Diaspora: Lè Nou Tounen An Ayiti Si Nou Genyen Chans Saa!!

Men sa kamarad RodLam San Malice di ke nou gen intansyon fe Lè nou tounen an ayiti si nou genyen chans saa. a) Se pou nou pran ekzanp e eksperyans kote nou tap viv la pou nou chanje kondityon frè ak sè nou yo. b) Se pa pou nou tounen kom eksplwatè san konsyans ;menm jan yo te trete nou o Zeta Zuni kote yo te konnen fok nou te manje,fok nou te ka jwen swen doktè lè nou malad .youn kay pwop pou nou rete,lekol pou pitit nou ,se konsa pou nou trete travayè ki ap travay ak nou.Mwen pa di sepou nou peye yo o komansman menm salè ke youn ouvriye ameriken touche men se pou benefis antrepriz nou kreyo separe benefis la selon sa chak moun kontribiye nan bonn mach li; c) Se pa pou nou tounin pou nal fè moun rele nou Monsieur Untel ou madame Untel selman fok nou ka ba yo moyen pou yo ka viv youn ti vi pli zou mwen byen. d) Se pa plas leta ki enterese m poum ta tounen an ayiti.mwen pa di tout moun pou panse tankou mwen. e) Si m ta genyen chans tounen an ayiti anvan mwen mouri se prodiktyon natyonal la pou mwen al mete men pou m ogmante.paske pou mwen se pa janm politisyen ki fè devlopman nan okennn peyi. f) Se travay.entelijans,entreprenè,lod, disiplinn ki fè devlopman.se sak fè nou nan eta saa paske nou toujou ap tann youn tonton Noel ki ap vinn pote joujou pou nou epi antre tan nou finn tounen pwatann fennen. Rodlam Sans Malice Mwen pataje opinion Rod la ki baze sou sevis !! Se sevis ke nou pral rand peyi nou e se avek bi sa e ideoloji sa e misyon sa ki nan tet nou. Se konesans nou ak lajan nou ke nou pral mete o sevis peyi nou. Se te yon klass Moyenn ke nou te ye le nou te kite peyi nou ki te vinn kreye yon gwo ravinn ant klass boujwaz la e klass defavorize yo. Nou pral repran plas klass moyen nou an back pou nou sa konble ravin diferans sa, men avek plis konesans fwa saa, plis konpasyon, plis tolerans pou fre ak se nou yo, e plis lajan tou pou nou sa byen chita nan peyi nou. Bay bon sevis dans la tolerance, bon gouvenans avek yon santiman d’apartenans. Fok nou santi ke pep la vle nou e fok nousanti ke nou vle yo tou pou nou sa travay ansamb san pre-jije, ni meprizans, ni kestyone intelijans dirijan ni manke moun degua. Nap poze kestyon dan le respe, e nap mande dirijan yo regleman dapre la lwa. Sa se aproch pa mwen a retou nou la kay nou. SVP di nou kijan nou we tet nou kap retounen lakay nou. Antre tan kontinye edike tet nou e travay e okipe fanmi nou nan peyi blan an atandan ke lakay bon e parè pou resevwa nou!!! Revelasyon

http://haitianamericanstoday.org

Revelasyon,

Mèsi pou ekspoze saa.
Mwen dakò ak sa ni Sanmalis, ni ou di lan dokiman saa.
Se pozisyon ke tout ayisyen dwe pran.
Se konsa pou yon sosyete pwogrese.