Pou nou kontinye...

Pou nou kontinye sa nou t'ap diskite-a de mantalite "boujwa ak pòv" nan peyi Dayiti.

Sans Malice ekri :

Lè yap vann twel ,ap ba malerez yo kout fo lonn epi lajan yo se au Liban yap bati bel otel de lux se moun sa yo ki ap ede peyi ya?Lè pitit yo ap meprise ti ayisyen se moun sa yo ki ap ede peyi ya.Lè youn gouvenman ki vle ede mass pep la monte epi yo peye, ame mèsenè pou desatabilise peyi ya paske yo pa vle peye salè minimum ak taks se moun sa yo ki ap ede peyi ya. Yap ede tet yo sou do nou.

Boujwasi ki patryot la pa voye lajan l sere nan bank swiss ni nan wall Street.An nou pran ekzanp peyi ki devlope yo lajan yo se lakay yo sa rete pou fè roulman.yo envesti nan konpayi ki ap travay pou rezoud pwoblem enerji lakay yo pou yo pa enpote anpil lwil anko.Menm fout elektrisite boujwasi patripoch la pa envesti ladann se venezuela ki ap charite 2,3 plant elektrik epi nou vle poum adore moun sa yo.Gen lè nou kwè se tout ayisyen ki egare.

Fòk nou fè jefò pou nou pa mal entèprete sa lòt patisipan ap ekri. Pa genyen moun ki ta fou ase pou yo ta'p defann "boujwa" nan peyi Dayiti. Sèl bagay mwen di ke "pòv" lan pa fè diferans. Yo koken menm jan, yo prejidis menm jan, si pou nou blame se "Ayisyen" pou nou blame.

Pou'm ajoute ak sa Sans Malice ekri-a... Machann diri nan ti mamit vann li nan fo mamit bay malerèz parèy li. Yon malere ap fè "san sòti nan wòch" pou voye pitit li menm nan yon lekòl ke yo rele "bòlèt" yo, pandan ke menm leson lakay li pa'p bay ti rèstavèk k'ap pase twal mouye nan kay-la.

Si genyen yon machann aleken ki fè pi bon manje nan Gerit la, se li ki genyen plis kliyan, lòt yo ap fè konplo pou eseye ba li omwen yon "kout poud".

Pa vle peye salè minimòm nan nan san laplipa Ayisyen, lwa yon peyi pa dwe fèt pou yon gwoup sitwayen espesyal, pou moun ki genyen faktori elatriye, fòk bòn...gason lakou, lesivyè, anplwaye meri k'ap bale lari, pwofesè lekol elatriye...patisipe ladann. Fòk nou pa fè lwa ki sanble ak regleman kont.

Anplis...si wou wè malerèz panko genyen lajan sere nan bank Swiss, se paske lajan poko kont, li kenbe'l anba matla toujou. Ekzanp byen senp...Sans Malice di ke lontan se chen ki t'ap tranpe kasav pou li, vwala kounyea lè li vinn genyen se nan Wall Street ke lajan li sere tou.

Joel ekri:

Wi se pou ayisyen koumanse antann yo.Si gen yon eleksyon,keseswa BAKER ou byen RENE CIVIL ki eli ladan yo,se pou yo aprann aksepte rezilta yo.

Pa vin di ,ke entèl ou entél pa t prepare e pou nou koumanse konspire pou nou jete yo.

Sèl bagay ki esansyèl,se ke eleksyon yo lib e libè.
Sispann rans de soudevlope ke n ap repete depi 1806,ak "Le pouvoir aux plus capables" ak definisyon tikoulout nou an de sa k pi kapab yo.

Pou koumanse,fè tou sa ki posib pou eleksyon pou Senatè ki ap vini yo fèt san triche,lib e libè.

Wou bay esansyèl la deja se pou eleksyon yo lib e libè, fòk tout lwa ki jere matyè sa-a respekte.

Depi ti nèg bezwen pran pòz se peyi y'ap defann se yon sèl bagay yo toujou mete devan "ohhh wi" se respekte seleksyon, ekize'm eleksyon, sa vle di kèlkeswa kondisyon ke yon moun pwoklame tèt li Prezuuuudan depi pwoklamasyon sa-a pote ti jwèt non "eleksyon" se pou w bali tout onè.

Si eleksyon ap fèt li dwe fèt jan konstitisyon-an prevwa, depi yon konprann peyi-a se byen paran w wou fè sa wou vle ladann jan wou pito, Yo dwe dechouke w. Zafè ti diktatè sanginè ki vle pwoklame tèt yo rwa, nou pap tolere sa ankò. Jiska prezan n'ap kriye pou yon vanpi ki bat zèl li al poze lwen. Se pa kont mwen kont eleksyon, men fòk moun pa pran l daso tou.

Genyen anpil nan nou jiska prezan ki bezwen bafwe moun toujou avèk ti diskou popilis ki pa menm ka fè mass pèp-la dòmi ankò. Mwen pa kwè nan "le pouvoir aux plus capables" menm jan ke mwen pa kwè nan eleksyon se lisans pou'm fè sa mwen vle ak pouvwa-a.

Fòk nou balanse bagay yo. Sispann ak diskou radikalis sa yo ki ap simen plis zizani toujou nan mitan Ayisyen.

Men se Manigat menm lè li te fè percée louverturienne lan ki te di nan ki peyi eleksyon konn fet san fot san erè.Menm o Zeta Zuni peyi ki pi rich la ki pi sofistike ya eleksyon konn genyen erè ki fet; men perdan yo pa servi de sa pou yo sabote peyi yo.Youn nonm tankou Albert Gore pa sabote peyi li paske te genyen youn erè ki te fet nan youn elektyon o kontrè li travay pi plis pou peyi li. se pa sa ki fet ak politisyen ayisyen ni boujwasi patripoch la .

mwen rete konvenki si Louis Dejoie te aksepte kolabre ak Duvalier li pa tap tounnen diktatè ke li te vinn ye , E se menm bagay la lè Aristide tap pale maryaj pep ak lame si Cedras pat fè sa li fè ya jodya peyi ya ta pi lwen nou pa ta pedi 20 lane ki sot pase ya. si genyen moun ki pou ba peyi ya youn souf se moun ki depi yo perdi eleksyon ;yo leve koken.

Pa genyen eleksyon ki pafè, men "erè systematik" ki etranjman favorize yon sèl pati politik, sa-a dwòl anpil. Genyen "erè", genyen "vòlè" fòk nou pa konfonn yo.

Lè wou di "si" Cedras pat sesi peyi-a pa ta la-a. Li te gen dwa pi fon nan twou ke li ye la-a tou. Avèk "si" wou ka mete vil Paris nan yon boutèy. Mwen te gen dwa di tou ke "si" Aristide pa t'ap preche vyolans ak pè Lebren, fè represyon sou advèsè politik li. Cedras pa t'ap sela tou, donk peyi-a pa ta'p kote li ye la-a tou.

Wi Cedras pat gen dwa fè yon koudeta konsa, men Aristide nonpli pa inosan. Pinga nou mete kòz yo yon sèl bò mezanmi.

Si nap diskite fok nou onet .Lè Cedras fè kou deta se pa Aristide ki te envante pè Lebrun an ayiti.al cahche konnen kay premye moun ke makout te boule ak tout paran ak pitit li lan ladann.Ki frap par le P perira par le P.Si apre keli aprann te genyen konplo kont li ki tap prepare e nan youn moman kolè li di vye pawol yo di ke li te di ya youn moun ka konprann li se pa li ki premye di pawol konsa.

Si w vle di ke ere ke youn kandida genyen preske 50% e lot la pa genyen menm 25% se youn vol e sa ki te fet la pi mal pase sa ki te pase nan persee louverturienne lan e byen nanpren rezon diskite anko.

Mwen pa janm di ke Aristide ki envante Pè Lebren, Mwen di ke li te preche'l tankou levanjil Lisifè. Wou di se kòlè ki te mete pawòl sa yo nan bouch Aristide, ebyen sandout wou dakò tou lò Duvalier te konn an kòlè yo ? wou dakò moun li te konn voye Fò Dimanch paske "y'ap fè konplo" kont li ?

An plis ... Eleksyon se pa sondaj, wou paka awondi'l jan ke wou vle ak maj +/- 3%, si se pou sa menm USA pa ta depanse tout lajan sa yo nan eleksyon.

Fòk mwen di w tou ke yon eleksyon vòlè, se lè :

_ moun ki kandita pa satisfè kritè lwa peyi pou yon moun vinn kandida

_ Bwat bilten gen tan ranpli depi la vèy.

_ Chimè kanpe nan biwo vòt ak zam nan men pou entimide pèp-la.

_ Entèdisyon pou mandatè lòt pati politik asiste kontaj vòt yo.

_ Chimè ap fè kontaj vòt nan balènn antoure ak polisye nan yon komisarya polis.

_ Fizye pèp-la nan ran biwo vòt

_ Bay rezilta kout maltaye, kote menm moun ki konn fè adisyon wou pap ka bafwe ak yo.

_ elatriye...

ni Preval ni Aristide pap ka kandida anko nou pral wè sa ki pral pase an 2011,pare nou pou nou pa di se volè yo volè elektyon anko paske nou pa ka reyini 100 moun ANBA YOUN POTO ELEKTRIK.

Ce n'est pas sur. Si on arrive à amender ou changer la constitution de 1987, les 2 pourraient bien etre des candidats potentiels.

Une nouvelle Constitution, une nouvelle République!

Meme si on promulgue une nouvelle Constitution ;il faudrait maintenir l'article qui interdise aux presidents de briguer un autre mandat apres deux mandats consecutifs.

Rodlam Sans Malice a écrit:ni Preval ni Aristide pap ka kandida anko nou pral wè sa ki pral pase an 2011,pare nou pou nou pa di se volè yo volè elektyon anko paske nou pa ka reyini 100 moun ANBA YOUN POTO ELEKTRIK.

San Malis,

Ou pa menm bezwen tann 2011.Si eleksyon pou Senatè yo fèt nan bon kondisyon e ke mesye Lavalas ak Lespwa yo rafle pòs Senatè yo y ap di w ke eleksyon an pa t bon.

E nèg ap di w ke se pou la lwa respekte pou moun kandida ;yomenm menm yo gendwa komèt krim "haute trahison" pou yo fè koudeta .

Yon sèl bagay m ap di yo.Militè Ajenten yo,Chilyen yo Irigweyen yo te fè yo vote lwa Amnisti pou yo apre yo te remèt pouvwa a nan peyi sa yo.
Kounye an pèp yo ap di Lwa sa yo ilegal.Koudeta militè Ajanten an te fèt depi nan ane 70s yo ,se kounye an mesye militè sa yo ap pran prizon ,genyen kinan 80èn yo.
Ti nèg toujou ap pale de rapò de fòs ,rapò de fòs lan genyen pou l kont yo;li ap kouri kite yo tankou yon lapen ki gen yon chen ki ap kouri dèyè l.

Rodlam Sans Malice a écrit:ni Preval ni Aristide pap ka kandida anko nou pral wè sa ki pral pase an 2011,pare nou pou nou pa di se volè yo volè elektyon anko paske nou pa ka reyini 100 moun ANBA YOUN POTO ELEKTRIK.

Sans Malice,

Mwen pa fè pati de oken pati politik, lè w'ap pale de moun ki paka rasanble 100 moun anba poto elektrik se pa ak mwen w'ap pale. Deplis, nan sa wou ekri la-a menm Aristide an pèsòn konnen se nan manti li t'ap bay tèt li, lè le te konn ap di ti "minorite zwit". Pou "majorite" pèp-la avè w epi pou yon ti gwoup anviwon 50 gason tou mal entrene ak ame fè w vole gagè kou yon ti poul kayèt k'ap kouri pou konpè Kòk. Lè Aristide te genyen pèp-la dèyè'l vre, se masak ke 7.000 militè te oblije fè pou kenbe pèp-la sou nich-li. Eleksyon te fèt, Fanmi Lavalas te rekolte 1% nan vòt si mwen raple m byen. Donk sanble ke pèp-la kòmanse ouvè zye'l.

Si pèp-sa te dèyè Aristide jan nou konprann nan, misye pa ta'p nan vakans dore sa-a toujou.

Nan kelkeswa eleksyon ki pral fèt, pèp-la ap vote pou moun ki fè'l plezi, gagòt 2000 yo pap repete ankò. Pèp-lan bouke ak diskou nou yo, yo pa voum yo pa pwèt kounyea, apa byenantandi kèk ti fanatik ki genyen espwa toujou, pèp-la refize kase tèt dèyè pou gade lepase. 29 Fevriye 2004 te dwe louvri je nou, li te dwe montre nou reyalite an fas nou, men nou fè kòm si nou avèg.

Joel a écrit:

Rodlam Sans Malice a écrit:ni Preval ni Aristide pap ka kandida anko nou pral wè sa ki pral pase an 2011,pare nou pou nou pa di se volè yo volè elektyon anko paske nou pa ka reyini 100 moun ANBA YOUN POTO ELEKTRIK.

San Malis,

Ou pa menm bezwen tann 2011.Si eleksyon pou Senatè yo fèt nan bon kondisyon e ke mesye Lavalas ak Lespwa yo rafle pòs Senatè yo y ap di w ke eleksyon an pa t bon.

E nèg ap di w ke se pou la lwa respekte pou moun kandida ;yomenm menm yo gendwa komèt krim "haute trahison" pou yo fè koudeta .

Yon sèl bagay m ap di yo.Militè Ajenten yo,Chilyen yo Irigweyen yo te fè yo vote lwa Amnisti pou yo apre yo te remèt pouvwa a nan peyi sa yo.
Kounye an pèp yo ap di Lwa sa yo ilegal.Koudeta militè Ajanten an te fèt depi nan ane 70s yo ,se kounye an mesye militè sa yo ap pran prizon ,genyen kinan 80èn yo.
Ti nèg toujou ap pale de rapò de fòs ,rapò de fòs lan genyen pou l kont yo;li ap kouri kite yo tankou yon lapen ki gen yon chen ki ap kouri dèyè l.

Sa-a se pi move taktik ke lavalasyen toujou ap anplaye pou kache desepsyon yo nan eleksyon, yo toujou ap asosye Fanmi Lavalas ak Lespwa. Wi pati politik Lespwa sòti nan F.L , men eske mwen te ka di ke moun ki vote pou OPL ki te vote Danny Toussaint e latriye...vote pou Lavalas tou ? ...Eske kounyea se Aristide ki ta bezwen konkou Prezidan Preval pou li ta fè yon kichòy nan yon eleksyon ?

Anplis, w'ap pale de militè ki ta dwe pran prizon ...Wi, men eske fòk nou pa kòmanse omwen nan sa ki te kondwi Duvalier nan Ayopò Entènasyonal-la ? Eske tout manb CNG-a pa ta dwe nan prizon pou krim "Haute trahison" ? ...E Pouki pa ?