Le magazine Time souligne la mort de Gérard Jean-Juste.

Pou moun ki pa fin twò "fò" lan angle ;yon evènman ki se yon "milestone" ,se yon evènman ki make istwa semèn lan ,si se pa yon peryòd ki pi long.

Wi PREVAL ,se nèg sa a wi ,ou pa bay menm yon kominike pou bay kondoleyans si se pa pèp ayisyen an an jeneral ,omwens ayisyen ki ap viv Ozetazini yo.

Pa gen jan pou yo bliye sa!

Pa gen okenn mistè nan kesyon an. Blan yo pa bay Preval lOd pou li respekte memwa Jean-Juste.

Reyalite a sèke "Blan an di Lavalas mouri". Kidonk, imajine ou yon pè teyolojyen liberasyon ki te derefize trayi Aristide jouk jou li mouri a, pral antere - epi katedral two piti nan Miami pou kenbe moun ki vin di li orevwa. Kadav li ap rantre Ayiti - se je wont je - apre anpil anpil anpil presyon - paske blan an ta prefere evite koze sa a. Kounye a, imajine ou plizyè milye moun pral onore mouche sa a, Legliz santi a te pini sou akizasyon li te eseye enskri kom kandida Fanmi Lavalas nan prezidansyèl 2006 yo. Li mouri nan men bouwo blan yo te mete opouvwa pandan peryod represyon sovaj kont Lavalas, apre koudeta a.

Nou te wè kouman yo te jere vizit Clinton lan....fwa sa a ki chemen dekoupe yo pral pran ak kadav Jean-Juste pou kamera pa tonbe sou pankat (demanti pwopagann) ki pral nan lari a?

Mwen di blan an pa bay Prezidan Preval lOd pou li respekte memwa yon Ayisyen parèy li, ki te konn mache kOt-a-kOt ak li nan mitan pèp vanyan an, sou chimen bouske lavi miyO. MèzalO, sa pa vle Prezidan Préval oblije aksepte pran lOd nan men blan an.

Lè Ronald Reagan te mouri, tout kote sete onè-respè - poutan kriz ekonomik n ap sibi jodi a, li pou anpil ladan l. Lotrejou la a, Bill Clinton ak vye George W. Bush debake nan Toronto vin fè pwopagann pou Amerika. Mwen sèten, se pa Préval ki te voye sijesyon sa a pou yo. Kidonk, si nèg lakay kite chenn pase nan kou yo, se yo sèl ki responsab. Chak moun ki granmoun dwe konnen ki kote enterè li ak enterè nasyon li ye.

Annatandan, kit "lidè" yo monte nivo matirite yo pou rejwenn matirite politik popilasyon an ou pa, mwen garanti nou antèman Jean-Juste pral fè anpil IPOKRIT SEZI EPI KAKA NAN KANSON YO!

Il ne faut trop critiquer le président Préval car ce dossier est difficile à gérer dans un contexte politique fragilisé.

Je regrette le peuple doit attendre les prochaines élections pour s'ajuster. Pa gen okenn dechoukag kap fett . le peuple a le droit de vote à tous les 4 à 5 ans. C'est tout. Yo dwe rete trankil sinon mete baton sou yo. Il faut respecter les regles dans ce pays. Ki bagay pep sa. Yo finn vote , yo vote nett . ke yo rete tann yon election point barre.

JAF di: Nou te wè kouman yo te jere vizit Clinton lan....fwa sa a ki chemen dekoupe yo pral pran ak kadav Jean-Juste pou kamera pa tonbe sou pankat (demanti pwopagann) ki pral nan lari a?

Popilarite Pe Jean Juste nan Miami, Florida diferan de popilarite li mnan lakou PotoPrins.

Pe Jean Juste kenou te konnen e travail avek li sou zafe immigration ayisyen nan Detansyon Krome e injistis gouvenman ameriken sou zafe priyorite Cubain yo sou Ayisyen e zafe pye mouye ak pye sek se Pe Jean Juste annee 70's ak 80' yo.
Anpil Ayisyen boat people e lot ayisyen kite gen pwoblem immigration rekonet e honore Pe Jean Juste pou bon sevis sa yo nan lakou Miami, Florida.

Pe Jean Juste lakou PotoPrins annee 90's ak 2000's yo se yon Jean Juste politisyen.
Yon Jean Juste ki tap pale an parabol e kite vinn mete Pati Lavalas la do za do.
Kote lap kwitike Lavalasyen politisyen senate e depite ki gen pouwa nan men yo e ki gen zeb nan bouch"

Donk fok nou pa sezi si akey e reseption lanmo e anteman pe Jean Juste nan lakou PotoPrins toutafe diferan de Miami, Florida....e Blan, ak gouvenman pap gen anyen pou we nan sa.

Revelasyon

Adye!

Les faits ont la tète dure" tankou yo di an franse.
Mwen t ap tande liy ouvèt sou Radyo Ginen kote moun lan tout rakwen peyi an ,de Grandans a Nòdès t ap mande pou fineray Janjis fèt sou Chandmas.
"N'en déplaise à d'autres",sanble ke misye te osi popilè ann Ayiti ke li te ye lan dyaspora a.

E zòt te byen konn sa ,se rezon ki fè li te pran prizon e kapab ki la kòz li pèdi la vi l

Joel di: N'en déplaise à d'autres",sanble ke misye te osi popilè ann Ayiti ke li te ye lan dyaspora a.

Popilarite'l nan lakou PotoPrins e nan Diaspora diametralman opoze mon fre.
Diaspora bali hochan, hone, respe pou bon sevis ak sipo nan domaine immigration e jistis pou boat people nan lakou Miami.

Pe Jean Juste al pran nan gum e move jwet politisyen nan lakou Poto Prins le yo fe'l konprand ke li kap yon "diplikata" Pe Aristide.
Le yo fe'l konprand ke Jean Juste genyen e ranpli tout karakteristik poul vini yon lot pe Aristide.

Pe Jean Juste konprand se vre e la'm pran nan gum sa jiskaske li manke pedi la vie'l.

Pe a finnn mouri e jiska prezan, move politisyen yo vle jwe yon denye koutkat ak kô e kadav pe a pou vinn kweye dezod nan lakou Poto-Prins e destabilize gouvenman ki deja nan problem avek etidyan yo kap mande ogmantasyon saler pou ouvrye.

Taktik politik sa vreman macab e repignan e bay moun serye degoutans.

Nou vle al goumen?? prezante tet nou memm jan ak etidyan yo sou beton an, al goumen!!

Men pa itilize kom bouklye kadav yon pe ki finn fe travay li sou tê a.


Revelasyon

Lent=Slow di: Sepandan, se pou pèp la w te vinn travay, si pa ka tande vwa pèp la, si w paka fè travay la, tankou anpil moun ap di, w te ka retire kó'w la tête haute. Gen ki ta di w kapon men yo pa ta rele w trèt si w pale fran avèk yo.

Zafe la "tête haute" la se ti pawol dous pou reveye orgey politisyen.
Pou pep la jwen dividend nan investisman li fok yo kite kontra prezidansyel la rive a term.

Koudeta ke se pep la ki fe'l ou byen GNBiste ki fe'l, toujou reprezante yon bomb a retardeman ki fe tout aktivite progresist kanpe.

Prezidan Bush pat pi bon passe sa, men konstitisyon ameriken an mande pou'l fini term prezidansyel li.
Zafe pou tikrik tikrak, mande pou kat la rebat nan mitan jwet la montre yon mank de matirite politik.


Revelasyon

Premyèman ,a laj mwen ye an ,pa gen goumen pou mwen ankò,se travay jèn gason,antouke moun ki pi jèn ke mwen .

Yon lòt bagay bagay pou nèg ku ap pale de danje ki genyen lan politik ayisyen an ,mesye pran tèt nou.
Zòt ap pale konsa ,se paske yo toujou ap pote la kwa ka zòt.Tan yo chanje ,la kwa ka fasilman vin devan pòt kay yo tou.
Se sa k fè gen anpil peyi ki te tankou Ayiti ,kote se moun ki gen pli gwo zam yo ki ekzèse pouvwa a ,yo rebat kat lan.
Gade kilès ki sou pouvwa an Bolivi ,lan Paraguay menm se yon ansyen monsenyè ki ap dirije .Se yon nonm yo yo te rele "l'évèque des pauvres"

Ann Ayiti menm tèt nou di.

Kanta itilizasyon kadav Janjis lan a fen politik ,pa gen okenn mal lan sa.Ak lit grenn kraze pou sivivans "mas" yo ,li dwe apresye sa (si sa te posib)

Kanta pou li ta vin yon dezyèm Aristide ,misye te gen tout kapasite pou sa e mwen ta gen dwa espekile ke misye t ap pi bon ke Aristide.
Men sa rete yon kesyon ,paske zòt detwi la vi l.
E pou sa mwen tande lan "Jwèt pou wou" sou RADYO GINEN yo ,se yon sèl bagay y ap repete ;moun ki koze lanmò pè Janjis yo genyen pou yo peye sa!

Mwen pa konnen de pitit pè p w ap pale an ,sa se youn.

Dezyèmman RADYO GINEN se yoin lan pi gwo radyo lan kapital lan ,ke yo tande lan tout depatman peyi an.
Sèl bagay ki diferan ak yo ,sè ke yo bay tout moun pale ,alawonnbadè ;yo pa kite GNBis yo mete baboukèt pou yo.
Se pa opinyon pa yo ,yo fè pase lan "Jwèt pou wou";se opinyon oditè yo ,ki rele yo lan telefòn selilè ,lan 4 kwen peyi an.
Mèt radyo an se youn lan BARBOT yo ,ke mwen pa ta twòp mete lan kategori pitit pèp e ke moun ki te rete Nouyòk lan ane 70s,80s yo ,familye anpil ak li sou emisyon radyo trè popilè lan Nouyòk ki te rele "MOMAN KREYOL

mwen dako ak analiz ou a lent=slow. Mèzalo, se yon kalamite si se 6 pye anba tè, nou sètoblije fouye pou nou jwenn yon moso enspirasyon nan yon nasyon 9 milyon moun. Konsta sa a pa akseptab. Jenès la lage, epi granmoun yo ap gagote tafya - komsi chak jou se kanaval...epi se sou yon poudriyè enbesil yo ap valse, yo pa menm wè sa.

jafrikayiti a écrit:...epi se sou yon poudriyè enbesil yo ap valse, yo pa menm wè sa.

Kant a sa,mèch lan deja limen;se yon "slow fuse" tankou yo di.
Tankoy lòt peyi lan zòn lan ,yo ta gen kont tan yo pou yo tenyen mèch lan.
Men se ta mande yo twòp ,paske yo toujou panse jan sa te konn rive lan tan pase yo ,se konsa li ka toujou rive ;men tou gen 6 a 7 milyon moun ki lan grangou klorox e tankou pawòl lan di l "chen grangou ...."

Yon sèl bagay ou ka di yo se
PINGA,PINGA FOUT!

Ala kote moun ka tande radòt se sou chalmas. Menm moun yo ki fè 10 lane ap piye pèp Ayisyen pli mal ke tout lòt rejim anvan yo ap vinn voye pinga. Yo se youn nan kòz majè ki kontribye nan grangou klowòks, men yo bezwen vinn pase pou pwofèt de malè.

Lè chèf yo te pase ranblè ak lèd bouldozè sou plèn ki pi fètil non pati nò peyi a pou m pa di nan tout Ayiti. Chèf yo te voye maspinen, arete peyizan nan zònn sa a pou degèpi yo sou tè a. Tout sa k ap pale jounen jodi yo te rete bèkèkè, e jiska prezan yo toujou rete menm jan an.

Mesye bay moun tèt yo tande, sispann pale nan non pèp la.