Fok gouvenman mete lod nan kou kasatyon.

Nou swete ke presidan Preval fini manda ke pep la ba li men tou atansyon pa kapon.Fok nou konnen moun ke latorti ak Bonifas te mete nan kou kasatyon eske yo te legal epi eske se moun ki ka pran mayet kom konstitutyon an prevwa an ka genyen yon vakans presidantyel anvan fen manda Presidan preval la.

Fok se pa yon Bonifas ke nou bay mayet peyi ya anko .Fok nou konnen ke se yon moun enteg, onet e konpetan. Eske neg sayo se pare yo te ap pare teren pou anka paka ki fè yo te revoke 5 jij nan kou kasatyon ki te yon revokatyon ilegal.Ki shaj ke yo te genyen kont jij sayo; eske Bonifas ak latorti te genyen dwa revoke jij sayo?Mwen pa di si yo koupab pou yo pa revoke yo men fok yo di sa yo te fè ki pat bon an.Jodya nou genyen yon gouvenman lejitim fok li repare sa ki te fet pandan de lane ki sot pase yo ki pat bon.

Presidan Preval pa jwi bonn santé fok nou pran prekotyon pou si li mouri pou elektyon fet san magouy nan 90 jou apre ke genyen vakans presidantyel nan peyi nou paka pase 2 lane nan transityon anko.Peyi ya rive nan yon pwen fok bagay yo shanje.e fok yo shanje le pli vit posib ;alo se pou gouvenman komanse pran disposityon pou asire yon trasfè legal e byen vit si vinn genyen yon vakans presidantyel.Nou swete ke bon dye epaye peyi dayiti yon lot kriz anko men si se volonte li se pou nou koube nou pou li pa tounen yon mal pou peyi ya.

Byen ke mwen pa Prevalis; mwen te menm mande presidan Preval pou l te retire kandidati li e ni se pa pou mwen flate li ki fè mwen di sa ;men lè yon moun ap tande ki jan Preval te ap viv lakay li apre li finn pase 5 lane o pouvwa. kote li te remet kay ke yo te ashte pou li. e byen tankou Joel di ya Preval se yon ka ekseptyonel nan onètete an ayiti.E moun ki ap di ke Preval se yon moun sot la ;mon shè mwen di se pa vre paske se pa tout politisyen ayisyen ki reyalise sa Preval reyalise.Nanpren politisyen parfè sou la tè men rayi shen dil danl blan li prouve tout detraktè li yo li pa sot jan yo di ya.

Mwen ta swete ke Konsey elektoral la a va ranpli devwa yo anver peyi san magouy.Pep la pap aksepte oken perse louverturienn ni oken kout boul.Ke shak ayityen pran responsabilite yo nan moman difisil ke nou ka pral viv la.Se byennet pep ayityen ki pou bousol tout ayityen.Li lè pou nou kite enterè personel nou de kote pou nou wè si na retire peyi ya nan malsite ke li ye jodya a kos de egoyis nou mank visyon nou.

kelkeswa jan w gade 5 Jij ke Bonifas te nonmen yo,mesye sa yo pa legal.

Pou yo legal,fök sena a apwouve nominasyon yo.
Si PREVAL bezwen legalize mesye sa yo,se pou misye soumèt nominasyon mesye sa yo,bay SENA , ak tout sa ,sa enplike politikman.
Kou Kasasyon an,se yon bagay enpòtan,omwens se pou gouvènman montre ke omwens li legal.

Epitou,se pou gouvènman nonmen yon jij ou byen yon avoka ke majorite peyi an ka fè konfyans,kòm prezidan Kou Kasasyon.
Mwen konnen nan eta elit peyi an ye la a ,se yon moun difisil pou jwenn;men se pou yo fè efò sa a!

Mon shè

Se sak fè menm mwen ekri teks saa. pase jan bagay la ye la mwen pa swete li men si Preval al bwa shat la se yonn nan neg sayo ki ilegal ki ap pran mayet la wi. se kabann neg yo ke yo tap ranje tande nanpren oken kou deta ki ap mete oken ti torti sou moun.

presidan Preval dwe mande neg sayo de ki prevyen ;Bonifas pat genyen dwa revoke lot jij yo alo neg sayo dwe retire ko yo nan kou kasatyon pou presidan soumet non moun enteg pou fè pati kou Kasatyon epi mete yon jij enteg an shaj kou kasatyon an.nanpren oken perse louverturienn ki ap fet ak led kou kasatyon an menm.Se pep ayityen ki pou eli Presidan ke li vle.Se pou pep la kanpe tankou yon sel om pou yo fè san zave ak kravat respekte dwa yo.