Demokrat pati feblez ki manke fos pou pwan aksyon konkre

Obama! No We Can't

Nan denye eleksyon prezisansyel ki sot pase nan peyi ameriken, mwen te senti ke mwen tiraye. Mwen potko janm vote pou youn prezidan demokrat nan vi mwen. Mwen genyen pwoblem sou anpil pwen ak repibliken yo, men mwen toujou prefere yo ke demokrat. Poukisa? Paske mwen toujou di ke mwen renmen moun ki genyen kouraj, ki gendwa pa toujou genyen rezon men ki genyen konviksyon e riske tout bagay, mete fos pou lide li pase. Menm le tout moun te konnen ke Bush tap fe menti, men ge a te rive fet an Irak! Lwa Patriot Act la demokrat yo vote li san yo ap menm li'l menm! Pa genyen moun kite kesyone ak kisa yo tap peye ge kont Afghanistan ak Irak pendan ti dife volan tap fet kont Iran ak Kore di no! Youn sel jou Bush deklare emergency fok li bailout bank yo, demokrat ak repibliken vote tankou tipoul kap swiv manman yo. Menm apre Bush finn ale Obama pe lonmen nom msie toujou ou investige administrasyon li! Vis prezidan kanpe la ap pale ak fos toujou!

Souvni febles Carter nan kesyon otaj yo toujou dominen mwen. Neg la ak tout fos youn premye pwisans nan men li, epi li kite kesyon otaj pedire jiskaske se le yo tande Reagan ak vini kom nouvo sheriff nan town nan pou yo libere moun yo. Mwen konnen genyen moun kap di sete deal ant repibliken ak rejim iranyen an men apre yo pa ka dim poukisa rejim iranien pat kontinye fe deal ak lot gouvenman repibliken apre sa? Yo tande ke Reagan sete youn cowboy, se youn neg ki pa tap pral betize ak yo, yo kapitile rapidman. Anvan Reagan monte vre ameriken yo te libere!

Mwen sonje apre gouvenman Reagan tonbe, kote te genyen niaj deal zam ak Iran pou finanse Contra yo nan Nicaragua, te genyen S&L kote gran neg ak gwo biznis nan peyi a te sense piye Lamerik. Bush papa monte li pa fe okenn envestigasyon, li pa cheche repran lajan moun yo te vole nan move deal li pase bailout program li pou padonenn tout moun, kote se kontribyab ameriken yo ki peye pokase a. Tout demokrat vote tankou timoun piti san poze kesyon. Ou ta pense ke demokrat yo le yo monte apre Bush yo ta komanse investigasyon pa yo pou konnen sak te fet, sak responsab, ki pinisyon pou yo peye? Nops. Clinton monte se nan rans eske se pou gay ak lesbyenn ka rantre nan milite lite chita. Li ranse kont ko li ak pwoblem sante a, jiskaske repibliken vinn repwan majorite nan tou 2 chanm yo. Se apre debak sa'a selman li rele kek repibliken vinn ede pwan akonsyans e komanse pwosesis triangilasyon an, kote li tap pale tankou demokrat, men li tap aji tankou repibliken. Clinton te pase plis lwa an fave moun rich kont moun pov pired ke oyun repibliken tap janm reve pase! Youn hybrid prezidan!

Mwen pat ka pase sou youn nwa, youn african american kalifye poum vote McCain. Mwen jis pat ka fe youn bagay konsa. Men mwen pat finn konfyan paske demokrat yo toujou demontre febles ak enkonpetans nan dirije peyi'a. Apa li papa, youn prezidan popile, youn kongre ki domine ak youn grann majorite ni nan chanm reprezantiv ni nan senat epoutan neg yo pa ak mobilize fos yo pou fe presyon pou pase lwa HR 3200 a. Si demokrat pa ka pase lwa sa' aak a ki nan main yo la kile yap janm ka fe youn bagay pou moun ki vote yo nan peyi sa'a? Yo ranse jis yo kite repibliken yo (kite dwe nan kashe apre paket dezod ki sot pase sou George Bush, apre gwo defet nan den eksyon yo) rive mobilize, fe propagann, bay menti, deplase deba a, enpresione piblik la, menase menm moun de bonn fwa pou defann dwa konpayi asirans sante yo. Sa'a anraje. Sak fem mal la nan komite sou finans la, demokrat yo te an majorite, men yo aksepte retire majorite a pou mete youn komite ki genyen 3 repibken ak 3 demokrat pou yo ka fe balans!

Prezidan Obama apre li finn eli, li ale kote repibliken yo, yo ba li bel dan ak bel pawol men yo pa okipe tankou chien nan gran chimen. Nan vot TARP ak simulus package la pa genyen menm youn repibliken ki vote pou lwa sa yo; lwa sou eneji cap trade pa genyen youn repibliken ki vote pour, tout net vote Kont! Pou nominsyon jisits Sonya Sotomayor, premye fnam ispanik ki vini jistis, youn evenman istorik, majorite repibliken vote KONT. Alo kisa ki demontre Prezidan Obama ke repibliken yo ap janm al sipote li nan okenn pwopozisyon de lwa? Nan pozisyon sa'a, fok ou genyen fwa, deteminasyon ak kouraj de saw kwe kte tout negosyasyon pou prezidan ta komanse li nan ekstrem goch e tann le li rive nan reconciliasyon lwa yo nan 2 chanm yo pou li ta fe kek konsesyon.

Mwen konprann nan politik demokratik fok ou genyen fleksibilite pou w negosye saw ka jwenn men se a la fen. Lwa poko menm finn ekri Mezon Blanch ap divage, vasiye, nan konfisyon, pa konnen menm kote li kanpe. Lel Dwat pati repibliken fe anpil radotri, yo peye moun vre pou al fe dezod nan town hall meetings demokrat yo, men se pa sa selman ki tout istwa a. Prezidan te dwe konnen ke genyen omwen 30 a 40% ameriken ki te move apre eleksyon li a; ke anpil blan poko soti nan fey vevenn apre eleksyon de youn ti nwa kom prezidan kekeswa kalifikasyon li ta genyen; prezidan te dwe deja rekonet mouvman Tea Party ke Fox News de alatet la tap rive pwan kan menm. Group sa yo se ou byen ou mobilize ak bon jan agiman, ou byen ou mete yo hors deta de nwir akoz de aksyon ou ka pwan kont met yo. Fok ou defann tet ou nan pozisyon datak pa de defans. Depi prezidan monte apre repibliken yo vote NON tout tan li te dwe komanse mande IRS pou ogmante pousantaj gran neg ak gro konpayi pou poze yo kesyon sou taks yo. MAnde demokat yo envestige move zak repibliken ou demokrat te fe ki pat etik, men sitou repibliken yo. Li te dwe mete youn prosecutor endependan ki pou al gade sak te pase sou administrasyon Bush la sou kesyon torture la. Pwopriete FOx News nan genyen anpil dealings ak gouvenman an fok ou ta rive mete nan pozisyon pou li chwazi ant voye monte sou radio ak tv li yo ak jounal etc... ou byen fe biznis ak gouvenman ki regile indistri li'a. Repibliken pa tap nan tout rans bi-partisanship radotaj Obama ap fe la. George Bush monte gras a youn desisyon favorab Lakou siprem an 2001 lite deklare ke li te genyen youn mandat pep ameriken an, Obama pase ak plis de 60% vwa a kle li pense li ap genyen manda san li ap cheche apwi repibliken yo kap di NON tout tan!

Majorite peyi rich nan mond fe de sante youn dwa seten pou tout moun. Se gouvenman angle, menm sou Margaret Tatcher, ki administre tout lopital; se gouvenman an tou ki anploye dokte ak tout lot staff. Genyen bottlenecks nan system anglais a men anpil moun di yo satisfe de asirans ke yo genyen. Ameriken deanse plis pase angle yo, swa 40% pi plis pa tet moun, epoutan swen angle yo jwenn plis e genyen plis aklite ke sa ameriken ap bay en moyenn. anada, moun ap plenyen de lign, tan pyo fe ap tann pou youn seri de sevis, men tout canadyen genyen kouveti sante. Prive ou piblik bay sevis epi se gouvenman ki peye tout moun selon oyun barem done. Menm bagay la en France. Menm bagay la o Japon. Lwa Obama sanble tet koupe ak jan sistem Laswis la mashe! Alo poukisa tout bri sa yo?
Yo pa vle gouvenman rantre nan zafe sante. Se ap vre, Medicare, Medicaid, swen pou veterans Ozetazini se program gouvenman yo ye. Tout mashe tre byen.
Yo pa vle swen sante inivesel, men li deja an aplikasoyn nan Massassuchetts, sa kap fet la?

Yo ap fe bri kouri ke Obama genyen youn plan sekre pou touye tout ti granmoun, depense jis li rantre peyi a nan bankwoupsi pou peyi ka sispann eksiste menm jan ak ansyen Inyon Sovyetik.; Obama pa vre ameriken se nan youn lopital nan Kenya li fet li pase dousman depi konbyen tan vinn detwi Lamerik.

Tout rans sa yo ka pale se paske Obama pa pase a latak. Msie se oyun demokrat feb, li demontre perez ak feblez li depi le li deside pa di anyen sou zafe TPS pou ayisien yo! Nan politik le ou pa a latak ou kite espas pou advese w mete w a la defensiv. Si Obama kontinye konsa lap selman fe youn sel tem si youn nan neg ame kap swiv tout kote pa gentan fe youn fen ak msie. Mwen ta swete msie reprann li pendan ke li genyen tan pou fe sa!

Tout atak repiblikin yo se makati-izim(sp?) ke yo ye. Yap kreye yon sikoz de per. Min demokrat yo mal se vre se pu yo ta demanti repiblikin yo tak pou tak. Gade Palin ki vini ak ekspresyon "death panel" mwen pat tande youn nan demokratik lider yo avilil pou betiz, mansoj, sa-a la simaye an, li min, ak Gingrich se 2 pwopagandis kap kreye yon sikoz de peur (mwen ront pou yo) pou yo forse la grande majorite de moun ki a la retret yo antre an opozisyon ak plan de sante prezidan. Demokrat etan an majorite nan la chanm, sote pompe pwogram nan ap pase e pral gin minm repiblikin ki pral supotel.

Se pa premye fwa repiblikin utilize taktik et manev sa yo pou yo deroute yo plan ki vize de byenet de la majorite. Yo te fel deja sou gouvenman Roosevelt ler yo tap cheche vini ak pwogram social sekurite, Yo te refel ler Johnson te paret ak medicare. Mwen pa etone ditou pou konpotman ak manev deblosay repiblikin yo.

kami a écrit:Tout atak repiblikin yo se makati-izim(sp?) ke yo ye. Yap kreye yon sikoz de per. Min demokrat yo mal se vre se pu yo ta demanti repiblikin yo tak pou tak. Gade Palin ki vini ak ekspresyon "death panel" mwen pat tande youn nan demokratik lider yo avilil pou betiz, mansoj, sa-a la simaye an, li min, ak Gingrich se 2 pwopagandis kap kreye yon sikoz de peur (mwen ront pou yo) pou yo forse la grande majorite de moun ki a la retret yo antre an opozisyon ak plan de sante prezidan. Demokrat etan an majorite nan la chanm, sote pompe pwogram nan ap pase e pral gin minm repiblikin ki pral supotel.

Se pa premye fwa repiblikin utilize taktik et manev sa yo pou yo deroute yo plan ki vize de byenet de la majorite. Yo te fel deja sou gouvenman Roosevelt ler yo tap cheche vini ak pwogram social sekurite, Yo te refel ler Johnson te paret ak medicare. Mwen pa etone ditou pou konpotman ak manev deblosay repiblikin yo.

Se tou senpeman yon defisit nan kominikasyon yo.

demokrat pagin defisi nan kominikasyon yo, se simpleman estil yo ki diferan de repiblikin, kom mwen di piwo an, repiblikin se toujou konsa yo atake, min pep la toujou fe demokrat yo konfyans paske yo pi fo, pi intelijan ke yo. Repiblikin kraze brize peyi-a, demokrat vini yo ranje peyi-a metel sou pye. Se toujou minm bagay la dans listwa politik amerikin.

Obama se prezidan tout pep merikin an, alor se poul tande tout moun, lap cheche yon fason poul satisfe tout pep la, tankou li te pwomet nan eleksyon an.

Mezanmi gin 2 gwo estrategis bo kote Obama, Ram Emanuel ak Axelrod, rete tann yo tande, an atandan gade sakap pase ak north korea ke repiblikin pat janm ka fe anyin ak li. Pita nan tande de Iran.

Kami,

Mwen ta swete ke ou genyen rezon nan fason ke ou konprann kesyon an, men kom mwen di strateji demokrat jiska prezan tre flou, enpresi, ka kreye konfisyon menm nan mitan demokrat yo. Mwen renmen we politisyen ki rekonet e konprann advese ki devan yo, ki ka fe evalsyon fos yo, bon ou move taktik yo, prevwa tout ti kou anba ti vant pou rive fe sikse ak objektif yo vize. Youn nan strateji ki toujou mashe, se pwan devan, kontrole lage sikolojik la anvan, defini pwoblem nan e jistifye aksyon wap pwan kom solisyon. Komanse sou youn pant red, rete nan pozisyon red la jis nan denye moman ou ka balanse ak kek konpwomi san fe konpwomisyon.

Ou lashe kod bay advese le ou finn itilize tout taktik, tout fos presyon, tout sa ou genyen kom ekzekitif pou ka garanti sikse ou bay opozisyon youn ti lashe priz pou w ka genyen li pendan ou konseve la tete haute. Men se pa le cas! Prezidan Obama manke prezante agiman li yo ak fos e deteminasyon. Mwen twouve ke li pwan devan twop li manke sevi ak lot patne ke li genyen nan administrasyon li yo pou monte okreno vinn dementi tout movez enfomasyon kap sikile sou kesyon refom sante 'a. Le youn leader se li toujou devan, le genyen youn ere li difisil pou w korije li, men le ou bay lto moun chans pale ou ak vini a la reskous pi fasilman. Kom chef pati demokrat li manke enflyans sou demokrat yo e bue dogs yo an patikilye. Politik pa toujou fet nan renmen, gende fwa li mande pouw aplike fos e pou menm sipote konnen ki pri li genyen le yo deside pa sipote w, al kanpe nan kan adves la! Blue dog demokrat yo reprezante youn serie de republivan light, ki pa bon pou lot pwoje lwa lap genyen pou li pase!

Pep ameriken an pa toujou fe demokrat plis konfyans ke repibliken. Le demokrat te voye fle sou Carter, majorite pep la te sipote Reagan. Menm apre kek movez aksyon Reagan yo te bay GWH bush pouvwa. Se apre brouhaha Bush ke yo te sipote Bill Clinton, ki te rive dirije gras a fason lite anbrase oyun seri de strateji, desisyon ak filozofi repibliken nan sa yo rete triangulation an. Apre sa ou konnen istwa monte Bush ki fe 2 tem. Mwen ap kwe demokrat yo "pi fo, pi intelijan" ke repibliken yo. Mwen pa kwe ke "Repiblikin kraze brize peyi-a, demokrat vini yo ranje peyi-a metel sou pye." Demokrat tankou repibliken soti nan pi gran inivesite ki genyen nan peyi a, chak genyen apwoch pa yo. Ak repibliken ou konnen ki dyab kap manje w, yo kanpe pou defann klas moun ki pi rich yo anba semon libete endividyel, egalite pou tout moun kan realite pa sa. Aloske demokrat yo, kwe ke pesonn pa kapab reyisi pou kont yo, leta genyen youn gwo rol pou li jwe, kreye youn sek enfenal de povrete ak dependans sou leta byenfete. Youn balans pwend vi sa yo se sak te ka pi pre de reyalite a.

Obama ka byen prezidan tout pep merikin an, jan ke ou di a li dwe tande tout moun, men nan politik gouvenman pa janm satisfe tout moun! Si li kwe jan ke li te di nan eleksyon an, ke politik George Bush la te nan avantaj klas moun rich yo pendan 8 tan fok li vini ak politik pou ranvese sa. Si repibliken yo pa dako, tounen pati kap di NON selman, fok li mobilize demokrat yo ki an majorite pou satisfge majorite pep la kite vote li pou li chanje pozitivman e nan fave yo.

Pou Kore di no, depi apre yo lage 2 jounalis yo mwen di ke Bill Clinton te pwomet yo kek bagay. Malgre Bill tap di non, se youn jes imanite, konesan Koreyen sa yo, yo pa nan rans konsa, se banm ma baw yo ye. Bill CLinton konseye yo pwan youn konseye ameriken ki ka ede yo deal pi byen ak nouvo gouvenman ki pre a aji menm jan ak administrasoyn li an ke yo te renmen. Nou we sa nan fason yo reouve fwontye yo, kote ofisyel nan Kore di No pwal nan anteman ansyen prezidan sid koreyen an epi sipriz! Negosyasoyn ouve ant kore di no ak ameriken nan New Mexico ant gouvene Bill Richardson ak anbasade Koreyen yo! Mwen kwe ke Koreyen nan No peyi sa'a sanse deplase kesyon yo kote y fe youn sikse diplomatik ke administrasyon Obama ap itilize pou sove la fas paske Lamerik pa ka sipote youn lot teyat de ge sou sal genyen deja.

Pou Iran pap genyen lto altenativ ke negosye lape ak gouvo gouvenman an. Nouvo prezidan ki monte ak mank de lejitimite ap two kontan de youn viktwa entenasyonal - Ameriken ki pa ka atake youn peyi konsa e ki genyen entere desann tensyon yo e pa swiv Israel ki vle fe ti dife volan nan entere li, pou li soti ak youn seten ako la tete haute.

Realite se sal ye. Politik milite ameriken pa an faz ak realite ekonomik lakay li. Kom li pa ka abandone senn mondyal la rapidman li pwal enpotan pou li desann tensyon yo e rale ko li nan rol de policier du monde nan poul ka repwan manm ou byen lavni li ap chaje ak menas!

kami a écrit:demokrat pagin defisi nan kominikasyon yo, se simpleman estil yo ki diferan de repiblikin, kom mwen di piwo an, repiblikin se toujou konsa yo atake, min pep la toujou fe demokrat yo konfyans paske yo pi fo, pi intelijan ke yo. Repiblikin kraze brize peyi-a, demokrat vini yo ranje peyi-a metel sou pye. Se toujou minm bagay la dans listwa politik amerikin.

Obama se prezidan tout pep merikin an, alor se poul tande tout moun, lap cheche yon fason poul satisfe tout pep la, tankou li te pwomet nan eleksyon an.

Mezanmi gin 2 gwo estrategis bo kote Obama, Ram Emanuel ak Axelrod, rete tann yo tande, an atandan gade sakap pase ak north korea ke repiblikin pat janm ka fe anyin ak li. Pita nan tande de Iran.

Se inersy sa ki gengnen.Mwen twouve stratejis yo pran tan avan yo reponn rime"Death Panel" la ak tout lot rime yo.Mwen twouve jan neg yo te fel pou kanpay la,yo pat reyaji rapid.

Mesye,

Nou ginler bliye ke la press kap soutni Obama te reyaji tak pou tak ak repiblikin yo. Kanta pou MSNBC se chak jou, minm Joe Scarborough ki yon repiblikin tap defann prezidan-an, tande bien mwen konin ke sa pa sufi, min demokrat yo pat rete bouch be jan mwen konprann nou an.

Kanta pou blue demokrat yo pozisyon yo kom moderate/konsevatif tankou Claire McKaskil ak Tim Pawlenti, etc. ap fe politik ak Obama avek refom sante a ler yap mande pou retire publik option an, anpil ladan yo pral nan eleksyon ane pwochen. Gade sak rive konye-a, apa unyon ak liberal yo kanpe, bayo ultimatum.

Epi se poum di-w tou se chak jou mwen resevwa e-mail de David Flouffe ak lot oganizasyon demokra tankou CREDO, etc., ki tre agresif, kap dim poum voye e-mail tel kote, pou tel rezon. Li powerful tou fason sa-a.

Kami,

Mwen konrpann repons oua! Ou byen nan fason ke ou konprann sa mwen di yo! Men mwen kwe ke fok mwen ta pi kle ak ou.

Demokrat pa rete bwa kwaze jan ou di a. Nan ge medyatik ou byen ge relasyon piblik la, demokrat fe jefo men efo yo pa ase devan fos repibliken yo ki asosye ak youn seri de gwo konpayi ki chaje lajan kite pi byen prepare ke yo menm!

MSNBC depi komansman kanpay Obama te tounen youn vwa kanpay la, men ou konnen ke MSNBC toujou klase deye Fox News nan odyans! Ou konnen fos neg tankou Rush Limbaugh, Beck, e menm Lou Dobbs pa egal ak youn Rachal Maddow ou adisyone ak tout res ki sou MSNBC yo.

"Kanta pou blue demokrat yo pozisyon yo kom moderate/konsevatif tankou Claire McKaskil ak Tim Pawlenti, etc. ap fe politik ak Obama avek refom sante a ler yap mande pou retire publik option an, anpil ladan yo pral nan eleksyon ane pwochen. Gade sak rive konye-a, apa unyon ak liberal yo kanpe, bayo ultimatum."

Wi kounyea la, men depi alavans se pou Obama te di yo si yo ap fe dilatwa yo pap ka konte sou li pou vinn ede yo nan eleksyon! Se pou li te jwe jwet arm twisting nan pi byen ak yo. Le ou se chef youn pati se oou ki pou bay le ton. Ou pa ka kite pou yap fe coalition anti Obama nan chanm an san konsekans. Kom chef se pou li checeh plis inifye pati a arebop politik li yo ak femte.

"Epi se poum di-w tou se chak jou mwen resevwa e-mail de David Flouffe ak lot oganizasyon demokra tankou CREDO, etc., ki tre agresif, kap dim poum voye e-mail tel kote, pou tel rezon. Li powerful tou fason sa-a."

Bel strateji men devan fos oganizasyon ak lajan fos ki anfans yo ki pap vreman diskite swen sante ak swastika, zam bo ren, men ki ap sevi ak program refom nan pou krashe animozite ak prejije yo deyo, fok genyen plis konviksyon dapre mwen!

mashe ou fe kek bon jan pwen. Ala bon forum sa sa ta bon si tout patisipan yo te genyen pespikasite ak klate nan lespri tankou ou menm!

mashe ou fe kek bon jan pwen. Ala bon forum sa sa ta bon si tout patisipan yo te genyen pespikasite ak klate nan lespri tankou ou menm!"

Se paske nou pa nan bay lot manti, ap cheche fe le desu. Pita ma retounin sou suje a ankor. mwen paka rete lontan mwen gin yon meeting a 4hr.

Dilibon,

Hier mwen tap swiv yon pwogram ala tele te gin anpil gwo diskusyon sou refom sante an, sam obseve se ke map mandem eske peyi amerik la ekipe pou refom sa-a. Eske li pa pito estriktire pou sevi asurans konpayi elatriye. Sa se yon gwo pwoblem, pou mwen.

Pi gran benefisye aktyelman de sistem nan se sante ke nou ginyin se asurans kompayi yo ak industri famasi yo.

Asirans konpayi mete anpil lajan deyo, peye moun al kraze townhall meeting kap fet nan peyi a pou yo pa pedi lajan ke yap fe depi lontan.

Kote mwen vle rive la-a, le nou ap konpare reyaksyon repiblikin ak demokrat yo mwen kwe tout sa mwen site la yo gin anpil pou we ak tout dezod sa yo.

Epi tou, powblem stratejis demokrat yo se pa komunikasyon (dapre mwen) ke yo manke per se, se plis ke yo pa gin zouti pou yo fe travay la, kijan pou yal pale ak pep la nan kokin-n gwo chanjman strikti peyi a, alor se sak fe yo mande Obama poul aler pale eksplike, paske se li ki konin sak nan ker li pou refom nan. Se minm sak te rive FDR, moun li yo pat kap pale alor repiblikin jwi de sa pou kouri deye yo, alor yo mandel FDR poul al pale, eksplike pep la.

Map frinin tou fom aler san konkluzyon.

Kami,


Mwen p akonnen poukisa chak fwa pou Lamerik pase de youn kafou a youn lot anpil moun pense ke li poko pare. Li poko pare pou nwa ak blan genyen menm dwa ni pou yo marye. Lamerik pa genyen repondong pou bay fanm mwen dwa. Lamerik poko pre pou youn prezidan nwa, fanm ou ispanik. Men nou konnen ke se pa nan rete le Lamerik pare pou chanjman fet, men se fe Lamerik konnen ke le a rive li better pare!

Sak ta di ke ta genyen lwa ki pou frennen konpayi kredi kat yo nan mouvman kote yo monte pousataj taks yo le yo vle, jan yo vle, yo chaje paket fees ak late fees ak penalty le yo pi pito, yo voye bill le yo vle e menm si yo an to pou ka pa rele yo nan tribinal men nan arbitration. (bagay anpil moun kap sevi ak kredit kat pa menm konnen, ke le yo signen aplikasyon an nan ti let fen yo yo tou dako ke yo pa gendwa ale nan tribinal kont konpayi yo). Men apa depi yeswa lwa sou kredit kat ke PRezidan Obama te prezante bay kongre kite pase depi nan mwad me rantre an efe!

Mwen se premye moun kap diw ke mwen ap genyen pwoblem ak biznis kap fe lajan. Ou investi aljan wap vann byen ak sevis degaje'w fe lajan nan limit lalwa. Men depi premye fwa mwen rantre nan USA map poze kesyon: mwen tap mande koman fe chak 2 reklam ki pase nan TV genyen omwen w ki sou zafe manje?

Le sa mwen te di ala pep genyen lide sou manje papa. Ou konnen neg soti Ayiti kote genyen youn le ou pale manje ou byen ou sou manje.

Epi manje vann tout kote. Mon pa manje paske yo grangou men manje sete tankou youn konkou spotif. Mwen te reyalize ke sanble ke te genyen youn relasyon dapre mwen de reklam manje yo sou kalite chwa moun ap fe e mwen tap mande ki efe sa dwe genyen sou timoun ak kesyon manje anpil nenpot kile. E le sa mwen te konstate anpil moun men grose e timoun yo te gonfle tankou balon vesi ki two plen.

Mwen genyen youn pwoblem ak fe lajan ou byen fe kous fe lajan nan domenn lasante. E jodya menm konpayi kap fe sigaret ak klerin nan zafe fe manje tou. Menm konpayi kap fe medikaman yo genyen entere nan fe manje. Rezilta tout manje chaje sik natirel ou pa, chaje sel ak lot engredyan ki nosif pou lsante. Kidonk depi ou ap vale bagay sa yo anpil san kontwol genyen anpil chans pouw fini ak maladi ki mande youn tretman ak medikaman jiskaske ou mouri. Youn chinwa ki genyen 65 kan ki pat fe okenn maladi apre 6 mwa selman Ozetazini kay pitit li tounen diabetik ak moun ki fe tension ak tout youn seri de maladi ke li pat janm genyen anvan. Eske li te genyen li pat konnen? Non paske swen sante lakay li pi bon ou byen pi aksesib e gratis.

Mwen pa kwe ke peyi tankou Cuba, Canada, Lafrans, Langlete, Japon, Lachinn e menm Larisi genyen plis moyen ke USA, men swen sante lakay depase USA. Kalite nan USA ka meye wi men fok ou genyen lajan. Kote sa yo kalite sevis pou tout moun depase Lamerik kareman. Epoputan Lamerik ap depense plsi lajan ke yo. Genyen youn bagay ki pa mashe byen nan youn sistem konsa. Men nan nenpot peyi retire avantaj ekonomik nan ponyet youn sekte konsa ki enflyan mande anpil tak ak fos pou sove le bien public.

Genyen ameriken kap di yo pa socialism - se ta dwa yo - men fok yo ta konnen sal vle di anvan. Imajinen moun kap di yo pa vle leta rantre nan pawol sante yo men pinga manyen medicare yo, san konnen ke medicare ak meye sevis sante pou veterans se leta kap bay sevis sa yo.

Kote Obama peche li te dwe prevni. (gouvene se prevwa) Li te dwe prevni ke gwo konpayi pa ta pwal chita gade lap eseye retire manje nan bouch yo. E ke yo ta pwal sevi ak tout chien de gad yo pou defann yo. Nan lavi pi bel fom datak se bon jan defans. Li dwe genyen youn plan pou rete nan tet deba e okipe teren ak youn mesaj fasil pou absobe pou fe plan an pase malgre nenpot efo pou kontredi ou bay menti de pati adves la. Men le neg pa prepare, le manke konpetans ak lot mankman moun cheche bouk emise. Se pa repibliken yo ak konpayi yo ki an to - okontre yo nan dwa yo - men se ekip Obama kite fe movez prediksyon e ki voye plan monte san strateji kite ka kontrekare opozisyon li!

Ou di konsa:

"Epi tou, powblem stratejis demokrat yo se pa komunikasyon (dapre mwen) ke yo manke per se, se plis ke yo pa gin zouti pou yo fe travay la, kijan pou yal pale ak pep la nan kokin-n gwo chanjman strikti peyi a, alor se sak fe yo mande Obama poul aler pale eksplike, paske se li ki konin sak nan ker li pou refom nan. Se minm sak te rive FDR, moun li yo pat kap pale alor repiblikin jwi de sa pou kouri deye yo, alor yo mandel FDR poul al pale, eksplike pep la."

Non, non yo ka bon stratejis pendan eleksyon, premye lwa yo te pase yo pat mande anpil strateji pase sa, sete pote boure yo te fe. Yo jis fe ere! Yo pense ke yo tap ka fe pote boure pou lwa a pase anvan vakans palemente a san fe okenn plan B e menm ZZZ pou si anka 9the what ifs were not there...) Kom ere nan politik genyen youn pri pouw peye kan menm, eh byen yo vinn tankou youn boxe san defans devan preparsyon advese yo. Le pep se tankou timoun sa ye - le peuple c'est la pagaille a dit Voltaire - ou dwe toujou cheche ba yo youn langaj fasil, youn eksplikasyon nan kek mo, youn mesaj ki swa fe apel ak emosyon yo ou a super nationalism yo.

USA pap ka kontinye nimewo 1 nan mond ann si nou pa asire tout moun,

Si tel peyi ka fel nou ka fel tou -

Nenpot kile ou ka pedi asirans ou nan tan kote to chomaj la ap ogmante fok tout moun genyen swen sante -

Si nou rate chans sa' pou kontwole depans nap fe nan la sante nenpot kile nou ka devan menm dezas Prezidan Bush te konstate an septann nan anko

Se youn danje ki menase tout moun, Lamerik dwe reponn ak youn sel vwa -

Ou we otan de mesaj fasil ki tap brote tout moun ou byen youn majorite moun ki tap bloke mesaj repibliken yo. Se la yo te ere e se pri sa yap peye kounyea la. Nomalman Prezidan Obama kouri a la reskous, itilise biwo prezidans pou fe le poids e kouri fe kontrepwa men eske sa selman ap sifi apre dezas mesaj repibliken yo deja fe? NAp swiv!