Cointelpro International Vs Lavalas

KonpatriyOt,

Gen anpil evènman k ap pase nan peyi a alèkile ki fè mwen panse li enpOtan pou tout Ayisyen konnen kèk detay enpOtan osijè fOs ki gen pouvwa nan peyi a, jounen jodi a. Estrateji li abitye itilize pou demantibile mouvman popilè ki menase "dezOd etabli", nan sosyete ki sou kontwOl li.

Apre tout lakilbit ki fèt pou elimine Lavalas politikman 2004-2006
Apre tout sa ki kontiny fèt pou elimine Lavalas ideyolojikman 2000-2007
Nou remake gen plizyè zak kriminèl k ap fèt pou elimine Lavalas fizikman - apre kanpay kont popilasyon Site Solèy ak Bèlè (ki fèt nan menm lojik sa te fèt nan Bèlè apre koudeta kont Dumarsais Estimé ak Daniel Fignolé), nou remake se fOmil cointelpro a k ap aplike kont lidèchip Lavalas la. Pandan m ap ekri liy sa yo, sa fè plis pase 2 mwa depi Lovinsky Pierre-Antoine disparèt. Yè swa nou aprann yo kidnape Maryze Narcisse.

What Was Co-IntelPro?

Gade videyo sa a, ou va konprann se pa kichOy ki te konsène ane 1960-80 yo sèlman, ni non plis se pa Etazini sèlman teknik sa yo aplike.
Moun ki gen kontak ak lidè mouvman Lavalas lan, pale yo pou yo ka wè ak ki dyab yo annafè...

http://video.google.com/videoplay?docid=-7574288480731470534

VOIR AUSSI

WWW.EN.WIKIPEDIA.ORG/WIKI/COINTELPRO

bon mwen leson mwen tire de bagay sa a sè ke krim anjandre krim ;depi yon moun se kriminel li toujou sou le ki viv paske li pè pou viktim li yo pa pran vanjans sou li.Se viktim yo ki pou devlope strateji pou yo soti anba men kriminel yo. kriye ,rele anmwe tout se radot .se fè ki koupe fè.Se ou byen nou mete tet ansanb pou nou retire kò nou anba malveyan ou byen yap toujou touye profet nou yo tankou Bob Marley di ya.Yo touye Toussaint Louverture , Yo touye patrice lumumba, Yo touye martin luther king ,yo touye malcom X, yo touye Maurice bishop e se bon dye ki chape Mandela.

erske nap pase tout vi nou ap plenyen ou byen nap swiv konsey marcus garvey ya?

Nouvèl JAF sot bay lan konfime.Yo kidnape Dr MARYSE NARCISSE vre.

Preval dwe pale ak peyi an ,pou yo konnen sa ki ap pase;paske si yo te koumanse kidnape VICTOR BENOIT,SERGE GILLES,MICHA GAILLARD ak lòt yo,eske PREVAL t ap gade silans sa a!

Yo montre nou byen ke yo pa nan griyen dan ak nou,si nou vle kite yo mennen nou labatwa tankou bef ou byen mouton se bagay ki gade nou,yap keyi nou yon apre lot pandan ke nap tann retou jesu christ.Si nou pa vle rekonet lenmi nou yo se bagay ki gade nou.Lè eskadron lan mò yo ap touye nou pa grap se lè saa na reveye.nanpren omlet ki fet san kase ze.revolutyon pasifik se yon ilusyon.se sak fè yo tap mande desameman jeneral konsa.yo pap janm remet zam yo dayè yo te bay lod pou tout jandam ak makout sere zam yo.Zafè ki gade Preval si li kwè nan pawol Juda.

Gen moun k ap travay pou ede Anbasad koudetayis la kraze Lavalas la miyèt moso. FOk on moun ta avèg pou li pa ta rekonèt taktik sa a CIA ak FBI ap itilize depi dikdantan.

1) Dekapite pati a
2) Finanse enfiltrasyon ak finansman fo lidè opOtinis
3) Asasinen sa ki pa vle kolabore ak plan dekapitasyon an
4) Kreye entrig ak konfizyon pou lè sansinay fin fèt je pa gade nan direksyon anbasad koudetayis la. Men pou sa okazyone plis opOtinite fratrisid, gras a panik, bri kouri, sispisyon...

Mwen ta konseye ni Prezidan Preval, ni Fanmi Lavalas, pou yon fè yon ti chita tèt frèt ak kèk ansyen kanmarad Black Panther Party pou ede yo konprann jwèt sinik k ap jwe la a.

Nou pèdi Malary, Izmery, Pè Ti-Jean ak Jean Do. Yo disparèt Lovinsky ak Maryze...yo kontinye ap ri.

Jwèt chat se rèl sourit. Men sa manman chat konnen an, manman sourit ka konnen l tou.

Fok nou kapab konprann epi reponn fOs k ap FRAPHe n tout tan !

Jaf di:

Mwen ta konseye ni Prezidan Preval, ni Fanmi Lavalas, pou yon fè yon ti chita tèt frèt ak kèk ansyen kanmarad Black Panther Party pou ede yo konprann jwèt sinik kap jwe la a.

Jaf konsey sa pap nan avantaj pep Ayisyen!!!

Mwen kwe ke li pa apropriye pou konseye dirijan politik nou you pran konsey nan men militan armee nwa ameriken, Black Panther Party, ki te youn paty ki tap preche vyolans kont opresyon blan racism, supremasis KKK.
Vyolans ke yo tap preche pat nan avantaj majorite nwa nan peyi Eta Zini a.
Se plis soufrans ak racism ke sa te kreye nan popilasyon nwa inosan yo. Anpil dirijan nwa pat dako avek tak tik sa yo.
Nou pa nan sitiasyon sa mon fre Jaf !!
Peyi Dayiti se youn peyi nwa indepandan depi plis ke 200 zan.
Se nou ki o pouvwa e nou pakab pran konsye nan men militan armee nwa Ameriken Black Panthers.

Si Martin Luther King te preche la non vyolans e li te reisi jwen jistis, nou menm Ayisyen nou kap fel tou !
Se nou ki o pouvwa e nou pakab pran konsye nan men militan armee nwa Ameriken Black Panthers.
Se pa mouvman militan armee Black Panthers ki fe ke nou genyen Michaelle Jean komm gouverne Canada, e anpil lot lide nan kominote sivil e gouvenemantal nan peyi Eta Zini.
Le gen vyolans se lanmo nap kreye pou manman pitit mare vant yo.
Jaf di :

Jwèt chat se rèl sourit. Men sa manman chat konnen an, manman sourit ka konnen l tou. Fok nou kapab konprann epi reponn fOs k ap FRAPHe n tout tan !

Si sourit konnen sa chat konnen, se posib ke yo jwen youn solisyon pou yo koexiste.
Konsa tou le 2 ap viv.

Kenbe la mon fre

Revelasyon