Diaspora kote nou???

kestyon w lan mal pose ;se pou di ayisyen kote nou?paske si diaspora tap travay di poul okipe e fanmi li e sa ki rete deyè pou yo rale yo deyè yo se pat fasil pou yo te ale an ayiti.se iresponsab ki te rete deyè yo ki te pou pwofitwe kob ke dyaspora ap voye nan peyi ya pou yo te kreye travay pou pep la te ka rete lakay li.O kontrè se vann Duvalier yo te konn ap vann peyisan o lye yo te fè reform agrè pou pe=yisan te rete nan kanpay pou pwodwi manje pou pep la.

jodya nap peye konsekans de 53 zan de neglijans.poum pa di 200 zan de neglijans.

Rodlam Sans Malice a écrit:kestyon w lan mal pose ;se pou di ayisyen kote nou?paske si diaspora tap travay di poul okipe e fanmi li e sa ki rete deyè pou yo rale yo deyè yo se pat fasil pou yo te ale an ayiti.se iresponsab ki te rete deyè yo ki te pou pwofitwe kob ke dyaspora ap voye nan peyi ya pou yo te kreye travay pou pep la te ka rete lakay li.O kontrè se vann Duvalier yo te konn ap vann peyisan o lye yo te fè reform agrè pou pe=yisan te rete nan kanpay pou pwodwi manje pou pep la.

jodya nap peye konsekans de 53 zan de neglijans.poum pa di 200 zan de neglijans.

Ayiti mouri e se sèl diaspora a ki ka resusite li.

E byen si se sa se pou yo rekonet dwa tout ayisyen ki vle tounen pou ede.se pou bann kreten yo mete kor yo nan kwen.

Colo

Al li sou nouvellliste ki jan gouvenman Taiwanais ap montre dirijan ayisyen ki sa pou yo fè pou ogmante prodiktyon di riz nan valle atibonit la.sa fè m reyelman plesi pou wè ke genyen etranje ki konprann pwoblem peyi ya byen.

men ki jan pou nou kombat grangou kloroks la ,si nou fè sa tout kote nan peyi ya e nou kontwole kwasans demografik la e byen nanpren reson pou genyen "emeute de la faim" moun pran la ri pou grangou ankor an ayiti.men sa pou Alexis te fè depi li te monte kom Premye Minis.se pou li te kreye 10 organisatyon tankou ODVA nan peyi ya.yon nan chak depatman yo.epi mande Taiwan kredi pou ekipe tout organisatyon sa yo ak traktè sa yo ke yo bay ODVA.

men rezon ki fè mwen di fok genyen yon bon lekol pwofesyonel nan chak depatman nan peyi ya pou tout ti ayisyen ayisyenn aprann mentni e repare machine agricole sa yo.paske si nou konprann se birokrat selman peyi ya beswen e byen nap toujou nan grangou kloroks e dominiken ap toujou koupe tet nou lakay yo.se sa yap di nou rete lakay nou, travay tè lakay nou pa vinn anmegde yo lakay yo, yo pa renmen nou.Aprann renmen tet nou ,frè ak sè nou peyi nou konsa moun a respekte nou.

wi nou ka fè yon kombit pou tout ayisyen jwen yon pla manje pa jou se tet ansanb selman nou beswen.nou te ka mete lajan nou ansanb e nou fome magasen kote peyisan ka lwe traktè, achte semans jwen yon ti kredi anvan rekolt nan tout kote nan peyi ya.tout tè nan peyi te dwe itilise pou ogmante prodiktyon agrikol la.leta te dwe ofri tè ki pa itilise sa yo an anfermaj pou moun ki vle travay tè sa yo ;ki ka fè elevaj ladan yo tankou sa fet o Zeta Zuni.se pa dyaspora ki pa vle ede men se gouvenman kreten yo ki pa konen ki jan pou yo itilise pouvwa dacha e konpetans dyaspora a.

Si yo pa ta aplike konsey e metod sa yo tout kote nan peyi ya e byen se pou yo revoke Minis agrikilti ya.nou tout konnen ke metod serkle tè ak pikwa ak wou pap kapab bay tout moun sa yo manje ,mwen pa beswen agronom pou mwen konprann sa ;si yon agronom an chaj ministè agrikilti ya pa pwofite de ed saa ke Taiwanais ap bay la pou evalye pwofitabilite metod sa a e byen nap toujou depann de manje dominiken ak ameriken pou nou nouri sa ki ka achte manje sa yo.

mwen pa kwè genyen pi gwo priyorite pou yon gouvenman ayisyen ke amelyore prodiktyion agrikol nan peyi ya.se pa chita di ke ayiti se yon peyi agrikol epi se sektè ki pi neglije.fok nou mete lajan peyi ya kote li ka pwodwi plis byen ak servis pou popilatyon an.nou konnen pi gwo beswen yon moun se manje, sante, edikatyon, travay, sekirite, lojman,jistis.se apre nou finn regle bagay sa yo ke nou ka fè ti pedan mete ministè de la kilti , ministè de la kondityon feminine. ministè du tourisme.fok nou aprann kroke chapo nou kote men nou ka rive.Se pa mete yon paket birokrat nan yon paket ministè ki fè nou administe ti resous nou yo mye.se mete lajan reset leta nan moyen de prodiktyon pou nou kreye plis byen ak servis konsa PIB peyi ya a ogmante.konsa yo pap di ke se nou ki pi pov nan amerik la ankor.moun tout kote a respekte nou plis.

Si nou chak bay $10 chak mwa, mwen rete kwè nan fin ane a nou tap gen ase kob pou ede moun an Ayiti.

Se pa nan radote 24/24, 7/7, nap ede malere sa yo.

ou di se radote nap radote 24/24 7/7.men ou pa manke yon lè nan 24 la non.(lol)Bon sa ki fè mwen ekri sou forum lan se pou nou wè si na chanje mantalite krab la lakay anpil ayisyen ki jalou de moun tankou Aristide ki fè jefo pou yo ede malere.

tou tan nou pa chanje vye mantalite saa e byen tout sa nap viv jodya se depi lontan yo te konsa.Rosalvo Bobo te ka ekri menm let la yon syek apre li te ekri premye let la.nou pa pwogrese di tou.malgre anpil nan nou ap viv a letranje ke mwen te kwè ki te pral ba peyi ya yon boustè mwen wè ke anpil nan nou rete ak menm mantalite ke nou te soti an ayiti avek li ya.Individialyst ayisyen ki fè nou paka mete tet nou ansanb pou nou organise anyen se li ki ap toupizi nou tout.Jalousi kont sa ki rive, rayisman ,enn kont pwop frè ak sè nou.

ki lè ou janm tande yon pati politik fome an ayiti epi apre yon serten tan ou pa tande genyen yon divisyon nan li?nou genyen yon bel deviz men nou pa pratike li.Si w prete yon ayisyen yon lajan premye bagay li ta renmen ki rive w se pou mouri pou li pa beswen remet w lajan ankor li pito fè w lenmi ,si w pemet ou mande l lajan li pito joure w.dayè li rayi w paske ou genyen pou te prete l.premye okasyon li ta jwen nan deblozay politik se wou li ap premy lage atè sam di ya nanpren moun ki ka dim se manti mwen konnen anpil ekzanp konsa ki pase an ayiti.alor ki jan ak yon mantalite konsa dyaspora ka ede moun ke li pa genyen obligatyon ede.