Olye gen rondomon, refize moun vote, poukisa yo pa bay dyaspora dwa de vot

Rico Dim 26 Avr 2009 - 15:20

Bon mwen pote yon solisyon nan pwoblèm o wi moun grangou, o wi moun pa kontan o wi moun gen karaktè yo pa bezwen vote. Mwen di non dwa vot se sèl mwayen pou chanje kondisyon vi , sitiyasyon sosyo politik ekonomik ansanb sitwayen yon peyi. Mwen di se ak dwa vot pou twouve bon moun, patriyot konsekan ki dwe nan tèt nachon an, ak tout ekip depite ak senatè l pou travay pou peyi dAYITI.

Gen vye litani, chanson zenglen ki mande pou moun pa vote , sabote elèksyon sa pap bay anyen. E byen mwen di non se egzèse dwa nou, rantre nan oganizasyon, mete pwa nou pou chanje sistèm lan. Sispann pale mal pati politik malgre febles yo. Se rantre nan yo, reyoganize yo.

Ke nou renmen yo ou pa yo renmen gen kèlke nan ki sou bonn pis nou dwe rekonet sa olye ap jwe fanatik. OPL AK FIZYON POU NOMEN 2 PATI SAYO MALGRE FEBLÈS YO, MANK KAPASITE LAJAN AK MWAYEN KONTRIBIYE GRANDMAN NAN AVANS DEMOKRASI. Yo vreman achane, mennen yon konba kont aparey ESPWA ak UCADE ki gen gwo mwayen nan men yo.

Finalman si podyab bon pèp telman deprimen , grangou, nan tout tribilasyon pa vreman sansibilize ni konprann san yon vot. Alos louvri tout konsila yo ak delege tout pati konfondi pou ranfose vot chich ti pousantaj bon pèp nan peyi dAYITI. Tonas kribout dyaspopo nan bon jan swen pral vote net alkole.

POUKI SA MENM JAN SE POUVWAYÈ, DONATÈ DYASPOPO YE. Nou dwe tou elektè ki pral ede tout Ayisyen chwazi reprezantan yo. Tout dyaporyen ta dwe depanse 50 dola meriken pou kat elektoral . Lajan sayo ta yon fom don pou pati politik nan eleksyon yo.Se osi senp nan swiv bonn metod ki deja ezgiste.