Ayiti pa bezwen Doktè an Medsinn pou dirije l.

Si genyen yon eleman pou evite lan fòmasyon nouvo gouvènman lan peyi dAyiti se yon moun ki Doktè an Medsinn.

Nèg saa yo dwe sèvi ak konesans yo pou ede malad lan lopital. Kreye, administre sant de sante. Chèche koneksyon lan òganizasyon entènasyonal pou finanse epi konstwi lopital lan tout komin lan peyi. Konbat malnitrisyon, kolera, tibèkiloz.
Louvè sant rechèch pou devlope rejim alimantè baze sou agrikilti lokal.
Nèg doktè sayo gen anpil travay yo ta kapab fè lan domèn yo.
 Men yo se pi move politisyen ki kapab detwi tout peyi an.

Apre pèp ayisien leve kanpe 6, 7,8 Jiyè e yo montre kisa yo kapab fè, se pou politisyen rekonèt bagay dwe chanje vre, sinon pèp lan ap fè yo chanje bagay yo.
Yo pral oblije koute kisa pèp la mande. 

Listwa montre ki kalite domaj Doktè deja fè lan politik. 
Kòmanse pa Lalmay nazi, pase pa Doktè Divalye, doktè Foukan, 2 doktè Lafontan ....
Fòmasyon mesye sayo fè yo gade popilasyon tankou pasyan ke yo kapab bay solisyon psyko chimik olye yo konprann ekwasyon sosyopolitik.

Eta sante popilasyon an pi enpòtan ke pran job politik. Dayè yo gen 
potansyèl pou fè lajan lan domèn yo. Lamarin pa metye yo.

Sasaye

Mwen dako ak w 5 sur 5 . Sa vle di ke Maryse Narcisse dwe fe sa tou . Ayiti beswen medesen yo souple .