Men Indyen pral mete youn ti machinn sou maché

A swè ya mwen tap gade kote youn indyen presante youn ti machinn ki koute selman 2500 dola ke li fabrike an Inde.Se pa de indyen ki deja presante pou yo achte ti machinn saa.eksper yo di ke byen ke li pa genyen tout konfor lot gwo machinn yo genyen men se youn ti machinn de kalite.Mezanmi eske nou wè enpotans bon jan edikasyon.Si nou konte konbyen moun ki genyen an Inde selman ki ka achte machinn saa e byen se youn konpayi ki genyen anpil avni. mwen pa di personn swiv mwen non men si li ap vann aktyon map foure pye m fon.

men tou genyen youn lot aspè pou nou gade nan youn peyi ki genyen plis pase 1 bilyon moun si menm 1/4 nan popilatyon saa achte ti machinn saa ki efè sa pral genyen sou pri lwil la.e ki efè bagay sa pral genyen sou anvironman an.Menm si li ka bay youn randman de 40 miles pa gallon konbyen pri lwil ak gsolinn la pral rive lè tout moun sa yo ap mande lwil .mwen pral achte ti mobil ke w ka kanpe sou yo ki transporte nenpot kote paske mwen genyen tout bagay ak 1 mile de lakay mwen.

men tou genyen moyen pou nou fè youn ti lajan tou achte aktyon konpayi lwil yo tankou total, chevron , exxonmobil .etc . paske se koulye ya ke konpayi sa yo pral fè lajan.

Eh Sanmalis,

Olye ti mobil wap pale ya, achte yon scooter, lan estil Vespa.
Mwen gen youn ki fèt an Koredisid, mak li HYOSUNG.

Mwen plen tank li ak 4 dola kanadyen, mwen kouri a 50 milalè sou yon distans de 60 mil. Li gen yon mote 50cc, ou kapab kondwy l ak pèmi oto mobil ou.

Se pa pou ekonomi sèlman, men se bèl plezi san ou pa gen pwoblèm sikilasyon oubyen paking.

Depi gen bèl soley se konsa mwen sikile si m pa gen poum al pi lwen ke 50 mil.

Mon che mwen byen kontan pou konsey ou a men chè frè mwen motosiklet pa zanmi m depi mwen te pran youn so sou youn lè mwen te jenn gason mwen te di mwen pa genyen dwa monte bagay saa anko.epi mwen pa renmen voyaje ,sam map pale w la mwen pa konen si w konn wè yo se youn ti machinn ki mache ak batery ki genyen de rou epi ou kanpe sou li ou genyen dwa sikile nan tout vil la ak li.mwen pa beswe li pou mwen fè gwo wout non jis pou si mwen beswen al legliz ke se pa you bagay ke mwen fe souvan , ale ka doktè ki lot ba la ri lakay mwen yan ale sinema ou byen lopital.ou byen ale nan supermarket nan wal mart ki lot bo la ri lakay mwen an.

Epi si endyen yo te konveti ti Nano yo pou sèvi an amerik di nò oubyen lan rès amerik la, yo ta bay japonè yon gwo konkirans.

Mwen pa konnen si teknoloji yo konparab, men machinn japonè se pi bon machinn ki genyen.


Mwen pase anpil machinn: Meriken, Franse, Alman, Italyen.
Men HONDA bat yo tout.

Mon chè dapre ekspè yo di li pa youn vye ti machinn non li panko sou mache ya men li pral bay anpil konpayi pwoblem wi sitou nan peyi pov yo e menm an chinn tou.Ou wè konbyen afriken ki pral achte machinn tata saa si pri ya pa chanje.mwen pral fe youn ti recherch sou konpayi tata motors saa demen maten o pipirit di jou pou m konnen sim ka achte kek aktyon ladann.

mwen kwè nan machinn japonè tou mwen genyen youn lexus ke mwen achte depi an 2003 mwen panko janm fè anyen ladann ke chanje lwil ;mwen fek sot achte youn Camry xle pou konpay mwen yan se menm bagay tou.Mwen pa kwe map finn servi ak machinn sa yo paske lexus lan panko genyen 35 mil miles sou li.Camry ya pa genyen 10 mil miles sou li.

Ti transpotè wa p pale ya se yon SEGWAY.
Mwen kon wè yo.

Gouvenman kanadyen di li pa sekiritè. Ou kap tonbe pi fasil ke sou yon skoutè.

Mwenmem tou, mwen te pè motosiklèt, men yon nèg ka fè aksidan lan machinn, lan otobis ou lan avyon oubyen tren.

Sa se vre men se pa de jenn gason ki ap mouri nan florida sou motosyklet sè jou si.Mwen pat sonje non yo an yo pa bon?e byen gen lè mwen pral achte youn trisiklet twa wou lè gasolinn lan rive 10 dola galon paske dapre janm wè bagay saa ap deroule la gasolinn lan ka rive 10 dola anvan 10 lane.wi.bonn sware na pale demen .