kisa ki ap diskite nan semenn sa nan politik o Zeta Zuni

mwen sot ap koute Gouvernè Richardson ak Miss Fiorina, yon patisan Senatè John mac cain ki ap diskite de sa yo rele campaign financing ,ki jan kandida dwe jwen lajan pou depanse pou fè kanpay yo.

moderatè Pwogram :"Face the nation"fas a la natyon di ke Senatè Obama se yon "roulem de bò"Yon moman li di ke li ap aksepte lajan gouvenamn (public financement ).koulyè ya li di li pa beswen li ankò paske li vle depanse tout lajan ke li beswen san li pa genyen oken restriktyon ke lwa mande pou li ta respekte si li ta resevwa lajan de gouvenman an.

Miss Fiorina ki se yon ansyen PDG yonn nan pi gwo konpayi o Zeta Zuni dakò ak sa moderatè ya di ya .Gouvènè Richardson li menm di ke gras a pep la Obama genyen ase lajan pou li fè kanpay li e pwiske John mac cain li menm resevwa lajan nan men gwo zotobre.li pa ka paske Obama resevwa plis lajan ke li de pep la vle limite lajan ke Obama ka depanse poul touche tout pep la ak reklam nan radio , nan televisyon, nan jounal etc.

Lè yon moun analise bagay saa ou rekonet ipokrisi repibliken yo.Men yon kandida ki di li pa beswen fon leta pooul fè kanpay li ,men paske pep la ba li lajan yo vle mete yon limit a lajan li ka depanse.Yo vle ke John mac cain genyen menm kantite lajan ak Obama pou Obama pa depanse plis pase li .Obama komanse enkyete reyaktyonè anpil.Yo ap fè tout bagay pou yo ba li baryè.

lot kose ki ap pale semenn saa se zafè fouye lan mè ki prè kot Eta Zuni pou chache lwil.John Mac cain ki o debi te kont bagay saa jodya paske Bush di li vle ke sa fet li di li dakò paske li vle ke Eta Zuni vinn endepandan de peyi ki pwodwi lwil la.

obama li menm di li kont zafè fouye pou twouve plis lwil tou patou ;li prefere ke peyi ya chache lot moyen pou diminye itilisatyon lwil 'li prefere ke konpayi otomobil yo konstwi machinn ki boule mwes gas,li vle ke gwo syantis fè recherch pou twouve lot fom denerji,li vle ke pep la konserve plis o lye ke nap fouye tout kote pou nou jwen lwil pou nou polye environman plis.

Pou mwen se Obama ki genyen reson si tout moun admet koulyè ya ke emision gas CO2 ap kose dega; ap rechofe planet la; solutyon pwobelm saa ki menase limanite tou antye se pa boule plis lwil;se twouve lot fom denerji pou nou sispann rechofe atmosfè ya. pwoposityon Obama a fè plis sans pou mwen.

Si georges bush ak Dick Cheney vle ba gwo konpayi petrolye dwa pou eksplwate chak ti santimet kare sou la tè pou yo jwen plis lajan ,mwen pa kwè se sa ki pi bon pou nou fè koulyè ya. mwen kwè ke li ta pi bon pou nou diminye boule lwil diminye boule gasolinn. itilise lot fom denerji tanjkou enerji soley. van , maritime, geo thermal etc pou nou sove planet la.

se bagay saa ki fè lè moun ap pale de eksperyans ant Senatè John mac cain e Senatè Obma mwen toujou mande tet mwen nan ki sa John mac cain genyen plis eksperyans eske se paske li pi gran moun pase Obama ki fè li genyen plis eksperyans nan tou sa ki pa bon ke nou te konn ap fè.