Chapo ba pou Minusta, FAD'H dwe retounen o pli sakran

Se pou nou fè atansyon, anpil.
Wi chapo ba pou Minista pou gwo travay sovtaj saa.

Men nou pakab kwè ke yo pral rete an Ayiti pou tout tan.
Nou bezwen yon institisyon ki kapab fè menm travay sayo.

Epi fok yo tounen lan peyi yo.

Men pinga nou vinn di pou FADH tounen sou moun, paske menmsi yo te la jodya, nou pa ta p wè yo lan foto konsa ap ede sitwayen.

Nou ta jwenn yo ak kokomakak yo lan menm yo kote manje sinistre ap distribye e si yon sitwayen pa veye zo l, sa l pran se pa l.

Se pou nou poze kestyon yo byen.

Se pa FADH ki pou retounen.

Se yon nouvèl fos ki pa gen anyen pou we avèk FADH, ni ansyen jandam ak ansyen ofisye ki te lan FADH.
Sou modèl Doub-Sossis bay la.

Se pou nou jwenn kob la pou nou defann tèt nou menmjan ak lot peyi ki respekte tèt yo.

FADH pa’t janm ranpli okenn fonksyon reski oubyen imatè lè te yo te la,. Okontrè, jan Joel, Rodlam mentione a, yo te toujou presan pou yo maspinen, mete baton sou sinistre yo, viktimize yo yon dezyèm fwa, pou yo pa revandike èd ke yo bay pou yo a.

Li evidan ke nou bezwen yon lòt fòs lan peyi a pou ranpli sèten rol ke Minustha ak ranpli lan peyi a. Preval te pale de yon jandamri okomansman manda li a, depi lè sa, se nad marinad, nou pa tande anyen anko.

Nouvo fos sa pa bezwen anyen ki konplike, gen model ki la deja ke nou k’ap swiv e adapte a sityasyon nou tankou model ajantinyen an :

http://en.wikipedia.org/wiki/Argentine_National_Gendarmerie

An atandan, m'ap di tou : Chapo ba pou minista.

Colo

sa joel di w la se sa.menm alfabetisatyon yo pat vle fè nan youn peyi ki an 1957 te dwe genyen plis pase 75%analfabet.Dim nan ki syklonn yo te ede popilatyon an ,dayè ake ki ekipman pou yo te ka fè sa.Yo te aprann yo ke sivil ki se frè, sè,kousen, kousinn yo se lenmi yo.Ou pa ka peye doktè pou ba moun swen ou vle peye jandam ki te la pou touye ayisyen ,arete presidan.destabilize peyi ya.Tankou bazin te di ya ake ki nou pral ekipe fos saa?Se ak youn ti fizi mozè ke yo pral ede sinistre yo.Dim ki gwo travay Kor de genie "lame" ya te fè an ayiti?Tou tan mwen pase nan lame mwen kwè se de zou twa ti bilding ke yo te konstwi nan palè ya pou loje gad presidantyel Duvalier ya.Ki bor yo te konstwi pont an ayiti?ki lopital yo te genyen ke yo te ka transporte nan kanpay pou ede malere nan syklonn yo?Kote gwo ekipman yo te genyen yo te an depo?Pwiske w konnen FADH byen palem de ekipman yo te genyen?Menm transmetè ak delco anpil nan yo se misyon naval la ki te konn ba yo nan ed militè eta zuni te konn bay.Lè yo voye yo al achte zam ak aparey kominikatyon yo di yo fè 0 tounen 9. se Lafontant menm ki te di sa.Ou pa pwodwi menm youn katouch epi ou vle genyen lame.Lespri nou twouble.Pa genyen menm youn sereng nan lopital pou nou ba malad youn piki epi nou vle achte zam.

kote nap viv la al mande youn solda ki sa li genyen kom swen medikal pou li ak fanmi li.ki asirans li genyen si li mlad eske se li ki pou achte medikaman, uniform, manje etcSe pa mwen ki te di pa genyen lajan pou sa Se kapitenn Hilaire ki te dim ke gouvenman an pa genyen lajan pou achte medikaman pou jandam lè bram te kase nan jwe voley ball nan lame.

Mwen sot tande youn kominike ki di tout manb dyaspora ki vle ke pou yo retounen ak FADH la yo pral genyen pou yo peye 10%youn taks chak ane sou revni yo pou ede ekipe lame ya. Colo ,Sassaye, Kok, pare nou pou nou mete lajan nou kote bouch nou ye.(lol)

Se mwen menm ke yo pral nomen nan depatman ayisyen a letranje ki pou jere fon saa.poum achte zam ak katouch ak elikopte ,ak sou maren atomik, ak avion bonbadye ak gwo char bradley.ak gwo chasè Mig ki pou siveye espas aeryen yan.bon jan destroyer, potavyon.mwen pral gade bon jan ayisyen ki dim ayisyen o zai tien yo si yo pral konsanti.(lol)

Tout sa mwen genyen se pou Ayiti!
Colo

Ou vann kay ou genyen yan deja mwen ka ede w vann li wi pou voye lajan an ayiti.(lol)komanse pare w pou voye 10% chak ane pou yo peye e ekipe FADH la.Fok ou voye rapor Income taxe w wi.

Sanmalis,
Anvan ou mete nom sou okenn lis, se pou w li byen sa m ekri.

Mwen di l anko: Mwen pa an afè ak FADH, ni okenn moun ki an relasyon avèk enstitisyon saa. Mwen pa vle tande pale de nèg sayo.

Men sa m di: Se pou nou Ayisyen mete granmoun sou nou e degaje nou pou yo asire defans pa nou; pou Minista pa oblije rete lan peyi a VITAM ETERNAM.

Amwenske nou reziyen nou rete anba okipasyon pou rès vi nou.
Mwenmenm, mwen pa kapab.

Mwen pa bezwen konnen kijan pou rele fos saa.
Men fok se Ayisyen ki pou ede ayisyen lan siklonn, ak katastrof, veye frontyè nou ak lanmè nou.

Si nou pakapab fè sa, kisa nou ye laa?

Mwen konprann byen ke minista pa blije rete nan peyi ya vitam eternam men tou fok nou korije rezon ki fè minista te blije vinn nan peyi ya.Wi fok ayisyen ka organise yo pou defann peyi yo kont tout sot kalamite.Men sa pa vle di pou nou kite moun ap manje biskwit labou ,ti moun pa ka ale lekol ,malad pa ka jwen kabann nan lopital, nou pak jwen youn alternatif a chabon bwa pou anpeche debwazman pou nou ap peye 8 jeneral initil ak youn ti ame mal ekipe..Tankou Patrick Elie di ya defans youn teritwa enplike plisyè aspè.Fok ou ka analyse resous yo pou konnen ki sa ki pi irjan ki merite fet.Se pa kouri di an nou tounen ak FADH ,alor ke lè FADH la te la li pat janm ka sove moun nan desas o kontrè se yo menm ki konn mete kalamite nan peyi ya.

non se pa mwen ki vle fè l tounen blag non men lè youn moun pwofite de desas saa pou ap vinn pale de FADH komsi FADH la te konn sove moun nan syklonn ki te pase anvan yo se wou ki blije ap fè mou ri paske se komsi ou pat janm wè ou konen sa ki te konn pase an ayiti anvan.

Malis,
Ou pa vle tande. Mwen di kounyea e mwen te toujou di:
NAN PWEN KESTYON FADH KA P RETOUNEN SOU MOUN ANKO.
Ma p repete l anko:NAN PWEN KESTYON FADH KA P RETOUNEN SOU MOUN ANKO.

Nou bezwen fos sekirite pa n. Kounyea.
An menmtan lot pwoblèm yo ap atake.

Pwoblèm lamize, povrete, grangou, maladi, edikasyon ap pran 50an pou elimine.

Eske na p tann tout tan saa anvan Minista ale?
Eske w panse Loni pra l vote pou kenbe minista chak ane pou 10zan?
Si ane pwochèn yo di yo pa gen bidjè pou peye 9000 solda pou vinn Ayiti,
sa w kwè ka p pase?
Si vinn genyen yon pi kwo kriz yon lot kote:
Afganistan, Pakistan, Filipinn e yo bezwen voye jandam sayo lan kote sayo.
Filipinn kapab bezwen solda yo pou rebelyon mizilman lakay yo.
Sri-Lanka kapab retire solda pa l yo paske yo gen yon ge lakay yo.
Gen gwo opozisyon lan Brezil kont prezans solda yo an Ayiti.

Nou paka kontinye ap di "Bondye bon" epi kenbe makout vid la lan men nou, menmjan nou toujou ap fè.
Se sak fè nou toujou lan dèyè kamyonèt la.

Sassaye

Diverjans mwen ak ou ak kolo se pa ke mwen kont kreyatyon youn lot fos non,mwen kont kreye youn ti maskarad ki pa itil anyen.mwen di an nou mete polis la an fom anvan apre sa na anvisaje ki st pierre nou pral dekouvri pou nou kouvri st paul jandameri ya.

mwen se youn moun ki pragmatik,mwen pa ka grangou, malad, menm dlo mwen pa ka achte poum bwè epi pou youn moun dim se youn ti 38 poum achte.Si nou ogmante taks koulyè ya epi nou mete youn ti lame kanpe. ake ki ekipman yo pral pwoteje anvironman an.Se pa vle militè ki te la deja pa ta vle al sekouri moun ki te sinistre nan hazel ,flora,david ak tout lot syklonn ki te pase anvan yo se moyen yo pat genyen.Si nou konnen kote nou pral jwen lajan pou nou ekipe youn lot fos an menm tan ke nap ogamnte fos polis e byen mesye bali bwa men fok nou jwen lajan pou nou ba pep la youn soulajman wi paske si se pas sa lame saa pral tounnen menm jan ak lot ansyen paske grangou kloroks la genyen poul rive youn pwen ke pep la pap ka kenbe ankor ;lè saa nou pral voye jandam yo masiiminen pep la nan katye popilè yo menm jan sa te konn fet lontan.Paske jou popilatyon rive 16 milyon ayisyen an 2025 yo konsa se gè sivil ki pral genyen an ayiti wi.gouvène se prevwa

Se sak fè mou ki wè pi lwen pase pwent nen yo di ke sekirite youn peyi se pa selman youn kestyon de veye forntyè, mete jandam nan la ri ak koko makak lè genyen syklonn; sekirite ya genyen plisyè aspè.pito se youn bal ki fout touye m tan se tiberkiloz ak sida ki ap manje m sou pye.kom mwen di nou deja chak moun kriye pou sa ki enpotan pou li.Pou mwen li ta fè plis sans o lye ke nou al kreye youn lot birokrati ke si pa ekzanp kor polis la pral genyen 15 mil polisye e byen nou detache 3 mil kom youn inite spesyal ki pou reponn a beswen irjan tankou di fe , syklonn,inondatyon ,deboulman etc.saki esantyel se tire maximum randman ak ti resous nou yo.paske moun ki pa konn konbyen youn ame koute e ki wol youn lame ka pale tou tan yo vle; yo ka mete youn paket zetwel sou zepol youn paket moun men sa pa vle di ke w genyen youn lame pou sa.e se sak fè sa ki te la pat janm ka ranpli wol li.Lot natyon imilye nou menm youn kout fisi nou pa ka tire sou yo.ake ki moun nou pral goumen menm? tout lot bagay sa nou di yo youn polis byen an fom ak youn jandameri ka okipe yo de sa.

Genyen moun lè wap kritike ansyen dirijan ak sa ki la yo ;yo konprann se jalousi ou byen se egri ou egri men konsekans 50 lane de neglijans ,de vol ,de krim, e denkonpetans.genyen moun pou yo retire chaj la sou do yo diw konsa se depi 86 bagay yo vinn konsa.men se pa vre.Yo bliye dega hazel, flora ,david,te fè men de jou an jou bagay yo ap vinn pi mal.paske popilatyon ap ogmante epi nap debwase plis.si youn maladi ki rive nan dernye pwen li.li rann malad la moribon.e si nou pa pran byen li ap mouri wi.Mwen tap koute profèsè Holly sou pwogram Nancy Rock la ki se youn moun ki ap pale san pasyon ni prejidis :li di se depi lontan anvironman an pat janm youn priyorite pou dirijan ayisyen yo.se youn lese grennen bon dye a pran swen nou.men yo bliye ke li te di "aide-toi le ciel t'aidera."

jodya mwen tande mesye nan gouvenman santral yo ap di ke gouvenman lokal yo pat pran responsabilite yo 'yo kite moun bati nenpot kote.Se vre men se gouvenman santral la ki pou komanse pa kreye kod natyonal.ki pou amenaje anvironman an.yap monytre kay youn Senate ki bati an kalifouchon sou youn wout epi napren moun ki ka di li anyen.Bon si youn senatè de la repiblik ap fè sa ki jan pou youn ti boss li menm respekte kod konstriktyon an.epi tou ki politik de lojman ke gouvenman santral la genyen?map mande tet mwen si dirijan ayisyen yo konn janm konsilte resansman ki fet nan peyi ya pou yo planifye aktyon gouvenman an.

Sanmalis,

Li te mèt se yon branch lapolis oubyen yon lot fomation ki antrene pou bay sekirite na p pale yo.
Li pa oblije yon lame lan sans ke w wè li ya.

Pou mwenmenm depi gen yon enstitisyon AYISYEN ki okipe l de travay sayo, se sèl sa ki konte pou nou pa bezwen tankou timoun ki ap tann etranje vinn delivre nou.

Li lè pou nou chèmèt, chèmètrès lakay nou.

Selon moi, Haiti n'a besoin d'aucun corps arme pour assurer la gestion des risques et desastres.

Il va falloir organiser le departement de gestion et prevention des risques et desastres afin qu'il devienne une des grnades priorites de l'Etat haitien, au meme titre que l'education par exemple.

Ce qu'il nous faut selon moi est un corps civil qui va travailler a la prevention et a la gestion des desastres et qui va s'occuper de:

- etablir une liste d'endroits pouvant servir d'abris en case de desastres a travers tout le pays.

- former des equipes pretes a porter secours en cas de desastres a travers tout le pays (cours de secourisme, cours de maitre-nageurs, equipes medicales, formation pour faire face a des cas de tremblements de terre, unites canines) et prevoir de l'equipement de base (tentes, produits sanitaires, etc.).

- avoir un corps de genie qui va travailler a la prevention des desastres: curage des canaux, desenclavement des canaux et egouts dans les villes (detruire les constructions anarchiques entre autres), travaux dans les rivieres, reboisement, travaux de protection des infrastructures de genie contre la furie des elements: routes, ponts, etc.

- pouvoir disposer d'un certain nombre d'equipements lourds pour travialler lors des desastres et a la prevention des desastres.

- et le plus important, etablir un programme de formation par radio de la population face aux desastres et etablir differents moyens de pouvoir avertir la population en cas d'evacuation, etc.

- essayer de pouvoir coordonner (autant que faire se peut) l'activite des differentes ONG travaillant dans ce domaine (Medecins sans frontieres, Peace Corps, etc.)

Bref, il faut pouvoir developper un plan complet de gestion des desastres et former des gens.

Nous pouvons avoir d'autres raisons moins avouables pour avoir besoin d'un autre corps arme, mais s'il s'agit de gestion des risques et desastres, avoir un corps de civils suffit amplement. Ce ne sont pas les travailleurs potentiels, ni le travail qui manquent. Il suffit de mettre les questions d'environnement et de prevention des desastres a la priorite maximale dans le pays.