Le Costa Rica abandonne Taiwan et reconnaît la Chine

Le Costa Rica abandonne Taiwan et reconnaît la Chine

Le Costa Rica annonce qu’il reconnaît la Chine, mettant fin de fait à ses relations diplomatiques avec Taiwan.

« Nous avons fait de notre mieux pour essayer de maintenir des liens avec le Costa Rica, mais nous avons finalement échoué », a reconnu lors d’une conférence de presse le ministre taiwanais des Affaires étrangères, James Huang.

Avec la défection du Costa Rica, Taiwan n’est plus reconnu officiellement que par 24 pays à travers le monde, essentiellement des petites nations d’Amérique centrale, d’Afrique et d’Océanie plus de 170 reconnaissent en revanche la Chine.

Le président du Costa Rica, Oscar Arias, a expliqué que sa décision était la conséquence du pouvoir économique croissant de la Chine communiste. « Il s’agit de réalisme élémentaire », a-t-il dit lors d’une conférence de presse à San Jose.

La Chine et Taiwan s’opposent depuis la fuite des forces nationalistes vers l’ex-Formose en 1949. Pékin considère depuis que l’île fait partie intégrante de son territoire et qu’elle relève de sa souveraineté.

Source : Reuters, vendredi 8 juin 2007


1) Haiti devrait-elle poser un geste semblable a celui du Costa-Rica et abandonner ses relations diplomatiques avec Taiwan ?

2) Quels avantages Haiti tirerait d'une telle chose ?

3) Le fait que le Costa-Rica abandonne ses relations avec Taiwan peut-il favoriser une intensification des relations de Taiwan avec Haiti (un des grands defenseurs de Taiwan dans le monde) ?

Voir aussi l'article paru a ce sujet sur le site de Radio Kiskeya

Le Costa Rica tourne le dos à Taïwan en lui reprochant notamment son aide dérisoire à Haïti

Le Président Oscar Arias estime que l’aide de Taipei à Port-au-Prince devrait passer de 20 millions de dollars actuellement à 200 millions

Lire l'article: http://radiokiskeya.com/spip.php?article3755

Gwotoro,

Ayiti pral blije fè koub lan tou.Si ayiti vle envèstisman ,se bò La Chine pou l vire kò l.
La Chine Beijing lan deja gen anviwon 4 a 5 milya envesti nan Kiba ,nan tout domèn.
Ann Amerik di Sid menm ,yo gen plis ke 25 milya dola deja envesti.
La Chine swaf matyè premyè e yo byen peye pou matyè premyè sa yo .
Si Ayiti vle devlope min li yo,vle fè rechèch sou petwòl e menm vle konstwi izin elektrik ,se La Chine pou yo apwoche.
Zafè de ayiti ap pran 20 milyon dola nan men Taiwan lan,se yon losyè lasibab,li pa ase.

Se pou Ayiti koumanse fè ouvèti bò Beijing.
Pa bliye .peyi pa gen zanmi ,se enterè li genyen;si Taiwan ta vle ogmante lèd li bay Ayiti ,fè l rive 100 a 150 milyon dola pa ane ,sa se yon lòt bagay.
Kounye an Taiwan paka fè konpetisyon ak Beijing ankò.
Beijing gen yon rezèv de plis ke 1 trilyon dola ,se chache y ap chache kote pou yo envesti lajan sa a.
Annou pwofite ,si n kapab!

Bon, mwen pa dako pou nou vire do nou ba Taiwan ,wi se vre peyi pa genyen zanmi se enterè yo genyen.Menm si President Costariken yan di ke "Il s'agit de realisme elementaire"men fok nou pa kouri jete vye chodyè ki konn kwit manje nou pou yon chodyè nef ,fok nou defann prensip ki di dwa tout pep pou yo chwasi fom gouvenman ki pi apropriye pou yo.Si jodya nou vire do ba taiwan paske la chinn ofi nou kek milyon an plis sa sa sanble nou se moun yo ka achte ak lajan genyen moun vilgè sou forum lan ki ta ka ba sa yon lot non.(lol)Mwen pou mwen ayiti dwe rete neut nan bagay saa. Nou dwe fè la chine konprann nou pap rantre nan konfli ant li mwenm ak Taiwan .Si yo vle ede nou se pa sa ki pou fè yo pa ede nou.

Wi se pou Taiwan tou mete lajan l kote moun ki ap ede li nan lit li pou endepandans.Fok nou konnen ke posityon non aliye nan konfli sa pi bon pou nou.Mwen kwè ak chanjman ki ap fet an chinn kominist la a lavni pap genyen rezon pou taiwan separe de la chinn paske de peyi ap telman sanble pap genyen rezon pou divsyon a anko.

sa fe lontan nap pale de sa sou fowom an. nou te di otorite yo fok ya cesse enerve la chine ak zafe taiwan sa. kom di Joel peyi pa gen zanmi se interet li ap defann. lan sommet g8 kisot pase la tout moun reconet ke economie la chine pi fô pase canada , pase italie, pase la france. se la chine kap mennen.

San Malis,

La Chine ap konstwi ,sipè otorout ,nan de peyi kou Angola ak Mozanbik.
Epitou yo vini ak tout bato yo ranpli ak materyo pou travay lan fèt,non sèlman yo travay bon mache ,epitou peyi ya so peye yo ak matyè premyè;lè gen pou peye yo.

Annou pran yon egzanp.Ann sipoze ke La Chine dekouvri yon min nikèl ann Ayiti e yo di y ap konstwi 2 zou twa mil kilomèt wout pou nou e pi pou n peye yo ak nikèl.

Eske lè sa nou pral di ke n ap kontinye relasyon nou ak Taiwan.
Wi ,nou p ap jete vye chodyè pou chodyè nèf ;an menm tan si vye chodyè an koule ,li gen twou la dan l ,eske se pa pou nou pran chodyè nèf lan (lol)?

Joel

mwen konprann sa w di ya byen ,bon ban m pose w yon kestyon tou eske ayiti dwe sispann relatyon li ak kiba si Eta Zuni enpose nou kondityon saa pou li ede nou?Konparezon saa ka paret senplis men pou mwen relatyon nou ak de peyi sa yo (La chinn kominis ak Taiwan )dwe base sou prensip.Mwen pa di pou ayiti pa chache genyen bon relatyon ak la chinn kominis non. men mwen pa vle ke se paske la chinn ap mennen koulyè ya ke nou sispann relatyon nou ak Taiwan.Sa nou sanble la?Se komsi ou ta mande mwen pou mwen abandone yon vye zanmi mwen paske li pa zanmi yon boss mwen.Mwen pa renmen moun dikte m kondwit mwen paske ou rich.Si la chinn vle ede nou se pou li rekonet ke nou neut nan konfli sa. e se pou li respekte souverente nou.Mwen admire lwayote ka moun.Si sa se reyalisme elemantè yon moun pat dwe kondane yon fanm ki kite mari li pou yon ti boss ki genyen plis lajan(lol)Yo di devan greenback nanpren fè bak se vre men yon moun ou yon pep dwe genyen prensip.

San Malis ,annou "agree to disagree"
Pa gen pàn!
Nan yon sans ,nou ka gen rezon,nou ka gen tò tou.Solisyon an se k ap pou nou jwenn ki pati nan agiman nou an ,pa m lan ak pa w lan ki bon pou peyi Dayiti.
Pa bliye ,se pa paske moun nan Taiwan yo ,te gen bon kè ,ki te fè ke yo t ap bay Ayiti èd.
Kite nou rekonèt Chinn Kontinantal lan,w ap wè si Taiwan ap kontinye bannou èd.
Pa bliye tou ,biznisman Taiwan yo ,gen de milya envesti nan Chinn Kontinantal .
Donk,bagay yo konplèks!

Joel

mwen pa nayif ase pou m ta konprann ke ti ed ke nou resevwa de taiwan se pou bel figi nou ke yo ba nou li.Sa ke mwen di nou pran yon posityon depi lontan se pa paske la chinn ap byen mennen pou nou kareman di Taiwan vouzan nou pa ak yo anko ;kisa nou sanble la.Yon paket ti visye san prensip ,pantin ki ap danse pou lajan;bon dansè ki refize travay di e ki ap tann tou tan se moun ki pou ba nou.

mwen se yon moun pragmatik ,men tou mwen apresye moun ki te konn ede m lè sa pat tro bon depi yo pa vle rann mwen esklav yo.Kom mwen di deja e ou konfirme ke biznisman Taiwan yo gen de milya envesti nan Chinn ;2 peyi yo ap raproche de jou an jou pi plis an nou rete neut nan konfli frè ak sè sa.Sil le fo pwochen vot ki genyen nan LONU sou zafè Taiwan lan an nou gade netralite nou.Mwen konnen nanpren free lunch sou tè saa men tou si se lajan selman ki gide nou tout e byen pap genyen oken moralite ,solidarite anko .

Sans Malice,

An nou krache verite-a tou kri, depi an patan pa't genyen santiman, lè nou te pran pozisyon pou Taiwan tou, se te pa pou bèl figi yo. Ki te mele Ayiti nan zafè diskisyon yon pèp, se pa't sansib nou te sansib pou Taiwan. Se dola yo ke nou te wè. brèf...

Kominis-lan se yon lòbèy ki pwal disparèt, La Chinn de jou an jou ap elwanye'l de bagay sa-a, mwen panse ke reyalite ekonomik ak politik global-la pwal fòse Taiwan reyinifye ak La Chinn. Donk si nou genyen yon bagay pou nou benefisye, mwen panse se ak La Chinn.

Thunder

Mwen konprann byen sa w di ya se sak fè mwen di an nou rete neut pou le moman nan dispit ki genyen ant yo 2 ya. an nou kite yo regle zafè yo pou nou pa ofanse ni yon ni lot tankou chante Tina Turner ya di ya an nou pa tounen yon bann Private Dancers , dancers for money.(lol)

Lan pwen konparezon avek relasyon Ayiti ak Kiba e Etazini.

Taiwan te kreye akoz yon konfli politik ant de jeneral chinwa:
Chiang kai chek sove devan lame Mao e lal refijye Formose ki vinn Taiwan jodya.
Formose vizavi la Chinn se yon zile ki konparab ak la Gonave vizavi Ayiti.
La Chinn pa janm rekonet Taiwan kom yon peyi endepandan, yo toujou konsidere l kom yon provins la Chinn.

Men pandan gè fwad la, Meriken pouse Taiwan pou yo fè politik avek la Chinn selon ideolji antikominis. Taiwan vinn yon pwisans ekonomik sou pwoteksyon militè meriken.

Pendan epok saa, Nasyonzini te rekonèt Taiwan e yo pat rekonèt la Chinn.

Men bagay yo chanje e Nasyonzini te oblije chanje chapo yo e rekonèt la Chinn, yo fout Taiwan deyo.

Taiwan komanse ap bay yon bann ti peyi tankou Ayiti kèk avantaj ekonomik pou yo sa vote e sipote politik yo kont la Chinn.
Yo achte figi ti peyi yo ke yo konnen ki lan bezwen.

Donk, nap pale de yon sèl peyi ki te divize pou yon politik ke nou pa menm konnen.

Ayisyen paka ret neut, paske avek relasyon nou genyen ak Taiwan se antre nou antre lan goumen an. Nou chwazi yon kan.

Kisa pou nou wè lan sa? Men yon ekzanp pèsonel:
En 1972, lan konpanye aeryènn kote mwen tap travay, mwen genyen lan yon tiraj, yon biyè ale retou gratis pou Montreal-Beijing. Lè m kontakte konsila chinwa a, yo di m yo pap banm visa paske yo pa genyen relasyon diplomatik avek Ayiti. Lè m di yo mwen kite Ayiti depi lontan e ke se Canada ma p viv, yo di m sa pa fè anyen, yo pa rekonèt paspo ayisyen.

Mwen konprann ti kote santimantal, ok yo ban nou yon ti èd pou yo ede tèt yo, men se pou nou gade kote avantaj bab e moustach nou ye.

Si se 24 peyi selman ki rete, eske nap kenbe men avèk yo jis se nou sèlman ki rete? Nou paka pi rwayalis ke le rwa.

Dayè Taiwan pa wè l konsa.
Grenada fè menm bagay ak Kosta Rika, yo rekonèt la Chinn epi yo di Taiwan babay:
ou kon sa Taiwan fè? Yo asignyen Grenada lan you tribinal Nouyok pou $23 million ke yo te bay pou plizye pwojè.

Lè Grenada di yo pa gen $23 million pou yo peye, Taiwan di: Fè zanmi w yo peye l pou wou.

Si nou pwagmatik, nou pa gen chwa, se pou nou rekonet la Chinn, ou byen na p rete dèyè kamyonèt la, kom dabitid.
Nou se kabrit pye kout, si nou pa pran devan, yap kite n dèyè.

Je crois que l'administration actuelle est, tranquillement mais surement, sur la voie de la normalisation des relations avec la Chine continentale.

Les tractations en coulisse qui ont eu lieu avec la Chine lors du derniere renouvellement du mandat de la Minustah en sont d'apres moi les premisses.

Je reve du jour ou Haiti pourra devenir la destination de vacances de reve des chinois.

Ki atitud Etazuni e tout lot gwo peyi oksidantal yo nan sitiyatyon saa. Eske Etazuni pa genyen relatyon ak tou de ?Canada pa genyen relatyon ak tou de.Poukisa nou menm nou dwe chwasi yonn ou lot.Wi mwen yon ti jan santimantal se vre. mwen konnen nan mond kif kif saa pa gen santiman anko,pa genyen amitye ,solidarite, rekonesans anko se vre.Men eske se vre nou tout beswen tounnen dancers for money.(lol)Kote Compas pi dous se la nal nan bal epi kon li chanje bo nou tounnen menm kote. Mwen pa swete sa ;si pa ekzanp ameriken deside ke yap retabli tout manifacti ke yo kite ale an chinn yo pou ba pep la travay epi la chinn genyen yon faminn ki pase sa nap fè ?nou pral di Taiwan eskize nou se te yon erè.Ou byen yon Mac Arthur vinn Presidan Eta Zuni epi li romp relatyon ak la chinn epi li di Taiwanais yo genyen dwa a endepandans ki pa yon ekzageratyon ou byen vinn genyen yon konfli ant la chinn e les etats-unis epi ameriken konsidere tout peyi ki zanmi la chinn yo kom enmi epi yo di moun ki sot nan peyi sa yo pa genyen dwa voye lajan lakay yo anko sa nou pral fè:kouri di la Chinn babay.(lol)

Pou nou oryante diskisyon an,se pou nou reyalize sa La Chin reprezante jodi an ,e ke se yon peyi ki ap vini de pliz an pli enkontounab.
pou konparezon,men dènye chif CIA-WORLD FACT BOOK yo:
Se pwodwi Nasyonal Brut yo:

U.S 12.98 TRILYON DOLA
INYON EWOPEYEN :12.82 TRILYON
CHINN 10 TRILYON

Sa ki vle di ak yon ekonomi ki deja genyen plis 7% Kwasans chak ane ,La Chinn deja preske jwenn tout Kominote Ewopeyen an konbine.
Se yon peyi ki destine pou l rejwenn plas dominan ke l te genyen ,pou 1800 de dènye 2000 lanne yo.
Se avèk revolisyon endistriyèl lan ke Lewòp vin depase la Chinn ,nan kòmansman 19yèm syèk lan.
Se peyi ki envante ,Poud a kanon,enprimri,papye ak lòt bagay ankò,3 ou 4 syèk anvan Lewòp.
Yon lòt bagay ,depi kòmansman 15 yèm syèk lan ,peyi sa a te deja ap konstwi bato ki ap fè 4 a 5 fwa gwosè Karavèl Kristòf Kolon te ize pou l te fè vwayaj nan Amerik lan.

Se pa rans non,se pou nou ranje kò nou yon jan ,pou nou wè si nou ta jwenn yon lòsyè nan envèstisman ke La Chinn ap fè toupatou nan le mond aktyèlman.
Pou mwen menm zafè Taiwan lan preske yon bagay klase,paske se jis yon kesyon tan anvan la Chinn vin premye pwisans mondyal!

E pa dòt moun ,se TONY BLAIR kite di nan yon diskou ,sa gen 2 semèn de sa,fòk gen yon repons ak dominans pa La chinn ki ap vini an,e jiska prezan ,yo pa wè ki repons ki genyen

Joel

Eske Rudolph Giulliani pa ka Presidan Eta Zuni e si sa ta rive ki repons ou konprann Giullianni ap genyen ak la Chinn sou dispit ki genyen avek Taiwan lan.Poukisa la Chinn pa anvayi taiwan depi lontan?Yo genyen plis zam e yo genyen lajan.Mwen se sak fè mwen di yon posityon neut pi bon o lye nou kouri abandone Taiwan.Genyen yon pwoverb ki di konte sou sa w genyen pa konte sou pwomes.Mwen ke viej pete jem si lè afè m pat bon yon moun te meprize m ou sete zanmi lenmi mwen epi lè afè m vinn bon epi wap vinn ranpe devan m ;mon shè mwen tap kite w ranpe anpil wi anvan mwen lage yon ti losyè nan kwi w.

Epi mwen pa kwè to kwasans la chinn se yon bon endikatyon pou nou jije posibilite la Chinn genyen pou li fè charite.Mwen kwè ke inkom per kapita pi bon indikatyon.Tout bagay relatif.An nou konpare La Chinn ak kanada pa ekzanp.To kwasans ekonomi kanadyen ka pa 10% men eske sa vle di ke la chinn dispose plis lajan pou fè charite ke Kanada.eske sa vle di ke chinwa yo pi a lez ke kanadyen yo.Nou ka bay ekzan 2 fanmi :Yon fanmi jwen yon rez de 1000 dola pou ane sa men genyen 10 moun nan fanmi sa ,yon lot fanmi jwen yon rez 500 dola men genyen selman 3 moun nan fanmi sa ki les nan de fanmi sayo ki genyen plis sa yo rele disposable income ,lajan ki vinn nan men yo pou yo ka fè charite. kanada ka genyen yon kwasans de mwatye sa la chinn men kanada pa genyen menm 1/5 de popilatyon chinwa e kanada genyen plis resous materyel mwen kwè nou ka fè yon konparezon konsa tou ak Taiwan.Ki reveni per kapita chinwa yo konparativman ak yon peyi tankou japon,Eta Zuni, Lalmay, la frans .peyi skandinav yo etc?Pase se pa GNP ya selman pou nou konsidere non se konbyen moun GNP sa genyen pou l okipe. Jiska presan moun ap mouri anpil ak maladi an chinn.Se Ravaj sida ap fè an chinn .mwen pa wè yon paket gwo pwodwi chinwa tankou machinn .avyon, traktè, televisyon .medikaman,manje aparey elektronik ke chinwa yo ap vann nan mache mondyal lan.Mwen tande se tou tan yap achte avyon nan men Boeing ki koute santenn milyon dola.chinn pa genyen matyè premyè pou li ba 3 bilyon moun yon standa de vi konparab ak standa de vi nou jwen nan yon peyi tankou Kanada ou byen Eta ZUNI.kote yo pral jwen lajan pou yo ede tout ti peyi sayo.Yo pral kite chinwa ap mouri ak sida pou yo ede ayisyen?

Se menm jan ak Endyen .ekonomi lend se yon ekonomi tou ki ap ogmante seryesman ,men eske sa vle di ke endyen yo ak kantite moun ke yo genyen lakay yo se yon peyi ki rich anpil jiskas ke li ka ede ti peyi yo?Sim genyen 100 dola pa semen epi mwen genyen 10 bouch pou m bay manje eske mwen pi rich pase yon moun ki ap touche 80 dola pa semen men ki genyen selman 3 moun nan kay la.Fok nou reflechi wi anvan nou fè mouvman nil.apre pou nou pa di si nou te konnen.

San Malis,

Se pa de charite non m ap pale ,se pa de don non;m ap pale de envestisman.
La Chinn swaf matyè premyè.Konpayi Ameriken ,Kanadyen ak Ewopeyen yo dèyè benefis pou konpayi yo;Chinwa yo menm yo pa konsa .Menm si yo pa p fè pwofi ,y ap "break even" tankou yo di,y ap envesti kan menm.
Rezon an séke ekonomi yo an vin aloufa pou matyè premyè.
Se Chinwa yo ki ap fè rechèch e eksplwate petwòl Kiba a.Se pa de lajan yo envesti nan bagay sa a.

Epitou Chinwa yo pa t ka fè charite w ap di an ,sa gen kèk tan de sa ,paske tou senpman zafè yo pa t bon tou!

Sa w di chinwa yo pa deyè benefis,Joel ,mon chè an nou bouke reve.Eske ayiti genyewn matyè premyè ase pou li eksporte.Eske nou konenen a koz de realtyon anvan nou genyen ak Taiwan si chinwa yo ap ba nou enpotans jis pou yo ta ede nou devlope indistri lakay nou?La chinn ki ap devlope jodya se pa la chinn Mao Tse Toung ak Chou En lai ki la jodya.Neg sa yo ki la koulyè ya yo pap reve anko yo rekonet ke system kominis la pa bay standa de vi kote tout chinwa ap viv a lez.genyen anpil moun ki grangou ki ap viv nan ajoupa an Chinn kominis.e la chinn kominis pa rich vre tankou anpil moun vle fè konprann lan.Pou bay fok ou genyen sifisaman pou satisfè beswen w. nou di la charite bien ordonnée commence chez soi.(lol).

mwen ta swete ke se vre lè nou abandone Taiwan ,chinn kominis la pral resevwa nou ak de bra epi ban nou tout ti kado nou beswen kom bon ti moun resevwa kado lè Noel .

Non San Malis,

Nou genlè p ap pale de menm bagay.Si nou pa genyen matyè premyè,bliye sa ,paske la Chinn p ap bezwen nou.
Si an menm tan ,nou genyen lò,aluminyòm ,petwòl tankou yo di ke nou genyen an,n ap kapab boule gra ak yo.

Palan de kominism ;nan yon peyi ansyen tankou La Chinn,zafè kominism lan se yon aksidan de parkour;moun ki alatèt peyi sa a pa diferan de dinasti tankou Ming,Chan elatriye.
Se de moun ki abitye delivre sèvis bay popilasyon yo ,e se sa k fè tou ke se peyi ki pi ansyen sou planèt lan jodi an.

Se yon peyi kote ,gen de fanmiy ki ka konsilte achiv fanmiy yo,sa gen 2000 an san pwoblèm .Achiv yo la ,se sèl peyi nan mond lan konsa.

Wi ,mesye sa yo ki la kounye an ,pa p reve ;kliti se kilti ,se yon peyi ki abitye domine listwa.
Gen anpil istoryen jounen jodi an ki ap mande ,kijan fè Lewòp te vin reyisi domine 200 dènye ane ,paske anvan revolisyon endistryèl lan ann Ewòp,pwisans mondyal dominan an se te La Chinn.

Pa gen okenn santiman nan bagay sa a ,La Chinn deja envesti plis ke 800 milyon dola ,nan endistri nikèl nan Kiba ,e sa pa gen anyen pou l wè deske Kiba se kominis ou pa
La Chinn bezwen resous sa yo e poukisa pa t gen lòt peyi ki te envesti nan endistri sa yo anvan La Chinn.

Bagay sa a pa genyen bon kè ladan l ,kominis ou pa ,La chinn bezwen resous e l ap fè tou sa l konnen pou l jwenn yo;nan enterè pa l ak nan enterè peyi kote l envesti yo.

Mwen kwè nan brezil sèlman yo gen preske 20 milya envesti nan peyi sa a;eske se renmen yo renmen Brezilyen pou sa?
Non!

Joel

Ou vle mete Preval nan pwoblem (lol) koulyè ya ou panse si se vre ayiti genyen lwil sifisan ki merite ke yo eksplwate li gwo vwazin nou yo tap kite se chinwa ki vin pran lo, aluminium ,ak tout metal presye sa yo an ayiti?Se pa an Afrik selman yo tap mennen Preval.(lol).

Seryezman mwen ta swete ke moun ki ap pran desisyon saa nan gouvenman an pese le pou e le kont anvan li deside fok se yon desisyon ki pran ak bokou prekotyon e anpil konsideratyon.Se pa selman di men la chinn ap devlope minn kiba an nou kouri kite taiwan pou yo ka vinn fè menm bagay lakay nou tou. fok nou sonje ke kiba se pa koulyè ya ke li ap chache genyen relatyon ak chinn kominis se de peyi ki pataje menm doktrin sosyal e politik.Fok nou fè atansyon pou nou pa ba gwo pwisyans yo rezon pou yo fè yon ti chef polis chelbè fè menm bagay yo te fè ak Maurice Bishop la an Grenad,nou konnen byen genyen anpil ti restavek lakay ki se tann yap tann lod pou yo deboulonnnen Preval ..Map kanpe an atandan ke gouvenman pran desisyon ki nan enterè peyi ya.