotan MIZE lan kote REKILE yo pa gen yon DIMINISYON ,l ap difisil pou gen yon REZOLISYON bagay sa a.

MILDRED TROUILLOT ARISTIDE (madan ARISTID) ekri yon LIV sou bagay RESTAVEK lan ,sou tout ASPE L.

N ap jwenn LIV lan sou AMAZON.COM si l pa epwize.Se ann ANGLE

Non Jowèl,
 Pwoblèm saa se lan tèt lelit ak klas mwayèn yo ki genyen yon mantalite kolon avèk yon pretansyon mal plase. Revisite Tisentaniz. Moris Siksto te byen ilistre sitiyasyon saa.
Menmsi peyi an ta devlope lan tout kwen, kondisyonman saa ap fè yo konvenk peyizan yo ke yo pral ede timoun yo viv pi byen avèk bon tretman epi edikasyon.
Menm kondisyonman saa fè ti restavèk yo kwè ke madanm nan ak mouche an se byenfektè, menmsi yo bat yo toulejou.

Poukisa ayisien pakab fè tankou sitwayen lan tout rejyon an?
Poukisa yo bezwen bòn ak restavèk menmsi yo pa gen lajan pou peye?
Poukisa yo pa kapab netwaye kay epi kwit manje tankou tout lòt moun?
Ou konnen ke ann Ayiti gen bòn ki gen bòn pa yo ak restavèk?

Ap toujou gen bòn akòz de klivaj sosyal, men moun ki gen mwayen pou anplwaye bòn pou travay lakay yo dwe peye yon salè pou yo kapab viv. 
Men pran tipitit 5-6 zan, mete li travay tout lajounen lan kondisyon degradan pat dwe existe. Se kont lwa entènasyonal kont travay timoun (child labour). 

Sak fè Palman ayisien an pa pase yon lwa ki pou aboli restavèk kareman?
Paske palmantè yo gen restavèk lakay yo. 

Mwen te konnen kèk gwo boujwaz pretanzièz ayisièn ki tap travay kòm bòn kay moun rich lan Nouyòk. De ti madmwazèl lelit ki te entandant lan Washintonn lan anbasad afriken.
Se yon mantalite ki lakòz restavekis.

Mwen pa prese pou m pale de "MANTALITE"
MANTALITE vini de PRATIK ELIT yo ki dwe korije.

Gen MOUN ki ap di bagay sa yo dekoule de LESKLAVAJ.
LA ANKO.

LESKLAVAJ aboli KIBA an 1886,li te ABOLI lan BREZIL an 1888.M ap pale de "chattel slavery" Pratik ki di ESKLAV pa MOUN.

Alos pouki sa peyi sa yo pa gen bagay "restavek" lan?

Bagay RESTAVEK sa a ,se ERITAJ yon POLITIK ki ekziste depi sou BOYER.

Le nou REFIZE konstwi LEKOL lan PWOVENS yo,refize bay SEVIS lan KANPAY yo,lan ZON REKILE yo ,ki sa nou vle "PEYIZAN" yo ,ki paka manje ,paka voye TIMOUN yo LEKOL;ki sa pou yo FE?
Anpil lan PEYIZAN konn voye TIMOUN yo rete ak MOUN ,lan LESPWA pou yo ale LEKOL.
Se pa sa k rive vre ,me se lan ESPWA sa a ,yo konn voye TIMOUN yo al rete ak MOUN lan VIL yo.

SE POU WE KI JAN NOU FE BAGAY YO DIFERAN ANN AYITI.

Ant 2012-2016,MEDINA an DOMINIKANI konstwi plis ke 2000 (2 MIL) LEKOL.
Lan menm PERYOD sa a,konbyen LEKOL SWIT MIKI te konstwi ?

LAJAN ki pou ta KONSTWI LEKOL lan PWOVENS yo ,se VOLO NEG yo t ap VOLO l.

OK. Ou pa dakò ke se mantalite, alò kisa ki fè okenn lòt peyi lan rejyon an pa gen restavèk? Poukisa se ayisien sèlman ki kwè ladann?
Moun ki gen restavèk yo pou laplipa te ale lekòl menmjan ak Kiben ak brezilien.
Peyi ki pi pre nou e ki pi sanble nou se Jamayik, poukisa yo pa gen restavèk?
Lòt ti zile yo pi anaryè pase nou, yo pa gen restavèk.

Mwen dakò ke gouvènman ayisien dwe bati plis lekòl pou devlope peyi an. Men lan ka saa, premye moun ki dwe ale lekòl se tout lelit lan ak klas mwayèn yo.

Antouka, mèsi Jowèl pou kenbe dyalòg lan.
 Poukisa pèson lòt patisipan pa di tchwit lan pawòl saa?

Menm bagay pou pwoblèm Zonbifikasyon an.

Se sa ke madan ARISTID devlope lan LIV li an sou PWOBLEM RESTAVEK lan.

Se paske GOUVENMAN AYITI yo pa janm kreye LEKOL ki fe ke MOUN "ANDEYO" santi ke yo dwe voye TIMOUN yo lan VIL yo ale VIV KAY MOUN ,pou yo sa gen AKSE ak SEVIS ou byen LEKOL.
SE POU NOU DI L ,SE NOUMENM SEL LAN REJYON AN KI REFIZE BATI LEKOL POU TI MOUN YO ALE ,SE SA KI KREYE FENOMEN RESTAVEK LAN E SE POU SA KE LOT PEYI LAN REJYON AN PA GEN PWOBLEM SA A
Sa pa yon PWOBLEM ETNIK.BABADOS di ke 95% POPILASYON yo an DORIJIN AFRIKEN (se yo ki di l) se youn lan kote ke POPILASYON an pi EDIKE.
Tout MOUN konn li,plis ke 80% POPILASYON yo an fini LEKOL SEGONDE.
Pandan ke nou te gen MOUN tankou DIVALYE ak sa ki te anvan l yo ap te grennen ANALFABET ,TRUJILLO dapre ESTATISTIK te mete plis ke 500000 (500 MIL) TIMOUN LEKOL.
An 1961 ,62% POPILASYON DOMINIKANI an te konn LI ak EKRI.
SA K FE SA?
EDIKASYON TRUJILLO pa t depase LEKOL PRIME.
3/4 pwoblem AYITI,MIZE ki ap koukouman nou an ,vini di fet ke nou toujou REFIZE EDIKE POPILASYON an.
Se la tou bagay RESTAVEK lan SOTI.