Relijyon ak Vyolans eske gen yon Asosyasyon

Yon atik enteresan ki parèt nan yon Jounal Trinidadyen.
Se yon atik ke sètènman ou p ap wè nan Le Matin ou Le Nouvelliste.

Atik lan di ke toutotan yon peyi pi relijye ,gen plis vyolans ladan l;pa ekzanp 99% Ayisyen dapre atik lan relijye.
Eske gen yon relasyon vre:
http://www.newsday.co.tt/commentary/0,58139.html

Ou byen fè pose kestyon an paske mwen pa kwè ke ou ka fè korelatyon saa sou yon baz syantifk.Eske relijyon se sel koz delenkans an ayiti?Byen ke mwen pa sosyolog ni ethnolog mwen pa kwè ke orijin vyolans lan se relijyon.Mwen pi kwè li plis yon faktè de mank separatyon ekitab richess peyi yo,de iyorans yon gwo pati nan popilatyon ki pa konnen ki jan pou yo viv ,de mank oportunite pou moun ki san formatyon.yo.degoyism anpil nan nou ki vle tout pou nou anyen pou yon lot.;eske se relijyon ki rann nou egoyis konsa?ki kreye mank damou e konpasyon saa?Mwen kwè genyen anpil lot faktè ki rantre nan kriminalite ya ke nap viv jodya tout kote sa yo.An Russie se pa de kri ki genyen, an Chinn se pa de krim ki genyen.peyi sa yo pa peyi relijye.

Si yon moun ta di ke relijyon se sèl kòz lan,sa pa t ap gen okenn sans.
Otè atik lan ki se yon karayibeyen,pran kòm egzanp 3 peyi nan Karayib lan :Ayiti,Jamayik ak Trinidad.
Misye di ann Ayiti 99% moun relijye,nan Jamayik chif lan se 97% e Trinidad menm se 91%.
Misye di tou ,ke relijyon ,sitou relijyon ki pran nesans nan Mwayen Oryan yo,preche entolerans.
Monchè lè m te timoun lekòl kay frè,chè frè yo te fè m konprann ke pwotestan se pitit dyab,e menm jan tou moun ki pwotestan yo ,yo aprann yo ke si w pa pwotestan ou byen si w pa nan yon sèkt presi ,se nan lanfè ou prale .

Se sa misye vle di;e pa bliye tou nan Trinidad gen anpil Endou,yon relijyon ki toleran anpil.
Annou pran yon lòt ekzanp :Ewòp ak Etazini pa ekzanp.
Ewopeyen pa relijye e Ameriken relijye anpil;poukisa gen anpil plis vyolans Ozetazini ke ann Ewòp?

Palan de Ayiti,eske se ,se paske nou tèlman relijye ,ke entolerans lan nan nannan nou,ke nou pa gen anpati pou lòt.
Ou wè tou otè an pran egzanp Jwif yo ,ki se moun ki mwen obsèvan relijye sou la tè.Misye mande eske se pa pousa jwif yo tou se sèvo,se brenn.
tankou mwen sonje m te li yon kote, ke gen sèlman 6 milyon Jwif ozetazini men ke plis ke 30% Pri Nobel Ozetazini (peyi ki bay plis Pri Nobel) se jwif.

Otè an pa deklare sa l di an se repons lan ,men mwen ta renmen ke pwotestan yo sou sit sa a ,ak katolik yo 'li atik lan e bay opinyon yo.

Men eske se vre Jwif yo se moun ki mwen obsèvan relijyon;yo pa obsève relijyon chretyen yo ,men daprè sa mwen wè isit O Zeta Zuni yo priye anpil tou tankou muslim yo.Ou ka konn wè jwif nan Brooklyn ,nan manhattan lè Vendredi aprè midi ak lè samedi.

Wi otè ya genyen rezon fok relijyon pratike plis tolerans vre.Mwen sonje nan yon reyinyon paran mwen tale nan bronx nan lekol pitit mwen yo , yon ti Pè katolik tap mande pou tout katolik ki te nan reyinyon pou yo chase Jehova witness yo ki ap vinn lakay yo.Mwen mande l poukisa li di m pase yon se heresy ki ap presche yon fo doktrinn.Men se menm moun sa yo ki ap di w fok ou renmen pwochen kom ou menm.

Non,Jwif nan tout listwa yo ,te toujou mwen obsèvan ke lòt relijyon yo.
Yo ize relijyon an ,plis pito kòm yon faktè kiltirèl.
Ann Izrayel menm bliye sa ,yo pa preske obsève relijyon an menm,pa gen peyi pi layik ke Izrayèl.
Mwen kwè se pami jwif modèn yo ,w ap jwenn plis ateyis;sito apre sa k te rive yo pandan rejim Nazi yo.Anpil ladan yo di ,kote Bondye te ye ,lè fanmi antye yo t ap disparèt.
Menm pami ateyis sa yo,ou gendwa jwenn ladanyo nan tanp,se pa kwè yo kwè sa Raben an ap di ,men wòl kiltirel,idantite ke Tanp lan jwe.

E yon lòt bagay tou ,Jwif yo pa bezwen konvèti moun;se anpil traka anvan pou yo admèt ou nan relijyon an,se pa menm bagay ak Katolik ak Pwotestan ki vle w rejwenn relijyon yo an,e yo pre pou yo touye w si w refize1

Mwen byen kontan enfomatyon sa yo ke w bay la sou jwif yo men ki jan fè yap masiminen Palestinyen yo konsa paske yo di tè saa se bon dye ki te kite l pou yo si yo se ateyis.SE yon preteks pou yo pran tè moun men se pa vre yo konnen se manti yap bay?Mwen pa demanti otè ya de relatyion ki genyen ant relijyon e vyolans non ,men kom mwen di anvan pwoblem vyolans lan pa osi senp genyen anpil lot faktè ki kontribiye ak monte vyolans saa.E mwen wè ou dako ak mwen sou pwen saa.

San Malis,

Mwen mete atik lan sou paj web lan pou matyè a diskisyon.
N ap chache konprann kijan ayisyen fè aji konsa ak ayisyen parèy yo?
Kijan fè pou plis ke 200 zan,yo pa janm kreye lekòl pou ayisyen parèy yo ale ,tandis ke vwazen nou yo,ki nwa menm jan ak nou,kreye lekòl pou konpatriyòt yo ale.
Kote mank konpasyon ,anpati ak ayisyen parèy yo sòti?
Wi gen anpil rezon pou sa,men zafè relijyon an se youn ladan yo,li pa ta fouti sèl rezon an!