POU NOU RESI KONSTWI YON PEYI FOK NOU TA........

Pou nou resi konstwi yon peyi fok nou ta........

1- Mete konstitisyon 1987 la an veyez an atandan nou abolil nèt.
Fok nou pa ta oganize eleksyon pandan 5 lane.
Fok nou ta gade preval kom prezidan, nome yon lot premye minis ak yon gouvènman ki gen moun onèt ak konpetan ladann.
Fome yon konsèy deta ak reprezantan chak depatman.

2- Redekoupe peyi a, gade depatman yo, kreye 4 rejyon, yon rejyon ki gwoupe depatman sid, nip ak grandans. Yon rejyon ki gwoupe depatman lwes, sidès ak ba latibonit. Yon rejyon ki gwoupe depatman latibonit, sant ak nodès. Yon lot depatman ki gwoupe depatman nò a nodwès.
Mete yon prefè nan chak depatman yo e yon prefè nan rejyon sa yo.

Fok nou ta panse yon dekoupaj konsa

Rejyon - Depatman - komin. lalwa a defini dekoupaj administratif ak dekoupaj elektoral. La lwa a defini konpetans chak teritwa, konpetans chak teritwa adminitratif.
Yon ko ame nan rejyon yo, ak yon fos polis.
Kapital ak grand vil yo pa ta dwe gen lame la dan yo. Leta afè apèl a yo si ta gen bezwen.

Fok nou ta mete anpil lajan nan edikasyon, nasyonalize tout lekol, ledikasyon ta dwe gratis ak obligatwa.
Fok nou ta mete anpil lajan nan sektè agrikol poun pwodwi anpil manje.
Kreyasyon travay volontè obligatwa nan rebwazman sou fom sèvismilitè.

Nan modèl peyi nou vle konstwi ya, nou dwe panse yon sistem edikatif solid pou prepare yon lot jenerasyon ki pou releve peyi ya nan je lemond antye.
Nou dwe panse yon sistèm sante pou tout moun, ki bati sou solidirate chak ayisyen, pa dwe gen yon asyisyen ki pa gen yon asirans sante nan peyi nou vle konstwi ya. Asirans sante ya dwe obligatwa. Nou dwe mete yon asirans obligatwa sou byen ak sèvis, ( asirans se yon lajan nou mete de kote an ka bezwen)

Nou kapab rekontwi vil potoprens fèl vin yon vil modèn du 21èm syèk a kondisyon ke nou videl de tout moun ki ladann ki pap fè anyen. Nou ta dwe achete mobil om pou nal mete tout moun ki pap fè anyen nan yon lot kwen nan peyi ya pandan ke nap kontwi potoprens. Nou ka kontwi bèl lojman sosyal pou moun sa yo nou deplase a. Lojman sosyal ki ekipe de tout bagay nan yon vil, fini ak kesyon latrin nan, nan potoprens ki se yon pwoblèm sante piblik grav.

Nan modèl peyi mwen ta swete nou konstwi ya, chak rejyon dwe genyen tout sal bezwen poul fonksyonen, yon rejyon de fonksyonen kom yon leta nan leta.

Vwala yon apèsi de modèl peyi mwen ta renmen nou panse ak konstwi. si tout milya sa yo ta rive vrèman, nou pa ka al pyese sak kase, nou pa ka al rakomode yon leta nou konstate ki pat mache. Fok nou redemrae a 0.

Se la mwen pa ka wè kouman yo ka aranje sityasyon gouvènman a. Manda Preval pwal fini e eleksyon ta dwe fèt. Antouka, lan sikonstans eksepsyonel, yo ta gen dwa kite misye la tankou se ta tranzisyon an atandan nou reoganize nou pou sa.

Men sa mwen te ekri ke mwen te retire menm si mkonen ke Agence France Presse te deja li'l. Nou va konstate ke deja gen de lide ke mwen pataje ak mèt mesaj sa a. Anfen anpil Ayisyen ap panse konsa depi lontan.

[quote]Gad jan media etranje fè chou gra sou sa ki rive nou. Pou nou se yon bon bagay? Mezanmi nou gen dwa travay ak Satan men sa pa vle di pou nou ap ankouraje ke li blayi sou nou nèt. Pou jenn gason pran la ri ap mande pou Ameriken vinn okipe Ayiti. Ki sa yo aprann neg sa yo. Wi patron, imilye'm, imilye'm ankor, silvouple.

Lan tout rekonstriksyon sa yo, agrikilti se pryorite wi. N'ap di pou la goch ak la dwat met tet yo ansanm. Men pi lwen ankor, moun ki renmen kale wès lan Potoprens blye ke vant popilasyon an se la men peyizan li te toujou ye. Men sa pat anpeche ke yo te abitye masakre yo. Se fot ki ès? Ayti te kon produi anpil diri, yo mete fren sou sa sou preteks ke nou dwe antre lan mache entènasyonal. Sa sa vle di: fo ke yo vann, fo ke yo fè dumping ak surplus salopri manje ki plen ormon ak sodium ak pestisid ak lot pwazon.

Lè m'tap grandi an Ayiti mwen pat janm wè yon moun obèz. M'al Ayiti, mwen tonbe pale ak yon bel dam super jantiy de grosès li, se kouzen mwen ki soufle'm ke manmzèl pat ansent. Men lajè pans gason, lontan yo te konn di ke se te yon sign anpil kob lè nèg fè vantr, jodi sa telman manje tout kalite salopri ke vantr yo gate. Gen yon seri de maladi ke nou pat janm genyen yo lakay nou men nou telman tonbe lan manje sa yo rele processed food ke nou devlope tout maladi zot.

Se pou nou pran oserye kestyon de rebwazman peyi a, se pou nou bay tout moun lan tout katye kour ijyèn pèsonèl e kolektif, se pou nou anpeche ke gen dlo ki ap koule à ciel ouvert lan katye ki deja neglije, se pou nou retabli sèvis sanitè. Se pou gouvènman Ayisyen an chita panse a yon seri de sèvis sivil ak projè a lon term ki ka angaje tout jenn moun sa yo. Si nou vle moun sa yo ede nou tout bon se pou nou konnen ki sa nou bezwen, sinon y'ap jis pase yon kouch penti sou dezód la e pi yo vire do yo. Manyè sonje ke gen yon kolektivite ki rele Repiblik d'Ayiti. Potoprens kraze jodi a. Bay lot vil yo yon chans.

Preval di li klè e se zafè sa ki pran poz yo pa konprann. Misye di; "Ayisyen, bagay yo serye, mwen di nou, se tout bon wi." Sa vle di ke si nou pa sispann aji tankou bèt, y'ap fini pa ekate nou nèt nèt nèt lan desizyon ki konsène prop peyi nou. Wi se pou tout moun ki gen vizyon kole zépol. Pandan ke zot ap fè sa li te deja konen li vin fè, se pou nou sèmante pou sa pa rive ankor, tranbleman de tè ou pa, inondasyon ou pa, ouragan ou pa. Se korèk ke yo ba nou èd men se fot nou avan tou si tout moun sa yo mouri san ke se pa pou yon koz valabl./quote]

Citation:
Julien di : Fok nou ta gade preval kom prezidan…….

nou pa ka al pyese sak kase, nou pa ka al rakomode yon leta nou konstate ki pat mache. Fok nou redemrae a 0.


Si w vle redemare a zero, pou kisa w vle kenbe Preval ki déjà gen 2 term nan prezidans lan, san konte tan’l kom Premye minist????

Se sak fe ke nap mande si mesye Julien reflechi avan ke li fe tout voye monte sayo!!

Revelasyon

Revelasyon, si nou pat konstwi yon peyi depi lendepansan, pou mwen se paske nou tez gen twop moun tankou w'. Pou se voye mwen voye monte, alo ki mode peyi ou pwopoze pou nou konstwi?

Blan an ki vle ede fè Preval konfyans, pou mwen fok nou ta twouve yon antant pou nou gade l, se sa anpil moun nan lot peyi ki ta nan yon mèd konsa ta fè.

si nou pral komanse dechire ki moun ki pou prezidan alo la nou chire.

Preval prezidan deja, nan yon ka konsa nou ta dwe gadel pou 5 lane anko.

se pozisyon pam, paske pozisyon pam se pa pou al fè lajan ni nan leta ni na dwog, ni nan mache nwa.

Gen anpil nan ki komanse ap reflechi koman li pral fè pou pran enpe.

Pou revelasyon, komanse a 0 se ta mete wiclef prezidan

Sa Jilyen di a, gen anpil sans ak refleksyon.
Se avèk lide konsa pou nou apwoche pwoblèm jodya.

Chalotin gen bon lide tou.
Mesye, kontinye diskisyon an memjan.

Mwen ta ajoute janm te deja di'l.

Kom tout estrikti gouvènman an kraze: Pale nasyonal ak tout ministè epi tout bilding piblik, tout enfrastrikti sayo dwe rebati yon lot kote.
Pa lan Potoprens.

Si syèj gouvènman an deplase, Potoprens pral dekongestyone epi lap vini kapital komesyal.

Repiblik de Potoprens va kaba.

Avèk tout lajan ki ap reyini, li posib.
Brezil te konstwi Brazilia lan forè Amazon.

Article 134.1:
La durée du mandat présidentiel est de cinq (5) ans. Cette période commence et se terminera le 7 février suivant la date des élections.

Preval pa di ke se li pwal rete an plas apre fen manda'l. Antouka mwen panko tande misye di bagay konsa. Se nou ki ap anvizaje ki sa k pou ta fèt. An verite nou tro "konstitisyonis". Yon dokiman ki deja plen fay. Tout enformasyon itil se vre men se pa le moman pou nou ap pran poz jounalis ak kontitisyonalis.

Revelasyon, si pouvwa ak administrasyon desantralize se ap yon bon bagay. Se menm jan tou, fo ke envestisè ede nou tou lan projè enfrastrikti, se pou ankouraje moun sa yo al envesti lan lot vil yo pou tout main d'oeuvre pa konvèje ver Potoprens ankor.

O mwen senbolikman, Potoprens ki kraze a montre ke vil sa se yon gwo andikap li ye pou peyi a. Sa fè lontan m'ap pale pou yo ta deplase yon bann popilasyon.

Nou pa lan diktati, se nómal pou yon nonm rache manyók li lè manda'l fini men mwen te presize ''lan sikonstans eksepsyonèl''. Sa ke mwen trouve ki ensipótabl sè ke gen neg ki ap bouskile misye pou anyen depi 2 jou. Detoutfason, nou mal pati, espekilasyon ou pa, nou pran tout bon.